Tag: US

မတ် ၂၁၊ ၂၀၁၈
M-Media

– အမေရိကန်ပြည်ထောင်စု တက္ကဆက်ပြည်နယ်မြို့တော် အော်စတင်တွင် ပါဆယ်ဗုံးဖြင့် တိုက်ခိုက်မှု အနည်းဆုံး ၅ ကြိမ် ပြုလုပ်ခဲ့သည်ဟု သံသယရှိသူ အမျိုးသားကို ရဲတပ်ဖွဲ့က အသေ ဖမ်းဆီးရမိခဲ့သည်ဟု သိရသည်။

မတ်လ ၂ ရက်နေ့ကတည်းက ဆက်တိုက်ဆိုသလို ဖြစ်ပွားခဲ့သည့် ပါဆယ်ဗုံးခွဲမှုများအတွက် ရဲတပ်ဖွဲ့က အသက် ၂၄ နှစ်အရွယ် အဆိုပါ လူဖြူအမျိုးသားကို နောက်ယောက်ခံလိုက်ခဲ့ပြီး အော်စတင်မြို့ ဟိုတယ်တစ်ခုရှေ့တွင် ၎င်း၏ကားကို ယနေ့မနက်က တွေ့ရှိခဲ့သည်။

ရဲတပ်ဖွဲ့က နည်းပညာပိုင်းဆိုင်ရာ အဖွဲ့တစ်ခုကို စောင့်ဆိုင်းနေစဉ် သံသယရှိသူမှာ ကားမောင်းထွက်ပြေးသွားခဲ့ပြီး ရဲတပ်ဖွဲ့က ထပ်ကြပ်မကွာလိုက်ကာ ဖမ်းဆီးနိုင်ခဲ့သော်လည်း ၎င်းမှာ မိမိကိုယ်ကို ဗုံးခွဲကာ သတ်သေသွားခဲ့သည်။

အော်စတင်ရဲတပ်ဖွဲ့ အကြီးအကဲ ဘရိုင်ယန် မန်လေက အသေခံဗုံးခွဲမှုကြောင့် ရဲတပ်ဖွဲ့ဝင်တစ်ဦး ဒဏ်ရာရရှိခဲ့ပြီး အခြား ဗုံးကွဲမှုများ ရှိနိုင်သည်ဆိုသည့် သတင်းများကို ငြင်းဆိုခြင်း မပြုခဲ့ပေ။ သံသယရှိသူ၏ အမည်ကို ထုတ်ဖော်ပြောဆိုခြင်း မပြုပေ။

ထိုအမျိုးသားမှာ အော်စတင်မြို့အတွင်း ပါဆယ်ဗုံး အနည်းဆုံး ၅ ခုအထိ ခွဲခဲ့ပြီး လူ ၂ ဦးသေဆုံးကာ အများအပြား ဒဏ်ရာရရှိခဲ့သည်။ မည်သည့်အကြောင်းကြောင့် ထိုကဲ့သို့ ပြုလုပ်ခြင်းဆိုသည်ကို မသိရှိရသေးပေ။

အမေရိကန်သမ္မတ ဒေါ်နယ်ထရမ့်က သံသယရှိသူကို အသေဖမ်းဆီးနိုင်မှုအတွက် ရဲတပ်ဖွဲ့ကို ချီးကျူးခဲ့သည်။

Ref: Aljazeera

မတ် ၁၅၊ ၂၀၁၈
M-Media

– နိုင်ငံအတွင်းမှာ သေနတ်ကိုင်ဆောင်မှု ထိန်းချုပ်ရေးနဲ့ စာသင်ကျောင်းတွေ ဘေးအန္တရာယ်ကင်းရှင်းရေးအတွက် အမေရိကန်နိုင်ငံတစ်ဝှမ်းက ကျောင်းသူ၊ ကျောင်းသားတွေဟာ မနေ့က နယူးယောက်မြို့မှာ စုရုံးပြီး ဆန္ဒပြခဲ့ကြပါတယ်။

ဖလော်ရီဒါပြည်နယ်က Marjory Stoneman Douglas အထက်တန်းကျောင်းမှာ သေနတ်နဲ့ပစ်ခတ်မှု တစ်လတင်းတင်းပြည့်တဲ့နေ့မှာ ပြုလုပ်တဲ့ အဲဒီဆန္ဒပြမှုမှာ ထောင်နဲ့ချီတဲ့ ကျောင်းသားတွေ ပါဝင်ခဲ့ပြီး မိန့်ခွန်းတွေပြောတာ၊ သေနတ်ထိန်းချုပ်ရေး တိုက်တွန်းတဲ့ ပိုစတာတွေ ကိုင်ဆောင်လှည့်လည်တာတွေ လုပ်ဆောင်ခဲ့ပါတယ်။

ဒီလှုပ်ရှားမှုကို အမျိုးသမီးအဖွဲ့တစ်ခုဖြစ်တဲ့ Women’s March Youth Empower က စီစဉ်တာပါ။

နိုင်ငံတစ်ဝှမ်းက ကျောင်းတွေမှာလည်း ကျောင်းသားတွဟာ မနက် ၁၀ နာရီတိတိမှာ စာသင်ခန်းထဲကနေထွက်ကာ ၁၇ မိနစ်ကြာ အပြင်မှာ စုရုံးခဲ့ကြပြီး ဖလော်ရီဒါအထက်တန်းကျောင်းမှာ သေဆုံးသွားတဲ့ လူ ၁၇ ဦးကို ဂုဏ်ပြုတာလည်း ဖြစ်ပါတယ်။

ဒီပစ်ခတ်မှု ဖြစ်ပွားခဲ့ပြီးနောက်ပိုင်း သေနတ်ထိန်းချုပ်ရေးနဲ့ ဆောင်ရွက်ပေးဖို့ အမေရိကန်ပြည်သူတွေရဲ့ တောင်းဆိုမှုဟာ ပိုမိုကျယ်လောင်လာခဲ့ပါတယ်။

ကျောင်းသားတွေနဲ့ ဆရာတွေက ချေမှုန်းရေးရိုင်ဖယ် ကိုင်ဆောင်မှုကို ပိတ်ပင်ဖို့၊ သေနတ်ကိုင်ဆောင်သူတွေရဲ့ နောက်ကြောင်းရာဇ၀တ် စစ်ဆေးဖို့၊ အကြမ်းဖက်မယ့် အမူအကျင့် ပြသလာသူတွေဆီက သေနတ်သိမ်းယူနိုင်မယ့် ဥပေဒတစ်ခု ပြဌာန်းပေးဖို့ တောင်းဆိုခဲ့ကြပါတယ်။

“အတန်းထဲမှာ၊ ကျောင်းသွားတဲ့လမ်းမှာ သေနတ်ပစ်သတ်ခံရမလားဆိုတဲ့ စိုးရိမ်မှုတွေ မရှိတဲ့ ပတ်ဝန်းကျင်မျိုးမှာ သူတို့တွေဟာ ပညာသင်ယူနိုင်တာ၊ သင်ကြားနိုင်တာဟာ သူတို့အခွင့်အရေးပါ” လို့ Women’s March Youth Empower အဖွဲ့က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ဖလော်ရီဒါပြည်နယ်မှာ ကျောင်းသားတွေရဲ့ သေနတ်ထိန်းချုပ်ရေး ဆော်သြမှုဟာ အထိုက်အလျောက် အောင်မြင်ခဲ့ပြီး ပြည်နယ်အစိုးရက သေနတ်ဝယ်ယူရမယ့် အနိမ့်ဆုံးအသတ်ကို ၁၈ နှစ်ကနေ ၂၁ နှစ်အထိ တိုးမြှင့်ခဲ့ပါတယ်။

ထရမ့်အစိုးရကတော့ ဆီမီး အော်တိုမက်တစ် ရိုင်ဖယ်တွေကို ပြင်းအားကောင်းအောင် အဆင်မြှင့်ထားတဲ့ bump stock သေနတ်တွေကို ပိတ်ပင်မယ်လို့ မကြာသေးခင်က ကြေငြာခဲ့ပါတယ်။

Ref: Aljazeera

မတ် ၁၃၊ ၂၀၁၈
M-Media

– အမေရိကန်နိုင်ငံခြားရေးဝန်ကြီး ရက်စ် တီလာဆန်ကို သမ္မတ ဒေါ်နယ်ထရမ့်က ရာထူးမှ ထုတ်ပယ်လိုက်ပြီး စီအိုင်အေအကြီးအကဲ မိုက် ပွမ်ပီယိုကို အစားထိုးခန့်အပ်ခဲ့သည်ဟု သိရသည်။

“စီအိုင်အေဒါရိုက်တာ မိုက် ပွမ်ပီယိုအနေနဲ့ ကျွန်တော်တို့ရဲ့ နိုင်ငံခြားရေးဝန်ကြီးသစ် ဖြစ်လာမှာဖြစ်ပါတယ်။ သူဟာ ထူးခြားကောင်းမွန်အောင် ဆောင်ရွက်မှာပါ။ ရက်စ်တီလာဆန်ရဲ့ တာဝန်ထမ်းဆောင်မှုအတွက် ကျေး ဇူးတင်ပါတယ်” ဟု ထရမ့်က ယနေ့တွင် Twitter စာမျက်နှာ၌ ရေးသားခဲ့သည်။

ဝါရှင်တန်ပို့စ်သတင်းစာက ထရမ့်မှာ သောကြာနေ့ နှောင်းပိုင်းကတည်းက ရက်စ်တီလာဆန်အား ရာထူးမှ ဖယ်ရှားခဲ့ကြောင်း ပြောကြားခဲ့သည်ဟု ဖော်ပြခဲ့သည်။

အာဖရိကသို့ သွားရောက်နေသည့် တီလာဆန်မှာ ခရီးစဉ်ကို ပယ်ဖျက်ကာ ယမန်နေ့က ၀ါရှန်တန်ဒီစီသို့ ပြန်လည်ရောက်ရှိလာခဲ့ပြီး ထိုစဉ်ကတည်းက တီလာဆန်၏ အနာဂတ်နှင့်ပတ်သက်၍ ခန့်မှန်းပြောကြားမှုများ ထွက်ပေါ်ခဲ့သည်။

ထရမ့်က တီလာဆန်၏ ၁၄ လတာ ကာလအတွင်း ကြီးမားသည့် ဆောင်ရွက်မှုများကို ပြုလုပ်ခဲ့ကြောင်း၊ ၎င်းနှင့် ၎င်း၏မိသားစုအတွက် ဆုမွန်ကောင်းတောင်းပါကြောင်း ထည့်သွင်းရေးသားခဲ့သည်။

ထရမ့်၏ ယခုဆောင်ရွက်မှုမှာ အာဏာရပြီးကတည်းက အစိုးရအတွင်း တုန်လှုပ်ဖွယ်အကောင်းဆုံးလည်း ဖြစ်သည်။

အီရန်နှင့် နျူသဘောတူညီချက်ကိစ္စ၊ ကာတာအား ဆော်ဒီဦးဆောင်သည့်အဖွဲ့က အဆက်အသွယ်ဖြတ်တောက်မှု၊ မြောက်ကိုရီးယားပြဿနာတို့ အပါအ၀င် နိုင်ငံခြားရေးရာ ကိစ္စအများအပြား၌ ထရမ့်နှင့် တီလာဆန်တို့အကြား သဘောထားကွဲလွဲမှုများ ကျယ်ကျယ်ပြန့်ပြန့် ဖြစ်ပေါ်ခဲ့သည်။

ထရမ့်မှာ တီလာဆန်အား ရာထူးမှ ထုတ်ပယ်ရန်ရှိသည်ဟု ပြီးခဲ့သည့် အောက်တိုဘာလကတည်းက သတင်းထွက်ပေါ်ခဲ့သည်။

Ref: Aljazeera