ဧပြီ ၇၊ ၂၀၁၈
M-Media
– နိုင်ငံတစ်ချို့ကလူတွေကို ဗီဇာပိတ်တဲ့ အမေရိကန်သမ္မတ ဒေါ်နယ်ထရမ့်ရဲ့ အမိန့်ကြောင့် အမေရိကန်ကိုသွားရောက်ပြီး ကျောင်းတက်မယ့် မြန်မာကျောင်းသားတွေရဲ့ ဗီဇာကြေးဟာ နောက်တစ်ပတ်ကစပြီး ၄ ဆလောက် တက်သွားလိမ့်မယ်လို့ ရန်ကုန် အမေရိကန်သံရုံးက ပြောကြားလိုက်ပါတယ်။
Protecting the Nation from Foreign Terrorist Entry into the United States (အမေရိကန်သို့ နိုင်ငံခြားမှ အကြမ်းဖက်သမားများ ၀င်ရောက်ခွင့် တားဆီးမှု) ဆိုတဲ့ခေါင်းစဉ်နဲ့ ဥပဒေကဲ့သို့ အာဏာတည်သော အမိန့်အမှတ် ၁၃၇၈၀ ကို ထရမ့်က မတ်လ ၆ ရက်နေ့မှာ လက်မှတ်ရေးထိုးခဲ့ပြီး အဓိကအားဖြင့် နိုင်ငံ ၈ နိုင်ငံက လူတွေ ၀င်ရောက်မှုကို တားဆီးခဲ့တာပါ။
ဒါဟာ မွတ်စလင်တွေကို ပိတ်ပင်မှုဖြစ်တယ်လို့ ဝေဖန်သံတွေညံခဲ့ပြီး အမေရိကန် တရားရုံးတော်တော်များများကလည်း ဒီအမိန့်ကို မကျင့်သုံးဖို့ ဆုံးဖြတ်ခဲ့တာတွေ ရှိခဲ့ပါတယ်။
၈ နိုင်ငံလူတွေကို ဗီဇာတ်ပိတ်မှုအပြင် အခြားနိုင်ငံကတွေကလည်း အမေရိကန်ကို ၀င်ရောက်ဖို့ဆိုရင် ဗီဇာကြေးနဲ့ နေထိုင်ခွင့်ရမယ့် ကာလတွေအတွက် အပြန်အလှန် သဘောတူညီချက်တွေ ရယူရမှာ ဖြစ်ပါတယ်။
ဧပြီလ ၉ ရက်နေ့က စတင် အာဏာသက်ရောက်မယ့် ဒီဥပဒေကြောင့် မြန်မာကျောင်းသားတွေ ပေးရမယ့် အမေရိကန်ဗီဇာကြေးဟာ ၄ နှစ်တာ စာသင်နှစ်အတွက် ဒေါ်လာ ၁၆၀ ကနေ ဒေါ်လာ ၆၀၀ ဒါမှမဟုတ် ဒေါ်လာ ၆၄၀ ကနေ ၂၄၀၀ လောက်အထိ တက်သွားမှာ ဖြစ်ပါတယ်။
ဒီလို ဈေးတက်မှုအတွက် မြန်မာကျောင်းသား တော်တော်များများက ဝေဖန်လိုက်ပြီး ဒါဟာ အရင်ကတည်းက အခက်အခဲဖြစ်နေတဲ့လူတွေကို ပိုပြီး ၀န်ထုပ်ဝန်ပိုးဖြစ်စေတယ်လို့ ပြောကြားခဲ့ပါတယ်။
“အမေရိကန်ဟာ မြန်မာအစိုးရနဲ့ နိုင်ငံခြားအလုပ်သမားတွေကို မကြိုက်ဘူးဆိုတာ ကျွန်တော်သိပါတယ်။ ဒါပေမယ့် ကျောင်းသားတွေကို ဘာ့ကြောင့် ပစ်မှတ်ထားလဲဆိုတာကို နားမလည်ပါဘူး။ အမေရိကန်မှာရှိနေတဲ့ နိုင်ငံတကာက ကျောင်းသားတွေအတွက် နိုင်ငံရပ်ခြားကို သွားရောက်ပြီး ပညာသင်ကြားရတယ် ဆိုကတည်းက ရုပ်ပိုင်းဆိုင်ရာ၊ စိတ်ပိုင်းဆိုင်ရာတွေကို ကြံ့ကြံ့ခံပြီး ပိုက်ဆံအများကြီးသုံးရတာမျိုးပါ” လို့ Bucknell တက္ကသိုလ်မှာ ပညာသင်ကြားနေတဲ့ မြန်မာကျောင်းသား ၀ီလီယံကျော်က ဒီကိစ္စနဲ့ပတ်သက်လို့ Facebook စာမျက်နှာမှာ ရေးသားခဲ့ပါတယ်။
ရန်ကုန်မြန်မာသံရုံးက ထုတ်ပြန်တဲ့ ကြေငြာချက်မှာ ဒီလို ဗီဇာကြေး မြင့်တက်မှုဟာ မြန်မာနိုင်ငံတစ်နိုင်ငံတည်းသာမဟုတ်ဘဲ အခြားနိုင်ငံတွေအတွက်လည်း အမေရိကန်အစိုးရက တစ်ပြေးညီသတ်မှတ်ထားတာဖြစ်တယ်လို့ ဖော်ပြထားပါတယ်။
ကြေငြာချက်မှာ ထရမ့်ရဲ့ ဘယ်အမိန့်ကို အခြေခံပြီး ဒီလို ဗီဇာကြေး မြှင့်လိုက်တယ်ဆိုတာနဲ့ နိုင်ငံအချို့ကို ဗီဇာပိတ်တဲ့ အမိန့်နဲ့ အတူတူပဲလားဆိုတာတွေကိုတော့ ဖော်ပြခြင်း မရှိပါဘူး။
Ref: coconuts yangon
