News @ M-Media

Tag: World_Masjid

  • အမိုးခုံးအား ရွှေသားအစစ်ဖြင့် တည်ဆောက်ထားသည့် ဘရူနိုင်းက ဗလီဝတ်ကျောင်း

    သြဂုတ် ၊ ၂ ရက်၊ ၂၀၁၃
    M-Media
    ရှာဖွေတင်ဆက်သူ- ကိုလေး

    Sultan Omar Ali Saifuddin Mosque

    ဗလီဝတ်ကျောင်းတော်အမည် – ဆူလ်တန် အိုမာအလီဆိုက်ဖူဒီယန်
    တည်နေရာ – ဘရူးနိုင်းဒါရူဆလာမ်၊ ဘန်ဒါဆရီဘဂ်ဝန်မြို့
    တည်ဆောက်ပြီးစီးသည့်ခုနှစ် – ၁၉၅၈
    ဗိသုကာလက်ရာ – မွန်ဂိုနှင့် အီတလီ ဗိသုကာလက်ရာ

    ဆူလ်တန် အိုမာအလီဆိုက် ဖူဒီယန် ဗလီဝတ်ကျောင်းတော်သည် ဘရူးနိုင်း ဒါရူဆလာမ်နိုင်ငံ ဘန်ဒါဆရီ ဘဂ်ဝန်မြို့တော်တွင် တည်ရှိသော တော်ဝင်ဗလီဝတ်ကျောင်းတော်ဖြစ်သည်။ အာရှပစိဖိတ်ဒေသရှိ အလှပဆုံး ဗလီဝတ်ကျောင်းတော်များထဲမှ တစ်လုံးဟု သတ်မှတ်ထားပြီး ဘရူးနိုင်းနိုင်ငံ၏ အထင်ကရ အမှတ်တံဆိပ် တစ်ခုဖြစ်ကာ ကမ္ဘာလှည့်ခရီးသွားများကို ဆွဲဆောင်နိုင်သော နေရာလည်းဖြစ်သည်။

    ၂၈ ဆက်မြောက် ဘရူးနိုင်းဘုရင် ဆူလ်တန် အိုမာအလီဆိုက်ဖူဒီယန် ၃ ၏ အမည်အား မှည့်ခေါ်ထားခြင်းဖြစ်သည်။ ထို ဗလီဝတ်ကျောင်းတော်သည် ဘရူးနိုင်းနိုင်ငံရှိ အစ္စလာမ်အယူဝါဒ ထွန်းကားမှုကို ဖော်ပြနေပြီး ဘန်ဒါဆရီဘဂ်ဝန် မြို့၏ပုံရိပ်အား ထင်ရှားစေသည်။ ထိုဗလီဝတ်ကျောင်းတော်အား ၁၉၅၈ ခုနှစ်တွင် တည်ဆောက်ပြီးစီးခဲ့ပြီး ခေတ်သစ်အစ္စလာမ့် ဗိသုကာ လက်ရာများ၏ နမူနာတစ်ခုဖြစ်လေသည်။

    mosque-in-brunei-sultan-omar-ali-saifuddin-mosque-9

    ထိုဗလီဝတ်ကျောင်းတော်မှာ မွန်ဂို ဗိသုကာလက်ရာနှင့် အီတလီပုံစံများဖြင့်ပေါင်းစပ် တည်ဆောက်ထားခြင်းဖြစ်သည်။ ထိုင်းပင်လယ်ကွေ့ဒေသများတွင် ဆယ်စုနှစ်ပေါင်းများစွာ လုပ်ကိုင်ခဲ့သည့် အီတလီလူမျိုး ဗိသုကာ ပညာရှင် ကာဗာလီရီ ရူဒိုလ်ဖို နိုလ်လီ(Cavaliere Rudolfo Nolli) မှ ဒီဇိုင်းထုတ်ပေးထားပြီး Booty and Edwards Chartered Architects ဗိသုကာ ကုမ္ပဏီမှ တည်ဆောက်ခဲ့ခြင်းဖြစ်သည်။

    ထိုဗလီဝတ်ကျောင်းတော်ကို ဘရူးနိုင်းမြစ်ကမ်းရှိ ဧရာရွာ(Kampong Ayer) တွင် ဖန်တီးထားသည့် လူလုပ်ရေကန်ကြီးထဲတွင် တည်ဆောက်ထားပြီး ရေပေါ်ဗလီဝတ်ကျောင်းတော် ဟူ၍လည်း အမည်တွင်သည်။ စကျင်ကျောက်ဖြင့်တည်ဆောက်ထားသည့် မင်နာရာ(၀တ်ပြုရန် ဖိတ်ခေါ်သံ ဟစ်ကြွေးသည့်မျှော်စင်) ရှိပြီး ရွှေရောင် အမိုးခုံး၊ လှပသည့် ရေပန်းများနှင့်တကွ စိမ်းလမ်းစိုပြည်သည့် ပန်းခြံတစ်ခုကိုလည်း ထည့်သွင်းတည်ဆောက်ထားသည်။ ဗလီဝတ်ကျောင်းတော်အား အစ္စလာမ်သာသနာမှ ရည်ညွှန်းဖော်ပြသည့် နိဗ္ဗာန်ဘုံကဲ့သို့ သစ်ပင်ပန်းမာလာမျိုးစုံပါဝင်သည့် ပန်းခြံကြီးများဖြင့် ၀န်ရံထားသည်။

    mosque-in-brunei-sultan-omar-ali-saifuddin-mosque

    ဗလီဝတ်ကျောင်းတော်တည်ရှိရာ ရေကန်ကြီးမှ ဧရာရွာသို့ ရောက်ရှိနိုင်သည့် တံတားတစ်ခုရှိကာ ထိုရေကန်ကြီးထဲတွင် ၁၆ ရာစု ဘရူးနိုင်းဘုရင် ဆူလ်တန် ဘိုလ်ကိုင်ယာ အသုံးပြုခဲ့သည့် ဖော်တော်နှင့်တစ်ထေရာတည်းတူသည့် ပုံတူဖောင်တော်တစ်ခုကိုလည်းတည်ဆောက်ထားသည်။ ဗလီဝတ်ကျောင်းတော်မှ ထိုဖောင်တော်သို့တိုက်ရိုက်သွားရောက်နိုင်ရန် စကျင်ကျောက်ဖြင့်ပြုလုပ်ထားသည့် တံတားတစ်ခုလည်း ပါဝင်သည်။ ထိုဖောင်တော်အား ကုရ်အာန်ကျမ်းတော်မြတ်ကျရောက်သည့် နှစ် ၁၄၀၀ပြည့် အထိမ်းအမှတ် အခမ်းအနားကျင်းပရန် ရည်ရွယ်တည်ဆောက်ခဲ့ပြီး ၁၉၆၇ ခုနှစ်တွင် တည်ဆောက်ပြီးစီးခဲ့သည်။ ထိုဖောင်တော်တွင် ကုရ်အာန်ကျမ်းတော်မြတ် ဖတ်ရွတ်သရဇ္ဈာယ်မှု ပြိုင်ပွဲများကိုလည်း ကျင်းပလေ့ရှိသည်။

    roofထိုဗလီဝတ်ကျောင်းတော်၏ အထင်ကရ အမှတ်အသားတစ်ခုမှာ အမိုးခုံးဖြစ်ပြီး ထိုအမိုးခုံးအား ရွှေသားအစစ်ဖြင့် တည်ဆောက်ထားသည်။ ၅၂ မီတာ (၁၇၁ ပေ) အမြင့်ရှိသည့် ထိုဗလီဝတ်ကျောင်းတော်ကို ဘန်ဒါဆရီဘဂ်ဝန်မြို့၏ မည်သည့်နေရာမှမဆို တွေ့မြင်နိုင်သည်။
    မင်နာရာမျှော်စင်မှာ ဗလီဝတ်ကျောင်းတော်ထက် ပိုမိုမြင့်မားပြီး အတွင်းတွင် ဓာတ်လှေကားတစ်စင်းကို ထည့်သွင်းတည်ဆောက်ထားကာ ထိုမင်နာရာအပေါ်မှ ဘန်ဒါဆရီဘဂ်ဝန်မြို့၏ လှပသော ရှုခင်းကိုကြည့်ရှုခံစားနိုင်သည်။

    ဗလီဝတ်ကျောင်းတော်၏ အတွင်းပိုင်းမှာ ၀တ်ပြုဆုတောင်းရန်အတွက်သာဖြစ်ပြီး၊ မှတ်ပြူတင်းပေါက်များ၊ အမိုးခုံးငယ်များနှင့် စကျင်တိုင်များပါဝင်သည်။ ဗလီဝတ်ကျောင်းတော် ဆောက်လုပ်ရာတွင် အသုံးပြုသည့် ကုန်ကြမ်းပစ္စည်းများကို နိုင်ငံရပ်ခြားမှ တင်သွင်းအသုံးပြုခြင်းဖြစ်သည်။ စကျင်ကျောက်ကို အီတီလီနိုင်ငံမှ၊ နှမ်းဖတ်ကျောက်ကို ရှန်ဟိုင်းမှ၊ ခရစ်စတယ် မီးဆိုင်းများကို အင်္ဂလန်နှင့် ဗလီဝတ်ကျောင်းတော်အတွင်း ခင်းကျင်းထားသည့် ကော်ဇောများကို ဆော်ဒီအာရေဗျနိုင်ငံများမှတင်သွင်းပြီး စုစုပေါင်း ကန်ဒေါ်လာ ၇ သန်းမှ ၉ သန်းခန့် ကုန်ကျခဲ့သည်။

    ဘရူးနိုင်းနိုင်ငံ၏ အမှတ်တံဆိပ်ဖြစ်သော အိုမာအလီဆိုက်ဖူဒီယန်ဗလီဝတ်ကျောင်းတော်မှာ ဘရူးနိုင်းမွတ်စလင်များအတွက် ၀တ်ပြုဆုတောင်းရာ နေရာတစ်ခုလည်းဖြစ်လေသည်။

  • အမေရိကန်တွင် မြန်မာမွတ်စလင် ဗလီဝတ်ကျောင်းတော် ဆောက်လုပ်ရေး လုပ်ငန်း စတင်

    အမေရိကန်တွင် မြန်မာမွတ်စလင် ဗလီဝတ်ကျောင်းတော် ဆောက်လုပ်ရေး လုပ်ငန်း စတင်

    နိုဝင်ဘာ၊ ၄ ၊ ၂၀၁၂
    M-Media
    သတင်း- နေစိုင်း

    အမေရိကန်နိုင်ငံ ဖို့ဝိုန်းမြို့တွင် မြန်မာမွတ်စလင်များမှ ပထမဆုံး တည်ဆောက်မည့် ဗလီဝတ်ကျောင်းတော်အား စတင်တည်ဆောက်နေပြီဖြစ် ကြောင်း ယင်းဗလီဝတ်ကျောင်းတော် တည်ဆောက်ရေးအား ကမကထပြု ဆောင်ရွက်နေသည့် ဘီအမ်အီးစီစီ ခေါ် မြန်မာမွတ်စလင်ပညာရေးနှင့် ကော်မြူနတီစင်တာမှတဆင့် သိရှိရပါသည်။

    ဗလီဝတ်ကျောင်းတော်ပုံစံအကြမ်း

    ဖို့ဝိုန်းမြို့တွင် အိမ်တန်းလျား သုံးခု၌ ဆွလ္လာသ်ဝတ်ပြုရန်အတွက် အခန်းများငှားရမ်းထားကြသော်လည်း ဖို့ဝိုန်းမြို့သို့ ပြောင်းရွေ့လာသည့် မြန်မာမွတ်စလင်ဦးရေ တိုးပွားလာနေသည့်အတွက် ဗလီဝတ် ကျောင်းတော်တစ်ဆောင် တည်ဆောက်ရန် ကြိုးပမ်းဆောင်ရွက်နေကြခြင်းဖြစ်သည်။ ခရစ်ယာန်ဘုရားရှင့်ခိုးကျောင်း အများအပြား ရှိသောကြောင့် ဖိုဝိုန်းမြို့အား ချက်ခ်ျကျောင်းမြို့တော်ဟု တင်စားခေါ်ဝေါ်ကြပြီး အစ္စလာမ်မစ်စင်တာ၊ လဂဒိုးဗလီ ခေါ် ပါကစ္စတန်ဗလီနှင့် ဘောစနီးယားဗလီများရှိသည်။ ဖို့ဝိုန်းမြို့သို့ရောက်ရှိလာသည့် ဗုဒ္ဓဘာသာဝင် မြန်မာအသိုင်းအဝိုင်းတွင်လည်း ဘုန်းကြီးကျောင်းလေးကျောင်းရှိပြီဟုလည်း သိရပါသည်။

    ဗလီဝတ်ကျောင်းတော် တည်ဆောက်ရန် ၂၀၁၁ ခုနှစ်တွင် လေးဧကနီးပါး အကျယ်အဝန်းရှိသည့် မြေနေရာအား ဝယ်ယူကာ ဗလီမြေသန့်ရှင်းရေးအား ပြုလုပ်ခဲ့ကြသည်။ ဗလီဝတ်ကျောင်းတော်အား အပိုင်းလေးပိုင်း ပိုင်းခြားကာ တည်ဆောက် သွားမည်ဖြစ်ကြောင်းနှင့် ယင်းဗလီဝတ်ကျောင်းတော်နှင့်အတူ အမျိုးသမီးဆောင်နှင့် စာသင်ဆောင်များအားလည်း ပူးတွဲ တည်ဆောက်သွားမည်ဖြစ်ကြောင်း သိရပါသည်။

    “အမြန်ဆုံးဆွလ္လာသ် ဝတ်ပြုနိုင်ဖို့အတွက် အခုလောလောဆယ်တော့ ဗလီရဲ့ မျက်နှာစာအခြမ်းကို အရင်ဆောင်မယ်။ ဝူဇူခန်း (ကိုယ်လက်သန့်စင် ဆေးကြောခန်း) နှစ်ခန်းကိုလည်း တခါတည်းဆောက်လိုက်မယ်။ ပထမ အပိုင်းပြီးရင်တော့ စုစုပေါင်း ၁၅၀ ကျော်လောက် ဆွလ္လာသ် ဝတ်ပြုနိုင်လိမ့်မယ်။ နောက်မှကျန်တဲ့ အပိုင်းတွေကို တိုးချဲ့သွားဖို့စီစဉ်ထားတယ်။”ဟု ဘီအမ်အီးစီစီ၏ ဒါရိုက်တာအဖွဲ့ဝင်တစ်ဦးဖြစ်သူ ဟာဂျီယူနွတ် မှပြောသည်။

    ပထမတည်ဆောက်မည့် အပိုင်းအတွက် အမေရိကန်ဒေါ်လာ လေးသိန်းကျော် ကုန်ကျမည်ဟု ခန့်မှန်းထားပြီး ဆောက်လုပ်ရေးလုပ်ငန်းစီမံချက်သည် ငွေကြေးကောက်ခံရရှိမှုအပေါ် မူတည်နေသောကြောင့် တည်ဆောက်ပြီးစီးနိုင်မည့် နေ့ရက်အတိအကျအား မသိရသေးပေ။

    ၂၀၁၂ ခုနှစ် အောက်တိုဘာလာ ၂၈ရက်နေ့က ဆောက်လုပ်ရေးစတင်ရန် အမေရိကန်ရောက် မြန်မာမွတ်စလင်များ စုပေါင်းဒိုအာပြုစဉ်

    “မြန်မာမွတ်စလင်တွေဆောက်တယ်ဆိုတော့ အလှူငွေတွေကိုလည်း မြန်မာမွတ်စလင်တွေဆီကဘဲ အဓိကထားကောက်တယ်။ ဖို့ဝိုန်းမြို့တင်မကဘူး တခြားမြို့… တခြားနိုင်ငံမှာနေကြတဲ့ မြန်မာမွတ်စလင်တွေကလည်း အလှူငွေထည့်ကြတယ်။ ဗလီက မွတ်စလင်တိုင်း အတွက်ဖြစ်တယ်ဆိုတော့ မြန်မာမွတ်စလင်မဟုတ်ဘဲ  အလှူငွေထည့်ဝင်နိုင်အောင် စီစဉ်ဆောင်ရွက်နေပါ။ လောလောဆယ်တော့ ပထမဆောက်မယ့် အပိုင်းအတွက် သုံးပုံ တစ်ပုံနီးပါးလောက် ကောက်ခံရရှိပြီးပါပြီ။” ဟု ဘဏ္ဍာရေးမှူး ကိုမြတ်ကိုမှ ရှင်းပြပါသည်။

    အခြားအရပ်ဒေသများတွင် နေထိုင်ကြသည့် အလှူရှင်များအနေဖြင့် အလှူငွေများထည့်ဝင်လိုပါက ဘီအမ်အီးစီစီ၏ အင်တာနက် စာမျက်နှာမှလည်းကောင်း၊ စာတိုက်မှတဆင့်လည်းကောင်း၊ ဘဏ်ငွေလွှဲစနစ်ဖြင့်လည်းကောင်း၊ တဆင့်ခံငွေလွှဲစနစ်ဖြင့်လည်းကောင်း ထည့်ဝင် လှူဒါန်းနိုင်ကြောင်းသိရပါသည်။

    ယင်းဗလီဝတ်ကျောင်းတော် တည်ဆောက်ရေး စီမံကိန်းအား ကမကထပြုဆောင်ရွက်နေသည့် မြန်မာမွတ်စလင် ပညာရေးနှင့် ကော်မြူနတီ စင်တာသည် ၂၀၁၀ ခုနှစ်တွင် ဘာသာရေးကို အခြေခံသည့် လူမှုအသိုင်းအဝိုင်း အဖွဲ့အစည်းအဖြစ် အမေရိကန်နိုင်ငံတွင် တရားဝင် မှတ်ပုံတင်ထားသော အဖွဲ့အစည်းဖြစ်ပါသည်။

    အဖွဲ့အစည်း၏ အခြေခံစည်းမျဉ်းများအရ ပြီးခဲ့သည့် စက်တင်ဘာလ ၂ ရက်နေ့တွင့် ရှေ့လာမည့် သက်တန်းနှစ်နှစ်အတွက် ဆက်လက် တာဝန်ထမ်းဆောင်ကြရန် ဒါရိုက်တာဘုတ်အဖွဲ့ဝင် ၁၅ ဦးအား မိသားစု ၂၀၅ စု၏ မိသားစုဝင်များမှ လှို့ဝှက်မဲပေးစနစ်ဖြင့် ရွေးချယ် တင်မြှောက်ခဲ့ကြောင်း ရွေးကောက်ပွဲဖြစ်မြောက်ရေး ကော်မရှင်မှထုတ်ပြန်ထားသည့် သတင်းကြေငြာချက်အရ သိရှိရပါသည်။ ၎င်းတို့ ၁၅ ဦးအတွင်း လူကြီးလူငယ်၊အမျိုးသား ၊ အမျိုးသမီးများအပါအဝင် အာလင် ပညာရှင်များနှင့် ခေတ်ပညာတတ်များလည်း ပါဝင်ကြောင်းသိရပါသည်။

    “ကျနော်တို့ရဲ့ ဒါရိုက်တာအဖွဲ့အတွင်းမှာ အလုပ်အမှုဆောင်ကော်မတီ၊ ဘဏ္ဍာရေးကော်မတီ၊ ဘဏ္ဍာငွေရှာဖွေရေးကော်မတီနဲ့ ဗလီဆောက်လုပ်ရေး အလုပ်အမှုဆောင်အဖွဲ့ ဆိုပြီး ကော်မတီတွေဖွဲ့စည်းပြီး စနစ်တကျ လုပ်ကိုင်ဆောင်ရွက်နေပါတယ်။” ဟု အဖွဲ့အစည်း ဥက္ကဌဖြစ်သူ ဦးခင်မောင်ချိုမှ ပြောပါသည်။ “လုပ်ငန်းစီမံချက်က ကြီးတယ်ဆိုတော့ ကျနော်တို့အနေနဲ့ အချိန်ယူပြီး ညှိညှိနှိုင်းနှိုင်း တိုင်တိုင်ပင်ပင်လုပ်နေကြပါတယ်။” ဟု ဦးခင်မောင်ချိုမှ ဖြည့်စွက်ပြောဆိုခဲ့ပါသည်။

    ဘီအမ်အီးစီစီသည် မစ္စဂျေဒေ နူရ်ွအစ္စလာမ် ခေါ် အစ္စလာမ့် ဂုဏ်ရောင်ဗလီဝတ် ကျောင်းတော်ဟုအမည်ခေါ်တွင်စေမည့် ဗလီဝတ်ကျောင်းတော် တည်ဆောက်ရေးလုပ်ငန်းနှင့် ဘာသာရေး၊ လူမှုဝန်ဆောင်ရေး လုပ်ငန်းများအား လုပ်ဆောင်နေကြောင်းသိရပါသည်။ အသေးစိတ် အချက်အလက်များအား အဖွဲ့အစည်း၏ အင်တာနာ စာမျက်နှာ www.bmeccfw.org နှင့် www.facebook.com/bmeccfw မှတဆင့်ကြည့်ရှုနိုင်ပါသည်။

    ဗလီဝတ်ကျောင်းတော်၏ အခြေခံအုတ်မြစ် တည်ဆောက်ရာတွင် မွတ်စလင်အများ ကိုယ်တိုင်ကိုယ်ကျ ပါဝင်နိုင်ရန်အတွက် နိုဝင်ဘာလ ၁၇ ရက်နေ့ နံနက် ၁၁ နာရီတွင် စီစဉ်ထားကြောင်းနှင့် မွတ်စလင်တိုင်း လာရောက်ပါဝင်နိုင်ရန် ဖိတ်ကြားထားကြောင်း သိရှိရပါသည်။

    ဗလီဝတ်ကျောင်း အခြေခံအုတ်မြစ်ချပွဲ ဖီတ်ကြားလွှာ
  • အိန္ဒိယနိုင်ငံတွင် ပထမဆုံး မှန်ဖြင့် တည်ဆောက်ထားသော ဗလီ  ဖွင့်လှစ်

    အိန္ဒိယနိုင်ငံတွင် ပထမဆုံး မှန်ဖြင့် တည်ဆောက်ထားသော ဗလီ ဖွင့်လှစ်

    အောက်တိုဘာ၊ ၂၀ ၊ ၂၀၁၂
    M-Media
    Source: OnIslam

    ဗလီကြီး၏ နေ့ဘက်အလှ

    အိန္ဒိယနိုင်ငံ Meghalaya မြောက်ပိုင်းဒေသမှာ မှန်နှင့် တည်ဆောက်ထားတဲ့ ဗလီ တစ်လုံးကို ဖွင့်လှစ်လိုက်ပါတယ်။ အဆိုပါဗလီဝတ်ကျောင်းတော်ဟာ မြောက်ပိုင်း မဟာလယာပြည်နယ်ရဲ့ အကြီးဆုံးဗလီ ဖြစ်သွားပါပြီ။  အဲဒီဗလီကို အံ့သြ ချီးမွမ်းဖွယ်ကောင်းလောက်တဲ့ စွဲဆောင်မှုရှိတဲ့ ဗလီဝတ်ကျောင်းတော်ဟာ ရာပေါင်း များစွာသော ကမ္ဘာလှည့်ခရီးသည်တွေကို စွဲဆောင်နိုင်လိမ့်မယ်လို့ မျှော်လင့်ရပါတယ်။

    ဒီဗလီကြီးပာာ ဘာသာပေါင်းစုံ စုစည်းညီညတ်မှု ရဲ့အမှတ်အသား ဖြစ်လာမယ်” လို့ လူနည်းစုရေးရာ ပြည်ထောင်စုဝန်ကြီး H Pala က Times of India သတင်းစာကိုပြောပါတယ်။ ဗလီကြီးရဲ့ ခမ်းနားမှုနှင့် စိတ်ငြိမ်းချမ်းမှုကို ပေးစေနိုင်မှုကိုလည်း Pala က မီးမောင်း ထိုးပြသွားပါတယ်။
    ဗလီကြီးက မဒီနာဗလီ လို့ အမည်ရပြီး Meghalaya ပြည်နယ်ရဲ့ မြို့တော် SHillong မြို့မှာ ဆောက်လုပ်ထားပါတယ်။

    Umshyrpi မြစ်ကမ်းတစ်လျှောက်မှာဆောက်လုပ်ထားတဲ့ အဆိုပါ ဗလီကြီးဟာ ၄ထပ်ရှိပြီး အမြင့်ပေ ၁၂၀ ရှိတဲ့အပြင် အောက်ခြေအကျယ်အ၀န်းက ၆၁ ပေကျယ်ပါတယ်။ ဒီဗလီဟာ Meghalaya ပြည်နယ်ရဲ့ မြို့တော်ဖြစ်တော်ဖြစ်တဲ့ Shillong  မြို့မှာ တည်ဆောက်ထားခြင်းဖြစ်ပြီး အိန္ဒိယ နိုင်ငံမှာ ပထမဆုံးသော မှန်နဲ့ တည်ဆောက်ထားတဲ့ ဗလီပဲဖြစ်ပါတယ်။

    ညဘက်အချိန်တွေမှာ ဗလီကြီးရဲ့ ဖန်သားတွေက ဖိတ်ဖိတ်တောက် ၀င်းလက် တောက်ပလာတတ်တယ်။ အဲဒီနယ်တစ်ဝိုက်မှာ အကြီးဆုံးဗလီဖြစ်တဲ့ ပေ ၁၂၀ မြင့်တဲ့  မဒီနာ ဗလီကြီးမှာ အမျိုးသမီးတွေကို ၀တ်ပြုဖို့ ခွင့်ပြုထားသလို မိဘမဲ့ဂေဟာကိုလဲ ထားရှိပေးထားပါတယ်။

    ဗလီကြိး၏ ညဘက် မီးရောင်များတွင် လှပနေပုံ

    ဒီဗလီကြီးထဲမှာ ဘာသာရေးဋ္ဌာန(Institution)တစ်ခုလည်း ပါဝင်မှာဖြစ်ပြီး အစ္စလာမ်နည်းကျ သင်ကြားမှာ ဖြစ်ပါတယ်။ စာကြည့်တိုက်မှာတော့ ဘာသာပေါင်းစုံကို နှိုင်းယှဉ်လေ့လာ နိုင်မယ့် စာအုပ်မျိုးစုံ ထားရှိမှာပါ။

    ဖွင့်ပွဲ အခမ်းအနား တက်ရောက်ခဲ့တဲ့ Shillong Muslim Union ရဲ့ ဥက္ကဌ ဖြစ်သူ ဥပဒေပြုအမတ်တယောက်ဖြစ်တဲ့ Syeedullah Nongrong  က “ဗလီကြီးဟာ ကမ္ဘာ့ခရီးသွားတွေကို ဆွဲဆောင်နိုင်လိမ့်မယ်” လို့ ပြောကြားချီးမွမ်းသွားပါတယ်။

    အိန္ဒိယလူဦးရေ သန်း (၁၁၀၀) တွင် မွတ်စလင်မ်ဦးရေ သန်းပေါင်း ၁၆၀ ရှိတဲ့ အိန္ဒိယဟာ အင်ဒိုနီးရှားနဲ့ ပါကစ္စတန်ပြီးရင် ကမ္ဘာ့တတိယ မွတ်စလင်မ် အများဆုံးရှိတဲ့ နိုင်ငံဖြစ်ပါတယ်။

    အိန္ဒိယ မွတ်စလင်မ်တွေဟာ ဆယ်စုနှစ်ပေါင်းများစွာ လူမှုရေးနဲ့ စီးပွါးရေးဆိုင်ရာ ဖိနှိပ်ချုပ်ချယ်မှုတွေ၊ လျစ်လျူရှုမှုတွေနဲ့ အတော်လေး ခံစားခဲ့ရပါတယ်။ သူတို့ကို စီးပွါးရေးလုပ်ငန်းခွင်တွေမှာ နေရာမပေးဘဲဆက်ဆံခံရခြင်း၊ ပညာရေး အဆင့်နိမ့်ပါးစေခြင်းတို့ကြောင့် အလုပ်လက်မဲ့ဦးရေ မြင့်မားလာရခြင်းတို့ကို ရင်ဆိုင်နေရပါကြောင်း သိရပါတယ်။

  • ပြင်သစ်နိုင်ငံ ပဲရစ်မြို့ဆင်ခြေဖုံးတွင် ခေတ်မီ လှပသော ဗလီဝတ်ကျောင်းတော် အသစ်ဖွင့်လှစ်

    ပြင်သစ်နိုင်ငံ ပဲရစ်မြို့ဆင်ခြေဖုံးတွင် ခေတ်မီ လှပသော ဗလီဝတ်ကျောင်းတော် အသစ်ဖွင့်လှစ်

    Green-domed Mosque

    ပဲရစ်မြို့၏ ဆင်ခြေဖုံးရပ်ကွက် တစ်ခုဖြစ်သော ဆျာဂျီ(Cergy)အရပ်တွင် ခေတ်မီလှပ၍ အနုပညာလက်ရာမြောက်သော အစိမ်းရောင် ဗလီဝတ်ကျောင်းတော် အသစ်ကို ၂၀၁၂ခုနှစ် ဇူလိုင်လ (၆) ရက်နေ့တွင် ဖွင့်လှစ်ခဲ့ပါသည်။

    စတုရန်းမီတာ (၂၀၀၀) ကျယ်ဝန်းကာ လူပေါင်း ၁၅၀၀ ကျော် ၀တ်ပြုနိုင်သော ၀တ်ကျောင်းတော်အသစ်ကို ယူရိုငွေ သန်း ၃.၇၅ အကုန်အကျခံကာ တည်ဆောက်ခဲ့ ခြင်းဖြစ်သည်။ ဆျာဂျီမွတ်စလင်မ် အဖွဲ့အစည်းမှ ချေးငွေ ၂.၂ သန်း ၏ တစ်ဝက်မျှကို အာမခံပေးခြင်းဖြင့်လည်းကောင်း၊ ၀တ်ကျောင်းတော်အတွက် မြေနေရာကိုလည်း နှစ်ပေါင်း ၉၉ နှစ်ကြာအတွက် အနည်းငယ်သော ပမာဏဖြင့် ငှားရမ်းခြင်း ဖြင့်လည်းကောင်း၊ ဆျာဂျီမြို့ရှိ ဒေသခံများသည် အားသွန်ခွန်စိုက် ကူညီ ကြိုးပမ်းခဲ့ပါသည်။

    “ပြင်သစ် အစ္စလာမ်လူမှု အဖွဲ့အစည်းတစ်ရပ်ကို တဖြည်းဖြည်း ဖွံ့ဖြိုးစည်ပင်လာအောင် တည်ဆောက် ဖို့က ကျွန်တော်တို့ အားလုံးရဲ့တာဝန်ပါပဲ။ ကျွန်တော်တို့ တိုင်းပြည်အတွက် အခြေခံ အုတ်မြစ်တစ်ခုလည်း ဖြစ်ပါတယ်။ ” ဟု ၀တ်ကျောင်းတော် ဖွင့်လှစ်ပွဲ အခမ်းအနားသို့ တက်ရောက်ခဲ့သူ ပြည်ထဲရေး ၀န်ကြီး မန်နျူရယ် ဗားလ်(စ)(Manuel Valls) က ပြောကြားခဲ့ပါသည်။

    ၎င်းအနေနှင့် မွတ်စလင်မ် များ အတွက် လူဝင်မှု ကြီးကြပ်ရေး ကိစ္စ နှင့် ပတ်သက်၍ တင်းကြပ်သော အနေအထားမျိုးရှိ သော်လည်း သူသည် မွတ်စလင်မ်များ၏ ရန်သူမဟုတ်ကြောင်းကို သက်သေပြလိုသည် ဟု လေ့လာဆန်းစစ်သူများက ဆိုကြပါသည်။ “ယခုကဲ့သို့ ဖွင့်လှစ်နိုင်ခဲ့ခြင်းသည် မွတ်စလင်မ် ထုအတွင်း စည်းလုံးညီညွတ်မှု နှင့် လူထုစိတ်ဓာတ်၊ နိုင်ငံရေး စိတ်ဓာတ် တို့ကို လှုံ့ဆော်ဖြစ်ပေါ်စေခဲ့သည်” ဟု ၀တ်ကျောင်းတော် ဖွင့်ပွဲသို့ တက်ရောက်ခဲ့သော ဆျာဂျီ ဒေသ၏ မြို့တော်ဝန် ဖြစ်သူ ဒိုမီနစ် လာ့ဖဲ(ဗ)(Dominique Lefebvre)က ပြောကြားခဲ့ပါသည်။

    “လူအများ၏ အလှူဒါနတွေကနေ ယခုလို တည်ဆောက် နိုင်ခဲ့တယ် ဆိုတာကို ကျွန်တော်တို့ လူအများကို ရှင်းရှင်း လင်းလင်း သိစေလိုပါတယ်” ဟု အေမာမ် တာဟာ့ မဟ်ဒီ(Tahar Mahdi)က ဆိုခဲ့ပါသည်။ တိုင်းရင်းသား မျိုးနွယ်စု အသီးသီးမှ ပြင်သစ်မွတ်စလင်မ်များ၏ စုစည်းမှု အင်အားဖြင့် ၀တ်ကျောင်းတော်ကို လက်တွေ့ အကောင်အထည် ဖော်နိုင်ခဲ့ခြင်း ဖြစ်ပါသည်။

    ဆျာဂျီတွင် ၀တ်ကျောင်းတော် တည်ဆောက်နိုင်ရေး စီမံကိန်းကို ၁၉၈၀ ကာလများ ကတည်းကပင် ရေးဆွဲချမှတ်နေ ခြင်း ဖြစ်ပါသည်။
    ၁၉၉၆ ခုနှစ်တွင် မြို့တော်ဝန်အဖြစ် ရွေးချယ်ခံရသော မြို့တော်ဝန် လာ့ဖယ်(ဗ)သည် ဘာသာရေးနှင့်သက်ဆိုင်သောကိစ္စရပ်များအတွက် ပြည်သူလူထုထံမှရံပုံငွေရှာဖွေခြင်းအား ကန့်သတ်တားဆီးထားသော ပြင်သစ်နိုင်ငံ၏ ဥပဒေကို မျှတကောင်းမွန်သော အက်ဥပဒေဖြစ်အောင် လှုပ်ရှားဆောင်ရွက်ခဲ့သူလည်းဖြစ်သည်။ ၀တ်ကျောင်းတော် အသစ်တွင် ယဉ်ကျေးမှု စင်တာ၊ လက်ဖက်ရည်သောက် ကာ နားနေရန်နေရာ၊ အသုဘအခမ်းအနားများ အတွက် ပြင်ဆင်ရန်နေရာ နှင့် စာသင်ဆောင်များလည်း ပါဝင်သည်။

    ကိုးကား-http://en.islamtoday.net/artshow-229-4487.htm

  • တာဂျစ်စတန်၌ ဆောက်လုပ်နေသော ကမ္ဘာအကြီးဆုံး ဗလီဝတ် ကျောင်းတော်ထဲမှ တစ်ခု

    တာဂျစ်စတန်၌ ဆောက်လုပ်နေသော ကမ္ဘာအကြီးဆုံး ဗလီဝတ် ကျောင်းတော်ထဲမှ တစ်ခု

     

    Dushanbe Grand ဗလီဝတ်ကျောင်းတော် ပုံစံဒီဇိုင်း
    Photo-http://wikimapia.org

    အာရှတိုက် အလယ်ပိုင်းဒေသ (Central Asia)ရှိ တာဂျစ်စတန်နိုင်ငံ(Tajikstan)တွင် ဝတ်ပြုသူပေါင်း ၁၁၅,၀၀၀ ဦး တပြိုင်နက် စုပေါင်းဝတ်ပြုနိုင်သော ဗလီဝတ်ကျောင်းတော်ကြီးတစ်ခု စတင်တည်ဆောက်လျက်ရှိပြီး ၂၀၁၄-ခုနှစ်တွင် ပြီးစီးမည်ဖြစ်ကြောင်း သိရှိရပါသည်။

    တာဂျစ်အစိုးရ တရားဝင်ကြေညာချက်အရ အမေရိကန်ဒေါ်လာ သန်း-၁၀၀ ကုန်ကျမည်ဖြစ်၍ ကာတာနိုင်ငံ(Qatar)မှ သန်း-၇၀ ထည့်ဝင်လှုဒါန်းထားပြီး Dushanbe Grand Mosque ဟု အမည်ပေးထားသည်။

    တာဂျစ်စတန်နိုင်ငံ လူဦးရေမှာ ၇.၇-သန်းဖြစ်၍ အာရှတိုက် အလယ်ပိုင်းဒေသနိုင်ငံများအနက် အဆင်းရဲဆုံး နိုင်ငံတစ်ခုသည်။

    ၂၀၁၁-ခုနှစ် ဩဂုတ်လတွင်လည်း လန်ဒန်မြို့လယ်ရှိ ကမ္ဘာ့အမြင့်ဆုံးဆက်သွယ်ရေးတိုင် BT Tower ထက် အနည်းငယ်သာနိမ့်သော ၁၆၅-မီတာမြင့် ကမ္ဘာ့အမြင့်ဆုံးအလံတိုင် တည်ဆောက်ဖွင့်လှစ်ခဲ့သည်။

     

    မောင်လှငွေ

    ကိုးကား

    http://www.telegraph.co.uk/news/worldnews/asia/tajikistan/8813420/Tajikstan-starts-building-one-of-the-worlds-biggest-mosques.html