Tag: Yangon

ဧပြီ ၇၊ ၂၀၁၄
M-Media
လမင်း

ရန်ကုန်။     ။ တတိယအကြိမ်အဖြစ်သပိတ်စခန်းဖွင့်လျက်ရှိသော မိကျောင်းကန်သပိတ်စန်းကို သက်ဆိုင်ရာအစိုးရမှ ကတိပေး၍ ညှိနှိုင်းဆောင်ရွက်မှု ပြုလုပ်မပေးပါက သကြန်ကာလအတွင်းတွင်ပါ ဆန္ဒပြတောင်းဆိုသွားမည်ဖြစ်ကြောင်း သပိတ်စခန်းဖွင့်ထားသူများက ပြောသည်။

“ကျွန်တော်တို့ကို SEA GAME ကာလတုန်းကလည်း အာဆီယံနိုင်ငံကလူတွေလာမှာမှာမို့လို့ အမြန်မာနိုင်ငံရဲ့ပုံရိပ်ကိုထိခိုက်စေမှာဆိုးလို့ သပိတ်ကို ပိတ်ပေးပါဆိုလို့ ကျွန်တော်တို့လည်း နားလည်ပြီးပိတ်ပေးခဲ့ပါတယ်။ အခုလည်းမကြာခင်မှာ သင်္ကြန်ကာလကို ရောက်တော့မယ် ကျွန်တော်တို့ကို သင်္ကြန်ကာလကြောင့် ပိတ်ခိုင်းမယ်ဆိုရင် ကျွန်တော်တို့ပိတ်သိမ်းပေးမှာမဟုတ်ပါဘူး။ ကျွန်တော်တို့ကို ဒီလိုတွေလုပ်နေတာများနေပါပြီ” ဟု သပိတ်စခန်း ခေါင်းဆောင်ဖြစ်သူ ဦးစိန်သန်းကပြောခဲ့သည်။

သက်ဆိုင်ရာအစိုးရတာဝန်ရှိသူများမှ သင်္ကြန်မတိုင်မီဖြေရှင်းပေးမည်ဟုပြောဆိုခဲ့သောကြောင့် မိကျောင်းကန် ပြည်သူများအနေနှင့် စောင့်မျှော်နေ ကြောင်း၊ လာရောက်ဖြေရှင်းပေမှုမရှိခဲ့လျှင် ၎င်းတို့အနေနှင့်သင်္ကြန်ကာလတွင်းမှာ ဆန္ဒဖော်ထုတ်သွားမည်ဖြစ်ကြောင်း သပိတ်စခန်းမှ မိကျောင်းကန် ပြည်သူတစ်ဦးကပြောကြားခဲ့သည်။

မိကျောင်းကန်ပြည်သူများနှင့် ရန်ကုန်တိုင်းဒေသကြီးအစိုးရအဖွဲ့နှင့် လွှတ်တော်ကိုယ်စားလှယ်များ ဧပြီလ ၁ ရက်နေ့တွင် ရန်ကုန်မြို့တော်ခန်းမတွင် တွေ့ဆုံ၍ညှိနှိုင်းဖြေရှင်းခဲ့သော်လည်း ပြေလည်မှုမရရှိခဲ့ပါ။

ဧပြီလ ၅ ရက်နေ့တွင်လည်း မိကျောင်းကန်ပြည်သူများမှ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်အိမ်ရှေ့တွင်  ၎င်းတို့၏ နစ်နာမှုများ ကို ပြောကြားရန် သွားရောက်ရာတွင် ဒေါ်အောင်ဆန်းစုကြည်မှာ ကျန်းမာရေးမကောင်းသောကြောင့် တွေ့ဆုံနိုင်ခြင်းမရှိသော်လည်း ကျန်းမာရေး ကောင်းသည့် အချိန်တွင်မူ မိကျောင်းကန် သပိတ်စခန်းမှ တာဝန်ရှိသူ ငါးယောက်နှင့် တွေ့ဆုံသွားမည်ဟု အကြောင်းပြန်ခဲ့သည်ဟု သိရသည်။

မိကျောင်းကန် အပိုင်း ၁၊ ၂၊ ၃၊ မှ လယ်ယာမြေသိမ်းခံထားရသော မိကျောင်းကန်ပြည်သူများသည်  နေ့စဉ် ညနေတိုင်းတွင် မြို့တော်ခန်းမအားပတ်၍ ကြွေးကြော်သံများဖြင့် လမ်းလျှောက်ဆန္ဒဖော်ထုတ်နေကြကြောင်း သိရပါသည်။

ဧပြီ ၇၊ ၂၀၁၄
M-Media
လမင်း

ရန်ကုန်  ။         ။        စည်ပင်သာယာနယ်နမိတ်အတွင်းရှိ ဟိုင်းလပ်ယာဉ်များကို မတ်လကုန်တွင် ပိတ်သိမ်းခဲ့ပြီး ဧပြီလ ၃ ရက်နေ့တွင် ရန်ကုန်တိုင်း ဒေသကြီး အစိုးရနှင့် မ.ထ.သ (ဗဟို)မှ ယာဉ်ပိုင်ရှင်များနှင့်ပြည်သူများ၏အခက်အခဲများကြောင့် တစ်လထပ်မံတိုးမြှင့်ပေးခဲ့ခြင်းဖြစ်ကြောင်း သိရသည်။

“မီနီဘတ်စ်အစားထိုးမှုတွေအဆင်မပြေတာကြောင့် ဟိုင်းလတ်ယာဉ်ပိုင်ရှင်တွေနဲ့ ယာဉ်လုပ်သားတွေက သူတို့တွေရဲ့အခက်အခဲတွေကို အကြိမ်ကြိမ် တင်ပြနေပါတယ်။ ဒါကြောင့် ကျွန်တော်တို့နဲ့ ရန်ကုန်တိုင်းအစိုးရကြီးအဖွဲ့က တိုင်ပင်ပြီး တစ်လထပ်မံ တိုးမြှင့်ပေးလိုက်ရင် အဆင်ပြေမယ်လို့ တိုင်ပင်ပြီး တိုးမြှင့်ပေးလိုက်ခြင်း ဖြစ်တယ်။ သူတို့တွေလည်းပြင်ဆင်ချိန်ပိုမိုရသွားတာပေါ့” ဟု မ.ထ.သ (ဗဟို) ဥက္ကဌ ဦးလှအောင်ကပြောကြားခဲ့သည်။

၂၀၁၄ခုနှစ် မတ်လ ၃၁ ရက်နေ့တွင် ရန်ကုန်မြို့ စည်ပင်သာယာ နယ်နမိတ်အတွင်းရှိ ဟိုင်းလတ်ယာဉ်များကိုရပ်နားစေခဲ့ပြီး ၎င်းယာဉ်များအစား မီနီဘတ်များဖြင့် အစားထိုးပြေးဆွဲရာတွင် အစားမထိုးရသေးသည့်ယာဉ်များ များပြားနေသောကြောင့် ခရီးသွားအများပြည်သူများမှာ ယာဉ်မလုံလောက် သောကြောင့် အခက်အခဲများစွာနှင့်ရင်ဆိုင်နေရသည်။

ရန်ကုန်မြို့စည်ပင်သာယာနယ်နမိတ်အတွင်းရှိ ဟိုင်းလတ်ယာဉ်များကို ဖေဖော်ဝါရီ လကုန်မှစ၍ ရပ်နားခိုင်းခဲ့သော်လည်း ယာဉ်ပိုင်ရှင်များနှင့် ယာဉ်လုပ်သားများ၏ အခက်အခဲအမျိုးမျိုးတို့ကြောင့် မတ်လ ၃၁ ရက်နေ့ထိရွှေ့ဆိုင်းပေးခဲ့ပြီး ပိတ်ပင်ခဲ့ သော်လည်း ယာဉ်ပိုင်ရှင်များနှင့် ယာဉ်လုပ်သားတို့၏တောင်းဆိုမှုတို့ကြောင့် ဧပြီလ ၃ ရက်နေ့ တွင် ပြေးဆွဲခွင့်တိုးမြှင့်ပေးခဲ့ခြင်းဖြစ်သည်။ ယခုလက်ရှိ ရန်ကုန်တိုင်း ဒေသကြီးအတွင်း ပြေးဆွဲနေသော ဟိုင်းလတ်ယာဉ်ပေါင်း ၈၄၀ ရှိသည်။

ယခုကဲ့သို့ဟိုင်းလတ်ယာဉ်များကို ပြန်လည်ပြေးဆွဲခွင့်ပြုလိုက်သောကြောင့် သင်္ကြန်ရက်အတွင်း ယခင်က မ.ထ.သ (ဗဟို) လက်အောက်မှ ယာဉ်လိုင်းပေါင်း ၁၁၃ လိုင်း ယာဉ်စီးရေ ၁၆၂၈ စီးပြေးဆွဲသွားမည်ဖြစ်သည်ဟု မ.ထ.သ (ဗဟို)မှ ထုတ်ပြန်ခဲ့သော်လည်း ယခု ဟိုင်းလတ်ယာဉ်များကြောင့် သင်္ကြန်ကာလအတွင်း ပြေးဆွဲမည့်ယာဉ်များ တိုးမြှင့်သွားမည်ဖြစ်ကြောင်း သိရသည်။

ဧပြီ ၅၊ ၂၀၁၄
M-Media
လမင်း

ရန်ကုန် ။       ။ သင်္ကြန်ကာလဖြစ်သော ဧပြီလ ၁၃ ရက်မှ ဧပြီလ ၁၇ ရက်အတွင်း ပန်းဆိုးတန်း-ဒလ ပြေးဆွဲမည့်ကူးတို့သည် ယခင်ပြေးဆွဲသည့် ခေါက်ရေထက် ၁၀-ခေါက် လျော့၍ ပြေးဆွဲသွားမည်ဖြစ်ကြောင်း သိရပါသည်။

“ကျွန်တော်တို့ နှစ်တိုင်းလည်း ယခုလိုပဲလျော့ပြီးအခေါက်အရေကို ပြေးဆွဲနေကြပါ။ သင်္ကြန်အတွင်းဆိုတော့ လူတွေကလည်း သိပ်အသွားအလာ မလုပ်ကြပါဘူး။ နေ့လည်ပိုင်းတွေ ဆိုရင် သဘောင်္ပေါ်တွေမှာလူတွေတောင်သိပ်မပါပါဘူး။ အလုပ်တွေကလည်း ပိတ်ကြတော့ သွားတဲ့လာတဲ့ လူတွေလည်း သိပ်မရှိကြပါဘူး။ ဒါကြောင့် အခေါက်အရေကို လျော့ပြီးပြေးဆွဲခြင်းသာ ဖြစ်ပါတယ်”ဟု ပန်းဆိုးတန်းဆိပ်ကမ်း မန်နေဂျာ ဦးအေးမြင့်မောင်က ပြောသည်။

ယခင်အခေါက်အရေ ၃၆ ခေါက်ပြေးဆွဲလျက်ရှိနေပြီး ယခု ၂၆ ခေါက်သာ ပြေးဆွဲမည်ဖြစ်သည်။ ကူးတို့ပြေးဆွဲသည့်အချိန်ကိုလည်း နံနက် ၆-နာရီမှ ည ၈-နာရီ နောက်ဆုံးထား၍ ပြေးဆွဲမည် ဖြစ်ကြောင်းကိုလည်း သိရသည်။ ယခုကဲ့သို့ ပြောင်းလဲပြေးဆွဲမည့်အကြောင်းကို ခရီးသည်များကိုလည်း အသိပေးထားပြီးပြီဖြစ်ကြောင်း သိရသည်။

သင်္ကြန်ကာလအတွင်း ကူးတို့ကဲ့သို့ ရန်ကုန်မြို့တွင်းပြေးဆွဲလျက်ရှိသော မော်တော်ယာဉ်လိုင်းအချို့နှင့် မြန်မာပြည်အနှံ့သို့ ပြေးဆွဲနေသည့် မီးရထားလိုင်းများတချို့လည်း ရပ်နားထားမည်ဖြစ်သည်။

ဧပြီ ၅၊ ၂၀၁၄
M-Media
လမင်း

ရန်ကုန်  ။     ။     မြန်မာ့အသံနှင့်ရုပ်မြင်သံကြားဌာနမှ DVBT-2 လွှင့်စက်ရုံတိုးချဲ့ခြင်းနှင့် Set Top Box များအခဲ့မဲ့ဆက်လက်ဖြန့်ဝေသွားမည်ဟု ပြန်ကြားရေးဝန်ကြီးဌာန သတင်းထုတ်ပြန်ရေးအဖွဲ့မှ ဦးဝင်းကြည်က ယနေ့ပြုလုပ်သော ပြန်ကြားရေးဝန်ကြီးဌာန သတင်းထုတ်ပြန်ရေးအဖွဲ့က ပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။

“ကျွန်တော်တို့အနေနဲ့ မြို့ရွာတွေကကျောင်းတွေ၊ မိဘမဲ့ကလေးကျောင်းတွေ၊ ဂေဟာတွေ လိုအပ်နေတဲ့ နေရာတွေကို အဓိကထားပြီး ပေးအပ်သွားမှာ ဖြစ်ပါတယ်။ မရောက်သေးတဲ့ မြို့တွေကိုလည်း ရောက်ရှိနိုင်အောင်ကြိုးပမ်းဆောင်ရွက်သွားမှာဖြစ်ပါတယ်။ တကယ်လိုအပ်မယ့် ဒေသတွေကို ရောက်အောင်အရင် ပေးသွားမှာ ဖြစ်ပါတယ်”ဟု ၎င်းက ဆက်လက်ပြောကြားခဲ့သည်။

Analogue စနစ်မှ Digital စနစ်သို့ကူးပြောင်း၍ စက်ရုံများတည်ဆောက်ပြီး စစ်တွေ၊မော်လမြိုင်၊ ဘားအံ၊ မိတ္တီလာ၊ တောင်ငူ၊ တောင်ကြီး၊ ပုသိမ်၊ ကျောင်းကုန်း၊ မင်းဘူး၊ ပြည် အစရှိသည့်မြို့များတွင် စမ်းသပ်တပ်ဆင်ပြီး ထုတ်လွှင့်လျက်ရှိသည်။ ယနေ့အထိစက်ရုံပေါင်း ၁၃ ရုံကို ဒီဂျစ်တယ်စနစ်ဖြင့် စမ်းသပ်ထုတ်လွှင့်မှုဆောင်ရွက်ပြီးဖြစ်သည်။

ထိုကဲ့သို့ Analogue စနစ်မှ Digital စနစ်သို့ဖြင့် စတင်ပြောင်းလဲ ထုတ်လွှင့်နေသည့် ဒေသများတွင် ကြည့်ရှုသူများမှ DVBT-2 Set Top Box များကို သုံးစွဲ၍ဖမ်းယူကြည့်ရှုရမည်ဖြစ်ရာ DVBT-2 Set Top Box များကိုနိုင်ငံတောအနေနှင့်လိုအပ်သည့်နေရာများကို အခဲ့မဲ့ဖြန့်ဖြူးသွာရန် စီစဉ်ထားပြီး ဖြစ်ကြောင်း သိရသည်။