ဇန်န၀ါရီ ၂၇၊ ၂၀၁၈
M-Media
မက္ကာမြို့ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်တွင် ကမ္ဘာတစ်ဝှမ်းမှ အစ္စလာမ်ဘာသာဝင်များ ၀တ်ပြုဆုတောင်းနေမှု
– အစ္စလာမ်ဘာသာဝင်တွေရဲ့ နှစ်စဉ် ဘာသာရေးတာဝန်ဖြစ်တဲ့ ဟဂ်ျကျင့်စဉ် ဆောက်တည်မှုကို ဆော်ဒီအာဏာပိုင်တွေက နိုင်ငံရေးအမြတ်ထုတ်နေတယ်လို့ အင်ဒိုနီးရှား မွတ်စလင်လူငယ်အဖွဲ့ ခေါင်းဆောင်တွေက ဝေဖန်လိုက်ပါတယ်။
မြို့တော် ဂျကာတာတောင်ပိုင်း Depok တက္ကသိုလ်မှာ ‘အစ္စလာမ့်မြင့်မြတ်ရာနေရာများမှာ ယုံကြည်သူအားလုံးအတွက်ဖြစ်သည်’ ဆိုတဲ့ ခေါင်းစဉ်နဲ့ ပြုလုပ်တဲ့ အခမ်းအနားမှာ အင်ဒိုနီးရှား မွတ်စလင်ကျောင်းသားများအသင်း (HMI) ဥက္ကဌ ဇီယဒ် အဘ်ဒူလ် မာလစ်က ပင်လယ်ကွေ့နိုင်ငံတွေနဲ့ အစ္စလာမ်ဘာသာဝင်အများစုရှိတဲ့ နိုင်ငံတွေအပေါ် သူတို့ရဲ့ ပေါ်လစီတွေ ချမှတ်ရာမှာ ဆော်ဒီဟာ မက္ကာကို ဟဂ်ျပြုဖို့ လာရောက်တဲ့ ခရီးစဉ်ကို အသုံးချနေတယ်လို့ ပြောကြားခဲ့ပါတယ်။
HMI ဟာ အင်ဒိုနီးရှားက အကြီးဆုံး ကျောင်းသားအဖွဲ့အစည်းလည်း ဖြစ်ပါတယ်။
ဒီအခမ်းအနားကို ဂျကာတာက အစ္စလာမ့်တက္ကသိုလ်မှာ ကျင်းပဖို့အတွက် စီစဉ်ထားပေမယ့် ဆော်ဒီသံရုံးရဲ့ ကန့်ကွက်မှုကြောင့် နေရာရွှေ့ပြီး ပြုလုပ်ခဲ့ရတာ ဖြစ်ပါတယ်။
မာလစ်က သူတို့ရဲ့ အခမ်းအနားကို ဆော်ဒီက နှောက်ယှက်တယ်လို့လည်း စွပ်စွဲခဲ့ပါတယ်။
“ကျွန်တော်တို့ဟာ ကျောင်းသားတွေပါ။ ကျောင်းသားတွေအနေနဲ့ အကြောင်းအရာ တော်တော်များများကို အမြဲတမ်း ဆွေးနွေးနေကြပါ။ ဘာ့ကြောင့် ဆော်ဒီက ပြဿနာလို့ မြင်နေရတာလဲ”
HMI က အခြား ကျောင်းသားခေါင်းဆောင်တွေကလည်း မာလစ်လိုပဲ ဆော်ဒီကို ဝေဖန်ခဲ့ပါတယ်။
အခမ်းအနားမှာ ပါဝင်ခဲ့တဲ့ အခြားအဖွဲ့အစည်း Garda Suci Merah Putih (GSMP) က ကိုယ်စားလှယ်တွေကလည်း ဆော်ဒီဟာ မက္ကာနဲ့ မဒီနာမြို့က မြင့်မြတ်ရာနေရာတွေကို ထိန်းသိမ်းစောင့် ရှောက်ရတဲ့ သူတို့ရဲ့ တာဝန်ကို ချိုးဖောက်နေတယ်လို့လည်း ဝေဖန်ခဲ့ပါတယ်။
“ဟဂ်ျကျင့်စဉ်ကို သွားရောက်မှု ပိတ်ပင်ခွင့်ဟာ ဘုရားသခင်ထံမှာပဲ ရှိပါတယ်။ ဆော်ဒီမှာ မဟုတ်ပါဘူး” လို့ GSMP ရဲ့ အထွေထွေအတွင်းရေးမှူး မူဂ်ျတာဟစ် ဟာရှင်မ်က အလ်ဂျာဇီးရားသတင်းဌာနကို ပြောကြားခဲ့ပါတယ်။
ဆီးရီးယားက ဟဂ်ျပြုချင်တဲ့သူတွေဟာ ဆော်ဒီက ကျောထောက်နောက်ခံပြုထားတဲ့ အစိုးရအတိုက်အခံအဖွဲ့ရဲ့ ကော်မတီကနေတစ်ဆင့်သာ ဗီဇာရယူရမှုကို ဟာရှင်မ်က ထောက်ပြခဲ့ပါတယ်။
၂၀၁၂ ခုနှစ် ပြည်တွင်းစစ်အချိန်ကစလို့ ဆော်ဒီဟာ ဆီးရီးယားအစိုးရနဲ့ သံတမန်ဆက်ဆံရေး ဆိုးရွားခဲ့တာပါ။
ပြည်တွင်းစစ်ဖြစ်နေတဲ့ ယီမင်မှာလည်း ဆော်ဒီဟာ သူတို့ ထောက်ခံတဲ့ အုပ်စုတွေနဲ့ လက်လှည့်သင့်သူတွေကိုသာ ဟဂ်ျဗီဇာထုတ်ပေးတာမျိုး လုပ်ဆောင်နေတာ ဖြစ်ပါတယ်။
ဆော်ဒီ၊ ယူအေအီး၊ ဘာရိန်း၊ အီဂျစ်တို့နဲ့ သံတမန်ရေးပြဿနာဖြစ်နေတဲ့ ကာတာနိုင်ငံက ပြည်သူတွေအပေါ် ဟဂ်ျဗီဇာ ကန့်သတ်မှုတွေကိုလည်း ဟာရှင်မ်က ဝေဖန်ခဲ့ပါတယ်။
ဟဂ်ျကျင့်စဉ်ဆိုတာဟာ ဆော်ဒီအာရေဗျနိုင်ငံက မက္ကာနဲ့ မဒီနာမြို့တို့ကို သွားရောက်ကာ မြင့်မြတ်ရာနေရာတွေမှာ ၀တ်ပြုဆုတောင်းတာနဲ့ တစ်ခြား သတ်မှတ်ထားတဲ့ နာမ်ပိုင်းဆိုင်ရာ ကျင့်စဉ်မျိုးတွေ လုပ်ရတာဖြစ်ပါတယ်။
အရွယ်ရောက်ပြီး ကျန်းမာရေးကောင်းကာ၊ ငွေကြေးတတ်နိုင်တဲ့ ယုံကြည်သူ အမျိုးသား၊ အမျိုးသမီးတိုင်းဟာ တစ်သက်မှာ တစ်ကြိမ် ဟဂ်ျကျင့်စဉ် ဆောက်တည်ဖို့အတွက် မလုပ်မနေရတာဝန်အဖြစ် အစ္စလာမ်သာသနာမှာ သတ်မှတ်ထားပါတယ်။
ဟဂ်ျကျင့်စဉ်မှာ ဆော်ဒီက ကန့်သတ်မှုတွေ ပြုလုပ်တာကို ရပ်ဆိုင်းရေး တိုက်တွန်းဖို့လည်း ဟာရှင်က အင်ဒိုအာဏာပိုင်တွေကို တိုက်တွန်းခဲ့ပါတယ်။
Ref : Aljazeera
