ဇန်န၀ါရီ၊ ၂၆၊ ၂၀၁၈
M-Media
– အစ္စရေးနှင့် ဆွေးနွေးရန် ငြင်းဆိုလျှင် အကူအညီရပ်တန့်မည်ဆိုသည့် အမေရိကန်သမ္မတ ဒေါ်နယ်ထရမ့်၏ ခြိမ်းခြောက်မှုကို ပါလက်စတိုင်း ခေါင်းဆောင်ပိုင်းက ရှုတ်ချလိုက်သည်။
“ဒီလို ခြိမ်းခြောက်တဲ့ ပေါ်လစီမျိုးဟာ ပါလက်စတိုင်း ပြည်သူတွေထံမှာ အလုပ်ဖြစ်မှာ မဟုတ်ပါဘူး။ ဂျေရုစလင်ပြဿနာဟာ မြင့်မြတ်တဲ့ ကိစ္စပါ။ ဒေသတွင်း စစ်ပွဲနဲ့ ငြိမ်းချမ်းရေးအတွက် အဓိကသော့ ချက်လည်း ဖြစ်ပါတယ်။ ကမ္ဘာပေါ်က ငွေကြေးတွေနဲ့ ရောင်းလို့၊ ၀ယ်လို့ရတဲ့အရာ မဟုတ်ပါဘူး။ ဂျေရုစလင်ကိစ္စ စားပွဲဝိုင်းမှာ မပါတော့ဘူးဆိုရင်။ အမေရိကန်လည်း ပါတော့မှာ မဟုတ်ပါဘူး” ဟု ပါလက်စတိုင်းသမ္မတ၏ ပြောရေးဆိုခွင့်ရှိသူ နဘီလ် အဘူ ရူဒီနာဟ်က ယမန်နေ့ သတင်းစာရှင်းလင်းပွဲတွင် ပြောကြားခဲ့သည်။
ဆွစ်ဇာလန်နိုင်ငံ ဒါဗို့စ်ရှိ ကမ္ဘာ့ စီးပွားရေးဖိုရမ်တွင် အစ္စရေးဝန်ကြီးချုပ် နေတန်ယာဟုနှင့် တွေ့ဆုံပြီးနောက် အမေရိကန်သမ္မတ ဒေါ်နယ်ထရမ့်က ပါလက်စတိုင်းအနေဖြင့် အစ္စရေးနှင့် ငြိမ်ချမ်းရေးဆွေးနွေးမှု မပြုလုပ်လျှင် အမေရိကန်၏ ကူညီထောက်ပံ့မှု ရမည်မဟုတ်ဟု ပြောကြားခဲ့သည်။
အမေရိကန်အစိုးရမှာ ၂၀၀၈ ခုနှစ်မှစ၍ ပါလက်စတိုင်းအာဏာပိုင်အဖွဲ့သို့ နှစ်စဉ် ကန်ဒေါ်လာ သန်း ၄၀၀ ကူညီထောက်ပံ့ပေးနေသည်။
ပါလက်စတိုင်းပိုင်နက်များအား အစ္စရေးက ကျူးကျော်သိမ်းပိုက်မှုများကြောင့် အတိဒုက္ခရောက်နေကြသည့် ပါလက်စတိုင်းပြည်သူများကို ကူညီနေသည့် ကုလအေဂျင်စီ UNWA သို့ ပေးအပ်နေသည့် ငွေများမှ ထက်ဝက်ကျော်ကို လျှော့ချကြောင်း အမေရိကန်က ပြီးခဲ့သည့်သီတင်းပတ်တွင် ကြေငြာခဲ့သည်။
အခုသီတင်းပတ်အစောပိုင်းက အစ္စရေးသို့ သွားရောက်ခဲ့သည့် အမေရိကန် ဒုတိယသမ္မတ မိုက်ပန့်စ်အား ပါလက်စတိုင်းခေါင်းဆောင်ပိုင်းက မတွေ့ဆုံမှုမှာ အမေရိကန်ကို ‘မလေးမစားလုပ်ခြင်း’ ဖြစ်သည်ဟု ထရမ့်က ဒါဗို့စ်အစည်းအဝေးတွင် ပြောကြားခဲ့သည်။
ပါလက်စတိုင်းအစိုးရ တာဝန်ရှိသူ ဟာနန် အက်ရ်ှရာဝီက ‘ဖိနှိပ်သူအား တွေ့ဆုံရန် ငြင်းဆိုမှုမှာ မလေးစားမှု လက္ခဏာမဟုတ်ဘဲ မိမိကိုယ်ကို လေးစားမှု လက္ခဏာဖြစ်သည်’ ဟု ပြန်လည် တုန့်ပြန်ခဲ့သည်။
ဒီဇင်ဘာ ၆ ရက်နေ့တွင် ထရမ့်က ဂျေရုစလင်အား အစ္စရေးမြို့တော်အဖြစ် ကြေငြာပြီးနောက်ပိုင်း ပါလက်စတိုင်းအာဏာပိုင်များနှင့် အမေရိကန်တို့၏ ဆက်ဆံရေးတွင် တင်းမာမှုများ ဖြစ်ပေါ်လာခဲ့သည်။
Ref: Aljazeera
