Blog

အောက်တိုဘာ ၂၊ ၂၀၁၇
M-Media

– လက်စ်ဗီးဂက်စ်ရှိ ဂီတပွဲတွင် ဖြစ်ပွားခဲ့သည့် သေနတ်ဖြင့် ပစ်ခတ်မှုအား IS အဖွဲ့က ၎င်းတို့လက်ချက်ဖြစ်သည်ဟု ပြောကြားခဲ့သော်လည်း အမေရိကန်က ပယ်ချခဲ့ပြီး သေနတ်သမားမှာ စစ်သွေးကြွအဖွဲ့များနှင့် ဆက်နွယ်ခြင်းမရှိဟု ပြောကြားခဲ့သည်။

ဒေသစံတော်ချိန် အောက်တိုဘာလ ၁ ရက်နေ့ညပိုင်းက ဖြစ်ပွားခဲ့သည့် အဆိုပါ ပစ်ခတ်မှုအတွင်း အနည်းဆုံး လူပေါင်း ၅၀ ခန့် သေဆုံးခဲ့ပြီး ၄၀၀ ကျော် ဒဏ်ရာရရှိခဲ့သည်။

IS ၏ သတင်းဌာနဖြစ်သော Amaq က လက်စ်ဗီးဂက်စ်တိုက်ခိုက်သူမာ IS အဖွဲ့ဝင်တစ်ဦးဖြစ်ပြီး လွန်ခဲ့သည့် လအနည်းက အစ္စလာမ်ဘာသာသို့ ပြောင်းထားခြင်းဖြစ်သည်ဟု ဖော်ပြခဲ့သည်။ သို့သော်လည်း မည်သူမည်ဝါဖြစ်ကြောင်း ထည့်သွင်း ပြောဆိုခဲ့ခြင်းမရှိချေ။

FBI အပါအ၀င် အမေရိကန် တာဝန်ရှိသူများက သေနတ်သမားမှာ အသက် ၆၄ နှစ်အရွယ် လူဖြူအမျိုးသား စတီဖင် ပဒ်ဒေ့ါက်ဆိုသူဖြစ်ပြီး နိုင်ငံတကာ စစ်သွေးကြွအဖွဲ့များနှင့် ဆက်နွယ်သည့် မည်သည့်အထောက်အထားမှ မတွေ့ရကြောင်း၊ IS ၏ ပြောကြားမှုမှာ မဟုတ်မှန်ဘဲ သေနတ်သမားမှာ စိတ်ရောဂါဆိုင်ရာ ပြဿနာများ ရှိဖူးကြောင်း တုန့်ပြန်ခဲ့သည်။

ယခုနှစ်အစောပိုင်းက ဖိလစ်ပိုင်နိုင်ငံ မနီလာမြို့ရှိ ကာဆီနိုရုံတွင် လူအများအပြား သေဆုံးခဲ့သည့် ပစ်ခတ်မှုတစ်ခုကိုလည်း ၎င်းတို့လက်ချက် ဖြစ်သည်ဟု IS က ပြောကြားခဲ့ဖူးပြီး နောက်ပိုင်း စုံစမ်းစစ်ဆေးမှုများအရ သေနတ်သမားမှာ လောင်းကစားကျွေးနစ်နေသူဖြစ်ပြီး အကြမ်းဖက်ဝါဒနှင့် ဆက်စပ်မှုမရှိသည်ကို တွေ့ခဲ့ရသည်။

ပဒ်ဒေါ့က်မှာ ပြီးခဲ့သည့် သီတင်းပတ်များအတွက် အကြီးအကျယ် လောင်းကစားမှု ပြုလုပ်ခဲ့သည်ဟုလည်း ရဲတပ်ဖွဲ့က ထုတ်ပြန်ထားသည်။

၎င်း၏ညီဖြစ်သူ အဲရစ် ပဒ်ဒေါ့က်က အငြိမ်းစားလေယာဉ်မှူးဖြစ်သူ ၎င်း၏အစ်ကိုမှာ လောင်းကစားဝိုင်းများ၊ ဟိုတယ်များ၊ ရှိုးပွဲများကို သွားရောက်ကြည့်ရှုတတ်ပြီး နိုင်ငံရေးနှင့် ဘာသာရေးဆိုင်ရာ ခံယူချက်မရှိကြောင်း ပြောကြားခဲ့သည်။

Ref: AP,CNA

အောက်တိုဘာ ၂၊ ၂၀၁၇
M-Media

– အမေရိကန်ပြည်ထောင်စု လောင်းကစားမြို့တော် လက်စ်ဗီးဂက်စ်ရှိ ဂီတဖျော်ဖြေပွဲတစ်ခုတွင် အနည်းဆုံး သေနတ်သမားတစ်ဦး၏ ပစ်ခတ်မှုကြောင့် လူ ၅၀ ခန့် သေဆုံးခဲ့ပြီး ၂၀၀ ကျော် ဒဏ်ရာရရှိခဲ့သည်ဟု သိရသည်။

အပန်းဖြေနေရာနှင့် ကာစီနိုလောင်းကစားရုံဖြစ်သော Mandalay Bay Resort and Casino ရှိ အဆောက်အဦးတစ်ခု အပြင်ဘက်တွင် ပြုလုပ်သည့် Route 91 ကျေးလက်ဂီတပွဲတော်ကို လာရောက်သော လူအုပ်ကို မန္တလေးဘေးဟော်တယ် ၃၂ ထပ်မှ သေနတ်ဖြင့် ပစ်ခတ်ခဲ့ခြင်းဖြစ်သည်ဟု လက်စ်ဗီးဂက်စ် ရဲတပ်ဖွဲ့က ပြောကြားခဲ့သည်။

သတင်းစာရှင်းလင်းပွဲတွင် ကလာ့က်ခရိုင် ရဲမင်းကြီး ဂျိုးဆက်ပ် လွမ်ဘာဒိုက ပစ်ခတ်မှုအတွင်း အနည်းဆုံး လူ ၅၀ သေဆုံးခဲ့ပြီး ၂၀၀ ကျော် ဒဏ်ရာရခဲ့ကြောင်း သို့သော်လည်း ထိုအရေအတွက်မှာ အတိအကျမဟုတ်ကြောင်း၊ ရဲတပ်ဖွဲ့ဝင် ၂ ဦး ပစ်ခတ်ခံရပြီး တစ်ဦးမှာ စိုးရိမ်ရသည့် အနေအထားတွင် ရှိကြောင်း ပြောကြားခဲ့သည်။

တိုက်ခိုက်သူမှာ လက်စ်ဗီးဂက်စ်၌ နေထိုင်သူဖြစ်ပြီး ၎င်း ပစ်ခတ်ခဲ့သည့် ဟိုတယ်ခန်းတွင် ရဲတပ်ဖွဲ့က အသေပစ်သတ် ဖမ်းဆီးခဲ့သည်ဟု ၎င်းက ဆိုသည်။

တိုက်ခိုက်မှုကို မည်သည့်အတွက်ကြောင့် ပြုလုပ်သည်ဆိုသည်နှင့် ပြည်ပ အကြမ်းဖက်အဖွဲ့အစည်းများနှင့် ပတ်သက်မှု ရှိ၊ မရှိ မသိရသေးပေ။ လက်ရှိတွင် တိုက်ခိုက်သူနှင့် ပတ်သက်သူများကို ရဲတပ်ဖွဲ့က ရှာဖွေနေသည်။

၂၀၁၇ ခုနှစ် အစမှ ယခုအချိန်အထိ အမေရိကန်တွင် သေနတ်ဖြင့် ပစ်ခတ်မှု ၂၇၃ ခု ဖြစ်ပွားခဲ့ပြီး ၁၁၆၂၁ ဦး သေဆုံးခဲ့ကာ ၂၃၄၃၃ ဦး ဒဏ်ရာရရှိခဲ့သည်ဟု Gun Violence Archive အဖွဲ့က စာရင်းပြုစုထားသည်။

Ref: Aljazeera