စက်တင်ဘာ ၈၊ ၂၀၁၇
M-Media
– အစ္စရေးဝန်ကြီးချုပ် နေတန်ယာဟု၏ ဇနီးဖြစ်သူ ဆာရာ နေတန်ယာဟုကို အလွဲသုံးစားပြုမှုဖြင့် တရားစွဲဆိုရန် စဉ်းစားနေသည်ဟု အစ္စရေးရှေ့နေချုပ် အဗီချိုင် မန်ဒဲလ်ဘလစ်က ပြောကြားလိုက်သည်။
ဝန်ကြီးချုပ်ကတော်မှာ နိုင်ငံပိုင်ငွေ ကန်ဒေါ်လာ ၁ သိန်းခန့်ကို ၎င်းတို့၏ မိသားစု စားသောက်မှုအတွက် အလွဲသုံးစားပြုခဲ့သည်ဟု သံသယရှိခံထားရကြောင်း တရားရေးဝန်ကြီးက ပြောထားပြီး နေတန်ယာဟုက ထိုစွပ်စွဲချက်မှာ ယုတ္တိမရှိဟု တုန့်ပြန်ခဲ့သည်။
လက်ရှိတွင် ထိုကိစ္စအတွက် စုံစမ်းစစ်ဆေးမှုများကို ပြုလုပ်နေပြီး ရှေ့နေချုပ်က ဆာရာအား တရားစွဲဆိုရမည်လားဆိုသည့် နောက်ဆုံး ဆုံးဖြတ်ချက်ကို ချမှတ်သွားမည်ဟု ပြောကြားခဲ့သည်။
ဆာရာနှင့် အကြီးတန်း တာဝန်ရှိသူ အီဇ်ရာ ဆီဒ်အော့ဖ်တို့က ထိုငွေကြးကို အပြင်တွင် အစားအသောက် စီစဉ်မှုနှင့် ၀န်ကြီးချုပ်အိမ်တွင် သီးသန့် စာဖိုမှုးများ ခန့်ထားခြင်းအတွက် အသုံးပြုခဲ့သည်ဟု စုံစမ်းစစ်ဆေးမှုတွင် ထွက်ဆိုခဲ့ပြီး ၀န်ကြီးချုပ်အိမ်တွင် စာဖိုးမှူးတစ်ယောက် နိုင်ငံက ခန့်ထားပေးသည်ဆိုသည့် အချက်ကို ဖုံးကွယ်ထားခဲ့သည်။
၎င်းတို့ဖြေဆိုခဲ့သည့် အချက် ၂ ချက်စလုံးအတွက် နိုင်ငံပိုင်ငွေ အသုံးပြုခြင်းကို အစ္စရေး ဥပဒေက ခွင့်ပြုထားခြင်းမရှိပေ။
Ref : BBC
