သြဂုတ် ၁၅၊ ၂၀၁၇
M-Media
– ဆော်ဒီအာရေဗျ တရားရေးဝန်ကြီးဌာနမှာ ပြီးခဲ့သည့် ၁၀ ရက်အတွင်း အမျိုးသမီးအခွင့်အရေးနှင့် သက်ဆိုင်သော ဆုံးဖြတ်ချက် ၄ ခုကို အတည်ပြုခဲ့သည်ဟု ဆော်ဒီနေ့စဉ်ထုတ်သတင်းစာ Okaz က ဖော်ပြခဲ့သည်။
အဆိုပါဆုံးဖြတ်ချက်များမှာ ကလေးများ၊ မုဆိုးမများ၊ တစ်ခုလပ်များနှင့် သက်ဆိုင်သော ဆုံးဖြတ်ချက်၊ သားသမီးများကို အမျိုးသမီးများက အုပ်ထိန်းခွင့်ရရေး၊ ဥပဒေဘွဲ့ ရရှိထားသော်လည်း အမျိုးသား ရှေ့နေများကြောင့် လုပ်ငန်းခွင်ဝင်၍ မရသည့် အမျိုးသမီးများနှင့် သက်ဆိုင်သော ဆုံးဖြတ်ချက်များ ဖြစ်သည်။
ဥပဒေပြုရေး တာဝန်ရှိသူများမှာ အသက် ၁၇ နှစ်အောက် အမျိုးသမီးများ လက်ထပ်မှုကို ကန့်သတ်သည့် ကိစ္စကဲ့သို့ တရားရေးဆိုင်ရာ လုပ်ထုံးလုပ်နည်း ၁၀ ခုကိုလည်း အတည်ပြုခဲ့သည်။ တစ်ခုလပ်အမျိုးသမီးများနှင့် ၎င်းတို့၏ သားသမီးများကို ၎င်းတို့၏ ခင်ပွန်းဟောင်းက အချိန်မီ အိမ်ထောင်စားရိတ်မပေးလျှင် အစိုးရက စိုက်ထုတ်ပေးထားနိုင်မည့် ရန်ပုံငွေအဖွဲ့တစ်ခုကို ဆော်ဒီကက်ဘိတ်က ဖွဲ့စည်းပေးခဲ့သည်။
ဗဟိုတရားရုံးချုပ်ကလည်း သာသမီးများအား မိခင်က အုပ်ထိန်းပိုင်ခွင့်နှင့် သက်ဆိုင်သည့် ဆုံးဖြတ်ချက်တစ်ခုကို အတည်ပြုခဲ့သည်။
ဆော်ဒီ၌ ဥပဒေဘွဲ့ရ ကျောင်းသူများမှာ အလုပ်ရှာမရခြင်း၊ အချို့ရှေ့နေများထံတွင် အလုပ်သင်အဖြစ် ဆောင်ရွက်ရာ၌ ခေါင်းပုံဖြတ်ခံရခြင်းတို့ ရှိနေပြီး တရားရေးဝန်ကြီးဌာနက ၃ နှစ်တက်ရမည့် ဒီပိလိုမာသင်တန်းတစ်ခုကို အတည်ပြုခဲ့ပြီး ထိုသင်တန်းပြီးဆုံးပါက ရှေ့နေလိုင်စင် တန်းရမည်ဖြစ်သည်။
Ref: Alarabiya
