သြဂုတ် ၁၀၊ ၂၀၁၇
M-Media
– အမျိုးသမီးများ လစဉ် ဓမ္မတကာလနှင့် မီးဖွားပြီးနောက် နေအိမ်မှထုတ်ကာ အပြင်၌ခွဲထားသည့် ဟိန္ဒူဓလေ့ထုံးစံတစ်ခုကို နီပေါလွှတ်တော်က ရာဇ၀တ်မှုအဖြစ် သတ်မှတ်လိုက်သည်ဟု သိရသည်။
အဆိုပါ ထုံးတမ်းကို ‘ချာအူပါဒီ’ ဟု ခေါ်ဆိုပြီး ယမန်နေ့က လွှတ်တော်၌ တစ်ညီတစ်ညွတ်တည်း အတည်ပြုခဲ့သော ဥပဒေ၌ ထိုဓလေ့ သို့မဟုတ် ထိုဓလေ့ထုံးတမ်းနှင့် ဆင်တူသောလုပ်ရပ် သို့ဟုတ် ထိတွေ့ကိုင်တွင်ခြင်းမရှိသည့် လူမဆန်သောလုပ်ရပ်များကို တားမြစ်ခဲ့သည်။
ကျူးလွန်သူများအနေဖြင့် ထောင်ဒဏ် ၃ လ၊ သို့မဟုတ် ဒဏ်ငွေ ရူပီး ၃၀၀၀၀ (ကန်ဒေါ်လာ ၃၀) ကျခံစေရန်လည်း ဥပဒေတွင် ဖော်ပြထားပြီး တစ်နှစ်အတွင်း အာဏာသက်ရောက်မည်ဖြစ်သည်။
နီပေါ အမျိုးသားလူ့အခွင့်အရေးကော်မရှင်မှ အဖွဲ့ဝင်တစ်ဦးဖြစ်သူ မိုဟ်နာ အန်ဆာရီက ထိုကဲ့သို့ ပြဌာန်းနိုင်ခဲ့မှုမှာ ကြီးမားသောအောင်မြင်မှုဖြစ်သည်ဟု ပြောကြားခဲ့သည်။
“ဒီဓလေ့ကို ပြုလုပ်ဖို့ ဖိအားပေးခံရတဲ့ အမျိုးသမီးတွေအနေနဲ့ ရဲရဲဝံ့ဝံ့ ရှေ့ထွက်ဖို့ ဒီဥပေဒက လမ်းဖွင့်ပေးလိုက်တာပါ။ ဒီဓလေ့ဟာ အမျိုးသမီးတွေကိုဖယ်ကျဉ်တဲ့၊ စိတ်ဒုက္ခပေးတဲ့ အပြုအမူမျိုးပါ။ တရားရုံးချုပ်ဟာ ဒီထုံးစံကို လွန်ခဲ့တဲ့ ၁၂ နှစ်ကတည်းက ပိတ်ပင်ခဲ့ပေမယ့် လမ်းညွှန်းချက်သာ ဖြစ်တဲ့အတွက် သက်ရောက်မှု မရှိ
ပါဘူး”
အဆိုပါထုံးစံမှာ လူ့အဖွဲ့အစည်းတွင် အမြစ်တွယ်နေပြီဖြစ်သောကြောင့် ယခုဥပဒမှာလည်း ထိရောက်မှုရှိမည်မဟုတ်ဟု ဝေဖန်မှုများ ရှိနေသည်။
နီပေါနိုင်ငံရှိ လူ့အဖွဲ့အစည်းအများအပြားမှာ ဓမ္မတာလာနေသော အမျိုးသမီးများကို မသန့်ရှင်းသူများဟု မှတ်ယူပြီး နေအိမ်၏ အဝေးတွင်ရှိသော တဲတစ်လုံးတွင် သွားရောက်ပစ်ထားကြသည်။ ထို့ပြင် ၎င်းတို့ကို အစားအသောက်၊ ဘာသာရေးအထိမ်းအမှတ်ပစ္စည်းများ၊ ကျွဲနွားများနှင့် အမျိုးသားများကို ထိတွေ့ကိုင်ခွင့် မပြုပေ။
ထိုဓလေ့ကို ကျင့်သုံးသည့်အခါ လူသူနှင့်ဝေးသော နေရာတွင် နေထိုင်ရသောကြောင့် အမျိုးသမီးများမှာ မြွေကိုက်သေဆုံးခြင်း၊ မတော်တဆ မီးလောင်သေဆုံးခြင်း၊ အခြားသောနည်းလမ်းများဖြင့် သေဆုံးခြင်းတို့ကိုလည်း ကြုံတွေ့ရလေ့ရှိသည်။
Ref: Aljazeera
