ဇူလိုင် ၁၆၊ ၂၀၁၇
M-Media
– အကြမ်းဖက်ဝါကို ဆန့်ကျင်ပြီး ထိခိုက်ခံစားရတဲ့သူတွေနဲ့ တစ်သားတည်းရှိကြောင်း ပြသတဲ့ လှုပ်ရှားမှုတစ်ခုကို ဥရောပတစ်ဝှမ်းက ရှေ့ဆောင်အီမာမ်တွေက ဆောင်ရွက်နေကြပါတယ်။
သူတို့ဟာ ဒေသတွင်း အကြမ်းဖက်တိုက်ခိုက်ခံခဲ့ရတဲ့နေရာတွေကို သွားရောက်ပြီး သေဆုံးသွားသူတွေအတွက် အောက်မေ့ဖွယ် ၀တ်ပြုဆုတောင်းမှုကို ပြုလုပ်ခဲ့ကြတာပါ။
ဒီလှုပ်ရှားမှုရည်ရွယ်ချက်ကဘာလဲ၊ ဘယ်လိုအခြေအနေမျိုးတွေကို ကြုံတွေ့ခဲ့ရလဲဆိုတာ ဒီဗီဒီယိုမှာ တွေ့မြင်ရမှာ ဖြစ်ပါတယ်။
ဇူလိုင် ၁၆၊ ၂၀၁၇
M-Media
– သင်္ချာပညာရပ်၏ နိုဘယ်ဆုဟု တင်စားခြင်းခံရသော Fields Medal ဆုကို ရရှိထားသည့် အီရန်နွယ်ဖွား သင်္ချာဉာဏ်ကြီးရှင် အမျိုးသမီး မရ်ယမ် မီဇာခါနီမှာ ကင်ဆာရောဂါဖြင့် ကွယ်လွန်သွားခဲ့ပြီဟု သိရသည်။
အမေရိကန်ဆေးရုံတစ်ခုတွင် ဆေးကုသနေသည့် အသက် ၄၀ အရွယ် မရ်ယမ်မှာ ယမန်နေ့က ကွယ်လွန်သွားခဲ့ခြင်းဖြစ်ပြီး မိသားစုဝင်များကလည်း သေဆုံးကြောင်း အတည်ပြုခဲ့သည်။
မရ်ယမ်မှာ ကယ်လီဖိုးနီးယားပြည်နယ်ရှိ Stanford တက္ကသိုလ်မှ ပါမောက္ခတစ်ဦးဖြစ်ပြီး လွန်ခဲ့သည့် ၄ နှစ်မှစ၍ ကင်ဆာရောဂါကို ခံစားခဲ့ရသည်။
ဂျီသြမေတြီ၊ ဒိုင်းနမစ်နယ်ပယ်တို့တွင် ထူးခြားဆန်းပြားသည့် ရှာဖွေဖော်ထုတ်မှုများ ပြုလုပ်နိုင်ခြင်း၊ စက်လုံးကဲ့သို့ မျက်နှာပြင်ကွေးသော အရာဝတ္တုများအကြောင်းကို နက်နက်ရှိုင်းရှိုင်း သိရှိနားလည်းခြင်းတို့ကြောင့် နိုင်ငံတကာသင်္ချာကွန်ဂရက်က ၂၀၁၄ ခုနှစ်တွင် မရ်ယမ်ကို Fields Medal ဆု ပေးအပ်ချီးမြှင့်ခဲ့သည်။
ထို့ပြင် Pure Mathematics နယ်ပယ်တွင် ခေတ်ရှေ့ပြေးသော သုတေသနများပြုလုပ်နိုင်မှုအတွက် ၂၀၀၉ ခုနှစ်တွင် Blumenthal Award ဆု၊ ၂၀၁၃ ခုနှစ်တွင် အမေရိကန် သင်္ချာအသင်းမှ ပေးအပ်သည့် Satter Prize ဆုတို့ကိုလည်း မရ်ယမန်က ဆွတ်ခူးရရှိခဲ့သည်။
တီဟီရန်တွင် မွေးဖွားခဲ့သည့် မရ်ယမ်၏ ကနဦးရည်မှန်းချက်မှာ စာရေးဆရာမတစ်ယောက် ဖြစ်လာရန် ဖြစ်သော်လည်း အထက်တန်းတက်သည့်အချိန် သင်္ချာပညာရပ်၌ ပါရမီရင့်သန်မှုကို တွေ့မြင်ခဲ့ရပြီးနောက် သင်္ချာနယ်ပယ်သို့ ရောက်ရှိလာခြင်းဖြစ်သည်။
ဆယ်ကျော်သက်အရွယ်ကတည်းက နိုင်ငံတကာ သင်္ချာနယ်ပယ်တွင် သတင်းမွှေးပျံ့ခဲ့သည့် မရ်ယမ်မှာ ၁၉၉၄၊ ၁၉၉၅ ခုနှစ် နိုင်ငံတကာ သင်္ချာအိုလံပစ်ပြိုင်ပွဲတွင် ရွှေတံဆိပ်များ ဆွတ်ခူးခဲ့ပြီး ၁၉၉၅ ခုနှစ် ပြိုင်ပွဲတွင် အမှတ်ပြည့် ရရှိခဲ့သည်။
၂၀၀၈ ခုနှစ်တွင် Stanford တက္ကသိုလ်၌ ပါမောက္ခအဖြစ် စတင် တာဝန်ထမ်းဆောင်ခဲ့သည်။ ကွယ်လွန်ချိန်တွင် မရ်ယမ်၌ ခင်ပွန်းနှင့် သမီးငယ်တစ်ဦး ကျန်ရစ်ခဲ့သည်။
အီရန်သမ္မတ ရူဟာနီက မရ်ယမ်အား ဆုံးရှုံးရမှုအတွက် အလွန်အမင်း ကြေကွဲဝမ်းနည်းရသည်ဟု ပြောကြားခဲ့သည်။
Ref: Straitstimes
ဗြိတိသျှနယ်ချဲ့တို့က မြန်မာနိုင်ငံကို ၁၉၄၈ခု၊ဇန်နဝါရီလ ၄ရက်၊ မနက် ၄နာရီ ၂၀ မိနစ် တွင် လွတ်လပ်ရေးပေးခဲ့သည်။ ထိုသို့လွတ်လပ်ရေးကြီးရဖို့ရန် တိုင်းပြည်အတွက် အသက်သွေး၊ချွေး၊ ပေးဆပ်ခဲ့ကြသော အာဇာနည် အမျိုးသားခေါင်းဆောင်ကြီးများ ပေါ်ထွန်းခဲ့ဖူးသည်။ လွတ်လပ်ရေး ဗိသုကာကြီး တပ်မတော်ဖခင်ကြီးဟု တင်စားခံရသော ဗိုလ်ချုပ်အောင်ဆန်း အပါဝင် အာဇာနည် အမျိုးသားခေါင်းဆောင်ကြီး( ၉ )ဦးတို့သည် နယ်ချဲ့လက်ပါးစေ အလိုတော်ရှိများ၏ လုပ်ကြံသတ် ဖြတ်မှု့ကြောင့် ၁၉၄၇ခု ဇူလိုင်လ (၁၉)ရက်၊စနေနေ့ မနက် ၁၀နာရီ ၃၇ မိနစ်တွင် ရန်ကုန်မြို့ရှိ အတွင်းဝန်ရုံး (“မဆလ” အစိုးရခေတ် ဝန်ကြီးများရုံးဟုခေါ်ဆို) အစည်းအဝေးခန်းမအတွင်း အရေး ပေါ်အစည်းအဝေးပြုလုပ်နေစဉ် လုပ်ကြံခံခဲ့ရပါသည်။ ယခုဆိုလျှင်ဗိုလ်ချုပ်နှင့်တကွ အာဇာနည် ခေါင်းဆောင်ကြီးများ လုပ်ကြံခံရသည်မှာ နှစ် (၇၀) တိုင်ကြာခဲ့ပေပြီ။ သို့သော် စာရေးသူအပါဝင် မျိုးချစ်စိတ်ဓာတ်ရှိသည့် မြန်မာလူမျိုးတိုင်း ဇူလိုင်လ ၁၉ရက်ရောက်ခါနီးတိုင်း ရောက်တိုင်း ရင်ထဲ ဆို့နင့်ခံစား မျက်ရည်တွေလည်ခဲ့ရသည်မှာ နှစ်စဉ်လိုလိုပင် ဖြစ်သည်။
ဒါ့ကြောင့်လည်း တိုင်းပြည်နှင့်လူမျိုးအတွက် တန်ဖိုးကြီးကြီးပေးဆပ်ခဲ့သော အာဇာနည် ခေါင်းဆောင်ကြီးများနှင့် သူတို့၏အမှတ်တရ သမိုင်းဝင်စကားလေးများကို တင်ပြခြင်းသည် ဂုဏ် ပြုထိုက်သူကို ဂုဏ်ပြုရာရောက်သည်ဟု ခံစားမိပါသည်။
ပြည်သူ့အချစ်တော် ဗိုလ်ချုပ်အောင်ဆန်းကို ၁၉၁၅ခု ဖေဖော်ဝါရိလ ၁၃ ရက်တွင် နတ် မောက်မြို့၊ မကွေးတိုင်းတွင် မွေးဖွားခဲ့သည်။ အသက် ၃၂ နှစ် ၅လ အရွယ်တွင် ဘုရင်ခံ အမှု့ဆောင် ကောင်စီဒုတိယ ဥက္ကဋ္ဌ လွတ်လပ်ရေးမရမီ ဝန်ကြီးအဖွဲ့၏ ဒုတိယဝန်ကြီးချုပ်၊ ကာကွယ်ရေးနှင့် နို်င် ငံခြားရေး ဝန်ကြီးတာဝန်ကို ထမ်းဆောင်ခဲ့သည်။ “ ငါ့ပြည်သူတွေ အနွေးထည်ဝယ် မဝတ်နိုင်တာ ဟာ ငါ့အပြစ်” ဟုသဘောထားခဲ့သည်။ တစ်မျိုးသားလုံးအရေးကို ခေါင်းထဲအမြဲထည့်ခဲ့သော ကြောင့် “သားဖြစ်သူ ဗိုလ်ချုပ်ကို တွေ့ချင်လွန်းလို့ မကွေးက လာခဲ့တဲ့မိခင်ကြီးကို တိုင်းပြည်အရေး လုံးပမ်းနေရသောကြောင့် မချစ်ချင်ယောင်ဆောင်ခဲ့သည်။ မိခင်ကြီးအိမ်ပြန်တဲ့အခါ ရထားဘူတာရုံ ကိုလိုက်ပို့ခဲ့သည်။ ရထားလည်းထွက်ရော ဘူတာရုံမှာ ဒူးထောက်ရင်း ကြိတ်မှိတ်ခံစားငိုကြွေးခဲ့ သည်။ နှလုံးသားကို အကျဉ်းချပြီး တိုင်းပြည်လွတ်လပ်ရေးအတွက် အချိန်ပေးကြိုးပမ်းခဲ့သည့် မိမိ ၏ဘဝတစ်ခုလုံးကို စတေးခဲ့သည့် ထိုကဲ့သို့ “မတစ်ထောင်၊ တစ်ကောင်ပွား” ယောက်ျား အာဇာနည် အမျိုးသားခေါင်းဆောင်ကြီးကို အာဃာတတရား အတ္တစိတ်များ၊ အာဏာရူးသွပ်မှု့များ မွန်ထူနေသော မျိုးချစ်ပါတီခေါင်းဆောင် နယ်ချဲ့ဗြိတိသျှ၏ လက်ပါးစေ ဂဠန်ဦးစောနှင့် အပေါင်းပါများ၏ နိုင်ငံတော်လုပ်ကြံမှု့ကြောင့် ကျည်ဆံ(၁၃) ချက်သင့်ကာ သူချစ်သော မြန်မာပြည်ကြီးနှင့် မြန်မာလူမျိုးတို့ကို နှုတ်ဆက်ထွက်ခွာသွားခဲ့ပေသည်။
ဗိုလ်ချုပ်၏ အစ်ကိုရင်းလည်းဖြစ်သူ ကျောင်းဆရာတစ်ဦးလည်းလုပ်ခဲ့ဖူးသူ အာဇာနည် ဦးဘဝင်းကို ၁၉၀၁ ခုနှစ်တွင် မွေးဖွားခဲ့သည်။ အသက်၄၆ နှစ်အရွယ်တွင် ရေနံချောင်း ဖဆပလ ဥက္ကဋ္ဌ၊ ကူးသန်းရောင်းဝယ်ရေးနှင့် ထောက်ပံ့ရေးဝန်ကြီးအနေဖြင့် ဗိုလ်ချုပ်၏အစိုးရအဖွဲ့တွင် တာဝန်ထမ်းဆောင်ခဲ့သည်။ ဗိုလ်ချုပ်ကို အင်္ဂလိပ်စာသင်ပေးခဲ့သော ဆရာတစ်ဦးလည်းဖြစ်သည်။ နယ်ချဲ့လက်ပါးစေ လက်ချက်ကြောင့် ကျည်ဆံ ၈ချက်သင့်ကာ ထိုနေရာတွင်ပင် အသက်ပေးလှူ သွားခဲ့သည်။
မိုင်းပွန်စော်ဘွားကြီးစပ်စံထွန်းကို ၁၉၀၇ခုနှစ်တွင် မွေးဖွားခဲ့သည်။ အသက်၄၀တွင် နယ်ခြားဒေသဆိုင်ရာ အတိုင်ပင်ခံဝန်ကြီးအနေဖြင့် တာဝန်ထမ်းဆောင်ခဲ့သည်။ ငယ်စဉ်က သူကိုယ်တိုင် “ပေါင်” ပေါ်တွင် “ကြောင်ရုပ်” ထိုးခဲ့မိတာကို ရှက်မိခဲ့ပြီး လူငယ်တွေကို “ဆေးမှင်ကြောင် မထိုးပါနဲ့လို့” မကြာခဏ မှာကြားပြောဆိုတတ်သည်။ ဦးခေါင်းတွင် ကျည်နှစ်ချက်သင့်ကာ ဇူလိုင် ၂၀ရက် မွန်းတည့်ချိန်တွင် သေဆုံးခဲ့သည်။
အတွင်းဝန် ဦးအုန်းမောင်ကို ၁၉၁၃ခုတွင် မွေးဖွားခဲ့ပြီး အသက် ၃၄ နှစ်အရွယ်တွင် ဒုတိယ အတွင်းဝန် (အိုင်စီအက်စ်) ရာထူးအပြင် သယ်ယူပို့ဆောင်ရေးနှင့် လမ်းပန်းဆက်သွယ်ရေးဋ္ဌာနဝန် ကြီးအနေဖြင့် တာဝန်ထမ်းဆောင်ခဲ့သည်။ သယ်ယူပို့ဆောင်ရေးစီမံကိန်းစာရွက်ကြီးကို ကိုင်စွဲကာ အစည်းအဝေးခန်းမထဲကို ငါးမိနစ်စောကာဝင်ခဲ့သည်။ “ကံဆိုးတယ် ပြောမလား၊ ကံကောင်းတယ် ပြောမလား” လူသတ်သမားရဲ့ကျည်ဆံ ၅တောင့်က သူ့ကိုယ်ထဲနစ်ဝင်သွားလိုက်တာယူလာခဲ့တဲ့ စီမံကိန်းစာရွက်ကြီး သွေးစွန်းသွားခဲ့တာ သမိုင်းသက်သေတစ်ခုဖြစ်သွားခဲ့တယ်။
ဆရာကြီးဒီးဒုတ်ဦးဘချိုကို ၁၈၉၃ခုနှစ်တွင် မွေးဖွားခဲ့သည်။ ဒီးဒုတ်ဂျာနယ်တွင် မိမိတတ် သည့် ကလောင်စွမ်းနှင့် တိုင်းပြည်အတွက် ရှိသမျှခွန်အားပေးဆပ်ရင်း အသက်၅၄ နှစ်အရွယ်တွင် ပြန်ကြားရေးဝန်ကြီးတာဝန်ကို ထမ်းရွက်နေစဉ် လူသတ်သမား၏ ကျည်ဆံတစ်ခု ဦးနှောက်ထဲဝင် ခဲ့ပြီး ကျည် ၅ ချက်သင့်ကာ ဇူလိုင်လ ၁၉ရက် နေ့လည်ပိုင်းတွင် ဆေးရုံကြီး၌ ကွယ်လွန်ခဲ့သည်။
အာဇာနည်ခေါင်းဆောင်ကြီး သခင်မြကို ၁၈၉၇ခုတွင် မွေးဖွားခဲ့ပြီး ၁၉ ဇူလိုင်တွင် ထမင်းကို ခပ်သွက်သွက်စားကာ ဇနီးသည်ကို နှုတ်ဆက် အ်ိမ်ကအထွက် ဂျစ်ကားနှင့်ခြံတံခါးငြိနေတာတွေ့ တော့ ဇနီးဖြစ်သူက အတိတ်နိမိတ်ကံမကောင်းလို့ ယူဆတာနဲ့ “မသွားပါနဲ့လို့” ပြောတဲ့ ဇနီးသည် ကို တစ်ချက်ကလေးပြုံးပြပြီး “ငါ့ကို ဗိုလ်ချုပ်စောင့်နေလိမ့်မယ်” လို့ ဖြေကြားခဲ့တဲ့ သခင်မြဟာ အသက် ၅၀မှာ ဘဏ္ဏာရေးဝန်ကြီးတာဝန်ကို ထမ်းရွက်နေစဉ်ဖြစ်တယ်။ “နှုတ်လုံတဲ့လူ” ဟု ခေါင်း ဆောင်များကြားထင်ရှားခဲ့ပြီး လူသတ်သမား၏ ကျည်တစ်ချက်အဆုတ်ကို ဖောက်ကာ ထိုနေရာ တွင်ပင် သေဆုံးခဲ့သည်။
မန္တလေးမြို့က အမျိုးသားကျောင်း၊ ကျောင်းအုပ်ဆရာကြီးဖြစ်သူ ဆရာကြီး ဦးရာဇတ်ကို ၁၈၉၈ ခုနှစ်တွင် မန္တလေးတိုင်း၊မိတ္ထီလာမြို့တွင်မွေးဖွားခဲ့သည်။ အသက်၄၉ နှစ်အရွယ် ဗိုလ်ချုပ်၏ အစိုးရအဖွဲ့တွင် ပညာရေး နှင့် အမျိုးသားရေး စီမံကိန်းဝန်ကြီးအဖြစ် တာဝန်ထမ်းဆောင်နေစဉ် အတွင်းဝန်ရုံး အစည်းအဝေးခန်းမတွင် ကျည်ဆံ ၆ ချက်သင့်ကာ ဒဏ်ရာအပြင်းအထန်ရနေစဉ် အတွင်း အနီးနားက သူတွေကို ပြောဆိုခဲ့တာက “ ဗိုလ်ချုပ်နှင့် သခင်မြကို အရင်ကြည့်ပါ။ ကျွန်တော်က အရေးမကြီးဖူး” ဟုပြောဆိုခဲ့သော ကိုယ်ချင်းစာနာစိတ်ပြင်းပြပြီး မေတ္တာဓာတ်ကြီးမား သူ အမျိုးသားကျောင်းအုပ်ဆရာကြီး၏ ရင်းတွင်းဖြစ် ခံစားချက် သမိုင်းဝင်စကားသည် မြန်မာ့သ မိုင်းတွင် ဘယ်သူဖျက်ဖျက် ဘယ်တော့မှဖျက်လို့ရမည့် အရာမဟုတ်ပေ။
ဆရာကြီး ဦးရာဇတ်၏ သက်တော်စောင့်ရဲဘော်ကိုထွေးကို ၁၉၂၉ခု တွင် မွေးဖွားခဲ့ပြီး လူသတ်သမား ရန်ကြီးအောင်ပစ်လိုက်သော ကျည် ၄ချက်သင့်၍ နေရာတွင်ပင် သေဆုံးသွား ခဲ့သည်။ ကွယ်လွန်ချိန်တွင် အသက် ၁၈နှစ် လူပျို၊လူလွတ်တစ်ဦးဖြစ်ခဲ့ပြီး အာဇာနည်ဟူသည် အသက်ကြီး ငယ်မရွေး ဖြစ်နိုင်သည်ကို သမိုင်းသွေးရေးကာ လူငယ်ထုအတွက် သက်သေပြသွားခဲ့ ပါသည်။ ယနေ့ခေတ် လူငယ်ထု အတုယူ အားကျစရာပင်ဖြစ်သည်။
ကရင်အမျိုးသား ခေါင်းဆောင်ကြီး မန်းဘခိုင်ကို ၁၉၀၃ ခုနှစ်တွင် မွေးဖွားခဲ့ပြီး ကရင်-ဗမာ ချစ်ကြည်ရေးကို ပျက်ပြားအောင် သွေးထိုးခဲ့သည့် ဗြိတိသျှနယ်ချဲ့ကို တုန့်ပြန်ခဲ့သည့် စကားတစ်ခွန်း ဖြစ်သည့် “ ကိုယ့်လူမျိုးအချင်းချင်း လက်အောက်ရောက်တာဟာ တိုင်းတစ်ပါးလက်အောက်ရောက်တာထက် အများကြီးသာပါတယ်” ဟူ၍ ပြောခဲ့သောစကားသည် “သူ့ကျွန်မခံစိတ် ပြင်းပြပုံ” ကို မီးမောင်းထိုးပြလျက်ရှိသည်။ အသက်၄၄ နှစ်အရွယ်တွင် စက်မှု့ လက်မှု့နှင့် အလုပ်သမားဝန်ကြီး အဖြင့် တာဝန်ယူနေပြီး လွတ်လပ်ရေးရပြီး အစိုးရဖွဲ့လျှင် ဒုတိယဝန်ကြီးချုပ် ခန့်ထားရန် ဗိုလ်ချုပ်က လျာထားခဲ့သူလည်းဖြစ်သည်။ ကျည်ဆံ ၁၅ ချက် အများ ဆုံးသင့်ကာ နေရာတွင်ပင်သေဆုံးခဲ့ပါသည်။
မည်သို့ပင်ဆိုစေ အာဇာနည်တို့သည် လူသာသေပြီး နာမည်နှင့်သမိုင်း ဘယ်တော့မျှ မသေ ကြောင်း အာဏာရှင်တို့သည် လူမသေ၊အသက်ရှည်သော်ငြားလည်းပဲ နာမည်နှင့် သမိုင်းအစော ကြီး သေသွားတတ်ကြောင်း သက်သေပြသ သွားခဲ့ပါသည်။ထို့အပြင် အာဇာနည်ခေါင်းဆောင်တွေ က တိုင်းပြည်အတွက် ဘာတွေပေးဆပ်ရမလဲဆိုတာကို အမြဲတွေးတော လုပ်ဆောင်တတ်ကြ ကြောင်း အတုစံနမူနာကောင်းများကို ယနေ့လူငယ်အပေါင်း အတုယူကာ အမိနိုင်ငံတော်ကြီး အတွက် တိုးတက်မှု့အလုံးစုံကို လုပ်ဆောင်သင့်ပါကြောင်း ၁၉ ဇူလိုင်အာဇာနည်နေ့က မီးမောင်းထိုးပြသနေပါကြောင်း တင်ပြလိုက်ပါသည်။
ဂျက်ဖရီတင်အုန်း(ရန်ကုန်စက်မှု့တက္ကသိုလ် R.I.T)
ဇူလိုင် ၁၆၊ ၂၀၁၇
M-Media
– အပြင်ကမ္ဘာက တော်တော်များများ မသိကြတဲ့ မြန်မာနိုင်ငံက တစ်မြေ့မြေ့လောင်ကျွမ်းနေတဲ့ ကာလရှည်ပဋိပက္ခတွေကြောင့် ၁၉၄၈ ခုနှစ် နိုင်ငံလွတ်လပ်ရေးရကတည်းက ပြည်သူ သိန်းနဲ့ချီ အိုးအိမ်စွန့်ခွာ ထွက်ပြေးခဲ့ရပါတယ်။
လက်ရှိ နိုင်ငံမြောက်ပိုင်း ကချင်ပြည်နယ်နဲ့ ရှမ်းပြည်နယ်တွေမှာ ဖြစ်ပွားနေတဲ့ တိုက်ခိုက်မှုတွေကြောင့်လည်း ပြည်သူတွေက ဆက်လက် ထွက်ပြေးနေရပြီး အသက်ရှင်ရပ်တည်မှုကို ထိခိုက်တာ၊ ရွာလုံးကျွတ် ပျက်ဆီးဆုံးရှုံးတာတွေလည်း ဖြစ်နေပါတယ်။
၂၀၁၅ ခုနှစ်မှာ မြန်မာအစိုးရနဲ့ တိုင်းရင်းသားလက်နက်ကိုင် ၈ ခုဟာ နိုင်ငံလုံးဆိုင်ရာ အပစ်ရပ်ရေးသဘောတူညီချက်ကို လက်မှတ်ရေးထိုးခဲ့ပြီး ‘ကမ္ဘာပေါ်က အရှည်ကြာဆုံး ပြည်တွင်းစစ်’ လို့ တစ်ချို့တွေက ခေါ်တဲ့ တိုက်ပွဲတွေကို ရပ်တန့်ရေး မျှော်လင့်ခဲ့ကြပါတယ်။ ဒါပေမယ့် အကြီးဆုံး တိုင်းရင်းသား လက်နက်ကိုင်အဖွဲ့တွေကတော့ ဒီသဘောတူညီချက်မှာ မပါဝင်ပါဘူး။
၂၀၁၆ ခုနှစ် စက်တင်ဘာမှာ ကရင်ပြည်နယ်အတွင်း ပဋိပက္ခတစ်သစ်တစ်ခု ဖြစ်ပွားခဲ့ပြီး ရွာသားတွေ ထောင်နဲ့ချီ အိုးအိမ်စွန့်ခွာ ထွက်ပြေးခဲ့ပါတယ်။
ကိုယ့်အိုးကိုယ့်ကို သံယောဇဉ်ရှိတာပေါ့
အသက် ၇၃ နှစ်အတွက် လာဘန်လူတစ်ယောက် စစ်သားတွေက သူ့အိမ် မီးဖိုဆောင်ကို ပစ်တဲ့အချိန်ကျမှ အိမ်က ထွက်ပြေးလာသူပါ။ မိတ်ဆွေတွေအားလုံးဟာ အရင်ကတည်းက ထွက်သွားခဲ့ကြသလို၊ မိသားစုကလည်း သူ့ကို ထားသွားကြပါတယ်။ ခင်ပွန်းဖြစ်သူကတော့ ဆုံးပါးသွားတာ ကြာပါပြီ။
လက်ရှိမှာ လာဘန်လူဟာ ကချင်ပြည်နယ် ဗန်းမော်မြို့ ဒုက္ခသည်စခန်းတွေထဲက တစ်ခုမှာ နေထိုင်ပါတယ်။ ကချင်လွတ်မြောက်ရေးတပ် (KIA) နဲ့ မြန်မာအစိုးရတပ်တို့အကြား ၁၉ နှစ်တာရရှိခဲ့တဲ့ အပစ်ရပ်ရေးဟာ ၂၀၁၁ ခုနှစ်မှာ ပျက်ဆီးသွားခဲ့ပြီး ကချင်ပြည်နယ်မှာ တိုက်ခိုက်မှုတွေ ထပ်ဖြစ်ခဲ့ပါတယ်။
လွန်ခဲ့တဲ့ ၂ နှစ်တုန်းက လာဘန်လူဟာ သူ့ကလေးတွေကို ပြုစုပျိုးထောင်ပေးခဲ့တဲ့၊ လွန်ခဲ့တဲ့ ၁၆ နှစ် သူ့ခင်ပွန်းကို မြှုပ်ခဲ့တဲ့ သူသံယောဇဉ်အရှိဆုံးရွာကို စွန့်ခွာခဲ့ရပါတယ်။
“ထွက်ပြေးရတော့မယ်ဆိုတာ အဖွားသိပါတယ်။ အဖွားပြင်ဆင်ထားတဲ့ အိတ်ကလေးတောင် ယူသွားချိန် မရလိုက်ပါဘူး”
သူမဟာ ပိုင်ဆိုင်သမျှ အားလုံးကို ထားပြီး တစ်ယောက်တည်း ပြေးခဲ့ရတာပါ။
“ဗန်းမော်မှာ မသေချင်ဘူး။ အိမ်ကိုပဲ မြန်မြန်ပြန်ချင်တယ်။ ခင်ပွန်းရဲ့ဘေးမှာပဲ ခေါင်းချချင်ပါတယ်” လို့ လာဘန်လူက ပြောကြားခဲ့ပါတယ်။
အေးအေးလူလူမနေရ
မြန်မာနိုင်ငံ အရှေ့မြောက်ပိုင်း ကချင်ပြည်နယ်မှာ အသက် ၃၄ နှစ်အရွယ် ဒေါ်အေးရွှေဟာ ကလေးတွေနဲ့ မုဆိုးမဖြစ်ပြီး ဗန်းမော်မြို့က ရောဘတ်ဒုက္ခသည်စခန်းမှာ နေထိုင်နေရပါတယ်။
ရှမ်းပြည်နယ်က တရုတ်နယ်စပ်နဲ့ ကပ်နေတဲ့ ကွတ်ခိုင်မြို့မှာ မွေးဖွားခဲ့သူ သူမဟာ တရုတ်နွယ်ဖွားတစ်ဦးဖြစ်ပြီး မြန်မာနိုင်ငံက တရားဝင်သတ်မှတ်ထားတဲ့ တိုင်းရင်းသား ၁၃၅ မျိုးစာရင်းထဲမှာ ပါဝင်ပါတယ်။ လွန်ခဲ့တဲ့ ၈ နှစ်မှာ သူမဟာ ခင်ပွန်း၊ ကလေးတွေနဲ့အတူ သူမရဲ့ဇာတိရွာက ထွက်ပြေးလာခဲ့ရပါတယ်။
သူတို့မိသားစုဟာ အလုပ်အကိုင်အခွင့်အလမ်းများ ပိုကောင်းမလားဆိုတဲ့ မျှော်လင့်ချက်နဲ့ မြောက်ပိုင်း ကချင်ပြည်နယ်က မိုင်းခေါင်မြို့ကို ထွက်လာခဲ့ကြတာပါ။ အဲဒီမြို့မှာ ၂ နှစ်ကြာ နေထိုင်ခဲ့ပြီ လယ်ငှားကာ တိုက်ပွဲတွေဖြစ်ပွားတဲ့အချိန် ၂၀၁၁ ခုနှစ်အထိ လုပ်ကိုင်ခဲ့ပါတယ်။
ကိုယ်ဝန်အရင့်အမာကြီးနဲ့ ဒေါ်အေးရွှေဟာ ခင်ပွန်း၊ ကလေးလေးယောက်တို့နဲ့အတူ တောထဲကို ထွက်ပြေးခဲ့ရပါတယ်။
“တောထဲမှာ မလုံခြုံဘူးလို့ ခံစားရပါတယ်။ စားလည်းမစားနိုင်၊ အိပ်လည်းမအိပ်နိုင်ပါဘူး။ သေတော့မှာပဲဆိုပြီး ကြောက်ရွံ့ခဲ့ရပါတယ်” လို့ သူမက ပြန်ပြာင်းပြောကြားခဲ့ပါတယ်။ အိမ်မှာ ပြန်လာနေလိုက်၊ တောထဲထွက်ပြေးလိုက်နဲ့ သူတို့ဟာ လတော်တော်များများ ဒီလိုပဲ နေခဲ့ရပါတယ်။ ၂၀၁၂ ခုနှစ် ဇန်န၀ါရီလမှာတော့ ရောဘတ် ဒုက္ခသည်စခန်းကို ရောက်လာပါတယ်။
“ကလေးတွေအတွက် ကျွန်မ အရမ်းစိုးရိမ်ပါတယ်။ ကျွန်မရဲ့ အကြီးမားဆုံး အိပ်မက်က ကလေးတွေ ပညာသင်နိုင်ဖို့ပါ။ မြန်မာနိုင်ငံကို အနာဂတ်မှာ ငြိမ်းချမ်းတဲ့နိုင်ငံတစ်ခု ဖြစ်စေချင်ပါတယ်” လို့ သူမက ပြောကြားခဲ့ပါတယ်။
တစ်ရွာလုံးထွက်ပြေးရ
ငြိမ်းဆိုတဲ့ ကောင်မလေးတစ်ယောက်ဟာ အသက် ၁၂ နှစ်အရွယ်မှာပဲ ပထမဆုံးအကြိမ် အိုးအိမ်စွန့်ခွာ ထွက်ပြေးခဲ့ရပါတယ်။ နှစ်ပေါင်း ၂၀ ကြာမြင်ခဲ့ပြီး နောက်ပိုင်းမှာတော့ ဒီ ကရင်အမျိုးသမီးလေးဟာ အိမ်ပြန်လာနိုင်ခဲ့ပါတယ်။
ငြိမ်းရဲ့ နုနုနယ်နယ် မျက်နှာလေးဟာ သူဖြတ်သန်းခဲ့ရတဲ့ ဒုက္ခတွေကို မထင်ဟပ်ပါဘူး။ အိမ်ကနေ ပထမဆုံး ထွက်ပြေးခဲ့ရတဲ့အချိန်ကို သူမက မှတ်မိနေပါတယ်။
“တိုက်ပွဲတွေနီးလာတဲ့အချိန်တိုင်း တစ်ရွာလုံးက တောထဲကို ထွက်ပြေးရပါတယ်”
အစိုးရစစ်တပ်နဲ့ ကရင်အမျိုးသား လွတ်မြောက်ရေးတပ်ဖွဲ့တို့အကြား တိုက်ပွဲတွေကြောင့် သူဟာ ခဏခဏ အိုးအိမ်စွန့်ခွာ ထွက်ပြေးခဲ့ရပါတယ်။ တိုက်ခိုက်မှုအရှိန် အမြင့်ဆုံးရောက်နေတဲ့အချိန်မှာ တစ်ရွာလုံးက မိသားစု ၆၀ လောက်ဟာ တောထဲမှာ ၃ လလောက် ပုန်းနေရပါတယ်။
၂၀၀၅ ခုနှစ်မှာတော့ ငြိမ်းဟာ ရွာကထွက်ပြီး ထိုင်းနိုင်ငံကို သွားရောက်ခဲ့ပါတယ်။
ပြီးခဲ့တဲ့နွေရာသီမှာတော့ သူမဟာ ဇာတိရွာကို ပြန်ရောက်လာခဲ့ပါတယ်။
“အစိုးရသစ်က ကရင်အမျိုးသားအစည်းအရုံးနဲ့ ငြိမ်းချမ်းရေးသဘောတူညီချက် လက်မှတ်ရေးထိုးခဲ့တယ်လို့ ကျွန်မ ကြားခဲ့ရပါတယ်။ ဒါ့ကြောင့် ပြန်လာရင် အန္တရာယ်ကင်းမယ်လို့ ကျွန်မ ယုံကြည်ပါတယ်။ ငြိမ်းချမ်းရေးရချင်တယ်။ လွတ်လပ်စွာ သွားလာချင်တယ်။ ပြည်သူတွေကြားထဲမှာ နှစ်ပေါင်းများစွာရှိလာတဲ့ မယုံသင်္ကာမှုတွေ ပပျောက်စေချင်နေပါပြီ”
အိုးအိမ်စွန့်ရမယ်လို့ မထင်
အသက် ၆၇ နှစ်အရွယ်ရှိပြီဖြစ်တဲ့ ဦးသန်းမောင်ဟာ ငယ်ငယ်တုန်းက လယ်ယာလုပ်ငန်းနဲ့ ကုန်ရောင်းကုန်ဝယ် လုပ်ခဲ့သူတစ်ယောက်ပါ။ လက်ရှိမှာတော့ ကချင်ပြည်နယ်မှာ သူဟာ အိုအိမ်စွန့်ခွာ ထွက်ပြေးခဲ့ရတဲ့ ဒုက္ခသည်တစ်ယောက် ဖြစ်လို့နေပါတယ်။
၂၀၁၁ ခုနှစ်မှာ အစိုးရတပ်နဲ့ KIA အကြား တိုက်ပွဲတွေ ဖြစ်ပွားခဲ့ပါတယ်။
“အနာဂတ်အတွက် မျှော်လင့်ချက် များများစားစား မရှိပါဘူး။ ဒါပေမယ့် ကျွန်တော့်ရွာကို ကျွန်တော် ပြန်ချင်တယ်။ လွတ်လွတ်လပ်လပ် အလုပ်လုပ်ချင်တယ်။ ဒါမှ အလုပ်မလုပ်နိုင်တဲ့အချိန် သုံးနိုင်စွဲနိုင်ဖို့ ပိုက်ဆံစုနိုင်မှာပါ”
ကျောင်းတက်ချင်တယ်
အသက် ၈ နှစ်အရွယ် အောင်လတ်နဲ့ သူရဲ့ညီ ၃ နှစ်အရွယ် နော်အောင်တို့ဟာ ကချင်ပြည်နယ်က မန်စီဒုက္ခသည်စခန်းမှာ မိခင်၊ အမတို့နဲ့ နေထိုင်နေရသူပါ။
မိခင်ဖြစ်သူ အသက် ၃၀ အရွယ် လာရှီရွိုင်ဂျာက သူမဟာ လယ်ယတစ်ခုမှာ အလုပ်လုပ်ပြီး ကလေးတွေနဲ့ နေထိုင်တယ်လို့ ပြောကြားခဲ့ပါတယ်။ သူမရဲ့ ခင်ပွန်းကတော့ ကချင်စစ်တပ်က စစ်သားတစ်ယောက်ပါ။
“၅ နှစ်လောက် အဲဒီစစ်တပ်မှာ သူ ပါခဲ့တယ်။ တစ်ခါရှေ့တန်းထွက်ရင် ၃ လကနေ ၆ လအထိ ကြပါတယ်”
၂၀၁၁ ခုနှစ် နိုဝင်ဘာမှာတော့ သူတို့ဟာ အိုးအိမ်စွန့်ခွာ ထွက်ပြေးခဲ့ရပါတယ်။
“မြစ်ရိုးတစ်လျှောက် သေနတ်ပစ်သံတွေကြားရတုန်းက ကျွန်မ လယ်ထဲမှာ ကောက်ရိတ်နေတဲ့အချိန်ပါ။ အ၀တ်အစားတစ်ချို့နဲ့ အစားအသောက်အနည်းငယ်ကို ထုပ်ပိုးပြီး တောင်ပေါ်ကို ထွက်ပြေးခဲ့ရပါတယ်။ တစ်ရွာလုံးလည်း အဲဒီအချိန်မှာ ပြေးရတာပါပဲ”
သူတို့ဟာ တောင်တွေပေါ်မှာ ၃ နှစ်လောက် နေခဲ့ရပြီးနောက်ပိုင်း မန်စီစခန်းကို ရောက်လာတာပါ။ ၂ နှစ်အရင်က လာရှီရွိုင်ဂျာဟာ သူမရဲ့ ခင်ပွန်း တိုက်ပွဲမှာ ကျသွားတယ်ဆိုတဲ့ သတင်းဆိုးတစ်ခုကို ကြားလိုက်ရပါတယ်။
“သူ့ကို ကျွန်မ သတိရတယ်။ ဒါပေမယ့် ဘာမှမလုပ်နိုင်ပါဘူး။ ပြဿနာတစ်ခုခု ရင်ဆိုင်ရပြီဆိုရင် သူ့ကို သိပ်သတိရတာပဲ။ ဘာ့ကြောင့်လည်းဆိုတော့ သူက ကျွန်မကို အမြဲတမ်း အားပေးတယ်လေ”
ဘယ်တော့ အိမ်ပြန်ရောက်မလဲဆိုတာကိုတော့ လာရှီတစ်ယောက် မသိပါဘူး။
“ငြိမ်းချမ်းပြီး၊ သေနတ်သံတွေ ထပ်မကြားရတော့တဲ့ အချိန်မှာ ကျွန်မ အိမ်ပြန်နိုင်မယ်လို့ မျှော်လင့်ပါတယ်”
Ref: Aljazeera
(Aljazeera သတင်းဌာနမှ The faces of Myanmar’s internally displaced ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)
ဇူလိုင် ၁၅၊ ၂၀၁၇
M-Media
– သာမန်ရိုးရိုးကားတွေကို တိုက်ပွဲဝင်နိုင်တဲ့ ယာဉ်တွေလိုမျိုး IS က ဖန်တီးထားတဲ့ ကားတွေကို မူဆိုးလ်မြို့မှာ အီရတ်အစိုးရက ပြပွဲတစ်ခုအဖြစ် ခင်းကျင်းပြသထားပါတယ်။
၂၀၁၄ ခုနှစ်က IS အကြမ်းဖွဲ့ရဲ့ သိမ်းယူမှုကို ခံလိုက်ရတဲ့ မူဆိုးလ်မြို့ကို ပြန်လည်သိမ်းပိုက်ဖို့အတွက် အီရတ်စစ်တပ်ဟာ ၉ လတာ ထိုးစစ်ဆင်ခဲ့ပြီး ပြီးခဲ့တစ်ပတ်မှာတော့ လုံးဝ လွတ်မြောက်သွားပြီဖြစ်ပါတယ်။
မူဆိုလ်းမြို့ ပြည်ထောင်စု ရဲတပ်ဖွဲ့ဌာနချုပ်မှာ ပြသထားတဲ့ အဲဒီကားတွေဟာ ထိုးစစ်အတွင်း သိမ်းဆည်းရမိခဲ့တာတွေဖြစ်ပြီး အများစုက အိမ်စီးကားတွေ ဖြစ်ပါတယ်။
IS က အဲဒီကားတွေကို သံပြားထူထူတွေနဲ့ ဖုံးအုပ်ပြီး ကျည်ကာကားအဖြစ် ဖန်တီးထားသလို အနောက်က လူထိုင်တဲ့နေရာတွေကို ဖယ်ရှားပြီး ဖောက်ခွဲရေးပစ္စည်းတွေကို ဖြည့်တင်းထားပါတယ်။ နောက်ပြီး ဘီးတွေမှာလည်း အသေခံဗုံးတွေကို တပ်ဆင်ထားတာ တွေ့ရပါတယ်။
တစ်ချို့ကားတွေရဲ့ ခေါင်မိုးမှာ ရထားလမ်းလို လမ်းကြောင်းလေးတွေ ဖန်တီးထားပြီး လက်လုပ်ဒုံးကျည်အတွက် ရည်ရွယ်တယ်လို့ ယူဆရပါတယ်။ ဘီးတွေမှာ အသေခံဗုံးတွေမပါဘဲ ကျည်ဒဏ်ခံနိုင်ဖို့ သံပြားတွေ လှိုင်လှိုင်သုံးကာ တိုက်ပွဲဝင်ဖို့ ဖန်တီးထားတဲ့ ကားတွေကိုလည်း တွေ့ရပါတယ်။
မြေတူးစက်ကားတွေကို လက်နက်တပ်ဆင်ကာ ကားတစ်စီးလုံးကို သံပြားတွေဖုံးထားတာ၊ ထရပ်ကားတစ်စီးမှာဆိုရင် T-55 တင့်ကားက အမြောက်ကို ဖြုတ်ကာ တပ်ပြီး ပုံဖျက်ထားမျိုးတွေလည်း ရှိပါတယ်။
IS က ဖန်တီးထားတဲ့ ဒီကားတွေဟာ တင့်ကားအစစ်တွေနဲ့ယှဉ်ရင် အန္တရာယ်ကင်းမှု၊ ပေါ့ပါးမှုမရှိပေမယ့် အမေရိကန်ဦးဆောင်တဲ့ မဟာမိတ်တွေရဲ့ လေကြောင်းတိုက်ခိုက်မှုကို ခံနိုင်ဖို့ အဓိကရည်ရွယ်လို့ ယူဆရပါတယ်။
Ref: RT