မေ ၂၂၊ ၂၀၁၇
M-Media
– ဆော်ဒီကိုရောက်ရှိနေတဲ့ အမေရိကန်သမ္မတ ဒေါ်နယ်ထရမ့်၊ အာရပ်နဲ့ မွတ်စလင်အများစုရှိရာ နိုင်ငံတွေက ခေါင်းဆောင်တွေ၊ ကိုယ်စားလှယ်တွေ စုစုပေါင်း ၅၅ ဦးတို့ မနေ့က မြို့တော် ရီယာ့ဒ်မှာ ပူးပေါင်းပြု လုပ်တဲ့ ထိပ်သီးအစည်းအဝေးမှာ ဘာသာတရားကို အသုံးချပြီး အကြမ်းဖက်လုပ်ရပ်တွေကို ကျူးလွန်နေတဲ့ သူတွေကို ရှုတ်ချပြောဆိုလိုက်ပါတယ်။
အစည်းအဝေးမှာ ပထမဆုံး မိန့်ခွန်းပြောတဲ့ ဆော်ဒီဘုရင် ဆလ်မန်က အစ္စလာမ်ဟာ ငြိမ်းချမ်းစွာ အတူယှဉ်တွဲနေထိုင်ရေးအတွက် အကောင်းဆုံး ဥပမာပေးထားပြီး ‘အမြဲတမ်း သည်းခံခွင့်လွှတ်တဲ့ ငြိမ်းချမ်းစွာ အတူယှဉ်တွဲတည်ရှိတဲ့ သာသနာ ဖြစ်နေမှာဖြစ်တယ်’ လို့ ပြောကြားခဲ့ပါတယ်။
နောက်ပြီး အချို့သူတွေက အစ္စလာမ်သာသနာကို ပုံဖျက်နေတယ်လိုလည်း ဘုရင်ကြီးက ထောက်ပြခဲ့ပါတယ်။
ထရမ့်ကတော့ ‘အစွန်းရောက်ဝါဒကို ရှင်းပစ်ဖို့’ ရည်ရွယ်တဲ့ ‘မဟာမိတ်အဖွဲ့’ တစ်ခုကို အရှေ့အလယ်ပိုင်းမှာ ပေါ်ပေါက်လာအောင် အမေရိကန်က ဆောင်ရွက်နေတယ်လို့ ပြောကြားခဲ့ပါတယ်။
နောက်ပြီး အကြမ်းဖက်တိုက်ခိုက်မှုတွေကို ခံစားရသူ အများစုဟာ ‘အပြစ်မဲ့တဲ့ အာရပ်တွေ၊ မွတ်စလင်တွေနဲ့ အရှေ့အလယ်ပိုင်းက နိုင်ငံတွေ’ ဖြစ်ပြီး ‘အကြမ်းဖက်တိုက်ခိုက်မှု သားကောင် ၉၅ ရာခိုင်နှုန်းကလည်း မွတ်စလင်တွေသာ ဖြစ်တယ်’ လို့ ပြောကြားခဲ့ပါတယ်။
ကောင်းမှုနဲ့ မကောင်းမှု
အစွန်းရောက်သမားတွေကို တိုက်ခိုက်မှုကိုတော့ ကောင်းမှုနဲ့ မကောင်းမှုအကြား စစ်ပွဲလို့ ထရမ့်က ကင်ပွန်းတပ်ခဲ့ပါတယ်။
“ဒါဟာ လူသားဘ၀ကို ဖျောက်ဖျက်ချင်နေတဲ့ ကြမ်းကြုတ်တဲ့ ရာဇ၀တ်ကောင်တွေနဲ့ လူသားတွေကို ကာကွယ်ချင်နေတဲ့ ဘာသာအားလုံးက သူတော်ကောင်းတွေအကြား တိုက်ပွဲဖြစ်ပါတယ်။ ဒါဟာ ကောင်းမှုနဲ့ မကောင်းမှုကြားက တိုက်ပွဲပါ။ မတူညီတဲ့ ဘာသာတရားတွေအကြား၊ ဂိုဏ်းဂဏတွေအကြား၊ လူ့အဖွဲ့အ
စည်းတွေအကြား တိုက်ပွဲမဟုတ်ပါဘူး” လို့ ဒေါ်နယ်ထရမ့်က ဆိုပါတယ်။
အစွန်းရောက်သမားတွေကို တိုက်ဖျက်နေတဲ့ ခေါင်းဆောင်တွေနဲ့အတူ အမေရိကန်က ရပ်တည်နေပြီး ဒီအစွန်းရောက်တွေကို ‘မိမိတို့ရဲ့ ၀တ်ပြုရာနေရာ၊ လူ့အဖွဲ့အစည်း၊ မြင့်မြတ်ရာ နယ်မြေတွေကနေ’ မောင်းထုတ်ရာမှာ အရှေ့အလယ်ပိုင်း နိုင်ငံတွေက ဦးဆောင်သင့်တယ်လို့လည်း ပြောကြားခဲ့ပါတယ်။
“အကြမ်းဖက်သမားတွေဟာ ဘုရားသခင်ကို ကိုးကွယ်တာမဟုတ်ပါဘူး။ သေခြင်းတရားကို ကိုးကွယ်တာပါ”
ဘာသာရေးခေါင်းဆောင်တွေအနေနဲ့ ဘာသာတရားရဲ့ အမည်ကို အသုံးချပြီး လုပ်နေတဲ့ တိုက်ခိုက်မှုတွေကို ရှုတ်ချဖို့ ထရမ့်က တိုက်တွန်းခဲ့ပြီး ‘မတူညီတဲ့ ဘာသာတရားတွေကြားထဲက တိုက်ပွဲ’ မဟုတ်ဘူးလို့လည်း ထပ်လောင်း ပြောဆိုခဲ့ပါတယ်။
“ကျွန်တော်တို့ဟာ လူတွေ ဘယ်လိုနေရမယ်၊ ဘယ်လို ကိုးကွယ်ရမလဲဆိုတာ ပြောဖို့ ဒီရောက်နေတာ မဟုတ်ပါဘူး။ ဘုံအကျိုးစီးပွားနဲ့ တန်ဖိုးတွေကို အခြေခံပြီး မိတ်ဖက်အဖြစ် ကမ်းလှမ်းဖို့ ရောက်ရှိနေတာဖြစ်ပါတယ်။ အခြားကိစ္စတွေထက် ပိုပြီး အရေးကြီးတဲ့ ရည်ရွယ်ချက်တစ်ခုကို ဖော်ဆောင်ဖို့ ကျွန်တော်တို့ ညီညွှတ်ရပါမယ်။ ဒီ ရည်ရွယ်ချက်ကတော့ အစွန်းရောက်ဝါဒကို အောင်နိုင်ရေးဆိုတဲ့ သမိုင်းရဲ့ အကြီးမားဆုံး စမ်းသပ်မှုပါပဲ”
ထရမ့်ဟာ မွတ်စလင်အများစုရှိရာ နိုင်ငံတွေကို ခရီးသွားလာခွင့်ပိတ်ပင်မယ်ဆိုတဲ့ ကိစ္စနဲ့ ပတ်သက်ပြီး ၂၀၁၆ ခုနှစ် မတ်လက CNN နဲ့ အင်တာဗျူးမှာ အစ္စလာမ်က သူတို့ကို မုန်းနေတယ်လို့ထင်ကြောင်း၊ အစ္စလာမ်သာသနာမှာ အမုန်းတွေ ကြီးကြီးမားမားရှိနေကြောင်း၊ အရင်းအမြစ်အထိ ကြည့်ဖို့လိုကြောင်း ပြောကြားခဲ့တဲ့အတွက် ဝေဖန်မှုကို ပြင်းပြင်းထန်ထန် ခံခဲ့ရပါတယ်။
ဒါပေမယ့် အခု မိန့်ခွန်းမှာတော့ ငြိမ်းချမ်းရေး၊ မျှော်လင့်ချက်နဲ့ စည်းလုံးမှုတွေကို အဓိကထား တိုက်တွန်းသွားခဲ့ပါတယ်။
ထရမ့်ဟာ ကာတာ၊ ဘာရိန်း၊ အီဂျစ်တို့က နိုင်ငံ့ခေါင်းဆောင်တွေအပါအ၀င် မွတ်စလင်အများစုရှိရာ နိုင်ငံတွေက ခေါင်းဆောင်တွေ တော်တော်များများနဲ့လည်း တွေ့ဆုံခဲ့ပါတယ်။
အကြမ်းဖက်ဝါဒအတွက် ငွေကြေးထောက်ပံ့နေမှုကို တိုက်ဖျက်ရေး ပင်လယ်ကွေ့ပူးပေါင်းဆောင်ရွက်ရေး ကောင်စီ အဖွဲ့ဝင်နိုင်ငံတွေနဲ့ နားလည်မှုစာချွန်လွှာကို လက်မှတ်ရေးထိုးခဲ့ပါတယ်။
ဆော်ဒီနဲ့ကတော့ အမေရိကန်သမိုင်းမှာ အကြီမားဆုံး လက်နက်ရောင်းဝယ်မှုစာချုပ်ဖြစ်တဲ့ ကန်ဒေါ်လာ ၁၁၀ ဘီလီယံ တန်ဖိုးရှိတဲ့ စာချုပ်အပါဝင် အခြား ပူးပေါင်းဆောင်ရွက်ရေး စာချုပ်တွေကိုလည်း ချုပ်ဆိုခဲ့ပါတယ်။
Ref: Aljazeera
