Blog

ပြည်သူ့ဆေးရုံမှာ ပြည်သူတွေနဲ့အတူ စောင့်ဆိုင်းကာ ဆေးခန်းပြတဲ့ မလေးဝန်ကြီး

မေ ၂၀၊ ၂၀၁၇
M-Media

နောက်တန်းတွင် ရှပ်အင်္ကျီအဖြူနှင့် ထိုင်နေသူမှာ ၀န်ကြီး မွတ်စ်တာဖာ မိုဟာမက် ဖြစ်သည်

– မလေးရှား ကုန်သွယ်ရေးနဲ့ စက်မှုဝန်ကြီး မွတ်စ်တာဖာ မိုဟာမက်တစ်ယောက် ကွာလာလမ်ပူ ပြည်သူ့ဆေးရုံ(HKL) မှာ ဆေးကုသဖို့ အများပြည်သူနဲ့အတူတူ ထိုင်စောင့်နေတဲ့ ဓာတ်ပုံတစ်ပုံဟာ မလေးရှား အွန်လိုင်းအသုံးပြုသူတွေကြားမှာ ပြန့်နှံ့နေပြီး ချီးကျူးမှုတွေလည်း ရရှိနေပါတယ်။

အဲဒီဓာတ်ပုံကို လက်ရှိ အာဏာရ ညွန့်ပေါင်းအစိုးရအဖွဲ့ကို ထောက်ခံသူများ Facebook စာမျက်နှာက မေလ ၁၆ ရက်နေ့မှာ လွှင့်တင်ခဲ့ပြီး ဒီနေ့မနက်အထိ Like ၁၅၀၀နဲ့ comment ၅၃၄ ခု ရရှိနေပြီ ဖြစ်ပါတယ်။

မလေးရှား သတင်းစာတစ်ခုဖြစ်တဲ့ The Star က မေးမြန်းရာမှာ ၀န်ကြီးက

“HKL က အထူးဆေးခန်းဟာ တနင်္လာနေ့မနက် ၈ နာရီ ကျွန်တော့်ကို ချိန်းထားတာပါ။ ဆရာဝန်ကိုတွေ့ဖို့ စောင့်နေရင်း အခြားလူနာတွေနဲ့ စကားပြောခွင့် ရခဲ့ပါတယ်” လို့ ပြန်လည် ဖြေကြားခဲ့ပါတယ်။

နောက်ပြီး ၀န်ကြီးက နိုင်ငံခြား ခရီးစဉ်တစ်ခုကနေ ပြန်လာပြီးတဲ့နောက်ပိုင်းမှာ အရေပြားရောဂါ တော်တော် ပြင်းပြင်းထန်ထန် ခံစားခဲ့ရပြီး တနင်္လာနေ့က HKL ကို ၃ ကြိမ်မြောက် သွားရောက်ကုသခံခဲ့တာဖြစ်တယ်လို့လည်း ဆိုပါတယ်။

ref: Straits Times

May 20, 2017
အမေရိကန်သမ္မတ ထရမ့် ဆော်ဒီသို့ ရောက်ရှိလာ

မေ ၂၀၊ ၂၀၁၇
M-Media

– အမေရိကန်သမ္မတ ဒေါ်နယ်ထရမ့်မှာ ၎င်း၏ ပထမဆုံး နိုင်ငံခြားခရီးစဉ်အဖြစ် ယနေ့မနက်ပိုင်းတွင် ဆော်ဒီအာရေဗျနိုင်ငံ ရီယာ့ဒ်မြို့သို့ ရာက်ရှိလာခဲ့သည်။

ထရမ့်နှင့် အဖွဲ့ကို ဆော်ဒီဘုရင် ဆလ်မန် ဘင် အဘ်ဒူလ် အဇစ် အလ် ဆာအွဒ်က လေယာဉ်ကွင်းတွင် လာရောက်ကြိုဆိုခဲ့သည်။

ထရမ့်မှာ စနေနှင့် တနင်္ဂနွေနေ့များတွင် ဆော်ဒီဘုရင်၊ အခြားသော အာရပ်ခေါင်းဆောင်များ၊ မွတ်စလင်ခေါင်းဆောင်များဖြင့် တွေ့ဆုံဆွေးနွေးမည်ဖြစ်သည်။ ထို့နောက် အစ္စရေး၊ အစ္စရေးက သိမ်းပိုက်ထားသော ပါလက်စတိုင်းပိုင်နက်များ၊ ဗာတီကန်၊ ဘလ်ဂျီယံနှင့် အီတလီနိုင်ငံများသို့ သွားရောက်ရန် စီစဉ်ထားသည်။

ဆော်ဒီသို့ ရောက်ရှိလာသည့် ၂ ရက်ကြာခရီးစဉ်တွင် ထရမ့်မှာ လက်နက်ရောင်းချရေး သဘောတူညီချက်ကို လက်မှတ်ထိုးမည်ဖြစ်ကာ၊ အစ္စလာမ်နှင့်ပတ်သက်သည့် မိန့်ခွန်းတစ်ခုကိုလည်း ပြောကြားမည်ဖြစ်သည်။ ထို့ပြင် ခေါင်းဆောင် ၅၀ ကျော်နှင့် အကြမ်းဖက်ဝါဒ တိုက်ဖျက်ရေးအကြောင်းကို ဆွေးနွေးရန် ရှိနေသည်။

အမေရိကန်သမ္မတစ်ဦးက ၎င်း၏ ပထမဆုံး ခရီးစဉ်အား ဆော်ဒီနိုင်ငံကို ရွေးချယ်မှုမှာ ယခုအကြိမ်သည် ပထမဆုံးဖြစ်ပြီး၊ ထရမ့်အနေဖြင့် အမေရိကန်၏ အနီးကပ်ဆုံး အာရပ်မဟာမိတ်နိုင်ငံနှင့် ဆက်ဆံရေးကို ပြန်လည်ကောင်းမွန်လာစေရန် ဆန္ဒရှိနေသည်ဟု ရှုမြင်ကြသည်။

Ref: Aljazeera

May 20, 2017
အီရန် သမ္မတရွေးကောက်ပွဲ လက်ရှိသမ္မတ ရူဟာနီ အနိုင်ရ

မေ ၂၀၊ ၂၀၁၇
M-Media

– ယမန်နေ့က ကျင်းပခဲ့သည့် အီရန် သမ္မတရွေးကောက်ပွဲတွင် လက်ရှိသမ္မတ ဟာဆန်ရူဟာနီမှာ တောင်ပြိုကမ်းပြို အနိုင်ရရှိခဲ့သည်ဟု သိရသည်။

မဲများအားလုံးကို ရေတွက်ပြီးနောက် ရူဟာနီမှာ မဲအရေအတွက် ၅၇ ရာခိုင်နှုန်းကို ရရှိခဲ့သည်ဟု ပြည်ထဲရေးဝန်ကြီး အဘ်ဒူလ်ရီဇာ ရဟ်မန်နီဖဇ်လီက ယနေ့တွင် ပြောကြားခဲ့သည်။ ယခုကဲ့သို့ အနိုင်ရရှိမှုကြောင့် အလယ်အလတ်သမား ရူဟာနီမှာ အနီးကပ်ဆုံးပြိုင်ဘက် ရှေးရိုးစွဲသမား အီဘရာဟင် ရိုင်စီ၏ စိန်ခေါ်မှုကို ကျော်လွှားနိုင်ခြင်းလည်း ဖြစ်သည်။

ရူဟာနီမှာ လွန်ခဲ့သည့် ၄ နှစ်က အီရန်အနေဖြင့် ကမ္ဘာကြီးနှင့် တစ်သီးတစ်ခြားဖြစ်မှုကို လျှော့ချသွားမည်ဆိုသည့် ကတိဖြင့် ရွေးကောက်ပွဲ အနိုင်ရလာခဲ့ခြင်းဖြစ်ပြီး လက်ရှိရွေးကောက်ပွဲမှာ အီရန်၏ ကမ္ဘာကြီးနှင့် ဆက်ဆံရေးကို ဖွင့်ပေးရန်၊ တန့်နေသော စီးပွားရေးကို ပြန်လည်တည်ဆောက်ရန် ရူဟာနီ၏ပေါ်လစီ အဆုံးအဖြတ်အဖြစ် မှတ်ယူခဲ့ကြသည်။

ရွေးကောက်ပွဲ မဲဆွယ်မှုတွင် ရူဟာနီက ယခုရွေးကောက်ပွဲမှာ နိုင်ငံသားများ လွတ်လပ်မှု ပိုမိုရရှိခြင်းနှင့် အစွန်းရောက်ဝါဒအကြား ရွေးချယ်မှုတစ်ခုဟု ပြောဆိုခဲ့ပြီး ပြုပြင်ပြောင်းလဲရေး ခေါင်းဆောင်များနှင့် တက်ကြွလှုပ်ရှားသူများအား ဆက်လက် ဖမ်းဆီးနေမှုကို ဝေဖန်ခဲ့သည်။

Ref: Aljazeera

May 20, 2017
ဗြိတိန်တော်ဝင်မင်းသား ဟယ်ရီ စင်ကာပူမွတ်စလင်များ၏ အစ်ဖ်သာရ်ဝါဖြေပွဲတွင် ပါဝင်မည်

မေ ၁၉၊ ၂၀၁၇
M-Media

– ဗြိတိန် တော်ဝင်မင်းသား ဟယ်ရီမှာ ဇွန်လ၌ စင်ကာပူသို့ လာရောက်မည့်ခရီးစဉ်၌ စင်ကာပူမွတ်စလင်တို့၏ ရမ်ဇာန်ဥပုသ်လ အစ်ဖ်သာရ် ၀ါဖြေပွဲတွင် ပါဝင်သွားမည်ဟု ဗြိတိန်နန်းတော်က ယမန်နေ့တွင် သတင်းထုတ်ပြန်လိုက်သည်။

အစ္စလာမ်ဘာသာဝင်တို့၏ ရမ်ဇာန်ဥပုသ်လမှာ မေလကုန်ပိုင်းတွင် စတင်မည်ဖြစ်ပြီး တစ်လတာ ကြာမြင့်မည်ဖြစ်သည်။ ထိုလတွင် မွတ်စလင် အမျိုးသား၊ အမျိုးသမီးများမှာ ဥပုသ်သီလဆောက်တည်ခြင်း၊ ကောင်းမှုကုသိုလ်ပြုလုပ်ခြင်း၊ မကောင်းမှုအကုသိုလ်များမှ ရှောင်ရှားခြင်း၊ တရားထိုင်ခြင်း၊ ပုတီးစိပ်ခြင်း၊ ကျမ်းစာများရွတ်ဖတ်ခြင်း၊ ၀တ်ပြုဆုတောင်းခြင်းတို့ကို သာမန်ရက်များထက် အထူးအဓိကထား ဆောင်ရွက်ကြမည်ဖြစ်သည်။

မင်းသားမှာ ဇွန်လဆန်းပိုင်းတွင် စင်ကာပူသို့ လာရောက်မည်ဖြစ်ပြီး ဇွန်လ ၄ ရက်နေ့တွင် Action for AIDS အခမ်းအနားကို တက်ရောက်မည်ဖြစ်ကာ၊ ဇွန်လ ၅ ရက်နေ့တွင် စင်ကာပူ ပိုလိုကလပ်၌ ကျင်းပမည့် Royal Sentebale Royal Salute Polo Cup ပိုလိုပြိုင်ပွဲတွင် ပါဝင်ကစားမည်ဖြစ်သည်။

အဆိုပါပြိုင်ပွဲမှာ အာဖရိကတောင်ပိုင်းရှိ HIV ကူးစက်နေသော ကလေးများအား ထောက်ပံ့ကူညီရေး မင်းသားဟယ်ရီနှင့် လီဆိုသိုနိုင်ငံမှ တော်ဝင်မင်းသား ဆီဆိုတို့ ပူးပေါင်းကာ ၂၀၀၆ ခုနှစ်က ထူထောင်ခဲ့သော Sentebale ပရဟိတအဖွဲ့၏ နှစ်ပတ်လည် ရန်ပုံငွေရှာဖွေပွဲလည်း ဖြစ်သည်။

မင်းသားဟယ်ရီမှာ စင်ကာပူမှတစ်ဆင့် သြစတေးလျနိုင်ငံ ဆစ်ဒနီသို့ ထွက်ခွာရန် ရှိနေသည်။

Ref: CNA

May 19, 2017
Wikileaks တည်ထောင်သူအပေါ် အဓမ္မပြုကျင့်မှုစွဲချက်ကို ဆွီဒင်ပယ်ဖျက်

မေ ၁၉၊ ၂၀၁၇
M-Media

– အမေရိကန်၏ လျှို့ဝှက်ချက်များကို ဖော်ထုတ်သည့် Wikileaks ၀ဘ်ဆိုက်ကို တည်ထောင်သူ ဂျူလီယန် အာဆန်နှင့်ပတ်သက်၍ အဓမ္မပြုကျင့်မှုဆိုင်ရာ စုံစမ်းစစ်ဆေးမှုများကို ဆွီဒင်က ယနေ့တွင် ပယ်ဖျက်လိုက်သည်။

အသက် ၄၅ နှစ်အရွယ် အာဆန်မှာ အမေရိကန်၏ စစ်ရေးနှင့် သံတမန်ရေးဆိုင်ရာ လျှို့ဝှက်ချက်များကို Wilileaks မှတစ်ဆင့် ဖွင့်ချခဲ့ပြီနောက် ဆွီဒင်အစိုးရ၏ တရားစွဲဆိုခြင်းကို ခံခဲ့ရပြီး ၂၀၁၂ ခုနှစ်ကတည်းက လန်ဒန်မြို့ရှိ အီကွေဒေါ သံရုံးတွင် ခိုလှုံနေသူဖြစ်သည်။

ဗြိတိန်ရဲတပ်ဖွဲ့ကမူ အာဆန်အနေဖြင့် အီကွေဒေါသံရုံးမှ ထွက်ခွာလျှင် အသေးစား ရာဇ၀တ်မှုများဖြင့် ဖမ်းခံရမည်ဟု ပြောကြားခဲ့သည်။

အာဆန်၏ကိစ္စကို ကိုင်တွယ်နေသော ဥပရေးရာအဖွဲ့မှ ခရစ္စတိုဖီ မာချန်က ယခုကဲ့သို့ အဓမ္မမှုနှင့်ပတ်သက်၍ စုံစမ်းစစ်ဆေးမှုကို ပယ်ဖျက်ခြင်းကို ကြိုဆိုပြီး ‘အိပ်မက်ဆိုး အဆုံးသတ်သွားခြင်း’ ဟု ပြောကြားခဲ့သည်။

ဆွီဒင်အစိုးရ၏ ကြေငြာချက် ထွက်ပေါ်လာပြီးနောက်ပိုင်း အာဆန်က ပြုံးနေသော ၎င်း၏ ဓာတ်ပုံကို Twitter စာမျက်နှာတွင် လွှင်တင်ခဲ့ပြီး၊ မည်သည့် မှတ်ချက်မှ မပေးခဲ့ပေ။

Ref: Aljazeera

May 19, 2017