မေ ၇၊ ၂၀၁၇
M-Media
– အမေရိကန်လက်နက်တိုက်တွင် နျူလက်နက်မဟုတ်သည့် အကြီးမားဆုံးဗုံးကြီးကို ‘ဗုံးတို့၏ မိခင်’ ဟု အမည်ပေးထားမှုအား ပုပ်ရဟန်းမင်းကြီး ဖရန်စစ်က ဝေဖန်လိုက်သည်။
“ဒီနာမည်ကို ကြားတာနဲ့တင် ရှက်ရပါတယ်။ မိခင်ဆိုတာ အသက်ကို မွေးဖွားပေးတာပါ။ ဒီ ဗုံးကြီးက သေခြင်းတရားကို ပေးတာဖြစ်ပါတယ်။ ဒီပစ္စည်းကို ကျွန်တော်တို့က မိခင်လို့ခေါ်တယ်။ ဘာတွေဖြစ်နေကြတာလဲ” ဟု ပုပ်ရဟန်းမင်းကြီးက ယမန်နေ့တွင် ဗာတီကန်၌ ကျောင်းသားများအား ပြောကြားခဲ့သ
ည်။
အလေးချိန် ကီလိုဂရမ် ၉၈၀၀ ရှိသည့် အဆိုပါ ဗုံးကြီးကို ပြီးခဲ့သည့်လအတွင်း အမေရိကန်က အာဖဂန်နစ္စတန် နန်ဂါဟာ ပြည်နယ်ရှိ IS စစ်သွေးကြွများအပေါ် ကြဲချခဲ့သည်။ ပင်တဂွန် စစ်ဌာနချုပ်က အဆိုပါ ဗုံးမှာ IS က အသုံးပြုနေသည့် လှိုဏ်ခေါင်းကွန်ယက်ကို ပစ်မှတ်ထားသည်ဟု ထုတ်ပြန်ခဲ့သည်။
ဗုံး၏ အမည်မှာ GBU-43/B Massive Ordnance Air Blast Bomb (MOAB) ဖြစ်ပြီး ‘ဗုံးတို့၏မိခင်’ ဟုသာ လူသိများသည်။ ထိုဗုံးကို ၂၀၀၃ ခုနှစ်တွင် စမ်းသပ်ခဲ့သော်လည်း ပြီးခဲ့သည့်လမတိုင်ခင် မည်သည့်စစ်ပွဲတွင်မှ အသုံးပြုခြင်း မရှိခဲ့ပေ။
ပုပ်ရဟန်းမင်းကြီးမှာ မေလ ၂၄ ရက်နေ့တွင် အမေရိကန်သမ္မတ ဒေါ်နယ်ထရမ့်နှင့် တွေ့ဆုံရန် ရှိနေစဉ် ယခုမှတ်ချက် ပေါ်ထွက်လာခြင်းလည်း ဖြစ်သည်။
Ref: BBC
