ဖေဖော်ဝါရီ ၁၇၊ ၂၀၁၇
M-Media
– ကမ္ဘာတစ်ဝှမ်းက ပြောင်းရွှေ့အခြေချသူတွေနဲ့ စုပေါင်းတည်ထောင်ပြီး မတူကွဲပြားမှုတွေနဲ့ စည်းလုံးညီညွတ်ကာ ကမ္ဘာ့ဦးသျှောင်နိုင်ငံ ဖြစ်လာတဲ့ အမေရိကန်မှာ သမ္မသစ်ဒေါ်နယ်ထရမ့်ရဲ့ ခွဲခြားမှုပေါ်လစီတွေအတွက် အမေရိကန်ပြည်သူတွေက ကောင်းကောင်းပညာပေးလိုက်ပါတယ်။
ဒါကတော့ Day Without Immigrants (ပြောင်းရွှေ့အခြေချသူတွေ မရှိသောနေ့) ဆိုတဲ့ အမည်နဲ့ လှုပ်ရှားမှု တစ်ခုကို ဖေဖော်ဝါရီ ၁၆ ရက်နေ့မှာ ပြုလုပ်လိုက်တာဖြစ်ပြီး၊ ပြောင်းရွှေ့အခြေချသူတွေရဲ့ မျိုးဆက်တွေဟာ သူတို့ရဲ့ အလုပ်၊ ကျောင်း စတဲ့နေရာတွေကို မသွားတော့ဘဲ အိမ်တွင်းမှာပဲ နေထိုင်ဆန္ဒပြကာ အမေရိကန် လူ့အဖွဲ့အစည်းအတွင်း သူတို့တွေ ဘယ်လောက် အရေးပါကြောင်း ပြသခဲ့ပါတယ်။
ဒါဟာ ထရမ့်ရဲ့ ပြောင်းရွှေ့အခြေချသူတွေကို ဆန့်ကျင်တဲ့ပေါ်လစီ၊ ဒုက္ခသည်တွေကို ၀င်ရောက်ခွင့် ကန့်သတ်မှု၊ မွတ်စလင်နိုင်ငံ ၇ နိုင်ငံက နိုင်ငံသားတွေကို ဗီဇာပိတ်ပင်မှု စတဲ့ ထရမ့်ရဲ့ လူမျိုးရေးခွဲခြားမှု၊ တံတိုင်းကာမှု လုပ်ရပ်တွေကို အမေရိကန်ပြည်သူတွေက တုန့်ပြန်လိုက်တာလည်း ဖြစ်ပါတယ်။
ဒီလှုပ်ရှားမှုအတွင်းမှာ ဖီလာဒဲလ်ဖီးယား၊ ချီကာဂို၊ လော့စ်အိန်ဂျလိစ်၊ ဘော့စတွန်၊ ၀ါရှင်တန် စတဲ့ မြို့ကြီးတွေအပါဝအ၀င် နိုင်ငံတစ်ဝှမ်း အခြားမြို့တွေက အမေရိကန်ပြည်သူ ထောင်ပေါင်းများစွာ ပါဝင်ခဲ့ကာ သူတို့တွေ လုပ်ငန်းခွင် မ၀င်ကြတာကြောင့် ကုန်စုံဆိုင်တွေ၊ စားသောက်ဆိုင်တွေ၊ ကော်ဖီဆိုင်တွေအပါအ၀င် နိုင်ငံတစ်ဝှမ်းက စီးပွားရေး လုပ်ငန်းတွေ တော်တော်များများ ပိတ်ပစ်ခဲ့ရပါတယ်။
ဒီဆန္ဒပြမှုဟာ အမေရိကန် လွှတ်တော်အထိ ရောက်ခဲ့ပြီး အထက်လွှတ်တော်က ကော်ဖီဆိုင်မှာ အလုပ်သမားတွေ အလုပ်မဆင်းတော့တာကြောင့် ပိတ်ထားရပါတယ်။
Day Without Immigrants လှုပ်ရှားမှုကို ၀န်ဆောင်မှုလုပ်ငန်းတွေအပါအ၀င် အခြားသော လုပ်ငန်းတွေကလည်း ပူးပေါင်းပါဝင်ခဲ့ကြပါတယ်။
မက်ဆာချူးဆက်စ်က Davis ပြတိုက်ဆိုရင် အမေရိကန်အစိုးရကို ဆန့်ကျင်တဲ့အနေနဲ့ သူတို့ ပြတိုက်ကို ပြောင်းရွှေ့အခြေချသူတွေက လှူဒါန်းထားတဲ့ အနုပညာလက်ရာတွေကို ဖြုတ်ချခဲ့တာကြောင့် ပြတိုက်မှာ အနုပညာလက်ရာ တော်တော်များများ လျော့နည်းသွားပါတယ်။
ဒီပြတိုက်က နာမည်ကြီးလက်ရာတွေထဲမှာ တစ်ခုပါအ၀င်ဖြစ်တဲ့ အမေရိကန်ပထမဆုံးသမ္မတ ဂျော့ဂ်ျ ၀ါရှန်တန်ရဲ့ ပုံတူပန်းချီဟာဆိုရင် ၁၇၉၀ ပြည့်နှစ်လောက်က အမေရိကန်ကို ရောက်လာတဲ့ ပြောင်းရွှေ့အခြေချသူ Adolf Ulrik Wertmüller က ရေးဆွဲခဲ့တာဖြစ်ပြီး ပြတိုက်ကို လှူဒါန်းသူကလည်း ပြောင်းရွှေ့အခြေချသူ မိသားစု ဖြစ်နေပါတယ်။
ပြတိုက်တာဝန်ရှိသူတွေက သူတို့ဆီမှာ ပြသထားတဲ့ အနုပညာလက်ရာ ၂၀ ရာခိုင်နှုန်းနီးပါးဟာ ပြောင်းရွှေ့အခြေချသူတွေရဲ့ လက်ရာတွေဖြစ်တယ်လို့လည်း ဆိုပါတယ်။
ပြောင်းရွှေ့အခြေချသူများ၏ လက်ရာများကို ဖယ်ရှားလိုက်ပြီးနောက် တွေ့ရသည့် Davis ပြတိုက်
Day Without Immigrants လှုပ်ရှားမှုကို အလွှာအသီးသီးကလူတွေ ပါဝင်ဖို့ စီစဉ်သူတွေက တိုက်တွန်းခဲ့ကြပြီး အထိခိုက်ဆုံး စီးပွားရေးကတော့ စားသောက်ဆိုင်လုပ်ငန်းမျိုးစုံဖြစ်ကာ ဒုတိယအထိခိုက်ဆုံးက ဆောက်လုပ်ရေးလုပ်ငန်းတွေဖြစ်ပါတယ်။
ကိုယ်တိုင်က ပြောင်းရွှေ့အခြေချ မိဘမျိုးရိုးကနေ ဆင်းသက်လာတဲ့ ထရမ့်ဟာ ရွေးကောက်ပွဲမဲဆွယ်မှုမှာ မက္ကဆီကန်တွေ၊ လူမည်းတွေ၊ မသန်စွမ်းသူတွေ၊ အမျိုးသမီးတွေ၊ မွတ်စလင်တွေကို လူမျိုးရေးခွဲခြားစော်ကားမှုတွေ ပြုလုပ်ခဲ့ပြီး၊ အာဏာရလာတဲ့အချိန်မှာလည်း ပြောင်းရွှေ့အခြေချမှုကန့်သတ်တာ၊ မက္ကဆီကိုနယ်စပ်မှာ တံတိုင်းဆောက်တာမျိုးတွေလုပ်ဖို့ တာဆူလာခဲ့ပါတယ်။
အမေရိကန်ပြည်သူတွေကတော့ Day Without Immigrants လှုပ်ရှားမှာ အမေရိကန်လူ့အဖွဲ့အစည်းအတွင်း ပြောင်းရွှေ့အခြေချသူတွေရဲ့ အရေးပါမှုကို ပြသရုံသာမက ဒေါ်နယ်ထရမ့်အစိုးရရဲ့ အမုန်းအခြေခံ လူမျိုးရေးပေါ်လစီတွေကို ဆန့်ကျင်တဲ့ ဆန္ဒပြမှုတွေကိုလည်း မြို့ပေါင်းစုံမှာ ပြုလုပ်ခဲ့ကြပါတယ်။
Ref: CNN, Aljazeera, LA Times
