ဖေဖော်ဝါရီ ၂၊ ၂၀၁၇
M-Media
ကိုနေ၀င်း၏ ဇနီးသည်ကို အားပေးနှစ်သိမ့်နေသည့် ဒေါက်တာ ဒေါ်အေးခိုင်
– ဇန်န၀ါရီ ၂၉ ရက်နေ့က လုပ်ကြံခံလိုက်ရတဲ့ ဦးကိုနီရဲ့ အခြေခံဥပဒေ ပြုပြင်ပြောင်းလဲရေးကိစ္စကို ဦးကိုနီနဲ့အတူ ပျောက်ကွယ်သွားခွင့် ပြုမှာမဟုတ်ဘူးလို့ သမီးဖြစ်သူ ဒေါက်တာ ဒေါ်အေးခိုင်က CNA သတင်းဌာနကို ဖေဖော်ဝါရီ ၁ ရက်နေ့မှာ ပြောကြားလိုက်ပါတယ်။
မြန်မာနိုင်ငံရဲ့ ဖွဲ့စည်းပုံအခြေခံဥပဒေကို ထုံးလိုချေ၊ ရေလိုနှောက်ထားပြီး အာဏာရ အမျိုးသားဒီမိုကရေစီအဖွဲ့ချုပ်ပါတီရဲ့ ဥပဒေအကြံပေးလည်းဖြစ်တဲ့ ဦးကိုနီ ဒီလို လုပ်ကြံခံရမှုဟာ တိုင်းပြည်ကို တုန်လှုပ်စေခဲ့ပါတယ်။ အသက် ၆၃ နှစ်အရွယ် ဦးကိုနီဟာ မြန်မာနိုင်ငံမှာ ခွဲခြားမှုကင်းစင်တဲ့ ဥပဒေ ပေါ်ပေါက်လာရေး ခိုင်ခိုင်မာမာ ထောက်ခံသူတစ်ဦးဖြ စ်ပြီး တစ်ခါတစ်ရံမှာ မွတ်စလင်တွေလို လူနည်းစုအရေးအတွက် ပွင့်ပွင့်လင်းလင်း ပြောတတ်သူတစ်ယောက်လည်း ဖြစ်ပါတယ်။
CNA သတင်းဌာနနဲ့ အင်တာဗျူးမှာ ဒေါက်တာဒေါ်အေးခိုင်က ဖခင်ဖြစ်သူမှာ အဓိက ရည်ရွယ်ချက် တစ်ခုတည်းသာရှိပြီး ဒါက ပြည်သူတွေဟာ ဥပဒေကိုသိရင် ဘယ်သူမှ သူတို့ကို ထိခိုက်အောင် လုပ်လို့ရမှာမဟုတ်တဲ့အတွက် မြန်မာနိုင်ငံသားတွေကို ဥပဒေနဲ့ပတ်သက်တဲ့ အသိပညာပေးချင်တာဖြစ်တယ်လို့ ပြောကြားခဲ့ပါတယ်။
နောက်ပြီး ဖခင်ဖြစ်သူဟာ ဖွဲ့စည်းပုံအခြေခံဥပဒေ ပြင်ဆင်ရေးနဲ့ ပတ်သက်လို့ တော်တော်လေး စိတ်နှစ်မြှုပ် ဆောင်ရွက်နေတယ်လို့လည်း ဆိုပါတယ်။
“နိုင်ငံတိုင်းအတွက် ဖွဲ့စည်းပုံအခြေခံဥပဒေဟာ တော်တော် အရေးကြီးတယ်လေ။ ကျွန်မအဖေကတော့ စတေးခဲ့ရပြီ။ ဒါ့ကြောင့် ကျွန်မတို့ ဆက်လက် ဆောင်ရွက်သွားဖို့ လိုပါတယ်”
ဖခင်ဖြစ်သူကို သွေးအေးအေးနဲ့ လုပ်ကြံသတ်ဖြတ်သွားခဲ့ပေမယ့် ဒီအတွက် သူ့အနေနဲ့ ကြောက်ရွံ့မှာမဟုတ်ဘူးလို့လည်း ဒေါ်အေးခိုင်က ထည့်သွင်းပြောဆိုခဲ့ပါတယ်။
“ကျွန်မ မကြောက်ပါဘူး။ ဘယ်တော့မှလည်း ကျွန်မတို့ ကြောက်မှာမဟုတ်ပါဘူး။ ကျွန်မအဖေ စခဲ့တာကို ဆက်လုပ်သွားမှာပါ” ဆိုပြီး ဖခင်ဖြစ်သူကို ဆုံးရှုံးရမှုအတွက် မိသားစုထဲမှာ တော်တော်လေး သောကဖြစ်နေတယ်လို့ ဆိုပါတယ်။
“ကျွန်မတို့ မိသားစုထဲက တစ်ယောက်ယောက် ဒီလိုလမ်းကြောင်းမျိုး ဆက်လျှောက်ပြီး ဒီလို ကြမ္မာမျိုး ထပ်တွေ့မယ်ဆိုရင် ကျွန်မအမေက ခံစားနိုင်မှာ မဟုတ်တော့ပါဘူး”
ဒီအဖြစ်အပျက်ဖြစ်ပွားပြီးနောက်ပိုင်း မိသားစုမှာ အတွေးတွေ များပြားခဲ့ပြီး ဦးကိုနီရဲ့ ဖွဲ့စည်းပုံအခြေခံဥပဒေပြင်ဆင်ရေး ရည်ရွယ်ချက်ကို ဆက်လက်ဆောင်ရွက်ဖို့အတွက် မိသားစုဝင်တွေအနေနဲ့ နိုင်ငံရေးလမ်းကြောင်းကို လျှောက်မလားဆိုတာကိုတော့ မဆုံးဖြတ်ရသေးဘူးလို့ ဆိုပါတယ်။
ဒါပေမယ့် သူမနဲ့ မွေးချင်းတွေကတော့ နိုင်ငံရေးသမားဖြစ်ဖို့ စိတ်အားထက်သန်မှုမရှိဘူးလို့ ဖွင့်ဟခဲ့ပါတယ်။
“ကျွန်မက ဆရာဝန်ပါ။ ကျွန်မအမကလည်း ဆရာဝန်ပါပဲ။ မောင်လေးကတော့ ဆော့ဖ်ဝဲအင်ဂျင်နီယာပါ။ ရိုးရိုးသားသားပြောရရင် ကျွန်မတို့ နိုင်ငံရေးကို စိတ်မ၀င်စားပါဘူး။ အဖေ့ရဲ့နေရာကို ယူမလားဆိုတာကတော့ မသေချာသေးပါဘူး။ ဒါပေမယ့် ကျွန်မတို့ ဘယ်တော့မှ ကြောက်ရွံ့နေမှာမဟုတ်ဘူးဆိုတာကို အသေအချာပြောရဲပါတယ်။ အဖေက ကျွန်မတို့ကို လုပ်စေချင်တာ၊ ကျွန်မတို့ လုပ်ရမယ့်အရာတွေအတွက် ကျွန်မတို့ ဆက်လက်ဆောင်ရွက်သွားမှာပါ”
သူရဲကောင်းအား ဂုဏ်ပြုခြင်း
၂ လသားကလေးငယ်ကို ချီထားသည့် ကိုနေ၀င်း၏ဇနီး မဆုသက်ခိုင်
ဒေါက်တာဒေါ်အေးခိုင်ဟာ ဖခင်ဖြစ်သူကို သတ်ဖြတ်ခဲ့တဲ့ သေနတ်သမားကို လိုက်လံဖမ်းဆီးရင်း အသက်ပေးခဲ့ရတဲ့ တက္ကစီယာဉ်မောင်း ကိုနေးဝင်းရဲ့ ကျန်ရစ်သူမိသားစုထံ သွားရောက်ခဲ့ပြီး အားပေးနှစ်သိမ့်ခဲ့ပါတယ်။ ပြီးတော့ ကိုနေ၀င်းရဲ့ သတ္တိရှိမှု၊ ကိုယ်ကျိုစွန်တွေကို ချီးကျူးခဲ့ပြီး၊ အသက်စွန့်ခဲ့တဲ့ ကိုနေ၀င်းအတွက် ဂုဏ်ယူကြောင်း၊ အများအတွက် ကိုယ်ကျိုးစွန့်တဲ့ ဒီလိုလုပ်ရပ်မျိုးကို ဖခင်ဖြစ်သူက နှစ်သက်မှာဖြစ်ကြောင်း ပြောကြားခဲ့ပါတယ်။
ကိုနေ၀င်းရဲ့ ကျန်ရစ်သူဇနီး မဆုသက်ခိုင်ဟာ အခုအချိန်မှာ အသက် ၇ နှစ်အရွယ်၊ ၄ နှစ်အရွယ်နဲ့ ၂ လအရွယ် သား ၃ ယောက်ကို ပြုစုပျိုးထောင်ရတော့မှာပါ။
အငယ်ဆုံးကလေးဟာ နာမည်တောင်မပေးရသေးဘဲ မဆုသက်ခိုင်ကတော့ ခင်ပွန်းဖြစ်သူကို အမှတ်ရစေမယ့် နာမည့်မျိုး မှည့်သွားမယ်လို့ ဆိုပါတယ်။
“(ခင်ပွန်းသည်ရဲ့) အသက် ဆုံးရှုံးမှုဟာ ထိုက်တန်သလားဆိုတာ ကျွန်မ မပြောတတ်ပါဘူး။ ဒါပေမယ့် သူဟာ ကျွန်မအတွက်တော့ အစားထိုးမရသူပါ” လို့ သူမက ပြောကြားခဲ့ပြီး ကလေးတွေကို ဖင်ဖြစ်သူဟာ ဘယ်လိုလူမျိုးဆိုတာနဲ့ ဘာ့ကြောင့် အသက်ပေးခဲ့ရလဲဆိုတာကို အမြဲတမ်း အမှတ်ရအောင် လုပ်သွားမယ်လို့လည်း ဆိုပါတယ်။
“သူတို့အဖေ ဖြစ်ချင်သလို ကလေးတွေကို ကျွန်မ ပညာတတ်တွေအဖြစ် ပြုစုပျိုးထောင်ပေးသွားမှာပါ”
ခင်ပွန်းဖြစ်သူက လူသတ်သမားကို လိုက်လံဖမ်းဆီးမှုအတွက် သူမအနေနဲ့ မအံ့သြမိဘဲ မတရားတဲ့ အခြေအနေမျိုး ခံစားရသူ ဘယ်သူ့ကိုမဆို အမြဲတမ်း ကူညီခဲ့သူဖြစ်တယ်လို့ မဆုသက်ခိုင်က ဖွင့်ဟခဲ့ပါတယ်။
ကိုနေ၀င်း မောင်းလေ့ရှိတဲ့ တက္ကဆီကို အိမ်အပြင်မှာ ပါကင်ထိုးထားပြီး အသက် ၄ နှစ်အရွယ်သားကလေးက အခုအချိန်မှာ ကားကိုမြင်တိုင်း ဖခင်ဖြစ်သူကို မေးမြန်းလေ့ရှိပါတယ်။ ကိုနေ၀င်းဟာ ယခင်က ကလေးတွေကို ကားပေါ်တင်ပြီး လျှောက်မောင်းပြလေ့ ရှိသူပါ။
အညတရသူရဲကောင်းလို့ မြန်မာပြည်သူလူထုက သတ်မှတ်ခဲ့ကြတဲ့ ကိုနေ၀င်းရဲ့ ကျန်ရစ်သူမိသားစုနဲ့ ကလေးတွေရဲ့ ရှေ့ရေးအတွက် မြန်မာပြည်သူတစ်ရပ်လုံးက လှူဒါန်းလျက်ရှိနေပြီး နိုင်ငံအတွင်းမှာပဲ ငွေကျပ် သိန်းပေါင်း ၃၀၀ ကျော်ရရှိကာ နိုင်ငံရပ်ခြားက မြန်မာပြည်သူတွေကလည်း ထည့်ဝင်လှူဒါန်းနေကြပါတယ်။
ကိုနေ၀င်း၏ ၇ နှစ်အရွယ်နှင့် ၃ နှစ်အရွယ် သားငယ် ၂ ဦး
Ref: CNA
