News @ M-Media

Blog

  • ဦးကိုနီ၏ သမီးတစ်ဦး ကိုနေ၀င်း၏ ကျန်ရစ်သူမိသားစုကို သွားရောက်အားပေးနှစ်သိမ့်

    ဦးကိုနီ၏ သမီးတစ်ဦး ကိုနေ၀င်း၏ ကျန်ရစ်သူမိသားစုကို သွားရောက်အားပေးနှစ်သိမ့်

    ဖေဖော်ဝါရီ ၁၊ ၂၀၁၇
    M-Media

    – ဇန်န၀ါရီ ၂၉ ရက်နေ့က လုပ်ကြံခံခဲ့ရပြီး ကွယ်လွန်ခဲ့တဲ့ တရားလွှတ်တော်ရှေ့နေ ဦးကိုနီရဲ့ သမီးဖြစ်သူ ဒေါက်တာအေးခိုင်ဟာ သေနတ်သမားကို ဖမ်းဆီးရင်း အသက်စွန့်ခဲ့ရတဲ့ တက္ကစီယာဉ်မောင်း ဦးနေ၀င်းရဲ့မိသားစုထံ အစားအသောက်ပစ္စည်း၊ လက်ဆောင်တွေနဲ့အတူ သွားရောက်ကာ အားပေးနှစ်သိမ့်စကား ပြောဆိုခဲ့ပါတယ်။

    ဖေဖော်ဝါရီ ၁ ရက်နေ့မှာ သွားရောက်တွေ့ဆုံခဲ့တာဖြစ်ပြီး ဦးနေ၀င်းရဲ့သတ္တိပြောင်မြောက်မှုကိုလည်း ချီးကျူးခဲ့ပါတယ်။

    CNA ရဲ့မေးမြန်းမှုကို ဖြေကြားရာမှာတော့ ဖခင်ရဲ့ဆန္ဒဖြစ်တဲ့ အခြေခံဥပဒေပြင်ဆင်ရေးကို ဖခင်နဲ့အအတူ ဖျောက်ပျက်ပစ်လိုက်မှာ မဟုတ်ကြောင်း၊ ဖခင်ဖြစ်သူက အသက်ကိုစတေးသွားခဲ့ရတာကြောင့် ဖခင်ရဲ့ လမ်းကြောင်းကို ဆက်လက်ဆောင်ရွက်သွားဖို့ လိုအပ်ကြောင်း၊ မိမိတို့အနေနဲ့ ကြောက်ရွံ့အားငယ်နေမှာ မဟုတ်ပေမယ့် သူမနဲ့အတူ အခြားမောင်နှမတွေအနေနဲ့ နိုင်ငံရေးဆက်လုပ်မယ်၊ မလုပ်ဘူးဆိုတာတော့ မသေချာသေးကြောင်း၊ အကယ်၍ ဖခင်လိုအဖြစ်အပျက်မျိုး ကြုံတွေ့ခဲ့ရရင် မိခင်ကြီးအနေနဲ့ ခံစားနိုင်မှာ မဟုတ်ကြောင်း ထည့်သွင်းပြောဆိုခဲ့ပါတယ်။

    Ref: CNA Correspondent ဖြစ်သူ May Wong ၏ Twitter Page မှ

  • ထရမ့်၏ ဒုက္ခသည်ပိတ်ပင်မှုကို ဆန့်ကျင်ကာ Starbucks က ဒုက္ခသည် တစ်သောင်းကို အလုပ်ခန့်မည်

    ထရမ့်၏ ဒုက္ခသည်ပိတ်ပင်မှုကို ဆန့်ကျင်ကာ Starbucks က ဒုက္ခသည် တစ်သောင်းကို အလုပ်ခန့်မည်

    ဖေဖော်ဝါရီ ၁၊ ၂၀၁၇
    M-Media

    – အမေရိကန်မှ နာမည်ကြီးကော်ဖီဆိုင်လုပ်ငန်းတစ်ခုဖြစ်သော Starbucks Corp ၏ အမှုဆောင် ဟောင်းဝဒ် ရှူ လ်တက်ဇ်က မိမိအနေဖြင့် ၅ နှစ်အတွင်း နိုင်ငံပေါင် ၇၅ နိုင်ငံတွင် ဒုက္ခသည် ၁၀၀၀၀ ခန့်ကို အလုပ်ခန့်သွားရန် စီစဉ်နေသည်ဟု ပြောကြားလိုက်သည်။

    အမေရိကန်သမ္မတသစ် ဒေါ်နယ်ထရမ့်မှာ သောကြာနေ့က နိုင်ငံအတွင်း ဒုက္ခသည်များ ၀င်ရောက်မှုကို ၄ လတာ ရပ်တန့်ထားရန်၊ ဆီးရီးယားနှင့် အခြား မွတ်စလင်အများစုရှိရာ နိုင်ငံ ၆ နိုင်ငံကို ယာယီဗီဇာ ပိတ်ပင်ရန် အမိန့်တစ်ခုကို လက်မှတ်ရေးထိုးခဲ့ပြီး၊ နိုင်ငံတကာမှ ဝေဖန်မှုများကို ခံရကာ နိုင်ငံသားအခွင့်အရေးလှုပ်ရှားသူများ၏ ရှုတ်ချမှုများ၊ ဥပဒေကြောင်းအရ စိန်ခေါ်မှုများကို ရင်ဆိုင်နေရသည်။

    ရှူလ်တက်ဇ်က ပေးပို့သည့်စာတွင် ထရမ့်၏ ထိုအမိန့်ကြောင့် ထိခိုက်ခံစားခဲ့ရသူများအား ထောက်ပံ့ရန် အရာအားလုံးကို ဆောင်ရွက်သွားမည်ဟု အလုပ်သမားများကို ပြောကြားခဲ့သည်။

    တနင်္ဂနွေနေ့က ကြေငြာခဲ့သည့် အဆိုပါအစီစဉ်ကို အမေရိကန်တွင် စတင် အကောင်အထည်ဖော်မည်ဖြစ်ပြီး အခြားနိုင်ငံများတွင် စစ်တပ်ကတောင်းဆိုမှုကြောင့် စကားပြန်လုပ်ခဲ့သူများ၊ ထေက်ပံ့ရေးတပ်သားအဖြစ် ဆောင်ရွက်ခဲ့သူများကို အဓိကထားကာ အလုပ်ပေးသွားမည်ဟု ရှူလ်တက်ဇ်က ဆိုသည်။

    ရှူလ်တက်ဇ်မှာ ပွင့်ပွင့်လင်းလင်း ဝေဖန်တတ်မှုကြောင့် အမေရိကန်တွင် အာရုံစိုက်ခံရသူဖြစ်ပြီး စာသုံးသူများအနေဖြင့် ၎င်းတို့ဆိုင်တွင်း သေနတ်ယူမလာရဟု တားမြစ်ခြင်းကဲ့သို့ သတ်မှတ်ချက်များကိုလည်း ချမှတ်တတ်သူဖြစ်သည်။ တနင်္ဂနွေနေ့ကလည်း ၎င်းမှာ သမ္မတအိုဘားမားလက်ထက်က အတည်ပြုခဲ့သည့် ကျန်းမာရေးစောင့်ရှောက်မှု ဥပဒေ Affordable Care Act ကို ဖျက်သိမ်းပါက အလုပ်သမားများ ကျန်းမာရေးစောင့်ရှောက်မှုကို ဆုံးရှုံးမည်ဖြစ်သောကြောင့်
    ၎င်းတို့အနေဖြင့် Starbucks မှတစ်ဆင့် ကျန်းမာရေးအာမခံကို ပြန်ယူနိုင်သည်ဟု ပြောကြားခဲ့သည်။

    ရှူလ်တက်ဇ်မှာ လာမည့်လအနည်းငယ်တွင် စီအီးအိုနေရာမှ နှုတ်ထွက်ကာ အထက်တန်းစားများအတွက် ကော်ဖီဆိုင်များကို ပိုမိုကြီးကြပ်သွားရန် ရှိနေသည်။

    ၎င်းမှာ မက္ကဆီကိုနှင့် ကုန်သွယ်ရေးကို ဆက်လက် နှစ်မြှုပ်လုပ်ဆောင်သွားမည်ဟု ပြောကြားခဲ့ပြီး ထိုဆောင်ရွက်ချက်က ထရမ့်၏ မက္ကဆီကိုဆန့်ကျင်ရေး သဘောထားနှင့် ထိပ်တိုက်တွေ့မည်ဖြစ်သည်။

    Ref: CNA

  • ကြည်လင်း၏အမှုတွဲက လုပ်ကြံမှုကျူးလွန်ရန် ကမ်းလှမ်းခဲ့ဟု ထောင်ထွက်တစ်ဦး ထုတ်ဖော်

    ကြည်လင်း၏အမှုတွဲက လုပ်ကြံမှုကျူးလွန်ရန် ကမ်းလှမ်းခဲ့ဟု ထောင်ထွက်တစ်ဦး ထုတ်ဖော်

    ပုံစာ – အကျဉ်းသားဟောင်း ဦးအောင်စိုးကို အင်းစိန်မြို့နေအိမ်တွင် တွေ့ရပုံ။ ဦးအောင်စိုးသည် အမျိုးသား ဒီမိုကရေစီ အဖွဲ့ချုပ်၏ လူမှုရေး လုပ်ငန်းတစ်ခုတွင် စေတနာ့ဝန်ထမ်းတစ်ဦးအဖြစ် ကူညီ ဆောင်ရွက်လျက်ရှိသည် (ဓာတ်ပုံ – ဇော်ထက်/Myanmar Now)

    ဆွေဝင်း/Myanmar Now

    ရန်ကုန် (Myanmar Now) – ရှေ့နေဦးကိုနီကို ရန်ကုန်လေဆိပ်တွင် လုပ်ကြံခဲ့သည့် ဦးကြည်လင်းနှင့် ဘုရားခုိုးဂိုဏ်းတွင် လက်တွဲလုပ်ကိုင်ဖူးသူတစ်ဦးက ရန်ကုန်မြို့လယ်တွင် လုပ်ကြံသတ်ဖြတ်မှုတစ်ခု တာဝန်ယူပေးရန် ယမန်နှစ်က ကမ်းလှမ်းခဲ့ကြောင်း အကျဉ်းသားဟောင်းတစ်ဦးက ထုတ်ဖော်ပြောဆိုလိုက်သည်။

    ကမ်းလှမ်းမှုကို သူက ငြင်းပယ်လိုက်ပြီးနောက်ပိုင်း ဦးကြည်လင်းက တာဝန်ကို လက်ခံကာ အမှုကျူးလွန်လိုက်သည်ဟု ယူဆကြောင်း ထုတ်ဖော်ပြောဆိုသူမှာ ရန်ကုန် အင်းစိန်မြို့နယ်၊ ဖော့ကန် ရပ်ကွက်တွင် နေထိုင်သော ၅၁ နှစ် အရွယ် ဦးအောင်စိုး ဖြစ်သည်။

    သူသည် ၂ဝဝ၉၊ ၂ဝ၁ဝ ပြည့်နှစ်တို့တွင် မန္တလေးအိုးဘိုထောင် အဆောင်အမှတ် (၃) တွင် ရှိနေစဉ် ဦးကြည်လင်း၊ ဦးအောင်ဝင်းဇော်တို့နှင့် ဆုံတွေ့ခဲ့သူ ဖြစ်သည်။

    ဦးကြည်လင်း၊ ဦးအောင်ဝင်းဇော်တို့မှာ ဘုရားခုိုးမှုဖြင့် နှစ်ရှည်ထောင်ကျနေသူ အမှုတွဲများ ဖြစ်ကြောင်း ဦးအောင်စိုးက ပြောကြားပြီး၊ ထိုအချိန်က အိုးဘိုအကျဉ်းထောင်တွင် တာဝန် ထမ်းဆောင်ခဲ့သူ အကျဉ်းဦးစီးတာဝန်ရှိသူတစ်ဦး နှင့် နှစ်ရှည်ထောင်ကျခဲ့သော နိုင်ငံရေးအကျဉ်းသားဟောင်း ဦးဘိုဘို ခေါ် စမ်းချောင်းဘိုဘိုကလည်း ထိုအချက်ကို အတည်ပြု ပြောဆိုသည်။

    ၄င်းတို့ ၃ ဦးလုံးသည် ၂ဝ၁၄ ဇန်နဝါရီတွင် နိုင်ငံတော် လွတ်ငြိမ်းချမ်းသာခွင့်ဖြင့် လွတ်မြောက်လာခဲ့ကြသည်။

    ၂ဝ၁၆ ဇွန်လတွင် ဦးအောင်ဝင်းဇော်က ဦးအောင်စိုး နေထိုင်ရာ အင်းစ်ိန်မြို့နယ်သို့ ခဲရောင် ပါဂျဲရိုးကားဖြင့် ရောက်ရှိလာပြီး လူသတ်ရမည့်အလုပ် ရှိကြောင်း၊ လူမျိုးခြား ဘာသာခြား နိုင်ငံခြား သံတမန်တစ်ဦးကို နေ့ခင်းကြောင်တောင် မြို့လယ်ခေါင်တွင် ပစ်သတ်ရမည့် အလုပ်ဖြစ်ကြောင်း၊ အလုပ် အောင်မြင်လျှင် အားလုံးအတွက် အကျိုးရှိမည်ဖြစ်ကြောင်း ပြောဆိုခဲ့သည်ဟု ဦးအောင်စိုးက ဆိုသည်။

    “ကိုယ့်နိုင်ငံအတွက်၊ ကိုယ့်လူမျိုးအတွက်၊ ကိုယ့်ဘာသာအတွက် အကျိုးရှိမယ်၊ ခင်ဗျား ငွေကြေးလည်း ထိုက်ထိုက်တန်တန် ရမယ်။ ဘယ်လောက်ရမှာလဲလို့ မေးလိုက်တော့ ကျွန်တော့်ကို ခင်ဗျား ဘယ်လောက်လိုချင်လဲ၊ လောလောဆယ် (သိန်း) ၃ဝဝ ပါတယ်၊ ခင်ဗျား ၅ဝဝ ယူမလား၊ ၁,ဝဝဝ ယူမလား မေးတယ်” ဟု ဦးအောင်စိုးက Myanmar Now နှင့် ဇန်နဝါရီ ၃၁ ရက်နေ့က အင်းစိန်မြို့နယ်ရှိ သူ၏အိမ်တွင် တွေ့ဆုံစဉ်ပြောကြားခဲ့သည်။

    အလုပ်လက်ခံပါက သေနတ်ပစ် လေ့ကျင့်ရန် တောတွင်းသို့ ချက်ချင်း လိုက်ရမည်၊ လုပ်ကြံမှု ပြုလုပ်သည့်အခါ ဦးအောင်ဝင်းဇော် ကိုယ်တိုင် ကား သို့မဟုတ် ဆိုင်ကယ်ဖြင့် စောင့်ပြီး သူ့အား ခေါ်ယူ ထွက်ပြေးမည်၊ ကျူးလွန်မှု အထမြောက်ပြီးသည်နှင့် ကရင်ပြည်နယ်ရှိ DKBA တပ်များ လှုပ်ရှားရာ နယ်မြေဘက်သို့ တိမ်းရှောင်ရမည်ဟု သူ့အား ပြောဆိုခဲ့ကြောင်း ဦးအောင်စိုးက ရှင်းပြသည်။

    ဦးအောင်စိုးက ဒုစရိုက်အမှောင်လောကကို ပြန်မသွားလိုတော့ကြောင်း၊ ကောင်းရောင်း ကောင်းဝယ် လုပ်ကိုင်စားသောက်ပြီး မိသားစုနှင့်အတူ နေထိုင်လျက် ရှိနေကြောင်း ပြောဆိုပြီး ကမ်းလှမ်းမှုကို ငြင်းဆန်ခဲ့သည်ဟု ဆိုသည်။

    ထိုအလုပ်ကို သူ့အားလာရောက်အပ်နှံခြင်းမှာ သူသည် ယခင်က တပ်ထဲသို့ နှစ်နှစ်ခန့် ဝင်ရောက်ဖူးပြီး သေနတ်ပစ်တတ်ခြင်း၊ အကျဉ်းထောင်အတွင်း နေထိုင်စဉ် အခြားသော ရာဇဝတ် အကျဉ်းသား အများအပြားကဲ့သို့ အကျဉ်းဦးစီးဝန်ထမ်းတို့ကို ကျွန်သာသာ ရိုကျိုး၍ နေသူမဟုတ်ဘဲ သဘောထားတင်းတင်းမာဖြင့် နေတတ်သူဖြစ်သောကြောင့်ဟု ယူဆကြောင်း ဦးအောင်စိုးက ပြောသည်။ ဦးအောင်စိုးမှာ အရပ် ၆ ပေခန့်ရှိပြီး၊ ခိုင်မာ တောင့်တင်းသော ခန္ဓာကိုယ်ရှိ၍ ထောင်တွင်းလူဆိုးများ အချင်းချင်းကြားပင် ကြောက်ရွံ့ရသူဖြစ်သည်ဟု အကျဉ်းသားဟောင်းတချို့က ပြောဆိုသည်။

    ယခုအချိန်တွင် အသက် ၄၈ နှင့် ၅ဝ ကြားရှိမမည်ဟု ယူဆရသည့် ဦးအောင်ဝင်းဇော်မှာ အသားညိုညို၊ ပိန်ပိန်ပါးပါး၊ အရပ်ရှည်သူဖြစ်ကြောင်း၊ တပ်မတော် အရာရှိငယ်ဘဝတွင် ပြစ်ချက်ဖြင့် ထုတ်ပယ်ခံရဖူးပြီး နောက်ပိုင်းတွင် ဘုရားခုိုးဂိုဏ်းတချို့နှင့် ပေါင်းပြီး စီးပွားရှာရင်း ထောင်ကျခဲ့သူဖြစ်ကြောင်း ဦးအောင်စိုး၏ ပြောဆိုချက်အရ သိရသည်။

    “သူ့ကို ဘာလုပ်နေလဲလို့ ကျွန်တော်က မေးတော့ သူက သူ့ကို တိုက်ခန်းပေးထားတယ်၊ ကားပေးထားတယ်၊ လက်ရှိ ဒီအလုပ်တွေ လုပ်ရတယ် (လို့ ဖြေတယ်)” ဟု ဦးအောင်စိုးက ပြောသည်။

    အိုးဘိုထောင်တွင် အတူရှိစဉ် ဦးအောင်ဝင်းဇော်သည် သူ၏အမှုတွဲ ဦးကြည်လင်းနှင့် နီးနီးကပ်ကပ် ဆက်ဆံကြောင်း၊ ၄င်းတို့ နှစ်ဦးလုံးသည် ငွေရလျှင် ဘာမဆိုလုပ်မည့် လူစားများ ဖြစ်ကြောင်း ဦးအောင်စိုးက ဆိုသည်။

    ထောင်တွင်းကာလတွင် ဦးကြည်လင်းသည် အေးဆေး တည်ငြိမ်စွာ ပြောဆို နေထိုင်တတ်ပြီး၊ သူ့ကိုထိလျှင် ပြန်လည်တုန့်ပြန်ရန် အသင့်ရှိသည့် အနေအထား တွေ့ခဲ့ရကြောင်းလည်း သူက ဆိုသည်။

    ပြီးခဲ့သည့်ရက်ပိုင်းအတွင်း ရန်ကုန်လေဆိပ်ရှေ့တွင် ဖမ်းဆီးရမိသည့် ဦးကြည်လင်း၏ဓာတ်ပုံကို ဖေ့ဘုတ် လူမှုကွန်ရက်တွင် တွေ့ရှိခဲ့ပြီးနောက် သူ့ကို လာရောက် ကမ်းလှမ်းခဲ့သော အလုပ်မှာ ဦးကိုနီအား သတ်ရန်ဖြစ်သည်ဟု ခိုင်ခိုင် မာမာ ယုံကြည်ကြောင်း ဦးအောင်စိုးက ဆိုသည်။

    “သူတို့နှစ်ယောက်လုံးက ထောင်ထဲမှာတုန်းကတည်းက စိတ်တူကိုယ်တူတွေ။ အတူတူ စားတယ်။ အတူတူ အိပ်တယ်။ နှစ်ယောက်လုံးက ငွေရရင် ဘာမဆို ဂရုမစိုက်ဘူး၊ သူတို့က တွဲဖက်ညီတယ်။ ကျွန်တော် မှားသွားရင်တော့ မတတ်နိုင်ဘူး။ ဒါပေမယ့် ကြည်လင်း မျက်နှာကို မြင်လိုက်ကတည်းက သူတို့ အတူလုပ်ကြတယ်လို့ ပြောနိုင်တယ်။ သူတို့တွေ သူငယ်ချင်း အရင်းရင်းခေါက်တွေ” ဟု ဦးအောင်စိုးက ပြောဆိုသည်။

    ဦးအောင်စိုး လုပ်ကြံမှုကျူးလွန်ရန် ကမ်းလှမ်းခံရသည် ဟူသော ပြောဆိုချက် မှန်ကန်မှု ရှိမရှိကို Myanmar Now က သီးခြား အတည်ပြုနိုင်ခြင်း မရှိပေ။ အမျိုးသားဒီမိုကရေစီအဖွဲ့ချုပ်၏ ဥပဒေအကြံပေး အစ္စလမ်ဘာသာဝင် ရှေ့နေ ဦးကိုနီလုပ်ကြံခံရခြင်းသည် ပုဂ္ဂိုလ်ရေးအငြိုးအတေးလော၊ ဘာသာရေးလူမျိုးရေးကိုအကြောင်းခံသည်လော သုို့တည်းမဟုတ် နိုင်ငံရေးအရလုပ်ကြံခြင်းဖြစ်သည်လောဆိုသည်ကို ယခုအချိန်ထိ ရှင်းလင်းမှု မရှိသေးပေ။ ဇန်နဝါရီ ၃ဝ ရက်က ထုတ်ပြန်သော နိုင်ငံတော်သမ္မတရုံးကြေညာချက်တွင်မူ ယခုလုပ်ကြံမှုသည် နိုင်ငံတော်တည်ငြိမ်ပျက်ပြားစေရန် လုပ်ဆောင်မှုဖြစ်သည်ဟု ရေးသားထားသည်။

    ဦးအောင်စိုးက သူ့အနေဖြင့် ယခုကဲ့သို့ တရားဝင် ထုတ်ဖော်ပြောဆိုမှုများကြောင့် အသက်အန္တရာယ် ကျရောက်နိုင်သည်ကို သဘောပေါက်သော်လည်း အကျဉ်းထောင်အတွင်းတွင် အသက်ဘေးနှင့် ကြိမ်ဖန်များစွာ ရင်ဆိုင်ခဲ့ဖူးသောကြောင့် အလွန်အမင်းစိုးရိမ်စိတ်များ မရှိတော့ကြောင်း၊ ယခုအမှုနှင့် ပတ်သက်၍ နောက်ကွယ်မှ ခိုင်းစေသူများကို ဖော်ထုတ်နိုင်စေလိုသောကြောင့် ထုတ်ဖော် ပြောဆိုရခြင်း ဖြစ်ကြောင်း ပြောကြားသည်။

    ဦးအောင်စိုးသည် လုယက်မှုများ ကျူးလွန်မှုဖြင့် ၁၉၉၆ တွင် ထောင်ဒဏ် ၅၈ နှစ် ချမှတ်ခံရပြီး၊ ၂ဝ၁၄ ဇန်နဝါရီ ၃ ရက်နေ့တွင် နိုင်ငံတော်လွတ်ငြိမ်းချမ်းသာခွင့်ဖြင့် လွတ်မြောက်ခဲ့သည်။ ဘုရားခိုးမှုဖြင့် ၂ဝဝ၃ ခုနှစ်မှစ၍ ထောင်ဒဏ်အနှစ် ၂ဝ ကျနေသော ဦးကြည်လင်းသည်လည်း ထုိုနေ့တွင်ပင် လွတ်ငြိမ်းချမ်းသာခွင့်ဖြင့် ထောင်မှ လွတ်မြောက်လာခဲ့ခြင်းဖြစ်ကြောင်း သိရသည်။

    လွတ်မြောက်ပြီးနောက် အကျဉ်းထောင်များ၊ ရဲဘက်စခန်းများတွင် ဖြစ်ပျက်နေသော လူ့အခွင့်အရေး ချိုးဖောက်မှုများကို မီးမောင်းထိုးပြသည့်အနေဖြင့် “အုတ်ရိုးအတွင်း သံဆူးကြိုးဝင်းမှ လူဆိုးများ” ဟူသော စာအုပ်ကို အင်းစိန်အောင်စိုး ကလောင်အမည်ဖြင့် ရေးသား ထုတ်ဝေခဲ့သည်။

    ထို့အပြင် သူသည် အားလပ်ချိန်များတွင် အင်းစိန်မြို့နယ်၊ ဖော့ကန်ရပ်ကွက်ရှိ အမျိုးသား ဒီမိုကရေစီ အဖွဲ့ချုပ်၏ အမေ့အိမ်ပညာဒါနစာသင်ကျောင်းတွင် ကလေးငယ်များကို ဆံပင် အခမဲ့ ညှပ်ပေးခြင်း၊ သူ၏ဘဝအတွေ့အကြုံပေါ် အခြေခံပြီး ပညာပေး ဟောပြောခြင်းတို့ဖြင့် လုပ်အားပေးလျက်ရှိသည်။ ။

    https://www.facebook.com/myanmarnownews/photos/a.545566185591124.1073741828.518067831674293/796872520460488/?type=3

  • ထရမ့်ဂယက်ကြောင့် အမေရိကန်တွင် အာရှနွယ်ဖွားများကို ဆန့်ကျင်မှု စိုးရိမ်ဖွယ် မြင့်တက်

    ထရမ့်ဂယက်ကြောင့် အမေရိကန်တွင် အာရှနွယ်ဖွားများကို ဆန့်ကျင်မှု စိုးရိမ်ဖွယ် မြင့်တက်

    ဖေဖော်ဝါရီ ၁၊ ၂၀၁၇
    M-Media

    – ထရမ့်ရဲ့ လူမျိုးရေးခွဲခြားမှု မှတ်ချက်တွေ၊ တရုတ်ဆန့်ကျင်ရေးမှတ်ချက်တွေ ထွက်ပေါ်လာပြီးနောက်ပိုင်းမှာ အမေရိကန်နိုင်ငံတစ်ဝှမ်း အာရှနွယ်ဖွားတွေကို ပစ်မှတ်ထားတဲ့ အမုန်းတရားတွေ၊ တိုက်ခိုက်မှုတွေဟာ စိုးရိမ်စရာကောင်းလောက်အောင် မြင့်တက်လာတယ်လို့ လူ့အခွင့်အရေးဆိုင်ရာ အကျိုးအမြတ်မယူတဲ့အဖွဲ့ Asian Americans Advancing Justice (AAAJ) က ပြောကြားလိုက်ပါတယ်။

    အာရှဆန့်ကျင်ရေး အမုန်းရာဇ၀တ်မှုတွေကို စောင့်ကြည့်နေတဲ့ StandAgainstHatred.org ၀ဘ်ဆိုက်မှာ ပြောကြားလိုက်တာဖြစ်ပြီး မွတ်စလင်ဆန့်ကျင်ရေး၊ ပြောင်းရွှေ့အခြေချမှုဆန့်ကျင်ရေး ရာဇ၀တ်မှုတွေသာမက တရုတ်ဆန့်ကျင်ရေး ရာဇ၀တ်မှုကလည်း သိသိသာသာ ဖြစ်လာတယ်လို့ ဆိုပါတယ်။

    ဒီလိုမြင့်တက်လာမှုမျိုးဟာ အာရုံစိုက်ရမယ့် အခြေအနေအထိ ရောက်နေကာ အသိပညာပေးမှုမျိုးကတော့ မရှိသေးဘူးလို့ AAAJ က ထည့်သွင်းဖော်ပြခဲ့ပါတယ်။

    “နိုဝင်ဘာရွေးကောက်ပွဲ လမ်းကြောင်းတစ်လျှာက်နဲ့ ရွေးကောက်ပွဲနောက်ပိုင်းမှာ အမုန်းရာဇ၀တ်မှုတွေ၊ အမုန်းအဖြစ်အပျက်တွေဟာ သတင်းစာမျက်နှာတွေရဲ့ ထိပ်ပိုင်းမှာ မြင့်တက်လာပေမယ့် အာရှ-အမေရိကန်တွေနဲ့ ပစိဖိတ်ကျွန်းသားတွေ (AAPI) အပေါ် တိုက်ခိုက်မှုတွေကို အရေးတယူပြုတာမျိုး မရှိသလောက် ရှားပါတယ်” လို့ AAAJ ရဲ့ လော့စ်အိန်ဂျလိစ် ဌာနခွဲ (AAAJ-Los ) က ဥက္ကဌနဲ့ အမှုဆောင်ဒါရိုက်တာ Stewart Kwoh က ကြေငြာချက်ထဲမှာ ပြောကြားခဲ့ပါတယ်။

    လော့စ်အိန်ဂျလိစ်ကောင်တီရဲ့ လူမှုဆက်ဆံရေးဆိုင်ရာ ကော်မရှင်က ၂၀၁၅ ခုနှစ်အတွင်း အာရှ-အမေရိကန်တွေကို ပစ်မှတ်ထားတိုက်ခိုက်တဲ့ အစီရင်ခံစာကို ထုတ်ပြန်ခဲ့ရာမှာ ကောင်တီတစ်ခုအတွင်းမှာပဲ ဒီလိုတိုက်ခိုက်မှုဟာ ၆ မှုကနေ ၁၈ မှုအထိ တိုးလာတယ်လို့ စိုးရိမ်ဖွယ် တွေ့ခဲ့ရပါတယ်။ အဲဒီတိုက်ခိုက်မှုမှာ အများစုက တရုတ်ဆန့်ကျင်ရေး ဖြစ်ပါတယ်။

    AAAJ-Los ရဲ့ စီမံကိန်းနဲ့ ဆက်သွယ်ရေးဆိုင်ရာ ဒုတိယ ဥက္ကဌ Karin Wang က အာရှနွယ်ဖွားတွေကို တိုက်ခိုက်မှု မြင့်တက်လာတာဟာ သမ္မတဒေါ်နယ်ထရမ့်က တရုတ်ကို စီးပွားရေးရန်သူအဖြစ် မဲဆွယ်ပွဲမှာ ပြောခဲ့တာကြောင် ဖြစ်တယ်လို့ မှတ်ယူနေပါတယ်။

    မဲဆွယ်မှုအတွင်းမှာ တရုတ်ကို ခြိမ်းခြောက်မှုတစ်ခုအဖြစ် ထရမ့်ရဲ့ ပြောဆိုမှုတွေ တော်တော်များများရှိခဲ့ပြီး AAAJ က ‘IS၊ တရုတ်နဲ့ မက္ကဆီကိုတွေဟာ ကျုပ်တို့ကို သတ်နေတာ’ လို့ ထရမ့်ရဲ့ ၂၀၁၅ က ပြောကြားမှုတစ်ခုကို ထောက်ပြခဲ့ပါတယ်။ ဒါတင်မကသေးဘဲ အမေရိကန်က ကုန်သွယ်ရေးမှာ တရုတ်နဲ့ ဂျပန်တို့ကို မယှဉ်နိုင်တာကိုလည်း မေးခွန်းထုတ်ခဲ့ပြီး နောက်ပိုင်းမှာ တရုတ်ဟာ မြန်မြန်ဆန်ဆန် စစ်ရေးချဲ့ထွင်မှုတွေ ပြုလုပ်နေတယ်လို့လည်း ထရမ့်က ပြောကြားခဲ့ပါတယ်။

    Wang ကတော့ တရုတ်ကို ကုန်သွယ်ရေး ခြိမ်းခြောက်မှုတစ်ခုအဖြစ် ထရမ့်က ပြောဆိုခဲ့ပေမယ့် ဒါဟာ အန္တရာယ်ရှိတဲ့ နိုင်ငံခြားသားဆိုတဲ့ အမြင်ကိုတွေကို ပိုပြီးအားကောင်းစေခဲ့ကာ ၁၉၇၀ ပြည့်နှစ်တွေနဲ့ ၁၉၈၀ ပြည့်နှစ်တွေက ကားလုပ်ငန်းမှာ ဂျပန်နိုင်ငံဟာ ခြိမ်းခြောက်မှုတစ်ခုအဖြစ် သတ်မှတ်ဆန့်ကျင်ခံရသလိုမျိုး ဖြစ်တယ်လို့ ဆိုပါတယ်။

    နောက်ပြီး ယဉ်ကျေးမှုနောက်ခံ၊ လိင်ကွဲပြားမှု၊ လိင်စိမ်းတိမ်းညွှတ်နဲ့ ဘာသာတရာတွေအပါအ၀င် အကြောင်းအရင်း အမျိုးမျိုးကို အခြေခံပြီး ဖြစ်လာတဲ့ ရာဇ၀တ်မှုတွေကို တိုင်ကြားဖို့၊ မိမိတို့ရဲ့ ၀ဘ်ဆိုက်မှာ အမုန်းအခြေခံ ကိစ္စတွေကို ၀င်ကြည့်ရုံတင်မဟုတ်ဘဲ၊ ပြည်သူတွေက ဘယ်လို ကြံ့ကြံ့ခံနေတယ်ဆိုတဲ့ အကြောင်းတွေကို မျှဝေပေးဖို့လည်း AAAJ အဖွဲ့က တိုက်တွန်းခဲ့ပါတယ်။

    အဲဒီအဖြစ်အပျက်တွေကို တရားဥပဒေကြောင်းအရ တုန့်ပြန်ဖို့အတွက် မိမိတို့အနေနဲ့ ဥပဒေရေးရာ အကြံဉာဏ်တွေကို ပေးသွားမယ်လို့လည်း ဆိုပါတယ်။

    Ref: Huffingtonpost

  • ရခိုင်ရှိ လူ့အဖွဲ့အစည်းနှစ်ခုအကြား လူသိနည်းသည့် လူသားဆန်သော ဆက်ဆံမှုများ

    ရခိုင်ရှိ လူ့အဖွဲ့အစည်းနှစ်ခုအကြား လူသိနည်းသည့် လူသားဆန်သော ဆက်ဆံမှုများ

    ဖေဖော်ဝါရီ ၁၊ ၂၀၁၇
    M-Media

    မွတ်စလင်အများစုရှိရာဒေသမှ အထက်တန်းကျောင်း၏ ကျောင်းအုပ်အဖြစ် တာဝန်ယူထားသည့် ရခိုင်တိုင်းရင်းသား ဦးမောင်သန်းရွှေ

    – ၂၀၁၂ ခုနှစ် လူ့အဖွဲ့အစည်းနှစ်ခုအကြား တိုက်ခိုက်မှုများ ဖြစ်ပွားခဲ့ပြီးကတည်းက ရခိုင်ပြည်နယ်မြို့တော် စစ်တွေရှိ ဗုဒ္ဓဘာသာဝင်နှင့် မွတ်စလင်လူ့အဖွဲ့အစည်းနှစ်ခုအကြား ဆက်ဆံမှုမှာ မဆိုစလောက်သာ ရှိသည်။

    ထိုကဲ့သို့ ဆက်ဆံရေးနည်းပါးမှု အကြောင်းအရင်းက မွတ်စလင်များမှာ အခြားသော လူ့အဖွဲ့အစည်းမှ သီးသန့် ခွဲထုတ်ခံထားရပြီး အောင်မင်္ဂလာရပ်ကွက်အပါအ၀င် မြို့တစ်ဝိုက်ရှိ ဒုက္ခည်စခန်းများတွင် ပိတ်မိ နေထိုင်နေရသောကြောင့် ဖြစ်လေသည်။ တိုက်ခိုက်မှုကြောင့် အိုးအိမ်ပျက်ဆီးဆုံးရှုံးခဲ့ရသော ရခိုင်တိုင်းရင်းသားမှာလည်း အချို့ ဒုက္ခသည်စခန်းများတွင် နေထိုင်နေရသည်။ သို့သော် ၎င်းတို့မှာ လွတ်လပ်စွာ လှုပ်ရှားသွားလာနိုင်ပြီး မြို့ရှိ မွတ်စလင်အများစုကတော့ ထိုအခွင့်အရေးကို မခံစားရ။

    မွတ်စလင်ဒုက္ခသည်စခန်းများကို ရခိုင်တိုင်းရင်းသားများက ၀င်ရောက်မှုမျိုး မရှိသလို၊ မွတ်စလင်များကလည်း ၎င်းတို့၏ စခန်းများမှ အပြင်ထွက်ရန် မလွယ်ကူ။ စစ်တွေမြို့တွင် သွားရောက်လည်ပတ်ရန် ခွင့်ပြုထားသည့် တစ်ခုတည်းသော နေရာဖြစ်သော အောင်မင်္ဂလာရပ်ကွက်သို့ မွတ်စလင်များ သွားရောက်သည့်အခါမျိုးတွင် လက်နက်ကိုင် အစောင့်အရှောက် လိုအပ်လေသည်။

    ယနေ့အချိန်အထိ မွတ်စလင်များမှာ စစ်တွေမြို့အတွင်း လွတ်လပ်စွာ သွားလာနိုင်ခြင်းမရှိ။ ရခိုင်များမှာလည်း ဒုက္ခသည်စခန်းများ၊ အောင်မင်္ဂလာရပ်ကွက်သို့သွားရောက်ရန်မှာ စွန့်စားရသည့် ကိစ္စဖြစ်နေသည်။ လူ့အဖွဲ့အစည်းနှစ်ခုအကြား ကာလရှည် ရှိနေခဲ့သည့် တင်းမာမှုများကြောင့်လည်း ဖြစ်သည်။

    သို့သော် မွတ်စလင်များ နေထိုင်ရာနေရာသို့ ပုံမှန် သွားရောက်လည်ပတ်သည့် ရခိုင်ဗုဒ္ဓဘာသာဝင်မှာ အနည်းဆုံး ၁ ဦးတော့ ရှိနေသည်။ အသက် ၄၆ နှစ်အရွယ်ရှိ ဦးမောင်သန်းရွှေမှာ စစ်တွေမြို့လယ်ကောင်မှ ဆိုင်ကယ်ဖြင့် မိနစ် ၂၀ ခန့် သွားရသည့် သက်ကယ်ပြင်ရွာမှ အခြေခံပညာ အထက်တန်းကျောင်း၏ ကျောင်းအုပ်တစ်ဦးဖြစ်သည်။ သက်ကယ်ပြင်ရွာနားမှ ဒုက္ခသည်စခန်းတစ်ခုကတော့ ပြည်နယ်အတွင်း အကြီးဆုံးဖြစ်ပြီး ရခိုင်ပြည်နယ်တစ်ဝှမ်းမှ မွတ်စလင်ဒုက္ခသည်များ နေထိုင်ကြသည်။

    သက်ကယ်ပြင် အထက်တန်းကျောင်းတွင် စေတနာ့ဝန်ထမ်း တာဝန်ထမ်းဆောင်နေသော မွတ်စလင်ဆရာများ

    အထက်တန်းကျောင်းတွင် ကျောင်းသား၊ ကျောင်းသူ ၃၉၀၀ ၀န်းကျင်ရှိနေပြီး ၁၀၀၀ ခန့်မှာ သက်ကယ်ပြင်မှ မွတ်စလင်များဖြစ်သည်။ မွတ်စလင်များကိုသာ ဦးစားပေး ကူညီနေသည်ဟု စွပ်စွဲကာ ရခိုင်လူအုပ်ကြီးက နိုင်ငံတကာ အကူအညီပေးရေးအဖွဲ့များ၏ ရုံးခန်းများနှင့် ဂိုထောင်များကို ဖျက်ဆီးလုယက်သည့် ၂၀၁၄ ခုနှစ်
    တင်းမာမှုများ ထပ်ဖြစ်ချိန်ကတည်းက ဦးမောင်သန်းရွှေမှာ ထိုကျောင်းတွင် ကျောင်းအုပ်ကြီးအဖြစ် ဆောင်ရွက်ခဲ့သည်။

    ၂၀၁၂ ခုနှစ် ပဋိပက္ခ ဖြစ်ပွားပြီးနနောက်ပိုင်းတွင် အဆိုပါ အထက်တန်းကျောင်းမှ ကျောင်းအုပ်ဆရာများမှာ ကျောင်းကို စီမံခန့်ခွဲမှု မပြုနိုင်ကြ။ သမ္မတရုံးမှ တာဝန်ရှိသူများ ၂၀၁၄ ခုနှစ်တွင် လာရောက်ကြည့်ရှုကာ ကျောင်း၏ အခက်အခဲကို သိရှိခဲ့ပြီးနောက် ပညာရေးဝန်ကြီးဌာနက ဦးမောင်သန်းရွှေအားခေါ်ယူကာ ကျောင်းအုပ်ဆရာအလုပ်အတွက် စိတ်ဝင်စားခြင်း ရှိ၊ မရှိ မေးမြန်းခဲ့သည်။

    “သူတို့လည်း ကျွန်တော်တို့လို လူသားပဲဗျ။ ကလေးတွေရဲ့ ပညာရေးအတွက် မှန်ကန်တဲ့အရာကိုလုပ်ဖို့ ကျွန်တော် ဒီရောက်လာခဲ့တာပါ” ဟု ဦးမောင်သန်းရွှေက ပြောကြားခဲ့သည်။

    အလုပ်အင်တာဗျူးအတွက် သွားရောက်ရာတွင် စစ်တွေမြို့လယ်ကောင်ရှိ ဆိုင်ကယ်တက္ကစီများက မွတ်စလင်အများစုရှိရာနေရာသို့ သွားရောက်ရန် တွန့်ဆုတ်နေသောကြောင့် ခက်ခက်ခဲခဲ ညှိနှိုင်းခဲ့ရသည်။

    ရခိုင်တိုင်းရင်သား ဦးမောင်သန်းရွှေမှာ စစ်တွေမြို့ ဓည၀တီရပ်ကွက်ရှိ ၎င်းနေထိုင်ရာ နှစ်ထပ်အိမ်မှ နေ့စဉ် ဆိုင်ကယ်ဖြင့် ကျောင်းသို့သွားသည်။ ထိုအိမ်တွင် ၎င်းမှာ ဇနီးသည် သားသမီး ၃ ဦးတို့နှင့် နေထိုင်သည်။ အငယ်ဆုံးမှာ မတ်တတ်သွားအရွယ်ရှိပြီး အကြီးဆုံးက ၈ တန်းတက်နေသည်။

    “ဘောပင်တစ်လျောင်းကလွဲလို့ ကျွန်တော့်မှာ ကာကွယ်ဖို့ ဘာမှမရှိတဲ့အတွက် တစ်ခါတစ်လေမှာ ကျွန်တော် ကြောက်ရွံ့မိတယ်ဗျ။ ဒါပေမယ့် တစ်ခြားသူတွေအတွက် ခက်ခဲတဲ့အလုပ်ကို လုပ်ချင်တဲ့ စိတ်ဓာတ်မျိုး ကျွန်တော့်ဘ၀မှာ ပါလာတယ်။ ဒီစိတ်ကြောင့်ပဲ အစကတည်းက ဒီအလုပ်ကိုလုပ်ဖို့ လက်ခံခဲ့တာပါ” ဟု ဦးမောင်သန်းရွှေက ပြောကြားခဲ့သည်။

    အထက်တန်းကျောင်းမှ ဆရာ၊ ဆရာမများအားလုံးမှာ မွတ်စလင်လူ့အဖွဲ့အစည်းမှ စေတနာ့ဝန်ထမ်းအဖြစ် လာရောက်လုပ်ကိုင်နေကြခြင်းဖြစ်သည်။ ကြက်ရိုးပြင် အခြေခံပညာအထက်တန်းကျောင်းမှ ၀န်ထမ်းများစာရင်းတွင် အစိုးရက ခန့်အပ်ပေးထားသော ဆရာ၊ ဆရာမများ၏ အမည်များကို ရေးသားထားသော်လည်း ၎င်းတို့က အခြားကျောင်းများတွင် သွားရောက် သင်ကြားနေသည်။

    လက်ထောက်ကျောင်းအုပ်ကြီးဖြစ်သည့် အသက် ၅၇ နှစ်အရွယ် ဦးခင်မောင်မှာ အိုးအိမ်စွန့်ခွာ ထွက်ပြေးရသည့် မွတ်စလင်အမျိုးသားတစ်ဦးဖြစ်သည်။ ၂၀၁၂ ခုနှစ်တွင် ၎င်းမှာ ပေါက်တောမြို့နယ်ရှိ အထက်တန်းကျောင်းတွင် တာဝန်ထမ်းဆောင်းခဲ့ပြီး အကြမ်းဖက်တိုက်ခိုက်မှုကြောင့် ၎င်း၏ အိမ်နှင့် အလုပ်အကိုင်တို့ကို ဆုံးရှုံးခဲ့ရသည်။ ထိုအချိန်မှစ၍ ဦးခင်မောင်မှာ ၎င်း၏ မိသားစုနှင့်အတူ ကြက်ရိုးဒုက္ခသည်စခန်းတွင် နေထိုင်ခဲ့ရသည်။

    ဦးမောင်သန်းရွှေမှာ ကျောင်းအုပ်တစ်ဦး၏ တာဝန်များကို ကျေပွန်ရုံသာမက၊ စာသင်ကျောင်းနှင့် ပြင်ပကမ္ဘာအကြား ဆက်ဆံရေးတစ်ခု ထူထောင်ပေးသူအဖြစ်လည်း ဆောင်ရွက်နေသည်ဟု ဦးခင်မောင်က ဆိုသည်။ ဥပမာအားဖြင့် ကြက်ရိုးပြင်ရွာအပြင်ဖက်ကို ထွက်၍မရသည့် စေတနာ့ဝန်ထမ်း ဆရာများကိုယ်စား တစ်ခါတစ်ရံတွင် သတင်းစကား ပါးပေးခြင်းဖြစ်သည်။

    သက်ကယ်ပြင် အထက်တန်းကျောင်း သန့်ရှင်းရေး ဆောင်ရွက်နေကြစဉ်

    ကျောင်အုပ်ကြီး ဦးမောင်သန်းရွှေအား လုပ်ဖော်ကိုင်ဖက်များက အလွန်လေးစားကြသည်ကို စာသင်ကျောင်းသို့ ရောက်ရှိသူတိုင်း သတိပြုမိကြသည်။ ဦးခင်မောင်အပါအ၀င် စေတနာ့ဝန်ထမ်း ဆရာ၊ ဆရာမများက ဦးမောင်သန်းရွှေအား ‘ဆရာကြီး’ ဟု တလေးတစား ခေါ်ဆိုကြသည်။

    မွတ်စလင်များကို ‘ကုလား’ ဟု မခေါ်ဝေါ်သည့်အတွက်လည်း ဦးမောင်သန်းရွှေမှာ ပိုမိုလေးစားခံရသည်ဟု ဦးခင်မောင်ကဆိုသည်။ အဆိုပါ စကားလုံးက နိုင်ငံခြားသားများကို နှိမ့်ချခေါ်ဝေါ်သည့် စကားလုံးဖြစ်ပြီး မြန်မာနိုင်ငံတွင် အိန္ဒိယတိုက်ငယ်နွယ်ဖွားများအား ရည်ညွှန်းခေါ်ဆိုကြသည်။ ရခိုင်ပြည်နယ်တွင် ‘ရိုဟင်ဂျာ’ နှင့် ‘ဘင်္ဂါလီ’ ဆိုသည့် စကားလုံးမှာ ဆတ်ဆတ်ထိမခံသည့် စကားလုံးဖြစ်သည်။

    “သူတို့မကြိုက်ဘူးဆိုတာကို သိလို့ ကျွန်တော် ဘယ်တော့မှ သူတို့ကို ‘ကုလား’ လို့ မခေါ်ပါဘူး” ဟု ဦးမောင်သန်းရွှေကဆိုပြီး ၎င်း၏နှင့် လူမျိုးတူ ရခိုင်အသိုင်းအ၀ိုင်းတွင် ဒေါသမဖြစ်စေရန် ရိုဟင်ဂျာဆိုသည့် အသုံးအနှုန်းကိုလည်း မသုံးမိအောင် ဂရုစိုက်သည်။

    “သူတို့ကို မွတ်စလင်လို့ပဲ ကျွန်တော် ခေါ်ပါတယ်”

    လူ့အဖွဲ့အစည်းနှစ်ခုအတွင်း ပြဿနာများကို ရှောင်ရှားရန် အဖြေမှာ ဘာသာရေးကိစ္စကို ဘေးဖယ်ထားခြင်းဖြစ်သည်ဟု ဦးမောင်သန်းရွှေကဆိုသည်။

    “ကျောင်းသားက မွတ်စလင်ဖြစ်ဖြစ်၊ ဗုဒ္ဓဘာသာဖြစ်ဖြစ်၊ ကျောင်းသားလို့ပဲ သတ်မှတ်ရင် ပြဿနာငြိမ်းတယ်။ သူတို့နဲ့ ထိထိရောက်ရောက် ဆက်သွယ်ဆောင်ရွက်နိုင်တဲ့ အဓိကသော့ချက်က ဒါပါပဲ” ဟု ၎င်းက ပြောကြားခဲ့သည်။

    ဦးမောင်သန်းရွှေမှာ မွတ်စလင်ဒေသတွင် အလုပ်လုပ်သည်မှာ ယခုအကြိမ်သည် ပထမဆုံးမဟုတ်၊ ယခင်ကလည်း ရခိုင်ပြည်နယ်မြောက်ပိုင်း မွတ်စလင်အများစုတည်ရှိရာ မောင်းတောမြို့ရှိ စာသင်ကျောင်းတစ်ခုတွင် တစ်နှစ်နှင့် ၆ လ တာဝန်ထမ်းဆောင်ဖူးသည်။

    သက်ကယ်ပြင်ရှိ မွတ်စလင်လူ့အဖွဲ့အစည်း၏ လေးစားမှုကို ရရှိထားသော်လည်း ပြီးခဲ့သည့်နှစ်ကုန်ပိုင်းတွင် မောင်တောမြို့ရှိ စစ်သွေးကြွများ၏ တိုက်ခိုက်မှုနောက်ပိုင်း မြင့်တက်လာသော လူ့အဖွဲ့အစည်းကြား တင်းမာမှုကြောင့် တစ်ပတ်ခန့် ကျောင်းသို့ မသွားခဲ့။

    သက်ကယ်ပြင်ကျောင်းသို့ ပထမဆုံး ပြောင်းရွှေ့စဉ်က ကျောင်းဆရာတစ်ယောက်အနေဖြင့် ရောက်ရှိခဲ့ခြင်းဖြစ်သော်လည်း ကျောင်းတွင် ကျောင်းအုပ်ကြီးအဖြစ် တာဝန်ထမ်းဆောင်ရပြီး တစ်နှစ်အကြာတွင် တရားဝင် ကျောင်းအုပ်ကြီးအဖြစ် ခန့်အပ်ခံခဲ့သည်။ ၎င်း၏ ကြီးကြပ်မှုအောက်တွင် ထိုကျောင်းမှာ အလယ်တန်းကျောင်းမှ တွဲဖက်အထက်တန်းကျောင်းအဖြစ်လည်းကောင်း၊ ထိုမှ အထက်တန်းကျောင်းအဖြစ်လည်းကောင်း ၂ ဆင့် တက်လာခဲ့သည်။ ဦးမောင်သန်းရွှေ ကျောင်းအုပ်ကြီးဖြစ်ပြီးကတည်းက တက္ကသိုလ်ဝင်တန်းစာမေးပွဲကို အောင်မြင်ခဲ့သူ ကျောင်းသား ၂၁ ယောက်ရှိပြီး ဂုဏ်ထူးရသူ ၅ ဦး ပါဝင်ခဲ့သည်။

    သိပ်မကြာခင်ကာလအတွက် ၎င်း၏ စီမံကိန်းတွင် ကျောင်း၌ စေတနာ့ဝန်ထမ်းအဖြစ် တာဝန်ထမ်းဆောင်နေကြသော ကျောင်းဆရာများကို နိုင်ငံတော်က လခပေးရန်နှင့် များပြာနေသော ကျောင်းသာများအတွက် နောက်ထပ် ကျောင်းဆောင် ၂ ခု ဆောက်လုပ်ပေးရန်ဖြစ်သည်။ ဦးမောင်သန်းရွှေကတော့ သက်ကယ်ပြင် အထက်တန်းကျောင်းတွင် နောက်ထပ် ၂ နှစ်ခန့် ကျောင်းဆရာအဖြစ် ဆက်ရှိနေရန် မျှော်လင့်နေသည်။

    “ကျွန်တော်ရရှိခဲ့တဲ့ အောင်မြင်မှုအတွက် ဂုဏ်ယူပါတယ်။ ကျွန်တော့်ရဲ့ ဆောင်ရွက်မှုတွေအတွက် ရာထူးတက်ဖို့လည်း မျှော်လင့်ပါတယ်”

    Ref: Frontier Myanmar