News @ M-Media

Blog

  • အာဏာရှင်ကို ဖြုတ်ချရန် ဂမ်ဘီယာသို့ ဒေသတွင်းတပ်ဖွဲ့များ ၀င်ရောက်

    အာဏာရှင်ကို ဖြုတ်ချရန် ဂမ်ဘီယာသို့ ဒေသတွင်းတပ်ဖွဲ့များ ၀င်ရောက်

    ဇန်န၀ါရီ ၂၀၊ ၂၀၁၇
    M-Media

    ဒီဇင်ဘာရွေးကောက်ပွဲအနိုင်ရပြီး ဆီနီဂေါတွင် ကျမ်းကျိန်ခဲ့သည့် ဂမ်ဘီယာ သမ္မသစ် ဘာရိုး

    – ဂမ်ဘီယာအာဏာရှင် ယဟ်ယာ ဂျာမေဟ်မှာ ရာထူးမှဆင်းပေးရန် ငြင်းဆိုခဲ့ပြီနောက် အနောက်အာဖရိကနိုင်ငံများမှ တပ်ဖွဲ့များက ဂမ်ဘီယာနိုင်ငံအတွင်းသို့ ၀င်ရောက်လာခဲ့သည်ဟု သိရသည်။

    ဒီဇင်ဘာ ၁ ရက်နေ့က ပြုလုပ်ခဲ့သည့် ရွေးကောက်ပွဲတွင် အတိုက်အခံခေါင်းဆောင် အဒါမာ ဘာရိုး အနိုင်ရခဲ့ပြီး ဂျာမေဟ်မှာ စောစောပိုင်းက ရွေးကောက်ပွဲရလဒ်ကို လက်ခံသည်ဟု ပြောကြားခဲ့သော်လည်း နောက်ပိုင်းတွင် ရာထူးမှ ဆင်းပေးရန် ငြင်းဆန်ခဲ့ခြင်းဖြစ်သည်။

    ၁၉၉၄ ခုနှစ် အာဏာသိမ်းပြီးကတည်းက နိုင်ငံကို အုပ်စိုးလာခဲ့သည့် ဂျာမေဟ်၏ သက်တမ်းမှာ ဒီဇင်ဘာ ၁၈ နေ့ည သန်းခေါင်ယံအချိန်တွင် ကုန်ဆုံးခဲ့ပြီး ဘာရိုးက အိမ်နီးချင်း ဆီနီဂေါနိုင်ငံရှိ ဂမ်ဘီယာသံရုံးတွင် သမ္မတသစ်အဖြစ် ကျမ်းသစ္စာ ကျိန်ဆိုခဲ့သည်။

    ဆီနီဂေါစစ်တပ်မှ ယမန်နေ့တွင် ထုတ်ပြန်ခဲ့သည့် ကြေငြာချက်တွင် အနောက်အာဖရိကနိုင်ငံများအဖွဲ့ဖြစ်သော ECOWAS မှ တပ်များမှာ ရွေးကောက်ပွဲရလဒ်ကို ထိန်းသိမ်းရန်အတွက် စစ်ဆင်ရေး အစိတ်အပိုင်းအဖြစ် တိုက်ခိုက်မှုများ စတင်ဆောင်ရွက်နေပြီဟု ဖော်ပြထားသည်။

    သမ္မတသစ်အဖြစ် ကျမ်းကျိန်ခဲ့သည့် ဘာရိုးကမူ မိမိ၏ အစိုးရအား နိုင်ငံတကာမှ ထောက်ခံအားပေးရန် တောင်းဆိုခဲ့ပြီး ဂမ်ဘီယာစစ်တပ်အနေဖြင့် ၎င်းတို့၏ တပ်တွင်း၌သာ ရှိနေကြရန်လည်း အမိန့်ပေးခဲ့သည်။

    “ဒီနေ့ဟာ ဂမ်ဘီယာပြည်သူတွေ ဘ၀တစ်လျှောက်လုံးမှာ ဘယ်သူမှ မေ့လို့မရမယ့် နေ့တစ်နေ့ပါပဲ” ဟု ကျမ်းသစ္စာကျိန်ဆိုပြီးနောက် ဘာရိုးက ပြောကြားခဲ့သည်။

    ကုသမဂ္ဂ လုံခြုံရေးကောင်စီကလည်း ဘာရိုးကို ထောက်ခံသည့် ဆုံးဖြတ်ချက်တစ်ခုကို တစ်ညီတစ်ညွတ်တည်း ချမှတ်ခဲ့ပြီး ငြိမ်းချမ်းစွာ အာဏာလွှဲပြောင်းရေး ဆောင်ရွက်ရန် တိုက်တွန်းခဲ့သည်။

    Ref: Aljazeera

  • အီရန်ရှိ မိုးမျှော်အဆောက်အဦးတစ်ခု မီးလောင် ပြိုကျ

    အီရန်ရှိ မိုးမျှော်အဆောက်အဦးတစ်ခု မီးလောင် ပြိုကျ

    ဇန်န၀ါရီ ၁၉၊ ၂၀၁၇
    M-Media

    – အီရန်နိုင်ငံ မြို့တော်တီဟီရန်တောင်ပိုင်းရှိ သက်တမ်းအရင့်ဆုံး မိုးမျှော်အဆောက်အဦးတစ်ခုမှာ ယနေ့မနက်ပိုင်းက မီးလောင်ပြိုကျခဲ့ပြီး မီးသတ်တပ်ဖွဲ့ဝင် အနည်းဆုံး ၂၀ သေဆုံးခဲ့ကာ လူအများအပြား ဒဏ်ရာရရှိခဲ့သည်ဟု သိရသည်။

    ၁၇ ထပ်မြင့်သည့် အဆိုပါအဆောက်အဦး၏ အပေါ်ဆုံးအထပ်များတွင် မီးလောင်ကျွမ်းခဲ့ခြင်းဖြစ်ပြီး မီးသတ်တပ်ဖွဲ့ဝင်များက နာရီပေါင်းများစွာ ငြိမ်းသက်ခဲ့သော်လည်း ဒေသစံတော်ချိန် နံနက် ၁၁ နာရီခွဲတွင် ပြိုကျခဲ့သည်။ တီဟီရန်ရှိ အရေးပေါ် အကူအညီပေးရေးအဖွဲ့ အကြီးအကဲကမူ မီးလောင်မှုကြောင့် အနည်းဆုံး လူ ၇၀ ဒဏ်ရာရရှိခဲ့ပြီး ၂၃ ဦးကို ဆေးရုံတင်ထားရသည်ဟု ပြောကြားခဲ့သည်။

    အီရန်သမ္မတ ဟာဆန်ရူဟာနီက ယခုအဖြစ်အပျက်နှင့်ပတ်သက်၍ စုံစမ်းစစ်ဆေးမှုကို ချက်ခြင်းဆောင်ရွက်ရန် ပြည်ထဲရေးဝန်ကြီးကို ညွှန်ကြားခဲ့သည်။

    တီဟီရန်အုပ်ချုပ်ရေးမှူးရုံးမှ လုံခြုံရေးဆိုင်ရာ တာဝန်ရှိသူ မိုဟ်ရှန် ဟာမီဒါနီကမူ ကနဦး စုံစမ်းစစ်ဆေးမှုများအရ မီးလောင်မှုမှာ အဆောက်အဦး၏ လျှပ်စစ်စနစ်မှတစ်ဆင့် လောင်ကျွမ်းခြင်းဖြစ်သည်ဟု ပြောကြားခဲ့သည်။

    မီးလောင်မှုကြောင့် တူရကီ၊ ဂျာမနီနှင့် ယူကေသံရုံးတို့အပါအ၀င် အနီးအနားရှိ အဆောက်အဦးများမှ လူများကိုလည်း ကယ်ထုတ်ခဲ့သည်။

    အဆိုပါ မိုးမျှော်တိုက်ကို ၁၉၆၂ ခုနှစ်တွင် ဆောက်လုပ်ခဲ့ခြင်းဖြစ်ပြီး ထိုစဉ်က တီဟီရန်မြို့တွင် အမြင့်ဆုံးအဆောက်အဦး ဖြစ်ခဲ့သည်။ ထိုအဆောက်အဦးတွင် ဈေးဝယ်စင်တာများနှင့် ဒီဇိုင်းလုပ်ငန်းများ ဖွင့်လှစ်ထားသည်။

    Ref: Press TV

  • ရိုဟင်ဂျာပြဿနာဖြေရှင်းရေး ကူညီရန် အိုအိုင်စီနိုင်ငံများကို မလေးရှား တိုက်တွန်း

    ရိုဟင်ဂျာပြဿနာဖြေရှင်းရေး ကူညီရန် အိုအိုင်စီနိုင်ငံများကို မလေးရှား တိုက်တွန်း

    ဇန်န၀ါရီ ၁၉၊ ၂၀၁၇
    M-Media

    မလေးရှားဝန်ကြီးချုပ် နာဂျစ်ရာဇတ်

    – မြန်မာနိုင်ငံက ရိုဟင်ဂျာမွတ်စလင်လူနည်းစုတွေ ညှင်းပမ်းနှိပ်စက်ခံနေရမှုကို လုံးဝရပ်တန့်ဖို့အရေး မွတ်စလင်တွေနိုင်ငံတွေက ကူညီဆောက်ရွက်ပေးဖို့ မလေးရှားဝန်ကြီးချုပ် နာဂျစ်ရာဇတ်က ဒီကနေ့မှာ တိုက်တွန်းလိုက်ပါတယ်။

    မလေးရှားနိုင်ငံ ကွာလာလမ်ပူမှာပြုလုပ်တဲ့ အိုအိုင်စီ အထူးအစည်းအဝေးမှာ ဒီလိုပြောကြားလိုက်တာဖြစ်ပြီး မြန်မာနိုင်ငံက ရိုဟင်ဂျာတွေ အစုလိုက်အပြုံလိုက် ထွက်ပြေးလာတာက ဒေသတွင်းမှာ မတည်ငြိမ်မှုတွေ ဖြစ်စေတာကြောင့် ဒါဟာ မြန်မာနိုင်ငံရဲ့ ပြည်တွင်းရေးသက်သက် မဟုတ်တော့ဘူးလို့လည်း ပြောဆိုခဲ့ပါတယ်။

    ရိုဟင်ဂျာတွေအပေါ် ပြုလုပ်နေတဲ့ အကြမ်းဖက်မှုတွေကို လုံးဝ ရပ်တန့်ရမှာဖြစ်ပြီး အဲဒီလိုမှမဟုတ်ရင် IS အကြမ်းဖက်အဖွဲ့အပါအ၀င် အခြား လက်နက်ကိုင်အဖွဲ့တွေက ရိုဟင်ဂျာတွေကို သွေးဆောင်ဖျားယောင်းသွားနိုင်တယ်လို့လည်း ၀န်ကြီးချုပ်က ဆိုပါတယ်။

    “IS လို အကြမ်းဖက်အဖွဲ့အစည်းတွေဟာ ဒီအခြေအနေကို အမြတ်ထုတ်နိုင်တယ်ဆိုတာ အိုအိုင်စီအဖွဲ့ဝင်နိုင်ငံတွေ ကောင်းကောင်းသိပါတယ်”

    နောက်ပြီး မြန်မာအစိုးရအနေနဲ့ ခွဲခြားဆက်ဆံမှု၊ တိုက်ခိုက်မှုအားလုံးကို ရပ်တန့်ဖို့ နာဂျစ်က တိုက်တွန်းခဲ့ပြီး အကူအညီတွေဝင်ရောက်ခွင့်ပေးဖို့၊ ဒုက္ခသည်တွေကို အန္တရာယ်ကင်းစွာ အိမ်ပြန်ခွင့်ပေးဖို့လည်း ဆော်သြခဲ့ပါတယ်။

    “ဒါမျိုးက လက်ရှိမှာ လုပ်ကိုလုပ်ရမှာပါ။ မြန်မာအစိုးရက ‘လူမျိုးတုန်းသတ်ဖြတ်မှု’၊ ‘လူမျိုးစုလိုက် သုတ်သင်မှု’ ဆိုတဲ့ စကားလုံးတွေအတွက် ငြင်းချက်ထုတ်ပါတယ်။ ဘယ်လိုအသုံးအနှုန်းပဲဖြစ်ဖြစ် ရိုဟင်ဂျာတွေက စောင့်လို့မရတော့ပါဘူး”

    ရခိုင်ပြည်နယ်က လူသားချင်းစာနာထောက်ထားမှုဆိုင်ရာနဲ့ လူမှုရေးဆိုင်ရာ စီမံကိန်းတွေအတွက် မလေးရှားက ရင်းဂစ် ၁၀ သန်း (ကန်ဒေါ်လာ ၂.၂၅ သန်း) ထပ်မံလှူဒါန်းသွားမယ်လို့လည်း ၀န်ကြီးချုပ်နာဂျစ်က ထည့်သွင်း ပြောဆိုခဲ့ပါတယ်။

    အောက်တိုဘာ လဆန်းပိုင်းက နယ်ခြားစောင့်စခန်းတွေ တိုက်ခိုက်ခံရမှုနောက်ပိုင်း ရခိုင်ပြည်နယ်မြောက်ပိုင်းမှာ အစိုးရစစ်တပ်က ပြုလုပ်ခဲ့တဲ့ စစ်ဆင်ရေးတွေမှာ စစ်သားတွေဟာ ရိုဟင်ဂျာပြည်သူတွေအပေါ် တရားလက်လွတ်သတ်ဖြတ်မှုတွေ၊ အဓမ္မကျင့်မှုတွေနဲ့ နေအိမ်မီးရှို့မှုတွေ ရှိတယ်လို့ သတင်းတွေ ထွက်ပေါ်ခဲ့ပြီး မြန်မာအစိုးရကတော့ ဒါဟာ မဟုတ်မမှန်ဘူးလို့ ငြင်းဆိုထားပါတယ်။

    ပြီးခဲ့တဲ့သီတင်းပတ်အနည်းငယ်က ရိုဟင်ဂျာရွာသားတွေကို လုံခြုံရေးတပ်ဖွဲ့တွေက ထိုးကြိတ်ကန်ကျောက် ရိုက်နှက်တဲ့ ဗီဒီယိုမှတ်တမ်းတစ်ခု ထွက်ပေါ်လာခဲ့တာကြောင့် နိုင်ငံတကာက ဝေဖန်သံတွေ ပိုမိုထွက်လာခဲ့ပါတယ်။ အစိုးရကတော့ ဒီလို အပြစ်ကျူးလွန်သူတွေကို အရေးယူထားပြီးပြီလို့ ပြောဆိုခဲ့ပါတယ်။

    နာဂျစ်က မြန်မာအစိုးရအနေနဲ့ ရိုဟင်ဂျာတွေအပေါ် ဆက်ဆံမှုဟာ အာဆီယံအဖွဲ့ရဲ့ ဂုဏ်သိက္ခာကို စွန်းထင်းစေတယ်လို့လည်း ဆိုပါတယ်။

    အင်ဒိုနီးရှားနိုင်ငံခြားရေးဝန်ကြီး ရက်တနို မာဆူဒီက မိမိတို့အနေနဲ့ ရိုဟင်ဂျာပြဿနာဖြေရှင်းရေး အခန်းကဏ္ဍတစ်ခုကနေ ပါဝင်သွားဖို့ အဆင်သင့်ဖြစ်တာထက်တောင် ပိုနေပြီလို့ ပြောကြားခဲ့ပါတယ်။

    မာဆူဒီဟာ သောကြာနေ့မှာ မြန်မာနိုင်ငံကိုလာရောက်ကာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဖိုရှိနေပြီး စနေနေ့မှာတော့ ရခိုင်ပြည်နယ်ကို သွားရောက်ဖို့ ရှိနေပါတယ်။

    အိုအိုင်စီအဖွဲ့ရဲ့ အထွေထွေအတွင်းရေးမှူး ယူစွဖ် အလ် အိုထိုင်မင်ကလည်း မြန်မာအစိုးရအနေနဲ့ ရိုဟင်ဂျာတွေအပေါ် ခွဲခြားဆက်ဆံမှု၊ စနစ်တကျ ညှင်းပမ်းနှိပ်စက်မှုတွေကို လုံးဝရပ်တန့်ရမယ်လို့ ပြောကြားခဲ့ပါတယ်။

    Ref: Aljazeera

  • ကိုင်ရိုရှိ အစ္စလာမ့်အနုပညာပြတိုက် ပြန်လည် ဖွင့်လှစ်

    ကိုင်ရိုရှိ အစ္စလာမ့်အနုပညာပြတိုက် ပြန်လည် ဖွင့်လှစ်

    ဇန်န၀ါရီ ၁၉၊ ၂၀၁၇
    M-Media

    Museum of Islamic Art (MIA) တွင် ပြသထားသည့် ၉ ရာစု အဘ္ဘာစစ်မင်းဆက်လက်ထက်မှ ကုရ်ကျမ်းတော်မြတ် လက်ရေးမူ

    – ၂၀၁၄ ခုနှစ်က ကားဗုံးခွဲမှုကြောင့် ဆိုးဆိုးဝါးဝါး ထိခိုက်ပျက်ဆီးခဲ့သည့် ကိုင်ရိုရှိ ‘အစ္စလာမ့် အနုပညာပြတိုက်’ ကို ယမန်နေ့တွင် ပြန်လည်ဖွင့်လှစ်ခဲ့ပြီး အီဂျစ်သမ္မ အလ် စီစီနှင့် အခြားသော ထိပ်တန်းတာဝန်ရှိသူများ တက်ရောက်ခဲ့သည်။

    Museum of Islamic Art (MIA) ဟု အမည်ပေးထားသည့် အဆိုပါပြတိုက်မှာ ကိုင်ရိုမြို့လယ်ကောင် Bab El-Khalq ရပ်ကွက်တွင် တည်ရှိပြီး ဧည့်သည်များမှာ သောကြာနေ့မှစတင်၍ လာရောက် ကြည့်ရှုနိုင်မည်ဖြစ်သည်။

    ပြတိုက်ဘေးကပ်ရပ်တွင်ရှိနေသည့် အစိုးရအဆောက်အဦးတစ်ခုရှေ့တွင် ပေါက်ကွဲခဲ့သည့် ကားဗုံးကြောင့် ပြတိုက် မျက်နှာစာမှာ လုံးဝ ပြိုကျခဲ့ပြီး အနုပညာလက်ရာ ၁၇၉ ခု ပျက်ဆီးခဲ့သည်။ သို့သော် ၁၆၉ ခုကို ပြန်လည် ရယူနိုင်ခဲ့သည်။ ဗုံးဒဏ်ကို အနီးရှိ ‘အီဂျစ် အမျိုးသား စာကြည့်တိုက်နှင့် မော်ကွန်းတိုက်’ အဆောက်အဦးလည်း ခံစားခဲ့ရသည်။

    ပြတိုက် ပြန်လည်ပြင်ဆင်ရေးအတွက် ယူအေအီး၊ ယူနက်စကိုနှင့် အီတလီနိုင်ငံတို့က ငွေကြေးများ လှူဒါန်းခဲ့ပြီး အီတလီ၊ ဂျာမနီနှင့် အမေရိကန်ပြည်ထောင်စုရှိ ကျွမ်းကျင်သူများက ပူးပေါင်းကာ ပြုပြင်ခဲ့သည်။

    ဖွင့်ပွဲအထိမ်းအမှတ်အဖြစ် ကြာသာပတေးနေ့တွင် ပြတိုက်၌ ဂီတအခမ်းအနားတစ်ခုကို ပြုလုပ်သွားရန် ရှိနေသည်။

    အဆိုပါပြတိုက်တွင် ကမ္ဘာတစ်ဝှမ်း အစ္စလာမ့်သမိုင်းကြောင်းတစ်လျှာက်တွင် အသုံးပြုခဲ့သည့် ငွေကြေးများ၊ ဘာသာရေး၊ ၀ိဇ္ဇာ သိပ္ပံဆိုင်ရာ ရှားပါလက်ရေးမူများ၊ ကြွေထည်မြေထည်၊ သစ်သားထည်၊ သံထည်များ၊ ဖန်ထည်မှန်ထည်မျာ၊ ချည်ထည်များ၊ အီဂျစ်သမိုင်းကြောင်းဆိုင်ရာ ပစ္စည်းများ စသည့် သမိုင်းဆိုင်ရာ ရှားပါးပစ္စည်းပေါင်းများစွာကို ပြသထားသည်။

    Ref: english.ahram.org

  • မွတ်စလင်အမျိုးသမီးငယ်နှစ်ဦး ပါဝင်သည် သြဇီအမျိုးသားနေ့ကြော်ငြာကို နိုင်ငံတစ်ဝှမ်း စိုက်ထူမည်

    မွတ်စလင်အမျိုးသမီးငယ်နှစ်ဦး ပါဝင်သည် သြဇီအမျိုးသားနေ့ကြော်ငြာကို နိုင်ငံတစ်ဝှမ်း စိုက်ထူမည်

    ဇန်န၀ါရီ ၁၉၊ ၂၀၁၇
    M-Media

    – ဟီဂျဘ် ခေါင်းဆောင်းပုဝါ ၀တ်ဆင်ထားသည့် မွတ်စလင်အမျိုးသမီးငယ်နှစ်ဦး၏ ရုပ်ပုံဖြင့် အမျိုးသားနေ့အထိမ်းအမှတ် ကြော်ငြာဘီလ်ဘုတ်များကို သြစတေးလျနိုင်ငံတစ်ဝှမ်းတွင် စိုက်ထူသွားမည်ဟု သိရသည်။

    ကနဦးတွင် အဆိုပါ ဘီလ်ဘုတ်ကို မြို့တော် မဲလ်ဘုန်း အရှေ့တောင်ပိုင်း ကရန်ဘုန်းဒေသ၌ ပြီးခဲ့သည့်ရက်ပိုင်းအတွင်း စိုက်ထူခဲ့ရာ မွတ်စလင်အမျိုးသမီးငယ်နှစ်ဦး၏ပုံ ပါဝင်နေသောကြောင့် လူတစ်ချို့က ဘီလ်ဘုတ်ကုမ္ပဏီအား ခြိမ်းခြောက်ခြင်း၊ စော်ကားပြောဆိုခြင်းတို့ ပြုလုပ်ခဲ့သည်အတွက် နောက်ပိုင်းတွင် ပြန်ဖြုတ်ခဲ့ရသည်။

    သို့သော်လည်း လူမျိုးရေးခွဲခြားမှုဆန့်ကျင်ရေး တက်ကြွလှုပ်ရှားသူများက ဘီလ်ဘုတ် ပြန်လည် စိုက်ထူရန်အတွက် ရန်ပုံငွေရရှိရေး ဆော်သြခဲ့ကြပြီး ၂၄ နာရီအတွင်း ဒေါ်လာ ၁၂၅၀၀၀ ရရှိခဲ့သည်။

    လှုပ်ရှားမှုကိုစီစဉ်သူ ဒီ မာဒီဂန်က ရက်ပိုင်းအတွက် ကရန်ဘုန်းရှိ ယခင်နေရာတွင် ဘီလ်ဘုတ်ကို ပြန်လည်စိုက်ထူသွားမည်ဖြစ်ပြီး အခြား မြို့ကြီးများတွင်လည်း ထပ်မံထားရှိသွားမည်ဟု ပြောကြားခဲ့သည်။

    “ဒီလို ကျက်သတုန်းတွေ တစ်ချိန်ချိန်မှာ အနိုင်ရသွားမလားဆိုတာမျိုး ခံစားရတာကြောင့် ကျွန်မ စိတ်မချမ်းမသာ ဖြစ်ရပါတယ်။ ဒါမျိုးဖြစ်လာရင် ‘နိုး-သူတို့ပဲမဟုတ်ဘူး။ လူကောင်းသူကောင်းတွေလည် အများကြီးရှိသေးတာပဲ’ လို့ တွေးမှာပါ။ သူတို့က ဒီဘီလ်ဘုတ်ဖြုတ်ချဖို့ ဖိအားပေးတယ်။ ကျွန်မတို့က အခုနှစ်ဆယ် ပြန်စိုက်သွားပါမယ်”

    ထို့ပြင် အဆိုပါ အမျိုးသားနေ့အထိမ်းအမှတ် ကြော်ငြာကို သသတင်းစာများတွင်လည်း ထည့်သွင်းသွားမည် ဖြစ်ကြောင်း၊ ထိုဘီလ်ဘုတ်ကို ဖြုတ်ချမှုက ၎င်းတို့၏ မျှတမှုစိတ်ဓာတ်ကို စော်ကားသည်ဟု မြင်သောကြောင့် ပြည်သူများက မိမိတို့လှုပ်ရှားမှုတွင် အလှူငွေထည့်ခြင်းဖြစ်မည်ဟု ယူဆကြောင်း မာဒီဂန်က ထည့်သွင်းပြောဆိုခဲ့သည်။

    “သြဇီမွတ်စလင်တွေနဲ့ပတ်သက်ပြီး အကောင်းမမြင်တဲ့သူတွေနဲ့ သြစတေးလျ အမျိုးသားနေ့ကို နိုင်ငံတော်အလံကိုင်ပြီး ဆင်နွှဲနေကြတဲ့ ဒီမွတ်စလင်ကောင်မလေး နှစ်ဦးနဲ့ပတ်သက်ပြီး စောဒကတက်ကြတဲ့သူတွေဟာ အတူတူပါပဲ။ သူတို့ မနိုင်စေရဘူး”

    Ref: Mobile.abc.net