News @ M-Media

Blog

  • မြန်မာနိုင်ငံသားများ အသတ်ခံရမှုကိစ္စအတွက် မလေးရှားက လူ ၂၅ ဦးကို ဖမ်းဆီးစစ်ဆေးနေ

    မြန်မာနိုင်ငံသားများ အသတ်ခံရမှုကိစ္စအတွက် မလေးရှားက လူ ၂၅ ဦးကို ဖမ်းဆီးစစ်ဆေးနေ

    ဇန်န၀ါရီ ၁၈၊ ၂၀၁၇
    M-Media

    – ယခုလအစောပိုင်းတွင် ကွာလာလမ်ပူမြို့ ဆာဒန်းစက်မှုဇုန်အနီးတွင် မြန်မာနိုင်ငံသားများ ဓားခုတ်ခံရမှုနှင့်ပတ်သက်၍ လူ ၂၅ ဦးကို မလေးရှားရဲတပ်ဖွဲ့ ဖမ်းဆီး စစ်ဆေးနေသည်ဟု သိရသည်။

    ဆီလန်ဂေါပြည်နယ် စီအိုင်ဒီအကြီးအကဲ ဖဒ်ဇီလ် အဟ်မတ်က ဖမ်းဆီးထားသူများတွင် အသက် ၂၀ မှ ၅၀ အတွင်းရှိပြီး စက်မှုဇုန်တွင် အလုပ်အလုပ်ကိုင်နေသည့် မြန်မာနိုင်ငံသားများနှင့် ဒေသခံများပါဝင်သည်ဟု ပြောကြားခဲ့သည်။

    “လောလောဆယ်တော့ စုံစမ်းစစ်ဆေးနတုန်းပါ။ မကြာခင် ဖြေရှင်းနိုင်မယ်လို့ ယုံကြည်ပါတယ်။ လက်ရှိအချိန်အထိ အသုံပြုတဲ့လက်တွေကို မသိမ်းမိသေးဘူး။ ကျူးလွန်ရတဲ့ နောက်ကွယ်က အကြောင်းအရင်းကိုလည်း ဆုံးဖြတ်လို့ မရသေးပါဘူး” ဟု ယမန်နေ့က ဆာဒန်းခရိုင် ရဲဌာနချုပ်တွင် သိမ်းဆည်းရမိသည့် လောင်းကစားစက်များအတွက် ရှင်းလင်းပွဲပြုလုပ်ပြီးနောက် သတင်းထောက်များအား ပြောကြားခဲ့သည်။

    ဓားခုတ်ခံရမှုတွင် ဒဏ်ရာရရှိသူ ၂ ဦးမှာလည်း အခြေအနေ တည်ငြိမ်လာပြီဟုလည်း အဟ်မတ်က ထည့်သွင်းပြောဆိုခဲ့သည်။

    ဇန်န၀ါရီ ၆ ရက်န့မှာ မြန်မာအလုပ်သမားများမှာ အလုပ်မှပြန်လာစဉ် လူတစ်စု၏ ဓားဖြင့် ၀ိုင်းခုတ်မှုကို ခံခဲ့ရပြီး ၄ ဦး ပွဲချင်းပြီး သေဆုံးကာ တစ်ဦးမှာ ဆေးရုံတွင် သေဆုံးခဲ့သည်။

    Ref: Freemalaysiatoday

  • ဘုရားသခင်ကို ရှာတွေ့နိုင်ဖို့ (Quote)

    ဘုရားသခင်ကို ရှာတွေ့နိုင်ဖို့ (Quote)

    ဇန်န၀ါရီ ၁၈၊ ၂၀၁၇
    M-Media

    ဘုရားကျောင်းမျာ၊ ချာ့ခ်ျကျောင်းများနှင့် ဗလီများတွင် ခေတ္တ ခိုနားကြည့်ခဲ့ဖူးသည်။
    ဘုရားသခင်ကိုတော့ မိမိ၏ နှလုံးသား၌သာ တွေ့ရှိလေ၏။ (ရူမီ)

    ရူမီ ဘယ်သူလဲ
    —————–
    ရူမီမှာ ၁၃ ရာစု ပါရှန်း ကဗျာဆရာ၊ အစ္စလာမ့်ဒဿနညာရှင်နှင် ဆူဖီသူတော်စင်ဖြစ်ပြီး ၎င်းရေးသားခဲ့သည့် ကဗျာများမှာ အထူးကျော်ကြားသည်။ ၎င်း၏ ကဗျာများကို ဘာသာစကားပေါင်းစုံဖြင့် ဘာသာပြန်ဆိုကာ ဖြန့်ချီကြပြီးအမေရိကန်တွင် ယနေ့အချိန်အထိ ရောင်းအားအကောင်းဆုံး စာအုပ်ဖြစ်နေဆဲဖြစ်သည်။

  • ပျောက်ဆုံး ခရစ်ယာန်တရားဟောဆရာနှစ်ဦးကိစ္စ စုံစမ်းပေးရန် လူ့အခွင့်အရေးအဖွဲ့များ တိုက်တွန်း

    ပျောက်ဆုံး ခရစ်ယာန်တရားဟောဆရာနှစ်ဦးကိစ္စ စုံစမ်းပေးရန် လူ့အခွင့်အရေးအဖွဲ့များ တိုက်တွန်း

    ဇန်န၀ါရီ ၁၇၊ ၂၀၁၇
    M-Media

    အစိုးရစစ်တပ်က လေကြောင်းမှတိုက်ခိုက်မှုအတွင်း ပျက်ဆီးခဲသည့် St. Francis Xavier Catholic Church ဘုရားကျောင်း၊ နောက်ပိုင်းတွင် စစ်တပ်က ပြန်လည်ပြင်ဆင်ပေးခဲ့သည်။

    – ရှမ်းပြည်နယ်တွင် ဒီဇင်ဘာ ၂၄ ရက်နေ့ကတည်းက ပျောက်ဆုံးသွားခဲ့သည့် ကချင် ခရစ်ယာန်တရားဟော ဆရာနှစ်ဦးကိစ္စအတွက် စုံစမ်းစစ်ဆေးမှုများ အလျင်အမြန်ပြုလုပ်ရန် လူ့အခွင့်အရေးအဖွဲ့များဖြစ်သော HUMAN Rights Watch (HRW) နှင့် Fortify Rights တို့က မြန်မာအစိုးရကို တောင်းဆိုလိုက်သည်။

    အဆိုပါ တရားဟောဆရာနှစ်ဦးမှာ မုံ့ကိုးမြို့နယ်ရှိ အစိုးရစစ်စခန်းတစ်ခုအနီးတွင် ပျောက်ဆုံးသွားခြင်းဖြစ်သည်ဟု လူ့အခွင့်အရေးအဖွဲ့များက ဆိုသည်။

    “ခရစ်ယာန်တရားဟောဆရာနှစ်ဦး ဒီလို သိသိသာသာ ပျောက်ဆုံးသွားမှုဟာ ရှမ်းပြည်နယ်မြောက်ပိုင်းမှာ စိုးရိမ်ကြောက်ရွံ့စရာ အခြေအနေကို ဖြစ်စေပါတယ်။ အစိုးရအနေနဲ့ ချက်ခြင်း စုံစမ်းစစ်ဆေးကာ ဖော်ပြသင့်ပြီး၊ သတင်းအချက်အလက်ရှိသူတွေကိုလည်း ကာကွယ်ပေးရပါမယ်” ဟု Fortify Rights အဖွဲ့မှ အမှုဆောင်အရာရှိ မက်သယူးစမစ်က ပြောကြားခဲ့သည်။

    အသက် ၃၅ နှစ်အရွယ် Langjaw Gam Seng နှင့် အသက် ၆၅ နှစ်အရွယ် Dumdaw Nawng Lat တို့မှာ ရှမ်းပြည်နယ်အတွင်း စစ်တပ်၏ ညှင်းပမ်းနှိပ်စက်မှုများနှင့်ပတ်သက်၍ ဖော်ပြသော သတင်းထောက်များကို ကူညီပေးခဲ့ပြီးနောက်ပိုင်း ပျောက်ဆုံးသွားခဲ့ခြင်းဖြစ်သည်။

    ၎င်းတို့ အသက်ရှင်နေသေးလားဆိုသည်နှင့် မည်သည့်နေရာတွင် ရှိနေကြောင်းကို ယခုအချိန်အထိ မသိရှိရသေးဘဲ HRW ကမူ ၎င်းတို့နှစ်ဦးမှာ အတင်းအဓမ္မဖမ်းဆီးချုပ်နှောင်မှု၊ နိုင်ငံတကာ ဥပဒေက ကာကွယ်ပေးထားသော လူ့အခွင့်အရေးများ ချိုးဖောက်ခံရမှု၏ သားကောင်များ ဖြစ်နိုင်သည်ဆိုသည့် စိုးရိမ်မှုများ ရှိနေသည်ဟု ပြောကြားခဲ့သည်။

    အစိုးရစစ်တပ်က ၎င်းတို့အနေဖြင့် ထို တရားဟောဆရာနှစ်ဦးကို ထိန်းသိမ်းထားခြင်းမရှိဟု ပြောကြားခဲ့ပြီး အစိုးရကလည်း ကချင်လွတ်မြောက်ရေးတပ်မတော်က ခေါ်ဆောင်သွားခဲ့ခြငးဖြစ်သည်ဟု ပြောကြားခဲ့သည်။

    ရှမ်းပြည်နယ်မြောက်ပိုင်းမှာ မကြာသေးမီကာလအတွင်း မြောက်ပိုင်းမဟာမိတ်တပ်ဖွဲ့နှင့် အစိုးရတပ်တို့အကြား တိုက်ပွဲများဖြစ်ပွားခဲ့သည့် နေရာဖြစ်သည်။

    နိုဝင်ဘာလနှင့် ဒီဇင်ဘာလအတွင်း အစိုးရစစ်တပ်က ပြုလုပ်ခဲ့သည့် လေကြောင်းတိုက်ခိုက်မှုများတွင် မုံ့ကိုးရှိ St. Francis Xavier ကက်သလစ်ခရစ်ယာန်ဘုရားကျောင်းအပါအ၀င် အရပ်ဖက် အဆောက်အဦးများကို ရည်ရွယ်ချက်ရှိရှိ ဖျက်ဆီးခဲ့ကာ ထိုလုပ်ရပ်များကို Gam Seng နှင့် Nwang Lat တို့က ကူညီပေးနေသည့် ဂျာနယ်လစ်များထဲမှ တစ်ဦးက မှတ်တမ်းတင်ထားနိုင်ခဲ့သည်။

    အဆိုပါ ဂျာနယ်လစ်ကို မြို့နယ်အုပ်ချုပ်ရေးအဖွဲ့က အထောက်အထားများ မဖြန့်ဝေရန် သတိပေးခဲ့သော်လည်း ရက်အနည်းငယ်ကြာပြီးနောက် ဓာတ်ပုံများမှာ အွန်လိုင်းတွင် ပြန့်နှံ့သွားခဲ့သည်။

    အစိုးရစစ်တပ်ကမူ ဘုရားကျောင်းအား လေကြောင်းမှ တိုက်ခိုက်ခဲ့မှုမရှိဟု ဒီဇင်ဘာ ၁၈ ရက်နေ့တွင် လူသိရှင်ကြား ငြင်းဆိုခဲ့သော်လည်း၊ ဘုရားကျောင်းတိုက်ခိုက်မှုအား တာဝန်ယူကာ၊ ပြန်လည်ပြုပြင်ပေးမည်ဟု ဒီဇင်ဘာ ၈ ရက်နေ့ရက်စွဲဖြင့် ဂိုဏ်းအုပ်ဘုန်းတော်ကြီး Philip Za Hawng ထံသို့ စစ်တပ်က စာပေးပို့ခဲ့ကြောင်း ပေါ်ထွက်လာခဲ့သည်။

    Ref: asiancorrespondent

  • ထိုင်းတီဗီအစီအစဉ်တွင် ဘောလုံးအစွမ်းပြခဲ့သည့် မွန်ကလေးငယ်ကို လက်စတာ ပျိုးထောင်ပေးမည်

    ထိုင်းတီဗီအစီအစဉ်တွင် ဘောလုံးအစွမ်းပြခဲ့သည့် မွန်ကလေးငယ်ကို လက်စတာ ပျိုးထောင်ပေးမည်

    ဇန်န၀ါရီ ၁၇၊ ၂၀၁၇
    M-Media

    ဆူဗင်အားလက်ရှိ လေ့ကျင့်ပေးနေသည့် Inter Thailand Academy ကို ကြီးကြပ်နေသည့် Sombat Leekumnerdthai၊ မစ္စတာ Aiyawatt၊ ထိုင်းနည်းပြ ကိုင်တီဆတ် တို့နှင့်အတူ တွေ့ရသည့် ဆူဗင်

    – ထိုင်းနိုင်ငံ တီဗီအစီအစဉ်တစ်ခုမှာ ဘောလုံးစွမ်းရည်ပြခဲ့တဲ့ ၇ နှစ်သား မွန်ကလေးငယ်ကို ပရီးမိးယားလိဂ်ချန်ပီယံ လက်စတာစီးတီးအသင်းက ပြုစုပျိုးထောင်ပေးသွားမယ်လို့ သိရပါတယ်။

    ဆူဗင် ဒါမှမဟုတ် နွန်ပီးလို့ခေါ်တဲ့ အဲဒီကလေးငယ်လေးဟာ ဇန်န၀ါရီ ၇ ရက်နေ့က တီဗွီအစီအစဉ်မှာ ဂိုးဘားတန်းကို ၃ ကြိမ်ဆက်တိုက် ထိအောင်ကန်ပြခဲ့ပြီးတဲ့နောက်ပိုင်း နာမည်ကျော်လာတာဖြစ်ပါတယ်။ ဒီဗီဒီယိုကို Workpoint Entertainment စာမျက်နှာမှာ လွှင့်တင်ခဲ့ပြီး ကြည့်ရှုသူ အနည်းဆုံး ၉.၁ သန်းရှိခဲ့ပြီး ဘောလုံးအသင်း တော်တော်များများကလည်း ဒီကလေးငယ်ကို ခေါ်ယူဖို့ စိတ်ဝင်စားလာကြပါတယ်။

    ဒီကလေးငယ် ပရော်ဖက်ရှင်နယ်လမ်းကြောင်းပေါ် လျှောက်လှမ်းနိုင်ရေးအတွက် ထိုင်းဘီလီယံနာ Vichai Srivaddhanaprabha ပိုင်တဲ့ လက်စတာအသင်းက ကူညီသွားမယ်လို့ မနေ့ကပြုလုပ်ခဲ့တဲ့ သတင်းစာရှင်းလင်းပွဲမှာ အသင်းရဲ့ ဒုတိယဥက္ကဌ Aiyawatt Srivaddhanaprabha က ပြောကြားခဲ့ပါတယ်။

    ဆူဗင်လေးကို ထိုင်းမှာပဲဖြစ်ဖြစ်၊ ပြည်ပမှာပဲဖြစ်ဖြစ် သင့်လျော်တဲ့ကျောင်းမှာ ပညာသင်ကြားနိုင်ရေး ထောက်ပံ့ပေးသွားမယ်လို့လည်း မစ္စတာ Aiyawatt က ဆိုပါတယ်။ ထိုင်းမှာ ပညာသင်မယ်ဆိုရင်တော့ လက်စတာက နည်းပြတစ်ဦး လွှတ်ပေးသွားဖို့ ရှိနေပါတယ်။

    “၇ နှစ်သာ ရှိသေးတာကြောင့် ဘယ်လိုပုံဖော်ဖော် ဖော်လို့ရမယ့် ရွှံ့ရုပ်ကလေးတစ်ခုပါ။ အဆင်အပြေဆုံးနည်းလမ်းနဲ့ လမ်းကြောင်းမှန်ပေါ်မှာ ကျွန်တော်တို့ သူ့ကို ကြီးပြင်းစေချင်ပါတယ်”

    နောက်ပြီး ဆူဗင်လေးဟာ နောက်ထပ်တစ်နှစ် ဒါမှမဟုတ် ၂ နှစ်လောက်နေပြီးမှ အင်္ဂလန်ကိုသွားရမယ်လို့ ထင်ကြောင်း၊ ဒီကလေးငယ် ပြုစုပျိုးထောင်ဖို့အတွက် ဘတ်ငွေ သန်း ၃၀ ကနေ ၄၀ ကြား ကျသင့်မှာဖြစ်ကြောင်း မစ္စတာ Aiyawatt က ပြောကြားခဲ့ပါတယ်။

    ဘာစီလိုနာတိုက်စစ်မှူး လီယွန်နယ်မက်ဆီကိုအားကျတဲ့ ဆူဗင်ဟာ ထိုင်းနိုင်ငံအတွက် ကစားပေးဖို့ ဆန္ဒရှိနေပေမယ့် အခုအချိန်အထိ ထိုင်းနိုင်ငံသား မဖြစ်သေးပါဘူး။ သူဟာ မြန်မာနိုင်ငံကနေ ထိုင်းနိုင်ငံကို ပြောင်းရွှေ့ အခြေချခဲ့ကြတဲ့ မွန်မျိုးနွယ်ကနေ မွေးဖွားလာတာ ဖြစ်ပါတယ်။

    မစ္စတာ Aiyawatt က ဆူဗင်လေးဟာ ထိုင်းနိုင်ငံအတွက် ကစားပေးချင်တယ်လို့ အသေအချာ ပြောထားပေမယ့် အသက် ၁၈ နှစ်ကျော်မှသာ ရွေးချယ်ခွင့်ရမှာဖြစ်တယ်လို့ ဆိုပါတယ်။

    “လေ့ကျင့်ခန်းမှာ အာရုံစူးစိုက်မယ်လို့ သားကတိပေးပါတယ်။ ထိုင်းလက်ရွေးစင်အသင်းအတွက် သား ကစားပေးချင်ပါတယ်” လို့ မနေ့က ပြုလုပ်တဲ့ သတင်းစာရှင်းလင်းပွဲမှာ ဆူဗင်က ပြောကြားခဲ့ပါတယ်။

    မိမိတို့အနေနဲ့ ထိုင်းက အစွမ်းအစရှိတဲ့ လူငယ်ကစားသမားတွေကို ပြုစုပျိုးထောင်ပေးသွားဖို့ ဆန္ဒရှိနေတယ်လို့ မစ္စတာ Aiyawatt က ပြောကြားခဲ့ပြီး ထိုင်းလက်ရွေးစင်နည်းပြ ကိုင်တီဆတ်ကလည်း ဒီလို ပြုစုပျိုးထောင်ပေးမှုအတွက် လက်စတာအသင်းကို ကျေးဇူးတင်ကြောင်း ပြောကြားခဲ့ပါတယ်။

    Ref : Bnagkokpost

     

  • ပြည်မြို့ရှိ တမန်တော်နေ့ပွဲ ကန့်ကွက်ခဲ့သူများကို ဝတ္တရားနှောက်ယှက်မှုဖြင့် တရားစွဲမည်

    ပြည်မြို့ရှိ တမန်တော်နေ့ပွဲ ကန့်ကွက်ခဲ့သူများကို ဝတ္တရားနှောက်ယှက်မှုဖြင့် တရားစွဲမည်

    ဇန်နဝါရီ ၁၇ ၊ ၂၀၁၇
    ကောင်းမြတ်မင်း / ဧရာဝတီ

    ပြည်မြို့ ရွာဘဲနယ်မြေ စည်တော်မင်္ဂလာရပ်ကွက်ရှိ ဗလီတွင် ၁၄၉၁ နှစ်မြောက် တမန်တော်မွေးနေ့ကျင်းပမည့်ကိစ္စကို ကန့်ကွက်ခဲ့ရာတွင် ပါဝင်ခဲ့သည့် အမျိုးသား ညွှန့်ပေါင်း အဖွဲ့မှ ဦးဆောင်သူ ဦးလှသိန်းမောင် အပါအဝင် ၁၂ ဦး ကို ဝတ္တရား နှောက်ယှက်မှုဖြင့် တရားစွဲမည်ဖြစ်ကြောင်း ပြည်မြို့နယ် ရဲတပ်ဖွဲ့ထံက သိရသည်။

    ထို့အပြင် သံဃာ ၃ ပါးကို ရန်ကုန်တိုင်း သံဃမဟာ နာယကမှ ခေါ်ယူဆုံးမကာ သြဝါဒပေးမည်ဖြစ်ကြောင်း သိရသည်။

    ရန်ကုန်တိုင်းဒေသကြီးအခြေစိုက် အမျိုးသားရေးညွန်ပေါင်း အဖွဲ့မှ ပွဲမကျင်းပနိုင်ရန် ကန့်ကွက်စောင့်ကြည့်မှုများပြုလုပ်ခဲ့ရာ ပွဲဖျက်သိမ်းလိုက်ရသည့် အတွက် ကန့်ကွက်သူများအား အရေးယူဆောင်ရွက်ရန် သာသနာရေးနှင့် ယဉ်ကျေးမှုဝန်ကြီးဋ္ဌာန ပြည်ထောင်စုဝန်ကြီး သူရဦးအောင်ကိုက ညွန်ကြားခဲ့ပြီး စောင့်ကြည့်ကန့်ကွက်ရာတွင် ပါဝင် ပတ်သက်ခဲ့သူများကို စိစစ် နေကာ အခြား ပုဒ်များဖြင့်ပါ အရေးယူနိုင်ရန် ဥပဒေ အကြံပေးများဖြင့် တိုင်ပင်နေကြောင်း သိရသည်။

    “ ၁၅ ရက်နေ့က ဖြစ်ခဲ့တဲ့ကိစ္စနဲ့ ပတ်သက်ပြီး သံဃာကိစ္စကို မြို့နယ်သံဃ နာယကအဖွဲ့က ဆောင်ရွက်ပါလိမ့်မယ်။ ပါဝင်ပတ်သက်တဲ့ လူပုဂ္ဂိုလ်တွေကိုတော့ အုပ်ချုပ်ရေးမှူးတွေက ဥပဒေ လုပ်ထုံးလုပ်နည်းတွေနဲ့ ဆောင်ရွက်သွား လိမ့်မယ်ဆိုတဲ့ အကြောင်း အစည်းအဝေး လုပ်ခဲ့တာပါ” ဟု ပဲခူးတိုင်းဒေသကြီး မဲဆန္ဒနယ် အမှတ် ၈ အမျိုးသားလွှတ်တော် ကိုယ်စားလှယ် ဒေါက်တာဝင်းမြင့်ချစ်က ပြောသည်။

    တမန်တော်မွေးနေ့အား ကန့်ကွက်ခဲ့သည့် အမျိုးသားရေး ညွန့်ပေါင်းအဖွဲ့အား ဘာသာရေး အဓိကရုဏ်းဖြစ်ရန် သွေးထိုး လှုံ့ဆော်မှုများ ပြုလုပ်ခဲ့ရာ အရေးယူဆောင်ရွက်ပေးရန်၊ အလားတူပြဿနာမျိုး ထပ်မံ မဖြစ်ပွားစေရေး တာဝန်ရှိသူများမှ ကြိုတင်ကာကွယ်မှုများ ပြုလုပ်နိုင်ရန် ပြည်မြို့ပေါ်ရှိ အရပ်ဘက်အဖွဲ့အစည်း ၂၇ ဖွဲ့ ပူးပေါင်းကာ ယနေ့နေ့လည်ပိုင်းက ကြေညာချက်တစောင် ထုတ်ပြန်ခဲ့သည်။

    “အထူးသဖြင့် အရေးယူတဲ့အပိုင်းကို ကျနော်တို့ ပိုမိုလုပ်ဆောင်စေချင်လို့ပါ။ ပြည်သူလူထုကလည်း အမြဲတမ်း နိုးနိုးကြားကြားရှိနေစေဖို့ ဒါမျိုးဖြစ်လာရင် နားမယောင်ဖို့ပါ” ဟု ပြည်မြို့ အခြေစိုက် မိုးမေတ္တာပရဟိတအသင်း အထွေထွေအတွင်းရေးမှူး ကိုညီညီအောင်က ပြောသည်။

    ပြည်မြို့တွင် ကျင်းပပြုလုပ်မည့် တမန်တော်မွေးနေ့အား ကန့်ကွက်ခဲ့သည့် အမျိုးသားရေးညွန်ပေါင်းအဖွဲ့တွင် ရန်ကုန်တိုင်းဒေသကြီး အခြေစိုက် အဖွဲ့အစည်း ၁၇ ဖွဲ့ပါရှိကာ ယင်းအဖွဲ့မှ ဇန်နဝါရီလ ၁၅ ရက်နေ့ နံနက်ပိုင်းက ပြည်မြို့စည်တော်မင်္ဂလာရပ်ကွက် ဗလီရှေ့တွင် ကား ၈ စီးခန့် တန်းစီးရပ်ထားပြီး တမန်တော်နေ့အခမ်းအနား ထပ်မံမကျင်းပနိုင်ရန် စောင့်ကြည့်မှုများပြုလုပ်ကာ ကန့်ကွက်ကြောင်းကြေညာချက် စာရွက်များ လိုက်လံ ဝေပေးခဲ့ခြင်းကြောင့် ပွဲဖျက်သိမ်းခဲ့ခြင်း ဖြစ်ကြောင်း သိရသည်။

    ဧရာဝတီမှ ကူးယူဖော်ပြပါသည်။