ဒီဇင်ဘာ ၂၈၊ ၂၀၁၆
M-Media
– အမေရိကန်မှာ ဆီးရီးယားရှိ အကြမ်းဖက်သမားများကို ထောက်ပံ့ပေးနေသည်ဟု ရုရှားနှင့် တူရကီတို့က သီးခြားစီ စွပ်စွဲပြောကြားလိုက်သည်။
တူရကီသမ္မတ အာဒိုဂန်က အမေရိကန်ဦးဆောင်သည့် မဟာမိတ်အဖွဲ့များမှာ ဆီးရီးယားရှိ IS အကြမ်းဖက်အဖွဲ့နှင့် ကာ့ဒ်တပ်ဖွဲ့များဖြစ်သော YPG၊ PYD အဖွဲ့များကို ထောက်ပံ့ပေးနေသည့် အထောက်အထားများ မိမိတွင် ရှိနေသည်ဟု ယမန်နေ့တွင် ပြောကြားခဲ့သည်။
“ကျွန်တော်တို့က IS ကို ထောက်ပံ့နေတယ်လို့ သူတို့က စွပ်စွဲတယ်ဗျ။ အခု သူတို့က IS၊ YPG နဲ့ PYD တို့အပါအ၀င် အကြမ်းဖက်အုပ်စုတွေကို ထောက်ပံ့နေတာပါ။ သိပ်ထင်ရှားပါတယ်။ ကျွန်တော်တို့မှာ ဓာတ်ပုံတွေ ဗီဒီယိုတွေလို အတည်ပြုနိုင်တဲ့ အထောက်အထားတွေ ရှိနေပါတယ်” ဟု အာဒိုဂန်က အန်ကာရာ
တွင်ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။
အမေရိကန်အစိုးရကမူ အာဒိုဂန်၏ ထိုစွပ်စွဲမှုကို ငြင်းဆိုခဲ့ပြီး အခြေအမြစ်မရှိသော ရယ်စရာစွပ်စွဲချက်ဖြစ်သည်ဟု အစိုးရ ပြောရေးဆိုခွင့်ရှိသူ မာ့ခ်တိုနာက ပြောကြားခဲ့သည်။
ရုရှားကလည်း အမေရိကန်အနေဖြင့် ဆီးရီးယားသူပုန်များကို လက်နက်ထောက်ပံ့ရေးကန့်သတ်ချက် ဖြေလျော့လိုက်ခြင်းမှာ ဆီးရီးယားရှိ ရုရှားတပ်ဖွဲ့များကို တိုက်ရိုက်ခြိမ်းခြောက်ခြင်းဖြစ်သည်ဟု ယမန်နေ့တွင် ပြောကြားခဲ့သည်။
ထို့ပြင် နိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ မာရီယာ ဇာခါရိုဗာကလည်း အဆိုပါ လက်နက်များမှာ အလယ်အလတ်အတိုက်အခံအဖွဲ့အဖြစ် ဟန်ဆောင်ထားသည့် အကြမ်းဖက်သမားများ၏ လက်တွင်သို့ ရောက်သွားနိုင်သည်ဟုလည်း သတိပေးခဲ့သည်။
Ref: Aljazeera
