ဒီဇင်ဘာ ၆၊ ၂၀၁၆
M-Media
– ရာဇ၀တ်ဂိုဏ်းတစ်ခုက ၁၀ စုနှစ်တစ်ခုကြာ ဖွင့်လှစ်ခဲ့ပြီး တရားမ၀င်ရရှိတဲ့ ဗီဇာအစစ်တွေကို ထုတ်ပေးခဲ့တဲ့ မြို့တော်အက္ကရာက အမေရိကန်သံရုံးအတုကို ဂါနာအာဏာပိုင်တွေက ဖြိုခွင်းလိုက်ပါတယ်။
သွတ်မိုးထားပြီး စုတ်ပြတ်နေတဲ့ ပန်းရောင် ၂ ထပ်အဆောက်အဦးမှာ ဖွင့်လှစ်ထားတဲ့ အဲဒီသံရုံးအတုရဲ့ အပြင်ဘက်မှာ အမေရိကန်အလံတစ်ခုကို လွှင့်ထူထားပြီး၊ အတွင်းဘက်မှာတော့ သမ္မတအိုဘားမားရဲ့ ဓာတ်ပုံကြီးကို ခန့်ခန့်ထည်ထည် ချိတ်ဆွဲထားပါတယ်။ အဲဒီ သံရုံးကို ဒီနှစ် နွေရာသီကမှ ဖြိုခွင်းနိုင်ခဲ့တာ ဖြစ်ပါတယ်။
“ဒါဟာ အမေရိကန်အစိုးရက ဖွင့်လှစ်ထားတာ မဟုတ်ပါဘူး။ ဂါနာနဲ့ တူရကီတို့က ဒုစရိုက်ဂိုဏ်း ကြီးကြီးမာစတာတွေနဲ့ လူဝင်မှုကြီးကြပ်ရေး၊ ရာဇ၀တ်မှုဆိုင်ရာ ဥပဒေတွေကို ကြေညက်နေတဲ့ ဂါနာ ရှေ့နေတစ်ယောက်တို့ ပေါင်းပြီး ဖွင့်ထားတာဖြစ်ပါတယ်” လို့ သောကြာနေ့ညပိုင်းက ထုတ်ပြန်ခဲ့တဲ့ ကြေငြာချက်မှာ အမေရိကန်အစိုးရက ပြောကြားခဲ့ပါတယ်။
အင်္ဂလိပ်နဲ့ ဒက်ခ်ျဘာသာစကားကို ပြောဆိုတတ်တဲ့ တူရကီနိုင်ငံသားတွေက သံရုံးအရာရှိတွေ၊ ၀န်ထမ်းတွေအဖြစ် ဟန်ဆောင်ခဲ့တာဖြစ်ပြီး စုံစမ်းစစ်ဆေးမှုအတွင်းမှာ ဟော်လန်သံရုံးအတုကိုလည်း ဖော်ထုတ်နိုင်ခဲ့ပါတယ်။
ဒီသံရုံးအတုဟာ မသမာတဲ့နည်းလမ်းနဲ့ ရရှိခဲ့တဲ့ ဗီဇာအစစ်တွေ၊ မွေးစာရင်းအပါအ၀င် အထောက်အထားအတုတွေကို တစ်စုံ ဒေါ်လာ ၆၀၀၀ နဲ့ ရောင်းစားတာ ဖြစ်ပါတယ်။
စီနင်းမှုအတွင်းမှာ လူတွေအပြင် အိန္ဒိယ၊ တောင်အာဖရိက၊ ရှန်ဇန်းဇုန်တို့နဲ့ပတ်သက်တဲ့ ဗီဇာအစစ်တွေ၊ အတုတွေ၊ နိုင်ငံ ၁၀ နိုင်ငံက နိုင်ငံကူးလက်မှတ် ၁၅၀၊ လက်တော့တစ်လုံးနဲ့ စမတ်ဖုံးတွေကိုလည်း သိမ်းဆည်းရမိခဲ့ပါတယ်။
အမေရိကန်အစိုးရက ထုတ်ပြန်တဲ့ကြေငြာချက်မှာ သူတို့တွေဟာ ဗီဇာအစစ်တွေကို ဘယ်လိုရရှိလဲဆိုတာကို ဖော်ပြမထားသလို၊ ဒီရာဇ၀တ်အဖွဲ့က ထုတ်ပေးတဲ့ဗီဇာနဲ့ အမေရိကန်၊ အခြားတိုင်းပြည်တွေကို လူဘယ်လောက်များများ ၀င်ရောက်ခဲ့သလဲဆိုတာကိုလည်း ဖော်ပြမထားပါဘူး။ ဒီသံရုံးအတုဟာ အနှောက်အယှက်ကင်းစေဖို့အတွက် ဂါနာအာဏာပိုင်အသီးသီးကို လာဘ်ထိုးထားတာ ဖြစ်ပါတယ်။
ဂါနာ ရာဇ၀တ်မှု စုံစမ်းစစ်ဆေးရေးဌာနကတော့ ဒီကိစ္စနဲ့ပတ်သက်ပြီး ဘာမှတ်ချက်မှ မပေးသေးပါဘူး။
အနောက်နိုင်ငံတွေက ဗီဇာတွေဟာ အာဖရိကမှာ ၀ယ်လိုအားကောင်းပြီး၊ ဒီဈေးကွက်က ကျကျနနလုပ်တတ်တဲ့ ရာဇ၀တ်ဂိုဏ်းတွေအတွက် ပစ်မှတ်ကြီးတစ်ခု ဖြစ်နေတယ်လို့ သံရုံးတွေက ဆိုပါတယ်။
အက္ကရာကာ အမေရိကန်သံရုံးအစစ်ဟာ ထင်ရှားပြီး မြို့ရဲ့ ဈေးအကြီးဆုံးရပ်ကွက်က အင်မတန် သားနားတဲ့ အဆောက်အဦးဖြစ်ပါတယ်။ ဗီဇာလာလျှောက်တဲ့သူတွေ၊ သံရုံးဆိုင်ရာ ကိစ္စနဲ့ လာရောက်သူတွေကို အဲဒီသံရုံးအစစ်မှာ နေ့စဉ်မပြတ် တွေ့ရပါတယ်။
သံရုံးအတုကတော့ တစ်ပတ်ကို ၃ ရက် မနက်ပိုင်းသာဖွင့်ပြီး ချက်ခြင်းလာရောက်သူတွေကို လက်မခံပါဘူး။ နောက်ပြီး ဒီရာဇ၀တ်ဂိုဏ်းဟာ ဂါနာ၊ တိုဂိုနဲ့ အိုက်ဗရီကို့စ်တို့မှာ ဘီလ်ဘုတ်တွေနဲ့ကို ကြေငြာပြီး အာဖရိကတစ်ဝှမ်းက ဖောက်သည်တွေကို ဆွဲဆောင်တာတွေလည်း ပြုလုပ်ပါတယ်။ အက္ကရာမြို့ကို လာရောက်တဲ့ တစ်ခြားအာဖရိကနိုင်ငံသားတွေအတွက် သံရုံးနဲ့နီးတဲ့ ဟိုတယ်မှာ အခန်းတွေတောင် ငှားပေးပါသတဲ့။
အမေရိကန် အာဏာပိုင်တွေကတော့ ဒီရာဇ၀တ်ဂိုဏ်းကို ဖြိုခွင်းဖို့အတွက် ဂါနာထောက်လှမ်းရေးဗျူရို၊ ရဲတပ်ဖွဲ့၊ နိုင်ငံတကာ မိတ်ဖက်တွေနဲ့အတူ ပူးပေါင်းဆောင်ရွက်တာ ဖြစ်ပါတယ်။
Ref: Independent
