နိုဝင်ဘာ ၂၀၊ ၂၀၁၆
M-Media
ခါယီလစ်ရှာ (Khayelitsha)၊ ကိပ်တောင်းမြို့၊ တောင်အာဖရိက (လူဦးရေ ၄ သိန်း)
– ကမ္ဘာပေါ်က မြို့ပြလူဦးရေရဲ့ ၃ ပုံ ၁ ပုံလောက်ဟာ ကျူးကျော်ဆင်းရဲသားရပ်ကွက်တွေမှာ နေထိုင်ရပြီး ဒီလိုနေထိုင်ရမှု အရေအတွက်ကလည်း နောက်ပိုင်းမှာ မြင့်တက်လာပါတယ်။ ဖွံ့ဖြိုးဆဲနိုင်ငံတွေမှာ ကျူးကျော်ရပ်ကွက်တွေအတွင်း နေထိုင်သူအရေအတွက်ဟာ ၁၉၉၀ ခုနှစ်မှာ သန်းပေါင်း ၆၈၉ သန်း ရှိနေရာကနေ ၂၀၁၄ ခုနှစ်မှာ သန်း ၈၀၀ အထိ ရောက်လာတယ်လို့ ‘၂၀၁၆ ကမ္ဘာ့မြို့တော်များအစီအရင်ခံစာ’ မှာ ဖော်ပြထားပါတယ်။
ဖွံ့ဖြိုးဆဲနိုင်ငံတွေရဲ့ တစ်ချို့မြို့ကြီးတွေမှာဆိုရင် ကျူးကျော်ရပ်ကွက်မှာနေသူတွေဟာ မြို့လူဦးရေရဲ့ ထက်ဝက်ကျော်လောက်ကို ရှိနေပါတယ်။ သူတို့တွေဟာ နေစရာ၊ သန့်ရှင်းတဲ့သောက်သုံးရေ၊ ရေဆိုးစွန့်ထုတ်မှုစနစ်၊ ပညာရေးနဲ့ ကျန်းမာရေးစောင့်ရှောက်မှုတွေကိုလည်း အပြည့်အ၀ မရရှိကြပါဘူး။
တရားဝင်နေထိုင်ခွင့် မရှိခြင်းကလည်း သူတို့ရဲ့ နေ့စဉ်ဘ၀ကို ပိုမိုဆိုးရွားစေပြီး သူတို့ရဲ့နေအိမ်တွေ၊ မရှိမဖြစ်လိုအပ်တဲ့ ၀န်ဆောင်မှုတွေအတွက် ရင်းနှီးမြှုပ်နှံမှုတွေကို ခြိမ်းခြောက်နေကြပါတယ်။
ကမ္ဘာပေါ်က အဲဒီလို ကျူးကျော်ရပ်ကွက်တွေထဲမှာ အကြီးမားဆုံး ကျူးကျော်ရပ်ကွက်ကြီး ၅ ခုကို M-Media ပရိတ်သတ်တွေအတွက် ဖော်ပြလိုက်ပါတယ်။
၁။ ခါယီလစ်ရှာ (Khayelitsha)၊ ကိပ်တောင်းမြို့၊ တောင်အာဖရိက (လူဦးရေ ၄ သိန်း)
၂၀၁၁ ခုနှစ် သန်းခေါင်စာရင်းကောက်ယူမှုအရ ခါယီလစ်ရှာမြို့နယ်လေးမှာ လူပေါင်း ၄ သိန်းနီးပါး နေထိုင်တယ်လို့ သိရပြီး ၉၉ ရာခိုင်နှုန်းက လူမည်းတွေဖြစ်ပါတယ်။
ဒါပေမယ့် တက်ကြွလှုပ်ရှားသူတွေကတော့ တကယ့်လူဦးရေ အရေအတွက်ဟာ သန်ခေါင်စာရင်းပမာဏထက် ၃ ဆ ရှိမယ်လို့ ယုံကြည်နေပါတယ်။ ၂၀၁၂ ခုနှစ်မှာ အဲဒီမြို့နယ်အတွင်း ရဲလုပ်ငန်း စုံစမ်းစစ်ဆေးမှုတွေ ပြုလုပ်မှုအရ လူနေအိမ်ပေါင်း ၁၂၀၀၀ ၀န်းကျင်လောက်ဟာ အိမ်သာမရှိဘူးလို့ ဆိုပါတယ်။
“ကျူးကျော်ရပ်ကွက်တွေမှာ အညစ်ကြေးစွန့်ပစ်ရတာဟာ နေထိုင်သူတွေအတွက် အန္တရာယ်အရှိဆုံး ကိစ္စဖြစ်ပြီး အမျိုးသမီးနဲ့ ကလေးတွေမှာ အကြီးမားဆုံး ဖြစ်ပြဿနာ ဖြစ်ပါတယ်။ အများစုက ရွေ့လျားသန့်စင်ခန်း၊ အနံပျောက်ဓာတ်တုသန့်စင်ခန်းတို့လို ယာယီသန့်စင်ခန်းတွေကို စုသုံးရပြီး လုံလောက်မှုလည်း မရှိပါဘူး။ နောက်ပြီး သန့်စင်ခန်းသွားဖို့အတွက် မှောင်မှောင်မဲမဲထဲမှာ အဝေးကြီး လမ်းလျှောက်ရပါတယ်။ တစ်ချို့တွေကတော့ ကွင်းပြင်တွေ ချုံပုတ်တွေမှာ အညစ်အကြးစွန့်ကြပါတယ်။ ကလေးတွေက တစ်ယောက်တည်းသွားလို့မရပေမယ့် မိဘတွေ ဒါမှမဟုတ် အိမ်နီးနီးချင်းတွေကို အမြဲတမ်း ရှာလို့မရပါဘူး” လို့ ကိပ်တောင်းရဲ့ ကျူးကျော်ရပ်ကွက်တွေမှာ ပိုကောင်းတဲ့ မိလ္လာစနစ် ရရှိနေရးအတွက် ဆောင်ရွက်နေတဲ့ Social Justice Coalition (SJO) အဖွဲ့က အက်ဇိုလီလီ နိုတီဝါလာက ပြောကြားခဲ့ပါတယ်။
၂။ ကီဘီရာ (ကီဘီရာ)၊ နိုင်ရိုဘီ၊ ကင်ညာ (လူဦးရေ ၇ သိန်း)
ကီဘီရာ (ကီဘီရာ)၊ နိုင်ရိုဘီ၊ ကင်ညာ (လူဦးရေ ၇ သိန်း)
ကီဘီရာဟာ အာဖရိကရဲ့ အကြီးဆုံး ကျူးကျော်ရပ်ကွက်ကြီးဖြစ်ပြီး နိုင်ရိုဘီမြို့လယ်ကောင်နဲ့ ၅ ကီလိုမီတာသာ ဝေးပါတယ်။ အဲဒီကျူးကျော်ရပ်ကွက်မှာ ကလေးငယ်ပေါင်း ၅ သောင်းကျော်ရှိပြီး သူတို့ထဲက အများစုဟာ အဲဒီဒေသခံတွေ၊ ခရစ်ယာန်ဘုရားကျောင်းတွေက လုပ်ပေးထားတဲ့ ကိုယ်ထူကိုယ်ထ စာသင်ကျောင်းတွေမှာ ပညာင်သင်ကြားနေကြရပါတယ်။
အစိုးရက အဲဒီကျူးကျော်ရပ်ကွက်က စာသင်ကျောင်းတွေ၊ ဆေးခန်းတွေနဲ့ အိမ် ထောင်ပေါင်းများစွာကိုဖျက်ပြီး လမ်းတစ်ခုဖောက်လုပ်ဖို့ စီစဉ်နေကာ ဒေသခံတွေကတော့ ဒီကိစ္စကိုရပ်တန့်ဖို့အတွက် တရားရုံးအထိ တက်ထားကြပါတယ်။
၃။ ဒါရာဝီ (Dharavi)၊ မွမ်ဘိုင်း၊ အိန္ဒိယ (လူဦးရေ ၁ သန်း)
ဒါရာဝီ (Dharavi)၊ မွမ်ဘိုင်း၊ အိန္ဒိယ (လူဦးရေ ၁ သန်း)
ကမ္ဘာကျော် ဘောလီးဝုဒ်ရုပ်ရှင်ဖြစ်တဲ့ Slumdog Millionaire ရိုက်ကူးခဲ့ရာ ကျူးကျော်ရပ်ကွပ် ဒါရာဝီဟာ အငယ်စား စီးပွားရေးလုပ်ငန်းပေါင်းများစွာ ပေါ်ထွန်းလာတဲ့ ရပ်ကွက်ကြီးဖြစ်ပြီး အဲဒီစီးပွားရေးလုပ်ငန်းတွေ လည်ပတ်မှုတန်ဖိုးဟာ တစ်နှစ်ကို ကန်ဒေါ်လာ ၁ ဘီလီယံလောက်ကို ရှိနေပါတယ်။
ဒီ ဒါရာဝီ ကျူးကျော်ရပ်ကွက်ကြီးဟာ အိန္ဒိယရဲ့ စီးပွားရေးမြို့ မွမ်ဘိုင်းရဲ့ အိမ်ခြံမြေလုပ်ငန်းမှာ အချက်အခြာကျတဲ့နေရာကြီးဖြစ်နေပြီး ဒီရပ်ကွက်ဖွံ့ဖြိုးအောင် အစိုးရရဲ့ကြိုးပမ်းမှုကိုတော့ နေထိုင်သူတွေက ဆန့်ကျင်ထားကြပါတယ်။
“Slumdog Millionaire မှာ ရိုက်ပြထားတဲ့အတိုင်း လူတွေက ကျူးကျော်ရပ်ကွက်တွေဟာ မျှော်လင့်ချက်ပျက်သုဉ်းရာ နေရာကြီးဖြစ်တယ်လို့ ထင်ကြပါတယ်။ ဒါပေမယ့် စနစ်မကျတဲ့ ရေဆိုးမြောင်းတွေ၊ ပလက်စတစ်အမိုးတွေကို ကျော်ပြီးကြည့်မယ်ဆိုရင်တော့ ဒီဆင်းရဲသားတွေဟာ အင်မတန်တက်ကြွနေတဲ့ စီးပွားရေးဈေးကွက်ကြီးဖြစ်တယ်ဆိုတာ တွေ့ရမှာပါ။ ဒီ ဆင်းရဲသားလူတန်းစားမှာ ဖြစ်ပေါ်နေတဲ့ စီးပွားရေးနဲ့ လှုမှုရေးဆိုင်ရာ လှုပ်ရှားမှုတွေကို ဆက်လက်ရှင်သန်ခွင့်မပေးရင် တန်ဖိုးနည်းအိမ်ယာ စီမံကိန်းဟာ အလုပ်ဖြစ်မှာ မဟုတ်ပါဘူး” လို့ စီးပွားရေးပညာရှင်နဲ့ စာရေးဆရာဖြစ်သူ ဆန်ဂျီဗ် ဆန်ယဲလ်က ပြောကြားခဲ့ပါတယ်။
၎။ ဆူဒတ်နီဇာ(Ciudad Neza)၊ မက္ကဆီကိုစီးတီး၊ မက္ကဆီကို (လူဦးရေ ၁.၂ သန်း)
ဆူဒတ်နီဇာ(Ciudad Neza)၊ မက္ကဆီကိုစီးတီး၊ မက္ကဆီကို (လူဦးရေ ၁.၂ သန်း)
မက္ကဆီကိုစီးတီးအရှေ့ပိုင်းမှာရှိပြီး တစ်ချိန်တုန်းက စနစ်မကျ၊ သန့်ရှင်းမှုမရှိတဲ့ ဆူဒတ်နီဇာ ကျူးကျော်ရပ်ကွက်ကြီးဟာ အခုတော့ နေထိုင်သူတွေရဲ့ လူ့အဖွဲ့အစည်းတစ်ခုဖြစ်အောင် တည်ဆောက်မှု၊ အခြေခံဝန်ဆောင်မှုရအောင် ကြိုးပမ်းမှုတွေနဲ့အတူ ဆင်ခြေဖုံးဒေသလေးတစ်ခုနဲ့ ပိုတူလာပါပြီ။
ရာဇ၀တ်မှုမြင့်မားနေတာ၊ စာသင်ကျောင်းတွေ လိုအပ်နေတာ၊ အလုပ်လက်မဲ့တွေများနေတာမျိုး ရှိနေပေမယ့်လည်း ဆူဒတ်နီဇာရပ်ကွက်မှာ နေထိုင်သူတွေရဲ့ ဖွံ့ဖြိုးတိုးတက်အောင် ဆောင်ရွက်မှုဟာ အခြားကျူးကျော်ရပ်ကွက်တွေအတွက် အတူယူစရာ ဖြစ်ပါတယ်။
မက္ကဆီကိုစီးတီးရဲ့ မြို့စီမံကိန်း တာဝန်ရှိသူနဲ့ ဗိသုကာပညာရှင်တစ်ယောက်ဖြစ်တဲ့ ဂျိုဆေး ကက်စတီလိုကတော့ “ဒီနေရာမှာ ဂုဏ်ယူစရာ ကြီးကြီးမားမားရှိပါတယ်။ ပြည်သူတွေသာ လက်တွဲပူးပေါင်းမယ်ဆိုရင် ဒီဒေသကို ပြောင်းလဲနိုင်တယ်ဆိုတဲ့ အယူအဆမျိုးကို ဒီလူ့အဖွဲ့အစည်းက စွဲကိုင်ထားကြပါတယ်” လို့ ပြောကြားခဲ့ပါတယ်။
၅။ အော်ရန်ဂီတောင်း (Orangi Town)၊ ကရာချီ၊ ပါကစ္စတန် (လူရီးရေ ၂.၄ သန်း)
အော်ရန်ဂီတောင်း (Orangi Town)၊ ကရာချီ၊ ပါကစ္စတန် (လူရီးရေ ၂.၄ သန်း)
အာရှရဲ့ အကြီးဆုံး ကျူးကျော်ရပ်ကွက်ကြီးဖြစ်တဲ့ အော်ရန်ဂီတောင်းမှာ လူဦးရေ ၂.၄ သန်းဝန်းကျင်လောက် နေထိုင်ကြတယ်လို့ဆိုပေမယ့် အရေအတွက်အတိအကျကိုတော့ ဘယ်သူမှ မသိကြပါဘူး။
သင့်တော်တဲ့ ရေဆိုးစွန့်ပစ်စနစ်မရှိဘဲ အစိုးရက လုပ်မလားလို့ မျှော်လင့်ထားခဲ့ပေမယ့် ဖြစ်မလာတာကြောင့် ဒီရပ်ကွက်မှာနေထိုင်သူတွေဟာ သူတို့ကိုယ်တိုင်တူးကာ မိလ္လာစနစ်ဖန်တီးဖို့ ကြိုးစားခဲ့ကြပါတယ်။
လက်ရှိမှာတော့ အော်ရန်ဂီတောင်းရဲ့ လမ်းပေါင်း ၈၀၀၀ နီးပါးက ၉၀ ရာခိုင်နှုန်းကျော်မှာ ရေဆိုးစွန့်ပိုက်တွေကို တပ်ဆင်နိုင်ခဲ့ပြီး အားလုံးကို ပြည်သူတွေက ကိုယ်ထူကိုယ်ထ လုပ်ခဲ့ကြတာ ဖြစ်ပါတယ်။
Ref: weforum.org
