Blog

ပါမောက္ခ ဒေါက်တာဦးဖေအောင်သန်း (ဒသနိကဗေဒ ဌာန ၊ မန္တလေး တက္ကသိုလ်) ကွယ်လွန်

အောက်တိုဘာ ၂၂ ၊ ၂၀၁၆
M-Media
သီဟ

မန္တလေး တက္ကသိုလ် ဒဿနိကဗေဒ ဌာန ရဲ့ ပါမောက္ခ ဒေါက်တာ ဦးဖေအောင်သန်း ၂၀၁၆ အောက်တိုဘာ ၁၆ ရက် မနက် (၉း၃၅) တွင် ကွယ်လွန်ကြောင်း သိရှိရသည်။ အင်ကြင်း မွတ်စလင်မ် သုဿာန် ဥယျာဉ်သို့ ပို့ဆောင်၍ အစ္စလာမ်ဘာသာ ထုံးစံဖြင့် အဆိုနေ့ ၌ပင် သင်္ဂြိုလ်ခဲ့ကြောင်း သိရှိရသည်။

A.ဦးဟာမြိဒ် (ခ) ဒေါက်တာဦးဖေအောင်သန်းကို ၁၉၅၉ ခုနှစ် ဇွန်လ ၂ ရက်နေ့တွင် အဖ သခင် ဦးသန်းဖေ၊ အမိ ဒေါ်ဖွားရင်တို့မှ ပျဉ်းမနားမြို့တွင် ဖွားမြင်ခဲ့ကြောင်း သိရှိရသည်။

ငယ်စဉ်က အထက(၂) ပျဉ်းမနားမြို့တွင် ပညာသင်ကြာခဲ့ပြီး မိထ္ထီလာမြို့ ဒေသ ကောလိပ်တွင် နှစ် တက်ရောက်ခဲ့သည်။ ၁၉၈၃ ခုနှစ်တွင် ဒဿနိက ဗေဒ ဘာသာရပ်ဖြင့် ဘွဲ့ရရှိခဲ့ပြီး ၁၉၈ တွင် မဟာဝိဇ္ဖာဘွဲ့ကို လည်းကောင်း ဒဿနိက ဗေဒ ဘာသာရပ်ဖြင့် ပါရဂူဘွဲ့ကို ၂၀၁၀ ခုနှစ်မှာ ရရှိခဲ့ပါသည်။

၁၉၈၆ ခုနှစ်တွင် ပျဉ်းမနားမြို့ အထက(၂) တွင် အထက်တန်းနည်းပြ အဖြစ် အစိုးရ ဝန်ထမ်း အဖြစ် စတင်ခဲ့ပြိး ၁၉၈၇ ခုနှစ်မှ စတင်ပြီး ကွယ်လွန်ချိန် ၂၀၁၆ ခုနှစ် အထိ မြန်မာနိုင်ငံ အနှံအပြားရှိ တက္ကသိုလ်များ၏ ဒဿနိက ဗေဒ ဌာနတွင် နည်းပြ၊ လက်ထောက်ကထိက၊ ကထိက၊ တွဲဖက်ပါမောက္ခ၊ ပါမောက္ခ ရာထူး အဆင့်ဆင့်ဖြင့် နှစ်ပေါင်း ၃၀ ခန့် တာဝန်ထမ်းဆောင်ခဲ့သည်။

ကွယ်လွန်ချိန်တွင် အသက် ၅၇ နှစ် ရှိပြီဖြစ်ပြီး ဇနီးဖြစ်သူ ဒေါ်ခင်စိုးဦးနှင့် သား တယောက် ၊ သမီး တယောက် ကျန်ရစ်ခဲ့ကြောင်းသိရသည်။

October 22, 2016
အီရတ်၏ မူဆိုးလ်တိုက်ပွဲ အရှိန်မြင့်၊ IS က အပြန်းအထန်ခုခံ

အောက်တိုဘာ ၂၂၊ ၂၀၁၆
M-Media

– IS အား ရှင်းလင်းနိုင်ရေးအတွက် ၎င်းတို့၏ နောက်ဆုံးအခြေစိုက်ရာ မူးဆိုးလ်မြို့အား အီရတ်စစ်တပ်မှ ထိုးစစ်ဆင်နေမှုတွင် အဓိက မြို့တစ်ခုဖြစ်သော ဘာရ်တဲလာအား ယနေ့တွင် သိမ်းယူနိုင်ခဲ့ကာ စစ်ဆင်ရေးကို ဆက်လက် အရှိန်မြှင့်နေသည်ဟု သိရသည်။

မူးဆိုးလ်မြို့အရှေ့ဘက် ၁၅ ကီလိုမီတာအကွာရှိ အဆိုပါဆင်ခြေဖုံးမြို့ကို သိမ်းယူရရှိခဲ့ပြီးနောက် နာရီအနည်းငယ် အကြာတွင်ပင် အီရတ်စစ်တပ်မှာ အရှေ့တောင်ဘက် ဟာမာဒါနီယာခရိုင်အား ထိုစစ်ဆင်မှုကို ထပ်မံပြုလုပ်ခဲ့သည်။

IS ကလည်း ဗုံးထောင်ခြင်း၊ လက်လုပ်ဗုံးများ၊ အသေခံ ကားဗုံးခွဲသမားများနှင့် အပြင်အထန် ပြန်လည်ခုခံနေပြီး တိုက်ပွဲမှာ အရှိန်မြင့်လာခဲ့သည်။

အာရုံလွှဲ

IS မြောက်ပိုင်းရှိ မြို့တစ်မြို့ဖြစ်သော ကီရ်ကွတ်မြို့တွင် အစိုးရအဆောက်အဦးများ၊ ရဲစခန်းများနှင့် ဓာတ်အားပေးစက်ရုံများကို ရိုင်ဖယ်များ၊ အသေခံဗုံးခွဲဝတ်စုံများဖြင့် ယမန်နေ့ကတည်းကစ၍ ပစ်မှတ်ထား တိုက်ခိုက်ခဲ့ပြီး လုံခြုံရေးတပ်ဖွဲ့များနှင့် အရပ်သား ဒါဇင်နှင့်ချီ၍ သေဆုံးခဲ့သည်။

အီရတ်လုံခြုံရေးတပ်ဖွဲ့များကလည်း ကီရ်ကွတ်တွင် ပြန်လည်တိုက်ခိုက်မှုများ ပြုလုပ်နေပြီး အခြေအနေကို ထိန်းချုပ်နိုင်ခဲ့ပြီဟု သိရသည်။

အီရတ်တပ်မှူးတစ်ဦးကမူ ထိုတိုက်ခိုက်မှုမှာ မူဆိုးလ်တိုက်ပွဲအား အာရုံစိုက်မှု လျော့ကျစေရန်အတွက် ပြုလုပ်ခြင်းဖြစ်သည်ဟု ယုံကြည်ကြောင်း ပြောကြားခဲ့သည်။

IS ၏ ထိုတိုက်ခိုက်မှုကြောင့် မူဆိုးလ်ထိုးစစ်တွင် ပါဝင်နေသည့် အီရတ်စစ်တပ်တစ်ချို့နှင့် ကာ့ဒ်တပ်ဖွဲ့ဝင်တစ်ချို့ကို ကီရ်ကွတ်သို့ စစ်ကူအဖြစ် လွှတ်ပေးခဲ့ရသည်။

မူးဆိုလ်တိုက်ပွဲတွင် အီရတ်စစ်တပ်၊ ကာ့ဒ်တပ်ဖွဲ့၊ စွန်နီ လူမျိုးစုတပ်ဖွဲ့၊ ရှီအာပြည်သူ့စစ် စုစုပေါင်း တပ်ဖွဲ့ဝင် ၃၀၀၀၀ ခန့်ပါဝင်ပြီး အမေရိကန်ဦးဆောင်သည့် မဟာမိတ်များက လေကြောင်းပစ်ကူများ ပေးနေသည်။

Ref : Aljazeera

October 22, 2016
လစ်ဗျားကမ်းခြေမှ ရွှေ့ပြောင်းအခြေချသူ ၁၄၀၀ ကို တရက်ထဲမှာ ကယ်တင်ခဲ့

အောက်တိုဘာ ၂၂၊ ၂၀၁၆
M-Media

– မြေထဲပင်လယ်ကို ဖြတ်သန်းရန် ကြိုးစားနေသည့် ရွှေ့ပြောင်းအခြေချသူ ၁၄၀၀ ခန့်ကို ကြာသပတေးနေ့က လစ်ဗျားကမ်းခြေမှ ကယ်ဆယ်နိုင်ခဲ့သည်ဟု ကယ်ဆယ်ရေးသင်္ဘောများနှင့် ပူးပေါင်းဆောင်ရွက်ခဲ့သည့် အီတလီကမ်းခြေစောင့်တပ်ဖွဲ့က ပြောကြားခဲ့သည်။

ဆောင်းရာသီနီးကပ်လာပြီဖြစ်သောကြောင့် ရာသီဥတုဆိုးရွားနေသော်လည်း အန္တရာယ်များသည့် မြေထဲပင်လယ်ဖြတ်ကူးများ ဆက်လက်ဖြစ်ပေါ်လျက် ရှိနေကာ တနင်္ဂနွေနေ့မှစ၍ လစ်ဗျားကမ်းခြေမှ ရွှေ့ပြောင်းဒုက္ခသည် ၂၄၀၀ ကျော်ကို ကယ်တင်နိုင်ခဲ့ပြီးဖြစ်သည်။

ဆေးဘက်ဆိုင်ရာ ပရဟိတအဖွဲ့ဖြစ်သည့် Medecins Sans Frontieres မှ ၎င်းတို့အနေဖြင့် ရာဘာရွက်လှေ ခြောက်စီးနှင့် သစ်သားလှေငယ်တစ်စီးဖြင့် လူ ၈၀၂ ဦးကို ကယ်ဆယ်နိုင်ခဲ့ကြောင်း၊ တစ်ဖန် မော်လ်တာ အန်ဂျီအိုအဖွဲ့ဖြစ်သည့် MOAS ကလည်း ရွက်လှေသုံးစီးဖြင့် ရွှေ့ပြောင်း ဒုက္ခသည် ၄၃၂ ဦးကို ကယ်တင်နိုင်ခဲ့ကြောင်း ၎င်းတို့၏ Twitter စာမျက်နှာပေါ်တွင် ရေးသားခဲ့သည်။

အီတလီကမ်းခြေစောင့်တပ်ဖွဲ့များနှင့် အီးယူလူကုန်ကူးမှုတိုက်ဖျက်ရေး သင်္ဘောတစ်စီးမှ သင်္ဘောသားများက ကျန်ရှိသူများကို ကယ်ဆယ်ခဲ့ခြင်းဖြစ်သည်။

ဒုက္ခသည်များကို တင်ဆောင်လာသည့် လှေများ နစ်မြုပ်ခြင်းမရှိလျှင်လည်း မီးခိုးငွေ့များရှုရှိုက်နေရခြင်း၊ အပူချိန်လွန်ကဲနေခြင်း၊ ရေဓာတ်ခမ်းခြောက်နေခြင်းနှင့် လူများစုပြုံကြပ်ညပ်နေခြင်းတို့ကြောင့် လိုက်ပါလာသူများမှာ အသက်အန္တရာယ်နှင့် ရင်ဆိုင်နေရသည်။

Ref : english.alarabiya.net

October 22, 2016
ထိုင်းဝန်ကြီးချုပ်ဟောင်းယင်လပ်၏ ပိုင်ဆိုင်မှု အသိမ်းခံရမည်

အောက်တိုဘာ ၂၂၊ ၂၀၁၆
M-Media

– ရာထူးမှဖြုတ်ချခံခဲ့ရသည့် ၀န်ကြီးချုပ်ဟောင်း ယင်လပ်ရှင်နာဝပ်ထရာကို သူမ၏ လက်ထက် ဒေါ်လာဘီလီယံပေါင်းများစွာ ဆုံးရှုံးစေခဲ့သည့် အစိုးရဘက်ဂျက်သုံး စပါးစီမံကိန်းတစ်ခုအတွက် ပိုင်ဆိုင်မှုများကို သိမ်းယူရန်နှင့် ဒဏ်ကြေး ဘတ် ၃၅ ဘီလီယံ (ကန်ဒေါ်လာ သန်း ၉၉၀ ကျော်) ပေးဆောင်ရန် ထိုင်းတရားရုံးက နို့တစ်စာ ထုတ်ပြန်ထားသည်ဟု သိရသည်။

လယ်သမားများထံမှ စပါးဝယ်ယူရာတွင် ပေါက်ဈေးထက်ပိုပေးခဲ့သည့် ထိုအစီအစဉ်မှာ ယင်လပ်အစိုးရအဖွဲ့၏ အထိရောက်ဆုံး ပေါ်လစီတစ်ခုဖြစ်ခဲ့ပြီး ၂၀၁၁ ခုနှစ် အထွထွေရွေးကောက်ပွဲတွင် ရာထူး၌ ဆက်ရှိရေး အထောက်အကူ ဖြစ်စေခဲ့သည်။

၂၀၁၄ ခုနှတွင် စစ်တပ်မှ ယင်လပ်အား ရာထူးမှ ဖယ်ရှားပြီးနောက် သူမကို အဆိုပါစပါးစီမံကိန်းအတွက် တရားစွဲဆိုခဲ့ပြီး လက်ရှိတွင် တရားရုံး၌ အမှုရင်ဆိုင်နေဆဲ ဖြစ်သည်။

ယင်လပ်မှာ ယမန်နေ့က ဘန်ကောက်တရားရုံးအပြင်ဘက်၌ သတင်းထောက်များနှင့် တွေ့ဆုံရာတွင် လွန်ခဲ့သည့် ၂ ရက်က မိမိ၏ပိုင်ဆိုင်မှုများကို သိမ်းယူမည်ဆိုသည့် နို့တစ်စာရရှိကြောင်း ပြောကြားခဲ့သည်။

“အဲဒီအမိန့်ဟာ မှန်ကန်မှုမရှိသလို တရားမျှတမှုလည်း မရှိပါဘူး။ ကျွန်မကတော့ ဒီအမှုကို ရင်ဆိုင်ဖို့ ရှိသမျှ နည်းလမ်းတိုင်းကို သုံးသွားပါမယ်”

သူမကို ထောက်ခံသူများက ယင်လပ်ကို စွဲဆိုထားသည့်အမှုသည် ရှင်နာဝပ်ထရာမိသားစု၏ နိုင်ငံရေးသြဇာ လွှမ်းမိုးမှုကို အပြီးသတ်ချေမှုန်းမည့် စစ်တပ်၏ အကြံအစည်ဖြစ်ကြောင်း ပြောကြားထားသည်။

ယင်လပ်နှင့် ၎င်း၏လက်ထက် ကတ်ဘိနတ်ဝန်ကြီးဟောင်းများမှာ ထိုကိစ္စနှင့်ဆက်စပ်သော လိမ်လည်မှုပေါင်း ၈၅၀ အတွက် စုံစမ်းစစ်ဆေးမှုကို ခံနေရသည်ဟုလည်း အစိုးရပြောရေးဆိုခွင့်ရှိသူက ပြောကြားခဲ့သည်။ ထိုအထဲမှ အများစုတွင် အငယ်တန်းတာဝန်ရှိသူများ၊ ပုဂ္ဂလိကလုပ်ငန်းမှ တာဝန်ရှိသူများလည်း ပါဝင်နေသည်။

Ref; CNA

October 22, 2016
ရခိုင်ပြည်နယ်က အစ္စလာမ် ဘာသာဝင် ၄ ဦးကို တာမွေမှာ တွေ့လို့ ဖမ်း

အောက်တိုဘာ ၂၂ ၊ ၂၀၁၆
M-Media
သီဟ

ရခိုင်ပြည်နယ် ကျောက်တော်က အစ္စလာမ်ဘာသာဝင် (၄) ဦးကို တာမွေမြို့နယ်မှာ တွေ့လို့ ဖမ်းဆီးလိုက်ကြောင်း ပြည်တွင်းသတင်း ဌာန တခု ဖြစ်တဲ့ 5 Plus News ရဲ့ ဖော်ပြချက်အရ သိရှိရပါတယ်။

ရန်ကုန်တိုင်း တာမွေမြို့နယ် အရိုးကုန်ရပ်ကွက် အတွင်း အောက်တိုဘာ ၂၂ ရက် မနက် (၃) နာရီလောက်မှာ မီးတန်းလှည့်ကင်း ကားက တွေ့ရှိလို့ ဖမ်းဆီးခဲ့တာဖြစ်ကြောင်း နဲ့ စစ်ဆေးတွေ့ရှိချက်တွေအရ ရခိုင်ပြည်နယ် ကျောက်တော်မြို့ကနေ တယောက်ကို ပွဲစားခ (၁၅) သိန်းနဲ့ လွန်ခဲ့တဲ့ (၅) ရက်ကတည်းက ရောက်ရှိခဲ့တာဖြစ်တယ်လို့ 5 Plus News မှာ ဖော်ပြပါတယ်။

မလေးရှားကို အလုပ်သွားရောက်လုပ်ကိုင်ဖို့ ကျောက်တော်က လာတာ စုစုပေါင်း (၅) ဦး ဖြစ်ပြီး ဖမ်းဆီးခံသူများမှာ နာစီး(၂၀)နှစ်၊ ရွှေမောင် (၂၁)နှစ်၊ မောင်လှ (၂၀)နှစ်နဲ့ လာလူး(၂၀)နှစ် ၄ ဦး ဖြစ်ပြီး လွတ်မြောက်နေသူ စူမီယာဒန်ဘာ (၂၀)နှစ် ကို ဆက်လက်ရှာဖွေနေတယ်လို့ သိရပါတယ်။ ဖမ်းဆီးထားသူတွေကို လ.၀.က အက် နဲ့ တာမွေ ရဲစခန်းက အမှုဖွင့်ထားကြောင်း သတင်းမှာ ဖော်ပြထားပါတယ်။

ရခိုင်ပြည်နယ်မှ အစ္စလာမ် ကိုးကွယ်သူ ကမန်လူမျိုးများအပါအဝင် အခြားသော အစ္စလာမ်ဘာသာဝင်များမှာ လွတ်လပ်စွာ သွားလာခွင့် မရှိကြောင်း ၊ မိမိတို့ နေထိုင်ရာမြို့နယ် ပြင်ပသို့ ခရီးသွားလိုလျင် သက်ဆိုင်ရာ လဝက သို့ အကြောင်းကြား ခွင့်ပြုမိန့် တောင်းခံရပြီး သက်ဆိုင်ရာမှ ခွင့်ပြုမှသာ သွားလာခွင့်ရှိသည်။ အဆိုပါ ခွင့်ပြုမိန့် မပါရှိလျင် နယ်ကျော် လဝက ပုဒ်မဖြင့် တရားစွဲဆို၍ ပြစ်ဒဏ်ချမှတ်ခြင်း ခံရကြောင်း သံတွဲမြို့ခံ အစ္စလာမ်ဘာသာဝင်တဦးမှ ပြောပြပါတယ်။

၂၀၁၄ ခုနှစ် သန်းခေါင်စာရင်း ထုတ်ပြန်ချက်အရ ရခိုင်ပြည်နယ်တွင် အစ္စလာမ်ဘာသာဝင် ၁ သန်း ကျော်ရှိတယ်လို့ သိရှိရပါတယ်။

October 22, 2016