အောက်တိုဘာ ၁၀၊ ၂၀၁၆
M-Media
– အမေရိကန်သမ္မတလောင်းတွေဖြစ်ကြတဲ့ ဟီလာရီကလင်တန်နဲ့ ဒေါ်နယ်ထရမ့်တို့ဟာ ဒုတိယအကြိမ်မြောက် စကားစစ်ထိုးမှုအဖြစ် မနေ့မှာ ပြုလုပ်ခဲ့ပြီး ဒီတစ်ခါမှာတော့ ပရိတ်သတ်တွေနဲ့ အမေးအဖြေတွေပါ ပါဝင်ခဲ့ပါတယ်။
မစ်ဇူရီပြည်နယ် စိန့်လူးဝစ်မှာ ပြုလုပ်ခဲ့တဲ့ အဲဒီ စကားစစ်ထိုးပွဲကို တက်ရောက်လာကြတဲ့ ပြည်သူတွေဟာ အကြိုစစ်တမ်း ကောက်ယူမှုအရ ဘယ်သူ့ကို ရွေးချယ်ရမယ်မှန်း မသိသေးတဲ့သူတွေဖြစ်ပြီး ‘ပြည်သူ့အကျိုးစီးပွား’ ဆိုတဲ့ ခေါင်းစဉ်အောက်မှာ မေးခွန်းတွေရဲ့ တစ်ဝက်ကို မေးမြန်းခဲ့ကြပါတယ်။ နောက်ထပ် မေးခွန်းတစ်ဝက်ကိုတော့ ဆိုရှယ်မီဒီယာ အသုံးပြုသူတွေက မေးမြန်းခဲ့ကြတာ ဖြစ်ပါတယ်။
သမ္မတလောင်းနှစ်ဦး တွေ့ဆုံစဉ်မှာ တစ်ဦးနဲ့တစ်ဦး ပြုံးပြခဲ့ကြပေမယ့် လက်ဆွဲနှုတ်ဆက်ခြင်းတော့ မရှိပါဘူး။
စကားစစ်ထိုးပွဲစစချင်းမှာပဲ ထရမ့်ရဲ့ အမျိုးသမီးတွေအပေါ်မှာ စော်ကားပြောဆိုမှုတွေကြောင့် သူဟာ ကာကွယ်ရေးဦး စီးချုပ်နေရာနဲ့ သင့်တော်ပါ့မလားဆိုတဲ့ ဆွေးနွေးမှု ပြုလုပ်ခဲ့ပါတယ်။
ပြီးခဲ့တဲ့တစ်ပတ်နှောင်းပိုင်းမှာ ထွက်ပေါ်လာခဲ့ ရာဂကျူးမှတ်ချက်နဲ့ပတ်သက်ပြီး ထရမ့်က ဒါဟာ ယောက်ျားတွေ ပြောနေကြစကားဖြစ်ပြီး မိမိအနေနဲ့ ဂုဏ်ယူခဲ့တာမဟုတ်ကြောင်း ကာကွယ်ခဲ့ပါတယ်။
အစီအစဉ်တင်ဆက်သူဖြစ်တဲ့ CNN က အန်ဒါဆန် ကူးပါးက “အမျိုးသမီးတွေကို လိင်ပိုင်းဆိုင်ရာ စော်ကားမှုအတွက် ခင်ဗျား ကြွားလုံးထုတ်တာမဟုတ်လား” လို့ မေးမြန်းရမှာ ထရမ့်က “ကျုပ်အဲလို လုံးဝ မပြောခဲ့ဘူးဗျ” လို့ ဖြေကြားခဲ့ပြီးနောက်ပိုင်းမှာ IS အဖွဲ့ဘက်ကို စကားလမ်းကြောင်း လွှဲခဲ့ပါတယ်။
“ဒီစကားအတွက် ကျွန်တော်ရှက်မိတယ်။ မုန်းလည်းမုန်းပါတယ်။ ဒါပေမယ့် ဒါက ယောက်ျားအချင်းချင်းပြောတတ်တဲ့ စကားမျိုးပါ။ ကျွန်တော် IS ကို ဖြိုမှာဗျ။ ကျွန်တော်တို့ IS ကို ချေမှုန်းနိုင်မှာပါ။ ကျွန်တော်တို့ ပိုပြီးအရေးပါတဲ့ အရာတွေကို စီမံခန့်ခွဲရပါမယ်”
ကူးပါးက ထပ်ပြီး “ခင်ဗျား အဲဒါမျိုးတွ လုပ်ခဲ့လား” လို့ လိင်ပိုင်းဆိုင်ရာ စော်ကားမှုကို ရည်ညွှန်းမေးမြန်းခဲ့ရာမှာတော့ ထရမ့်က “မလုပ်ရပါဘူးဗျာ” လို့ ပြန်ဖြေခဲ့ပါတယ်။
နောက်ပိုင်းမှာတော့ ထရမ့်က ဟီလာရီကလင်တန်ကို စကားနာထိုးခဲ့ပြီး သူမရဲ့ယောက်ျား ကန်သမ္မတဟောင်း ဘီလ်ကလင်တန်လောက် “အမျိုးသမီးတွေအပေါ် စော်ကားခဲ့တဲ့တဲ့ နိုင်ငံရေးသမားမျိုး ဒီနိုင်ငံရဲ့သမိုင်းမှာ မရှိခဲ့ဘူး” လို့လည်း ပြောကြားခဲ့ပါတယ်။
လက်မလျှော့
အရင်ကတည်းက အမျိုးသမီးတွေကို စော်ကားမှု၊ လူမျိုးရေးခွဲခြားမှုတွေကြောင့် အပုပ်နှံတွေလှိုင်ခဲ့တဲ့ ထရမ့်ဟာ လွန်ခဲ့တဲ့ ၁၁ နှစ်က ပြောခဲ့တဲ့ သူ့ရဲ့ ရာဂကျူးစကားတွေ ထွက်ပေါ်လာပြီးတဲ့နောက်မှာ သူ့ရဲ့ ပါတီဝင်တွေအပါအ၀င် လူတော်တော်များများက သမ္မတလောင်းအဖြစ် သတ်မှတ်ထားမှုကနေ ပယ်ဖျက်ပေးဖို့ တောင်းဆိုခဲ့ကြပါတယ်။
ဒါပေမယ့် ထရမ့်ကတော့ သူအနေနဲ့ ဒီလိုဖြစ်လာမှာဟုတ်ဘူးလို့ ဆိုပါတယ်။
စကားစစ်ထိုးပွဲရဲ့ နောက်ပိုင်းမှာ ထရမ့်က သူ့အနေနဲ့ သမ္မတဖြစ်လာရင် ဟီလာရီကလင်တန် နိုင်ငံခြားရေးဝန်ကြီးဘ၀က အီးမေလ်းပြဿနာနဲ့ပတသ်က်ပြီး တရားစွဲမယ်လို့ ခြိမ်းခြောက်ခဲ့ပြီး သူ့သက်တမ်းအတွင်း ဟီလာရီကို ထောင်ထဲမှာ မြင်ရလိမ့်မယ်လို့လည်း သတိပေးခဲ့ပါတယ်။
“ကျုပ်နိုင်ရင် ရှေ့နချုပ်ကို ခင်းဗျားရဲ့ အခြေအနေနဲ့ပတ်သက်ပြီး အထူးတရားစီရင်မှုလုပ်ဖို့ ညွှန်ကြားမှာပါ။ ဘာ့ကြောင့်လည်းဆိုတော့ အဲဒီလို လိမ်လည်တာမျိုး၊ လှည့်စားတာမျိုး ကျုပ်တစ်ခါမှ မမြင်ဖူးဘူး” လို့ ထရမ့်က ပြောကြားခဲ့ပါတယ်။
ပရိတ်သတ်ထဲက မွတ်စလင်အမျိုးသမီးတစ်ဦးက အစ္စလာမ်ကြောက်ရောဂါ၊ ထရမ့်က မွတ်စလင်တွေကို အမေရိကန်ထဲ ၀င်ခွင့်ပိတ်ပစ်မယ် ဆိုတဲ့ကိစ္စနဲ့ပတ်သက်ပြီး ဆွေးနွေးခဲ့ရာမှာတော့ ထရမ့်က သူ့ရဲ့ မွတ်စလင်ရွှေ့ပြောင်းအခြေချချသူ ပေါ်လစီဟာ အစွန်းရောက် နောက်ကြောင်းကို ပုံပြောင်းစေခဲ့တယ်လို့ ဆိုပြီး ကလင်တန်အနေနဲ့ “အစွန်းရောက် အစ္စလာမ့်မစ် အကြမ်းဖက်” လို့ မခေါ်တဲ့အတွင် အကြမ်းဖက်ဝါဒကို တိုက်ဖျက်နိုင်မှာမဟုတ်ဘူးလို့လည်း ထည့်သွင်းပြောကြားခဲ့ပါတယ်။
စကားစစ်ထိုးပွဲတစ်လျှောက်လုံးမှာ ထရမ့်ဟာ ပွဲတင်ဆက်သူတွေအနေနဲ့ ကလင်တန်ကို အချိန်ပိုပေးတယ်လို့ စွပ်စွဲ ပြောဆိုခဲ့ပါတယ်။
အလ်ဂျာဇီးရားက သုံးသပ်သူတစ်ဦးဖြစ်တဲ့ အလန်ဖစ်ရှာက အခု စကားစစ်ထိုးပွဲမှာ ဟီလာရီကလင်တန်ဟာ အီးမေးလ်တွေ ဖျက်ပစ်တာလို အဓိကပြဿနာတွေနဲ့ပတ်သက်ပြီး ဖိအားရခဲ့ပြီး၊ ထရမ့်ကလည်း ဟီလာရီမေးတဲ့ မေးခွန်းတွေကို သိပ်မဖြေခဲ့ဘူးလို့ ဆိုပါတယ်။
“ထရမ့်က သူ့ဉာဉ်အတိုင်းပဲ လုပ်သွားတာပါ။ သူက မေးခွန်းအမေးခံတယ်။ ပြီးရင် သူ့ထောက်ခံသူတွေရဲ့ သည်းခြေကြိုက်ကိစ္စတွေဖက်ကို ဆွဲပြောသွားတယ်။ ကလင်တန်ဟာ နှစ်ပေါင်း ၃၀ လောက် နိုင်ငံရေးသမားဘ၀နဲ့ ဘာမှ အောင်မြင်မှု မယ်မယ်ရရ မရခဲ့ဘူးလို့ပြောရင်၊ ကုန်သွယ်ရေးအကြောင်း၊ IS အကြောင်းပြောရင် သူ့ကို ထောက်ခံသူတွေ သည်းခြေကြိုက်ဖြစ်မယ်ဆိုတာ သူက ကောင်းကောင်းသိပါတယ်”
“သူက သူပြောချင်တာကို အဓိကထားပြောသွားပြီး ပထမ စကားစစ်ထိုးပွဲတုန်းကလို ဆတ်ဆတ်ထိမခံတာ၊ စိတ်ဆိုးတာတွေ မရှိတော့ပါဘူး။ သူ့ပရိတ်သတ် စိတ်ကျေနပ်အောင်ပဲ လုပ်သွားပြီး၊ ဒီရွေးကောက်ပွဲမှာ သူနိုင်ရင် ထောက်ခံသူ နယ်ပယ်ကို ချဲ့ထွင်သွားမှာ ဖြစ်ပါတယ်”
စကားစစ်ထိုးပွဲရဲ့ နောက်ဆုံးမှာ ပရိတ်သတ်ထဲကတစ်ယောက်က သမ္မတလောင်းတွေအနေနဲ့ အချင်းချင်း လေးစားတဲ့အချက်ရှိရင် ပြောပါလို့ ဆိုတဲ့အခါ ဟီလာရီက ထရမ့်ရဲ့ ကလေးတွေဖြစ်တယ်လို့ ပြောကြားခဲ့ပါတယ်။
ထရမ့်ကတော့ ဟီလာရီဟာ ဘယ်တော့မှာ အရှုံးပေးမှာမဟုတ်တဲ့ ဖိုက်တာတစ်ယောက်ဖြစ်တယ်လို့ ဆိုပါတယ်။
Ref: Aljazeera
