သြဂုတ် ၂၂၊ ၂၀၁၆
M-Media
ပါလက်စတိုင်းကျောင်းသူ အီလီယာ ဟာမဒ်
– အမေရိကန်ပြည်ထောင်စု ၀ါရှင်တန်ဒီစီအနီးရှိ မွတ်စလင် ဘာသာရေးစင်တာမှ အဖွဲ့ဝင်များမှာ ကျန်းမာရေး ပြဿ နာများ ရင်ဆိုင်နေရသူများအတွက် ကူညီပေးမည့် အစီအစဉ်တစ်ခုကို ဆောင်ရွက်နေပြီး အောင်မြင်မှုများ ရရှိနေသည်။
ထိုအစီအစဉ်မှာ ရုပ်ပိုင်းဆိုင်ရာဒဏ်ရာကို ကုသခြင်းမဟုတ်ဘဲ စိတ်ပိုင်းဆိုင်ရာ ထိခိုက်ခံစားနေရမှုများကို ပြေပျောက်အောင် ကုသပေးသည့် အစီအစဉ်ဖြစ်ကာ ဂျော့ဂ်ျဝါရှင်တန်တက္ကသိုလ်မှ ပါလက်စတိုင်းကျောင်းသူ အီလီယာ ဟာမဒ်က ဦးဆောင်ဦးရွက် ပြုခြင်းဖြစ်သည်။
အီလီယာမှာ စေတနာ့ဝန်ထမ်းများ စုဆောင်းကာ ဆွေမျိုး မိတ်သင်္ဂဟမရှိသော လူနာများထံ သွားရောက်ရန် စီစဉ်ထားပြီး၊ အဆိုပါစေတနာ့ဝန်ထမ်းများအား သင်တန်းပေးမှု အစီအစဉ်ကို ဖောလ်ချာ့ခ်ျရှိ ‘ဒါရုလ်ဟစ်ဂ်ျရာ’ ဗလီဝတ်ကျောင်းတော်တွင် ပြုလုပ်ခဲ့သည်။
“ကျွန်မဒီမှာနေရတာ များသေားအားဖြင့် မိသားစုနဲ့ ကင်းကွာပြီး နေရတာပါ။ တစ်ခေါက် သည်းခြေမှာ ကျောက်တည်ပြီး ဆေးရုံတက်ခွဲရတော့ ကျွန်မ လိုအပ်ချက်တစ်ခုကို သွားတွေ့ခဲ့ပါတယ်။ အဲဒါကတော့ ဒီမှာလည်း မိသားစုမရှိတဲ့သူ အများကြီး ရှိတယ်ဆိုတာပါပဲ” ဟု အီလီယာက ဖွင့်ဟခဲ့သည်။
အီမာမ် ဂျိုဟ်ရီ အဘ်ဒူလ် မာလစ်
ထို့နောက် ၂၀၀၉ ခုနှစ်တွင် အီလီယာမှာ ထိုအစီအစဉ်ကို စတင်ခဲ့ပြီး ဆေးရုံများရှိ အထီးကျန်နေသူများထံသို့ လည်ပတ်သူများကို ပို့ဆောင်ပေးခဲ့သည်။ ပထမနှစ်မှာပင် စေတနာ့ဝန်ထမ်းပေါင်း ၃၀ ကျော် ပါဝင်ခဲ့ကြသည်။
ဗာဂျီးနီးယား ဆေးရုံမှ ဆရာတော် ဂရေဟမ် ဘာ့ဒ်စလေက ဤသို့ ဖွင့်ဟခဲ့သည်။
“ဗလီဝတ်ကျောင်းတော်ကလာတဲ့ ဧည်သည့်တွေကို ကျွန်တော်မှာရှိတဲ့ ကဒ်ပြားလေးတစ်ခု တပ်ပေးထားပြီး အဲဒီမှာ သူတို့ရဲ့ဓာတ်ပုံ၊ ကိုယ်ရေးအချက်အလက်နဲ့ တီဘီရောဂါစမ်းသပ်ပြီးကြောင်း အထောက်အထားတွေ ရေးပေးထားပါတယ်။ လူနာတွေကို ကာကွယ်ဖို့အတွက် တီဘီရောဂါကို တစ်နှစ်တစ်ခါ ပုံမှန်စစ်ရပါတယ်”
အဆုိုပါအစီအစဉ်တွင် စေတနာ့ဝန်ထမ်းအဖြစ် ပါဝင်ဆောင်ရွက်သူ လီယာလီခန်းကလည်း “ကျွန်မ ဇန်န၀ါရီလလောက်ကစပြီး ဒီအစီအစဉ်မှာ ပါဝင်တာပါ။ ကျွန်မဟာ တစ်နေ့ကို လူနာ ၃၊ ၄ ယောက်လောက်ကို သွားကြည်ပါတယ်။ တစ်ပတ်ကို ၁၂ ယောက်ကနေ၊ ၁၅ ယောက်လောက်အထိပေါ့” ဟု ပြောကြားခဲ့သည်။
အခြားစေတနာ့ဝန်ထမ်းတစ်ဦးဖြစ်သူ ဆူရ်ရာယာ ဟူစိန်ကလည်း အနည်းဆုံး တစ်ပတ်လျှင်တစ်ခေါက် ရောက်ဖြစ်သည်ဟု ပြောကြားခဲ့သည်။
“အနည်းဆုံး တစ်ပတ်ကို တစ်ခေါက်လောက်တော့ ကျွန်မ ရောက်ဖြစ်ပါတယ်။ ကျွန်မမှာ ကလေးတွေရှိတော့ တစ်ခါတစ်လေ ကျွန်မတစ်ယောက်တည်း လာရပါတယ်။ တစ်ခါတစ်လေ ဧည့်တွေချိန်မဟုတ်ပဲ လူနာတွေနဲ့ စကားပြောလို့ရအောင် ကျွန်မ ချောင်းဝင်လာလေ့ ရှိပါတယ်”
ဒါရူလ်ဟစ်ဂ်ျရာ အစ္စလာမ့်စင်တာ၏ ခေါင်းဆောင်များမှ တစ်ဦးဖြစ်သူ အီမာမ် ဂျိုဟ်ရီ အဘ်ဒူလ် မာလစ်ကလည်း ထိုအစီအစဉ်အား ချီးကျူးခဲ့သည်။
“ဆေးရုံမှာ လူနာတွေကို လာကြည့်တဲ့သူတွေဟာ အဲဒီလူနာတွေကို တစ်ခုခုပေးနေတာဖြစ်တယ်လို့ ကျွန်တော်တို့ တွေးမိပါတယ်။ နေမကောင်းဖြစ်နေတဲ့သူ၊ ကလေးတစ်ဖက်နဲ့ ချို့တဲ့သူတွေကိုလက်ဆောင်ပေးတာ၊ ဒီလို သွားရောက်ကူညီဖေးမတာဟာ အလ္လာဟ်အရှင်မြတ်နဲ့ သင်တို့ကြားက ဆက်သွယ်မှုပါပဲ”
အီလီယာကမူ ၎င်း၏ ထိုအစီအစဉ်အတွက် စေတနာ့ဝန်ထမ်းများ ရှာဖွေရာတွင် မလွယ်ကူဟုဆိုသည်။ သို့သော်လည်း သူမနှင့် သူမ၏ အသင်းကတော့ ထိုအစီအစဉ်၏ တိုးတက်မှုများကြောင့် ဆက်လက်ဆောင်ရွက်သွားမည်ဟု ပြောကြားခဲ့လေသည်။
Ref: VOA
