ဇွန် ၂၁၊ ၂၀၁၆
M-Media
– ဆီးရီးယားနဲ့ အာဖဂန်လိုနေရာမျိုးတွေမှာ ပဋိပက္ခတွေ ဖြစ်ပွားနေတာက ကမ္ဘာတစ်ဝှမ်း ဒုက္ခသည်နဲ့ အိုးအိမ်စွန့်ခွာရသူ အရေအတွက်ကို မြင့်တက်လာစေပြီး ပြီးခဲ့တဲ့နှစ်အဆုံးပိုင်းမှာ ၆၅.၃ သန်းထိ စံချိန်တင်ရောက်ရှိခဲ့တယ်လို့ ကုလသမဂ္ဂ ဒုက္ခသည်များဆိုင်ရာ အေဂျင်စီ UNHCR က ပြောကြားလိုက်ပါတယ်။
ပြီးခဲ့တဲ့ ၂၀၁၄ ခုနှစ်ကတော့ အိုးအိမ်စွန့်ခွာရသူအရေအတွက်ဟာ သန်း ၆၀ ရှိခဲ့ပြီး ဒုတိယကမ္ဘာစစ်ပြီးကတည်းက ဒုက္ခသည်အရည်အတွက်ဟာလည်း အမြင့်ဆုံး ဖြစ်ခဲ့ပါတယ်။ ပြီးခဲ့တဲ့နှစ်မှာတော့ လက်ဘနွန်၊ တူရကီနဲ့ ဥရောပနိုင်ငံတွေဟာ ဒုက္ခသည်အရေအတွက် အများအပြားကို လက်ခံခဲ့ရပြီး ဒုက္ခသည် စံချိန်တင်မှုဟာ ၁၀ ရာခိုင်နှုန်းလောက်တိုးလာတယ်လို့ ယမန်နေ့ UNHCR က ထုတ်ပြန်တဲ့ ကမ္ဘာလုံးဆိုင်ရာ နှစ်ပတ်လည်အစီရင်ခံစာမှာ ဖော်ပြထားပါတယ်။
ကိုယ်ရဲ့ဇာတိမြေကနေ အစုလိုက်အပြုံလိုက် ပြောင်းရွှေ့ရမှုကို ဖြစ်စေတဲ့ စစ်ပွဲတွေကို အဆုံးသတ်ရေး ဥရောပခေါင်းဆောင်တွေနဲ့ ကမ္ဘာ့ခေါင်းဆောင်တွေက ပိုမိုအားထုတ်ကြိုးပမ်းကြဖို့လည်း UNHCR က တိုက်တွန်းခဲ့ပါတယ်။
“မဖြစ်မနေ အိုးအိမ်စွန့်ခွာရသူတွေက ဖော်ညွှန်းနေတဲ့ သတင်းစကားကို ကမ္ဘာ့ခေါင်းဆောင်တွေ မြင်နိုင်ပါစေလို့ ကျွန်တော် မျှော်လင့်မိပါတယ်။ အဲ့ဒီသတင်းစကားကတော့ တကယ်လို့ ဒီပြဿနာတွေကို ခင်ဗျားတို့ မဖြေရှင်းရင် ပြဿနာတွေက ခင်ဗျားဆီရောက်လာလိမ့်မယ် ဆိုတာပါပဲ။ ပဋိပက္ခတွေကို ရပ်တန့်ဖို့ ကျွန်တော်တို့ အလုပ်လုပ်ဖို့ လိုနေတာပါ။ နိုင်ငံရေး နည်းလမ်းနဲ့ပါ” လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဖိလစ်ပို ဂရန်ဒီက ပြောကြားခဲ့ပါတယ်။
UNHCR ရဲ့ အစီရင်ခံစာအရ ပြီးခဲ့တဲ့ ၂၀၁၅ ခုနှစ်အတွင်းမှာ ပျမ်းမျှအားဖြင့် တစ်မိနစ်တိုင်း အိုးအိမ်စွန့်ခွာ ထွက်ပြေးရသူ ၂၄ ယောက်ရှိခဲ့ပြီး တစ်နေ့ကို ၃၄၀၀၀ လောက် ရှိခဲ့ပါတယ်။ ၂၀၀၅ ခုနှစ်တုန်းက ဒီအရေအတွက်ဟာ တစ်မိနစ်ကို ၆ ဦးသာ ရှိခဲ့တာ ဖြစ်ပါတယ်။
ကမ္ဘာတစ်ဝှမ်း အိုးအိမ်စွန့်ခွာ ထွက်ပြေးရသူအရေအတွက်ဟာ ၁၉၉၇ ခုနှစ်ကထက်စာရင် ဆီးရီးယားစစ်ပွဲ စတင်တဲ့ ၂၀၁၁ ခုနှစ်မှာ ၅၀ ရာခိုင်နှုန်း ပိုများလာခဲ့ပါတယ်။ ကမ္ဘာ့ဒုက္ခသည်တွေထဲက ထက်ဝက်ကျော်လောက်ဟာ ဆီးရီးယား၊ အာဖန်နဲ့ ဆိုမာလီယာတို့က ဖြစ်ကြပါတယ်။
Ref : Aljazeera
