News @ M-Media

Blog

  • မြို့ပြတွင် လေထုညစ်ညမ်းမှုကြောင့် နှစ်စဉ် လူ ၇ သန်း သေဆုံးနေ

    မြို့ပြတွင် လေထုညစ်ညမ်းမှုကြောင့် နှစ်စဉ် လူ ၇ သန်း သေဆုံးနေ

    မေ ၁၃၊ ၂၀၁၆
    M-Media

    india
    အိန္ဒိယနိုင်ငံ ဒေလီမြို့မှ လေထုညစ်ညမ်းမှု မြင်ကွင်းတစ်ခု

    – ကမ္ဘာတစ်ဝှမ်းက မြို့ကြီးတွေမှာ လေထုညစ်ညမ်းမှုတွေ များပြားလာတဲ့အတွက် ခန့်မှန်းခြေအားဖြင့် နှစ်စဉ် လူခုနှစ်သန်းကျော် သေဆုံးနေတယ်လို့ ကမ္ဘာ့ကျန်းမာရေးအဖွဲ့ (WHO) က သတိပေးလိုက်ပါတယ်။

    “ယေဘူယျအားဖြင့်ပြောရရင် အခြေအနေတွေဟာ ပျက်ယွင်းလာခဲ့ပြီး လေထုညစ်ညမ်းမှုကလည်း ၈ ရာခိုင်နှုန်းလောက် မြင့်တက်လာပါတယ်။ ဒါ့ကြောင့် အခြေအနေက ပိုဆိုးသထက်ဆိုးလာပါတယ်” ဟု WHO ရဲ့ လူထုကျန်းမာရေးဆိုင်ရာ အကြီးအကဲ မာရီယာ နီယာရာက ဗုဒ္ဓဟူးနေမှာ ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။

    “ပြီးတော့ မြို့နေလူထု ၈၀ ရာခိုင်နှုန်းဟာ လေထုညစ်ညမ်းမှု အမြင့်ဆုံးအဆင့်နဲ့ ထိတွေ့နေရပါတယ်။ ဒါတွေကြောင့် ရောဂါတွေလည်း ထူပြောလာပါတယ်။ အဲ့ဒါဟာ ကြောက်စရာကောင်းလှတဲ့ ကိန်းဂဏန်းပါပဲ၊ WHO ရဲ့ခန့်မှန်းချက်အရ နှစ်စဉ်လူခုနှစ်သန်း သေဆုံးလျက်ရှိနေပါတယ်။ လေထုညစ်ညမ်းမှုကြောင့် ပုံမှန်ထက်စောတဲ့ သေဆုံးမှုတွေ နှစ်စဉ်တွေ့ကြုံနေရပါတယ်”

    ဒီလိုအခြေအနေမျိုးဟာ တော်တော်လေးအရေးကြီးတဲ့ လူထုကျန်းမာရေးပြဿနာဖြစ်ကြောင်း၊ လူထုအသိပညာပေးလုပ်ငန်းတွေ လုပ်ဖို့လိုကြောင်း နိုင်ငံတွေအနေနဲ့လည်း လေထုအရည်အသွေးကို စောင့်ကြည့်ထိန်းချုပ်တာမျိုးတွေ ပြုလုပ်သင့်ကြောင်း နီယာရာက ထည့်သွင်းပြောကြားခဲ့ပါတယ်။

    Ref: Presstv

  • ဘာသာပေါင်းစုံမှ လူငယ်တွေ ပါဝင်မယ့် စုပေါင်း လမ်းလျှောက်ပွဲ

    ဘာသာပေါင်းစုံမှ လူငယ်တွေ ပါဝင်မယ့် စုပေါင်း လမ်းလျှောက်ပွဲ

    မေ ၁၃၊ ၂၀၁၆
    M-Media
    မိုးစက်
    1936188_1152930651408374_8803286281294960674_n
    ရန်ကုန်။    ။ မြန်မာနိုင်ငံရဲ့ အသွင်ကူးပြောင်းရေးကာလမှာ အစွန်းရောက်မှုများအား ရှုတ်ချပြီး၊ လူသားအားလုံး အသွင်တူတယ်ဆိုတာကို ပြသတဲ့အနေနဲ့ ဘာသာပေါင်းစုံမှ လူငယ်များမှ စုပေါင်းလမ်းလျှောက်ပွဲတစ်ခုကို ပြုလုပ်သွားမည်ဖြစ်ကြောင်း သိရပါတယ်။

    “ကျွန်တော်တို့ နိုင်ငံသားတိုင်းဟာ ပြည်သူအချင်းချင်းပဲ၊ လူသားအားလုံး လူသားချင်းတူရင်  အတူတကွနေထိုင်နိုင်တယ် ဆိုတာကို ကျွန်တော်တို့ ပြသချင်တာ ဖြစ်ပါတယ်။ အသွင်မတူပေမယ့် ကျွန်တော်တို့အားလုံးဟာ တူတူပဲဆိုတာကို ပြသ ချင်တာပါ” ဦးဆောင်ပြုလုပ်မည့် ရန်ကုန်နိုင်ငံရေးသိပ္ပံ မှ ကျောင်းသားတစ်ဦးက ဆိုပါတယ်။

    အဆိုပါ လမ်းလျှောက်ပွဲကို ရန်ကုန်နိုင်ငံရေးသိပံ္ပ ကျောင်းသားများမှ ဦးဆောင်ကျင်းပမှာဖြစ်ပြီး “ချစ်ခြင်းနဲ့ လှမ်းတဲ့ ခြေလှမ်းတွေ” ဟု  လမ်းလျှောက်ပွဲကို ခေါင်းစဉ်ပေးထားပါတယ်။ ဘာသာပေါင်းစုံမှ လူငယ်များမှ စုပေါင်းလမ်းလျှောက်ကြမည့်အပြင် ဘာသာပေါင်းစုံမှ အကြီးအကဲများရဲ့ ဟောပြောပွဲများနှင့် ဂီတပညာရှင်တို့ရဲ့ ဖျော်ဖြေပွဲများပါ ပါဝင်မှာ ဖြစ်ပါတယ်။

    ထိုလမ်းလျှောက်ပွဲကို မေလ (၁၄) ရက်နေ့ ညနေ (၃) နာရီမှ (၇) နာရီအထိ ဗညားဒလလမ်းပေါ် ဘဟာအီရုံးချုပ်ရှေ့မှ စတင်ပြီး  ဆူးလေ မဟာဗန္ဓုလပန်းခြံအထိ လျှောက်ကြမှာ ဖြစ်ပါတယ်။

    ဘာသာပေါင်းစုံမှ ငြိမ်းချမ်းရေးကို လိုလားသူ မည်သူမဆို အဆိုပါ လမ်းလျှောက်ပွဲတွင် ပူးပေါင်းပါဝင်နိုင်ကြောင်းလည်း ဦးဆောင်သူ လူငယ်များမှ လူမှုကွန်ယက်စာမျက်နှာများ၊ မီဒီယာများမှ တစ်ဆင့် နှိုးဆော်ထားပါတယ်။

  • တြီဂိုနော်မေတြီ– ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၁၇)

    တြီဂိုနော်မေတြီ– ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၁၇)

    မေ ၁၃၊ ၂၀၁၆
    M-Media
    ရာဇာ တင်ဆက်သည်
    (အပတ်စဉ် သောကြာနေ့တိုင်း ဖော်ပြသွားပါမည်)

    trigo 3

    – တြီဂိုနော်မေတြီဆိုတာ တြိဂံတွေရဲ့ ထောင့်တွေ၊ အနားတွေကို တိုင်းတာတွက်ချက်တဲ့ ပညာရပ်တစ်ခုဖြစ်ပြီး နေ့စဉ် ၅ ကြိမ်ဝတ်ပြုမှုအတွက် အချိန်အတိအကျ သတ်မှတ်နိုင်ရေး မွတ်စလင်တွေ အားသွန်ခွန်စိုက် လေ့လာလိုက်စား ဖော်ထုတ်ခဲ့ကြတဲ့ နက္ခတဗေဒကို အခြေခံပြီး ပေါ်ထွက်လာတာဖြစ်ပါတယ်။ ဒါပေမယ့် မွတ်စလင်တွေမတိုင်ခင်မှာ ဂရိ နက္ခတဗေဒပညာရှင်တွေဟာ နေ၊ လနဲ့ အဲဒီတုန်းက သိရှိထားကြတဲ့ ဂြိုဟ်ကြီး ၅ လုံးရဲ့ လှုပ်ရှားသွားလာမှုကို နားလည်ဖို့အတွက် တြိဂံတစ်ခုစီရဲ့ အနားတွေ၊ ထောင့်တွေကို တိုင်းတာကာ ကျန်အနားတွေ၊ ထောင့်တွေရဲ့ တန်ဖိုးတွေကို တွက်ချက်တဲ့ ပညာရပ်ကို လိုက်လာစားခဲ့ကြပါတယ်။

    နေ၊ လနဲ့ ဂြိုဟ်တွေရဲ့ အနေအထားက ဘယ်လိုလဲဆိုတဲ့ မေးခွန်းတွေကြောင့် ပေါ်ထွက်လာခဲ့တဲ့ ဂျီသြမေတြီဆိုင်ရာ ပြဿနာတွေကို ဖြေရှင်းဖို့အတွက် အဲဒီ ဂရိပညာရှင်ကြီးတွေဟာ ဇယားတွေ၊ စည်းမျဉ်းစည်းကမ်းတွေကိုလည်း ရေးဆွဲခဲ့ကြပါတယ်။ ဒီဘာသာရပ်နှင့် ပတ်သက်ပြီး အပြည့်စုံဆုံး ဖော်ပြထားမှုကိုတော့ အေဒီ ဒုတိယရာစု အစောပိုင်းလောက်က အလက်ဇန်းဒရီးယားမှာ အလုပ်လုပ်ခဲ့တဲ့ နက္ခတဗေဒပညာရှင် တော်လမီ (Ptolemy) ရေးသားခဲ့တဲ့ အလ်မဂျက်စ် (Almagest) ကျမ်းမှာ တွေ့ရပါတယ်။ ဂရိဘာသာစကားနဲ့ ရေးသားထားပြီး The Great Arrangement (မဟာစီစဉ်မှုကြီး) လို့အမည်ရတဲ့ တော်လမီရဲ့ ဒီကျမ်းကြီးကို  မွတ်စလင်တွေက ဘာသာပြန်ကာ လိုရင်းတိုရှင်းဖြစ်အောင် တည်းဖြတ်ပြီး အလ်-မက်ဂျစ်စတီ (Al-Majisti) ဆိုတဲ့အမည်နဲ့ ပြန်လည်ထုတ်ဝေခဲ့ပါတယ်။ နောက်ပြီး မွတ်စလင်တွေထံကနေတစ်ဆင့်ပဲ ဒီကျမ်းကြီးဟာ ဥရောပညာရှင်တွေဆီ ရောက်ရှိခဲ့တာဖြစ်ပါတယ်။ အလ်-မက်ဂျစ်စတီ ဆိုတဲ့ အဓိပ္ပါယ်ကတော့ The Greatest ဖြစ်ပါတယ်။

    အလ်မဂျက်စ်ရဲ့ အတွဲ ၁ မှာ A Table of Chords in a Circle (စက်ဝိုင်းတစ်ခုရှိ စက်ဝိုင်းဖြတ်မျဉ်းများဇယား) ဆိုတဲ့ ဇယားတစ်ခုပါဝင်ပြီး ရှေးခေတ် နက္ခတဗေဒ ပညာရှင်တွေကတော့ အဲဒီဇယားကိုအသုံးပြုကာ သာမန် တြီဂိုနော်မေတြီ ပြဿနာတွေအားလုံးကို ဖြေရှင်းနိုင်ခဲ့ကြပါတယ်။ အဲဒီဇယားမှာ စက်ဝိုင်းတစ်ခုအတွင်း ထောင့်တွေကို ဖြစ်ပေါ်လာစေတဲ့ စက်ဝိုင်းဖြတ်မျဉ်း (chord) တွေရဲ့ အလျားတွေကိုလည်း ဖော်ပြထားပါတယ်။

    al tusi
    သင်္ချာပညာရပ်တွင် အဖိုးမဖြတ်နိုင်သည့် The Transversal Figure ကျမ်းကို ရေးသားခဲ့သော အလ်-တူဆီ

    ၁၃ ရာစု မွတ်စလင် နက္ခတဗေဒပညာရှင်ကြီး အလ်-တူဆီရေးသားတဲ့ The Transversal Figure ဆိုတဲ့ ကျမ်းမှာ ထောင့်မှန်တြိဂံတွေနဲ့ဆက်စပ်တဲ့ ပြဿနာတွေကို ဖြေရှင်းရာမှာ စက်ဝိုင်းဖြတ်မျဉ်း (chord) အလျားဇယားက ဘယ်လို အသုံးဝင်လဲဆိုတာကို ရှင်းပြခဲ့ပါတယ်။ ပြီးတော့ အလ်-တူဆီဟာ တြိဂံတွေနဲ့ စက်ဝိုင်းတွေရဲ့ စက်ဝန်းပြတ် (arc) တွေအကြား ဆက်သွယ်ပေးနိုင်ခဲ့တဲ့ အရေးပါတဲ့ တွေ့ရှိချက်ကိုလည်း ဖော်ထုတ်နိုင်ခဲ့သူ ဖြစ်ပါတယ်။ စက်ဝိုင်းတစ်ခုမှာ တြိဂံတစ်ခုကို ရေးဆွဲတဲ့အခါမှာ တြိဂံရဲ့အနားတွေဟာ စက်ဝန်းပျက်တွေကို ဖြစ်ပေါ်စေပြီး အဲဒီစက်ဝန်းပြတ်တွေဟာလည်း တြိဂံက ထောင့်တစ်ခုချင်းစီရဲ့ မျက်နှာချင်းဆိုင်မှာ ရှိတယ်ဆိုတာပါပဲ။

    ဒါပေမယ့် ဒီဇယားကို အသုံးပြုရာမှာ အစဉ်မပြေတာ ၂ ခု ရှိခဲ့ပါတယ်။ ပထမတစ်ခုကတော့ ထောင့်မှန်တြိဂံတစ်ခုရဲ့ မသိသေးတဲ့ အနားရဲ့အလျားတွေ ဒါမှမဟုတ် ထောင့်တွေကို ဖြေရှင်းရာမှာ ပေါ်ထွက်လာနိုင်တဲ့ ခြားနားမှုတွေကိုအားလုံးကို ဖြေရှင်းဖို့အတွက် ဒီ ဇယားကြီးကို ကျွမ်းကျင်ပိုင်နိုင်နေဖို့ လိုအပ်တာဖြစ်ပါတယ်။ နောက်ပိုင်းမှာ မွတ်စလင်သင်္ချာပညာရှင်ကြီးတွေက စည်းစနစ်တကျဖြစ်အောင် ပြုလုပ်ပေးခဲ့တဲ့ sine၊ cosine၊ tangent၊ secant၊ cosecant၊ cotangent တွေလို တြီဂိုနော်မေတြီ လုပ်ဆောင်ချက်တွေနဲ့ ဒီပြဿနာကို ပြေလည်စေခဲ့ပါတယ်။ စက်ဝိုင်းဖြတ်မျဉ်းဇယားရဲ့ ဒုတိယ အဆင်မပြေမှုကတော့ စက်ဝန်းပြတ်တစ်ခုရဲ့အလျားကို တွက်ချက်ဖို့အတွက် တစ်ခါတစ်ရံမှာ ထောင့်တွေကို နှစ်ဆလုပ်ဖို့ လိုအပ်တာပါပဲ။

    albattani
    မွတ်စလင် နက္ခတဗေဒနှင့် သင်္ချာပညာရှင်ကြီး အလ်-ဘတ္တာနီ

    တကယ်တော့ မွတ်စလင်ပညာရှင်တွေဟာ ၁၀ ရာစုမတိုင်ခင်လောက်ကတည်းက တြီဂိုနော်မေတြီရဲ့ အခြေခံအုတ်မြစ်တွေကို ချပေးခဲ့ကြပြီး၊ အလ်-တူဆီကတော့ အဲဒီအခြေခံကို အသုံးချကာ နည်းလမ်းအသစ်တွေကို စုဆောင်းရှာဖွေ ဖော်ထုတ်ပြီး တြိဂိုနော်မေတြီပညာရပ်ကို ပိုပြီး ပြည့်စုံစေခဲ့ပါတယ်။ ဒီပညာရပ်မှာ အထင်ရှားဆုံး မွတ်စလင်ပညာရှင်တွေထဲက တစ်ဦးကတော့ တူရကီနိုင်ငံ ဟာရန် (Harran) မြို့က အလ်-ဘတ္တာနီ (Al-Battani) ဖြစ်ပါတယ်။ သူဟာ အကြီးကျယ်ဆုံး မွတ်စလင် နက္ခတဗေဒပညာရှင်၊ သင်္ချာပညာရှင်တွေထဲက တစ်ဦးအဖြစ် မှတ်ယူခံရသူဖြစ်ပြီး ၉၂၉ ခုနှစ်မှာ အီရတ်နိုင်ငံ ဆာမာရာ (Samarra) မြို့မှာ ကွယ်လွန်ခဲ့ပါတယ်။ တြီဂိုနော်မေတြီပညာရပ်မှာ ဖောက်ထွက်လေ့လာဖို့ အလ်-ဘတ္တာနီကို တွန်းအားဖြစ်စေခဲ့တာကတော့ ဂြိုဟ်ကမ္ဘာတွေရဲ့ လှုပ်ရှားသွားလာမှုနဲ့ပတ်သက်ပြီး သူ့ရဲ့တွေ့ရှိချက်ပဲဖြစ်ပါတယ်။

    ပိုပြီးအရေးပါတာက အလ်-ဘတ္တာနီဟာ သူ့ရဲ့ သင်္ချာနည်းကျ တွက်ချက်အဖြေထုတ်မှုတွေကို ရှင်းလင်းခဲ့ပြီး အဲဒီတွေ့ရှိမှုတွေကို ပြည့်စုံစေဖို့နဲ့ ပိုမိုချဲ့ထွင်ဖို့အတွက် ရှာဖွေစမ်းစမ်းသပ်မှုတွေ ဆက်လက်လုပ်ဆောင်သွားဖို့အတွက်လည်း နှောင်းလူတွေကို တိုက်တွန်းခဲ့ပါတယ်။ အလ်-ဘတ္တာနီ၊ အဘူ အလ်-၀ါဖာ၊ အစ်ဗနေ့ယူစွဖ်နဲ့ အစ်ဗနေ့ အလ်-ဟေသမ်တို့လို မွတ်စလင်ပညာရှင်တွေဟာ စက်လုံးဆိုင်ရာ တြီဂိုနော်မေတြီပညာရပ်ကိုလည်း ဖော်ထုတ်ခဲ့ကြပြီး၊ နက္ခတဗေဒ ပြဿနာတွေကို အဖြေရှာရေးမှာ လက်တွေ့အသုံးချခဲ့ကြပါတယ်။

    sine နဲ့ cosine ဆိုတဲ့ ဖော်ပြချက်တွေကို ပထမဆုံးအသုံးပြုပြီး ကျွန်တော်တို့ ဒီနေ့သိကြတဲ့ အချိုးတွေထက် သူတို့ရဲ့ အကွာအဝေးတွေကို အဓိပ္ပါယ်သတ်မှတ်ပေးခဲ့သူဟာလည်း အလ်-ဘတ္တာနီပဲ ဖြစ်ပါတယ်။ tangent ကို အလ်-ဘတ္တာနီက “ထပ်တိုးအရိပ်” (extended shadow) လို့ ရည်ညွှန်းခေါ်ဝေါ်ခဲ့ပါတယ်။  tangent နဲ့ cotangent တို့ရဲ့ တြီဂိုနော်မေတြီဆိုင်ရာ လုပ်ဆောင်ချက်တွေကို အဓိပ္ပါယ်ဖွင့်ဆိုခဲ့သူကတော့ အလ်-ဘီရူနီ (Al-Biruni) ဖြစ်ပြီး အိန္ဒိယတွေရဲ့ မပြည်စုံသေးတဲ့ ဒီပုံစံတွေကို အမွေဆက်ခံကာ ဖွံ့ဖြိုးအောင် လုပ်ပေးခဲ့တာ ဖြစ်ပါတယ်။

    သက္ကရာဇ် ၉၇၃ ခုနှစ်မှာ မွေးဖွားခဲ့တဲ့ အလ်-ဘီရူနီဟာ ခေတ်ပေါ် တြီဂိုနော်မေတြီရဲ့ အုတ်မြစ်ကို ချပေးခဲ့သူတွေထဲက တစ်ဦးလည်းဖြစ်ပါတယ်။ sine၊ cosine နဲ့ တြီဂိုနော်မေတြီဆိုင်ရာ ဇယားတွေကို ရှာဖွေဖော်ထုတ်ခဲ့တာကတော့ သက္ကရာဇ် ၇၈၀ မှာမွေးဖွားခဲ့တဲ့ အလ်-ခွာရစ်ဇ်မီ (Al-Khwarizmi) ဖြစ်ပါတယ်။ သူ့ရဲ့ရှာဖွေတွေ့ရှိချက်တွေကို ဘာသာပြန်ဆိုကာ နောက်ပိုင်းမှာ အနောက်နိုင်ငံတွေဆီ ရောက်ရှိသွားခဲ့ပါတယ်။

    မွတ်စလင်ပညာရှင်တွေရဲ့ ဒီလိုဖော်ထုတ်မှုအပြီး နောက်ထပ် နှစ်ပေါင်း ၅၀၀ လောက်ကြာမှ သင်္ချာပညာရှင်တွေက tangent ရဲ့ တြီဂိုနော်မေတြီဆိုင်ရာ ဆက်သွယ်မှုကို တွေ့ရှိခဲ့တာဖြစ်ပြီး နောက်ထပ် နှစ်ပေါင်း ၁၀၀၀ ကြာတဲ့အခါ နီကိုလက်စ် ကော့ပါးနီးကက်စ် (Nicolaus Copernicus) က ဒါကို သတိပြုမိခဲ့တာ ဖြစ်ပါတယ်။

    arabic
    တြီဂိုနော်မေတြီဆိုင်ရာ အာရဘီ လက်ရေးမူများထဲမှ တစ်ခု

    (ကိုးကား- National Geographic ၏ 1001 Inventions – The Enduring Legacy of Muslim Civilization)

    (ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

  • လူသားချင်း စာနာထောက်ထားမှုဆိုင်ရာ အခြေအနေ ဆိုးရွားလာတဲ့ အီရတ်

    လူသားချင်း စာနာထောက်ထားမှုဆိုင်ရာ အခြေအနေ ဆိုးရွားလာတဲ့ အီရတ်

    မေ ၁၂၊ ၂၀၁၆
    M-Media

    iraq

    – နိုင်ငံအနောက်ပိုင်း မြို့များဖြစ်သည့် ဖာလူဂျာနှင့် ရာမာဒီတို့ရှိ လူသားချင်းစာနာထောက်ထားမှုဆိုင်ရာ အခြေအနေများမှာ အလွန်အမင်း စိုးရိမ်နေရသည်ဟု အီရတ်ပြည်သူများနှင့် အာဏာပိုင်များက ပြောကြားခဲ့သည်။

    “အခြေအနေက နေ့တိုင်း ဆိုးရွားနေပါတယ်။ အစားအသောက်ပြတ်လပ်မှုကလည်း ပိုဆိုးလာပါတယ်။ IS တိုက်ခိုက်ရေးသမားတွေက မြို့ထဲ (ဖာလူဂျာ) ကိုဝင်လာမယ့် အကူအညီအားလုံးကို ပိတ်ထားပါတယ်” ဟု အန်ဘာရ်ပြည်နယ် လုံခြုံရေးကော်မတီမှ အဖွဲ့ဝင်တစ်ဦးဖြစ်သူ ရာဂျာဟ် ဘရကသ်က ပြောကြားခဲ့သည်။

    ဖာလူဂျာမြို့မှာ ၂၀၁၄ ခုနှစ် ဇန်န၀ါရီလက IS လက်သို့ ပထမဆုံး ကျရောက်ခဲ့သည့် မြို့ဖြစ်ပြီး ထိုအချိန်မှာစ၍ ၂ နှစ်တာ ကြာမြင့်သည့် အခုအချိန်အထိ ၀န်းရံပိတ်ဆို့မှုကို ခံစားနေရသည်။

    အီရတ်စစ်တပ်က မြို့အား လုံးဝနီးနီး ပိတ်ဆို့ထားပြီး IS အဖွဲ့ကတော့ မြို့တွင်းမှလူများကို လုံးဝ ထွက်ခွင့်မပေး။ ၀င်ထွက်သွားလာနိုင်သည့် လမ်းကြောင်းအနည်းငယ်သာရှိပြီး စားနပ်ရိက္ခာပြတ်လပ်မှု၊ ဆေးဝါးနှင့် လောင်စာဆီ ပြတ်လပ်မှုတို့ကို ပြည်သူများက ဆိုးဆိုးရွားရွား ခံစားနေရသည်။

    ဖာလူဂျာတွင် နေထိုင်သူ ၅၀၀၀၀ နီးပါးမှာ အငတ်ဘေးနှင့် ရင်ဆိုင်ရနိုင်သည့်အန္တရာယ် ရှိနေလေသည်။

    အီရတ်နိုင်ငံတွင် ကြုံတွေ့နေရသည့် လူသားချင်း စာနာထောက်ထားမှုဆိုင်ရာ ပြဿနာမှာ ကမ္ဘာပေါ်တွင် “အဆိုးရွားဆုံးထဲမှ တစ်ခု” ဟု ကုလသမဂ္ဂမှ မကြာသေးမီက ကြေငြာခဲ့သည်။ နိုင်ငံလူဦးရေ၏ ၃ ပုံ ၁ ပုံဖြစ်သော လူ ၁၀ သန်းမှာ လူသားချင်း စာနာထောက်ထားမှုဆိုင်ရာ အကူအညီကို ချက်ချင်းလိုအပ်နေပြီး ပြီးခဲ့သည့်နှစ်တွင် ထိုအရေအတွက်က ၂ ဆ ဖြစ်လာခဲ့သည်။

    ကုလသမဂ္ဂဆိုင်ရာ အီရတ်သံအမတ် ဂျန် ကူဘစ်က ကုလ လုံခြုံရေးကောင်စီသို့ တင်သွင်းသည့် အစီရင်ခံစာ၌ လာမည့်လများအတွင်း အီရတ်ပြည်သူ နောက်ထပ် ၂ သန်းမှာ အစုလိုက်အပြုံလိုက် အိုးအိမ်စွန့်ခွာ ထွက်ပြေးရမည့် အလားအလာရှိနေသည်ဟု သတိပေးထားသည်။ စိုးရိမ်စရာ အခြေအနေသို့ ရောက်ရှိနေသည့် ဖာလူဂျာရှိ ပြည်သူများအား အကူအညီများပေးပို့ရန်လည်း နိုင်ငံတကာ အသိုင်းအ၀ိုင်းကို ၎င်းက တောင်းဆိုခဲ့သည်။

    “အထူးသဖြင့် IS ရဲ့ ထိန်းချုပ်မှုအောက်မှာရှိပြီး ၀န်းရံ ပိတ်ဆို့ခံထားရတဲ့ ဖာလူဂျာမှာ လူသားချင်းစာနာထောက်ထားမှုဆိုင်ရာ အခြေအနေတွေအတွက် ကုလက အလွန်အမင်း စိုးရိမ်သောက ဖြစ်မိပါတယ်။ အစားအသောက်ဈေးတွေက ခေါင်ခိုက်နေပြီး ဆိုင်တွေ၊ အိမ်တွေမှာ ပစ္စည်းတွေကလည်း ပြတ်နေတယ်လို့ ကမ္ဘာ့စားနပ်ရိက္ခာအစီအစဉ် WFP က ဝေးလံခေါင်ဖျားဒေသ စားနပ်ရိက္ခာဖူလှုံရေး စောင့်ကြည့်အဖွဲ့ရဲ့ ပြောကြားမှုအရ သိရပါတယ်” ဟု ကူဘစ်က ပြောကြားခဲ့သည်။

    IS ကို ဆန့်ကျင်တိုက်ခိုက်သည့် စစ်ပွဲကြောင့် လူပေါင်း ၂.၄ သန်းကျော် ပြည်တွင်း၌ အိုးအိမ်စွန့်ခွာ ထွက်ပြေးခဲ့ရပြီး အများစုမှာ ဆေးဘက်ဆိုင်ရာ စောင့်ရှောက်မှု၊ ရေ၊ အ၀တ်အစားတို့ မရရှိသည့် ဒုက္ခသည်စခန်းများတွင် နေထိုင်နေရသည်ဟု ကုလသမဂ္ဂ တာဝန်ရှိသူတစ်ဦးက ပြောကြားခဲ့သည်။

    ပြီးခဲ့သည့် ဖော်ဝါရီက ရာမာဒီမြို့အား အီရတ်စစ်တပ်နှင့် အမေရိကန်ဦးဆောင်သည့် မဟာမိတ်အဖွဲ့တို့က အပြည့်အ၀ ပြန်လည်ထိန်းချုပ်နိုင်ခဲ့သည်။ သို့သော် ထိုမြို့တွင်လည်း အကူအညီများစွာ လိုအပ်လျက်ရှိနေသည်။ မြို့တွင်းရှိ နေအိမ်အများစုမှာ ဖျက်ဆီးခံခဲ့ရသည်ဟု မြို့ခံများက ပြောကြားခဲ့သည်။

    သို့သော်လည်း ရာမာဒီရှိ အခြေအနေက ဖာလူဂျာထက်ပို၍ စီမံခန့်ခွဲနိုင်သည့် အခြေအနမျိုးဖြစ်သည်ဟု ဒေသခံပြည်သူများက ဆိုသည်။ လျှပ်စစ်ဓာတ်အားပြတ်တောက်မှု၊ ဆေးဘက်ဆိုင်ရာ အဆောက်အုံးများ မရှိမှုနှင့် မပေါက်ကွဲသေးသည့် မြေမြှုပ်မိုင်းအန္တရာယ်များအတွက် စိုးရိမ်ပူပန်ရမှုများတော့ ရှိနေသေးသည်။

    “ကျွန်တော်တို့ သန့်ရှင်းတဲ့ သောက်သုံးရေ မရပါဘူး။ တစ်ကယ်တော့ ရေကို လုံးဝ မရတာပါ။ စစ်တပ်က မြို့ကို ပြန်သိမ်း ပြီးပြီးချင်းပဲ ကျွန်တော်တို့ ကိုယ့်အိမ်ကိုယ် ပြန်သွားကြပါတယ်။ ရာမာဒီကို ပြန်ဖို့ ကျွန်တော်တို့ အများကြီး မစောင့်နိုင်ပါဘူး။ ဘာ့ကြောင့်လဲဆိုတော့ အိုးအိမ်စွန့်ခွာပြီး၊ ဒုက္ခသည်စခန်းတွေမှာ နေရတဲ့ဘ၀ကို မလိုချင်တော့လို့ပါ” ဟု ရာမာဒီမြို့ခံတစ်ဦးဖြစ်သော ဖာလာဟ် ခါလီဖာက ပြောကြားခဲ့သည်။

    အခြားမြို့ခံတစ်ဦးဖြစ်သူ မိုဟာမက် ဖာရာဂျက်တော့ အခြေအနေဆိုးရွားမှုအတွက် အီရတ်အစိုးရကို အပြစ်တင်ခဲ့ပြီး အစိုးရမှာ ပြည်သူများပြန်လာကာ အခြေကျရန်အတွက် လုံလုံလောက်လောက် ကူညီခြင်းမရှိဟု ပြောကြားခဲ့သည်။

    IS အဖွဲ့အား ရာမာဒီမြို့မှ မောင်းထုတ်သည့်အချိန်တွင် မြေမြှုပ်မိုင်းများ၊ မပေါက်ကွဲသေးသော လက်နက်ခဲယမ်းများစွာ ကျန်ရစ်ခဲ့ပြီး ထိုအတွက် ပြည်သူများက အလွန်အမင်း စိုးရိမ်သောက ရောက်နေကြသည်။

    “မြို့ထဲက မပေါက်ကွဲသေးတဲ့ လက်နက်ခဲယမ်းတွေကြောင့် အခုအချိန်အထိ စစ်သားနဲ့ ပြည်သူ့စစ် ၁၅၀ လောက် အသက်ဆုံးရှုံးခဲ့ရပါတယ်” ဟု ရာမာဒီမြို့တော်ဝန် အီဘရာဟ်မ် အလ်-အောင်ဆဂ်ျက ပြောကြားခဲ့သည်။

    မကြာသေးမီက ထွက်ပေါ်လာသည့် အစီရင်ခံစာအရ ရာမာဒီမြို့တွင်း ပျက်ဆီးမှုမှာ တုန်လှုပ်ဖွယ်ရာဖြစ်ပြီး IS က ထိန်းချုပ်ထားသည့် ၂၀၁၄ ခုနှစ် ဇန်န၀ါရီလမှ ၂၀၁၅ ခုနှစ် မေလအတွင်း အဆောက်အဦး ၃၀၀၀ ကျော်နှင့် လမ်းပေါင်း ၄၀၀ ကျော် ပျက်ဆီးခဲ့လေသည်။

    IS က ထိန်းချုပ်ထားသည့် ဒေသများအတွင် အစုလိုက်အပြုံလိုက် သတ်ဖြတ်မြှုပ်နှံထားသည့် နေရာပေါင်း ၅၀ ကျော် တွေ့ရှိခဲ့သည်ဟု ကုလ၏ ထုတ်ပြန်ချက်အရ သိရသည်။ ရာမာဒီတစ်ခုတည်းတွင်ပင် လူပေါင်း ၄၀ အထိ မြှုပ်နှံထားသောနေရာ ၃ ခုကို ဘောလုံးကွင်းတစ်ခုအတွင်း တွေ့ရှိခဲ့ရသည်။

    ကုလ၏ ထုတ်ပြန်ချက်တွင် IS က နိုင်ငံရှိ ပိုင်နက်အများအပြားကို စတင်သိမ်းယူနိုင်ခဲ့သည့် ၂၀၁၄ ခုနှစ် ဇန်န၀ါရီလကတည်းက အီရတ်ပြည်သူ ၂.၆ သန်းမှာ နိုင်ငံအား စွန့်ခွာထွက်ပြေးခဲ့ရသည်ဟု ဖော်ပြထားသည်။

    ၂၀၀၃ ခုနှစ်တွင် အမေရိကန်က ကျူးကျော်တိုက်ခိုက်မှုနောက်ပိုင်း ၂၀၀၆ ခုနှစ်မှ ၂၀၀၈ ခုနှစ်အတွင်း ဂိုဏ်းဂန တိုက်ပွဲများကြောင့် အိုးအိမ်စွန့်ခွာ ထွက်ပြေးရသော အီရတ်ပြည်သူအရေအတွက်မှာ ၁ သန်းကျော် ရှိနေသည်။

    အမေရိကန်ဦးဆောင်သည့် မဟာမိတ်များ၏ လေကြောင်းတိုက်ခိုက်မှု၊ အကြံပေးများဖြင့် ကျားကန်ထားသော အီရတ်အစိုးရ တပ်ဖွဲ့များမှာ IS လက်ထဲမှ နယ်မြေအချို့ကို ပြန်လည်သိမ်းယူနိုင်ခဲ့သည်။ သို့သော်လည်း နိုင်ငံမြောက်ပိုင်းနှင့် အနောက်ပိုင်းရှိ နယ်မြေများကိုမူ IS အဖွဲ့က ထိန်းချုပ်ထားနိုင်ဆဲ ဖြစ်သည်။

    (Al Jazeera မှ Iraq humanitarian crisis ‘one of the world’s worst’ ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်။)

  • ကမ္ဘာတစ်ဝှမ်း လာဘ်ပေးလာဘ်ယူမှုပမာဏမှာ နှစ်စဉ် ကန်ဒေါ်လာ ၂ ထရီလီယံနီးပါးရှိနေ

    ကမ္ဘာတစ်ဝှမ်း လာဘ်ပေးလာဘ်ယူမှုပမာဏမှာ နှစ်စဉ် ကန်ဒေါ်လာ ၂ ထရီလီယံနီးပါးရှိနေ

    မေ ၁၂၊ ၂၀၁၆
    M-Media

    – ကမ္ဘာတစ်ဝှမ်းတွင် လာဘ်ငွေအဖြစ် နှစ်စဉ် အပေးအယူပြုလုပ်နေသည့် တန်ဖိုးမှာ ကန်ဒေါ်လာ ၁.၅ ထရီလီယံမှ ၂ ထရီလီယံအထိ ရှိနေသည်ဟု နိုင်ငံတကာငွေကြေးရန်ပုံငွေအဖွဲ့ IMF ၏ ဥက္ကဌ ခရစ္စတိုင်း လာဂါဒီက ယမန်နေ့တွင် ပြောကြားလိုက်သည်။

    အဆိုပါပမာဏမှာ ကမ္ဘာ့စီးပွားရေးတွင် သုံးစွဲနေသည့် ငွေကြေးပမာဏ၏ ၂ ရာခိုင်နှုန်း ရှိနေပြီး လာဂါဒီကမူ မကြာသေးမီက ပြုလုပ်ခဲ့သော IMF ၏ သုတေသနကို ကိုးကား၍ ပြောကြားခဲ့ခြင်းဖြစ်သည်။ အဆိုပါ လာဘ်ပေးမှုပမာဏမှာ ဖွံ့ဖြိုးဆဲနှင့် ဖွံ့ဖြိုးပြီးနိုင်ငံများတွင် နှစ်စဉ်အပေးအယူပြုလုပ်နေသည့် စုစုပေါင်းကို ခန်မှန်းတွက်ချက်ထားခြင်း ဖြစ်သည်။

    လာဂါဒီကမူ ထိုကဲ့သို့ လာဘ်ပေးလာဘ်ယူ ပြုလုပ်ခြင်းမှာ အစိုးရအပေါ် ယုံကြည်မှု ပျက်ပြားစေပြီး ပြည်သူတစ်ဦးချင်းစီ၏ အကျင့်စာရိတ္တကို ပျက်ဆီးစေသည်ဟု ထည့်သွင်းပြောကြားခဲ့သည်။

    အကျင့်ပျက်ခြစားမှုကြောင့် စီးပွားရေးကို တိုက်ရိုက်ထိခိုက်မှုမှာ ထင်သာမြင်သာရှိသော်လည်း သွယ်ဝိုက်ထိခိုက်မှုမှာ ပိုမိုကြီးမားဆိုးရွားကာ တိုးတက်မှု နှေးကွေးခြင်းနှင့် ၀င်ငွေမညီမျှမှု ကြီးမားခြင်းတို့ ဖြစ်စေနိုင်သည်ဟုလည်း သူမက သတိပေးခဲ့သည်။

    Ref: IINA