ဧပြီ ၁၊ ၂၀၁၆
M-Media
– ကမ္ဘာကြီးပူနွေးလာမှုကို သတိပြုမိစေဖို့၊ ရုပ်ကြွင်းလောင်စာတွေ မှီခိုမှုကို လျော့ချကာ ပြန်ပြည့်ဖြိုးမြဲ စွမ်းအင်အပေါ် အဓိကထား သုံးစွဲရေး အသိပညာပေးဖို့အတွက် ၂၀၁၇ အစိမ်းရောင်စွင်းအင်ပြပွဲ (Expo 2017) ကို ကာဇက်စတန်နိုင်ငံမှာ ကျင်းပပြုလုပ်သွားမယ်လို့ သိရပါတယ်။
ပြပွဲကျင်းပရေး ကော်မရှင်အဖွဲ့ဝင် ရာပီလ် ဇိုရှီဘာယက်ဗ်က ကာဇက်စတန်မှာ အရံရုပ်ကြွင်းလောင်စာ အများအပြား ရှိနေတာကြောင့် ဒီလိုပြပွဲပြုလုပ်တာဟာ ထူးဆန်းနေပေမယ့် စွမ်းအင်ပြဿနာအတွက် ရေရှည်တည်တံ့နိုင်မယ့် ကမ္ဘာလုံးဆိုင်ရာ အဖြေကို ရှာဖွေဖို့အတွက် စိတ်နှစ်မြှုပ်ထားတယ်လို့ ပြောကြားခဲ့ပါတယ်။
အဲဒီ Expo 2017 ပြပွဲရဲ့ ခေါင်းစဉ်ကိုတော့ “အနာဂတ်စွမ်းအင်” လို့ အမည်ပေးထားပြီး ၂၀၁၇ ခုနှစ် ဇွန်လကနေ စက်တင်ဘာလအထိ မြို့တော် အက်စ်တာနာမှာ ကျင်းပသွားမှာ ဖြစ်ပါတယ်။
ကာဇက်စတန်မှာ အလွန်ကြီးမားတဲ့ ရေနံနဲ့ သဘာဝဓာတ်ငွေ့သိုလှောင်ထားမှုတွေ ရှိနေပေမယ့်လည်း ၂၀၅၀ ခုနှစ်မှာ တိုင်းပြည်ရဲ့စွမ်းအင်လိုအပ်ချက် ၅၀ ရာခိုင်နှုန်းကို ပြန်ပြည့်ဖြိုးမြဲ စွမ်းအင်ရင်းမြစ်တွေကနေ ထုတ်သုံးနိုင်ရမယ်လို့ ပန်းတိုင်ချမှတ်ထားတဲ့အကြောင်း ဇိုရှီဘာယက်ဗ်က ထည့်သွင်းပြောကြားခဲ့ပါတယ်။
၎င်းက စွမ်းအင်လုံခြုံရေးဆိုတာ တိုင်းပြည်အတော်များများက စိုးရိမ်ပူပန်မှုပိုလာတဲ့ ကိစ္စတစ်ခုဖြစ်ပြီး အစိုးရတွေအနေနဲ့လည်း နောင်လာမယ့် ဆယ်စုနှစ်တွေမှာ နိုင်ငံသားတွေ၊ စီးပွားရေးလုပ်ငန်းတွေအတွက် စွမ်းအင်လိုအပ်ချက်တွေကို ဘယ်လိုရင်ဆိုင်မလဲဆိုပြီး ပူပန်နေရတယ်လို့ ဆိုပါတယ်။
“ကမ္ဘာကြီးမှာလည်းပဲ ရာသီဥတုဖောက်ပြန်ပြောင်းလဲမှုတွေကို နှစ်တိုင်းနှစ်တိုင်းမှာ ရှင်းရှင်းလင်းလင်းတွေ့မြင်နေရပါတယ်။ ဒါ့ကြောင့် အနာဂတ်မှာ ကျွန်တော်တို့မျိုးဆက်တွေကို ဘယ်လိုထားခဲ့ရမလဲဆိုပြီး ပူပန်ကြောင့်ကြမှုတွေလည်း တိုးလာနေပါတယ်”
အဲဒီ Expo 2017 ပြပွဲဟာဆိုရင် ကာဇက်စတန်ရဲ့ ပထမဆုံးနဲ့ အကြီးဆုံး နိုင်ငံတကာအဆင့် အခမ်းအနားတစ်ရပ်ဖြစ်လာမှာ ဖြစ်ပြီး ဗဟိုအာရှမှာ ပထမဆုံးအကြိမ် ကျင်းပတာလည်း ဖြစ်ပါတယ်။ အဲဒီပြပွဲဟာ နိုင်ငံတကာရဲ့ စိတ်ဝင်စားမှုကို အမြင့်ဆုံးရရှိပြီး မလေးရှားအပါအ၀င် နိုင်ငံပေါင်း ၇၀ ကျော်က တက်ရောက်ပါဝင်ဖို့ စာရင်းပေးထားပြီး ဖြစ်ပါတယ်။
ဇိုရှီဘာဗာယက်ဗ်ဟာ မလေးရှားကို နောက်တပတ်ထဲမှာ သွားရောက်လည်ပတ်ဖို့ ရှိနေပြီး မလေးရှား စွမ်းအင်ဝန်ကြီးဌာနရဲ့ အစိမ်းရောင်နည်းပညာနဲ့ ရေအရင်းအမြစ်ဆိုင်ရာ အထွေထွေ ၀န်ကြီး လူတွတ်ဂီးနဲ့ တွေ့ဆုံမှာဖြစ်ပါတယ်။ ၂၀၁၇ ပြပွဲမှာ မလေးရှားနိုင်ငံက ပါဝင်မယ့်အခန်းကဏ္ဍနဲ့ပက်သက်လို့ အသေးစိတ်ကို ဧပြီလ ၄ ရက်နေ့မှာ တွေ့ဆုံဆွေးနွေးမှာ ဖြစ်ပါတယ်။
Ref: IINA
