မတ် ၇၊ ၂၀၁၆
M-Media
– အီရန်နိုင်ငံခြားရေးဝန်ကြီး မိုဟာမက် ဂျာဗဒ် ဇာရစ်ဖ်ဟာ အိုအိုင်စီနိုင်ငံများရဲ့ ထိပ်သီးအစည်းအဝေးမှာ ပါလက်စတိုင်းတွေအပေါ် အစ္စရေးက ကျူးလွန်ခဲ့တဲ့ ရာဇ၀တ်မှုများနဲ့ ပတ်သက်လို့ မိန့်ခွန်းပြောကြားသွားမယ်လို့ သိရပါတယ်။
“ဇီယွန်ဝါဒီတွေရဲ့ ပါလက်စတိုင်းတွေအပေါ် ကျူးလွန်နေတဲ့ လုပ်ရပ်တွေ၊ မွတ်စလင်ကမ္ဘာအပေါ် ရှိနေတဲ့ ခြိမ်းခြောက်မှုတွေနဲ့ ပတ်သက်ပြီး (အိုအိုင်စီရဲ့) ထူးခြားတဲ့ဒီအစည်းအဝေးမှာ အီရန်အစ္စလာမ့်သမ္မတနိုင်ငံဟာ သူ့ရဲ့ သဘောထားကို ကြေငြာသွားမှာ ဖြစ်ပါတယ်” လို့ ဂျကာတာကိုရောက်ရှိနေတဲ့ ဇာရစ်ဖ်က ယမန်နေ့မှာ ပြောကြားခဲ့ပါတယ်။
အဲဒီ အိုအိုင်စီ ထိပ်သီးအစည်းအဝေးကို ဂျကာတာမှ ပြုလုပ်မှာဖြစ်ပြီး လုပ်သင့်တဲ့အချိန်တစ်ခုမှာ ဒီလို လက်ခံကျင်းပပေးတဲ့အတွက်လည်း ဇာရစ်ဖ်က အင်ဒိုနီးရှားအစိုးရကို ချီးကျူးခဲ့ပါတယ်။ နောက်ပြီး အင်ဒိုနီးရှားနဲ့ အီရန်နိုင်ငံတို့ရဲ့ နှစ်နိုင်ငံ ဆက်ဆံရေးတိုးမြှင့်ဖို့ နည်းလမ်းတွေကိုလည်း ရှာဖွေသွားမယ်လို့ ထည့်သွင်းပြောကြားခဲ့ပါတယ်။
ဇာရစ်ဖ်ဟာ အီရန်နိုင်ငံက စီးပွားရေးနဲ့ နိုင်ငံရေး ကိုယ်စားလှယ်အဖွဲ့ကို ဦးဆောင်ကာ သူရဲ့ အရှေ့တောင်အာရှနဲ့ ပစိဖိတ်နိုင်ငံ ၆ နိုင်ငံကို တရားဝင်ခရီးစဉ်အဖြစ် လာရောက်ခဲ့တာဖြစ်ပါတယ်။
“တရားမျှတမှုရှာဖွေရန် စည်းလုံးခြင်း” ဆိုတဲ့ ခေါင်းစဉ်အောက်မှာ ကျင်းပမယ့် ပါလက်စတိုင်းနဲ့ အလ်-ကွဒ်စ် အလ်-ရှရီးဖ်ဆိုင်ရာ ၅ ကြိမ်မြောက် အစ္စလာမ့်ထိပ်သီးညီလာခံကို မတ်လ ၆ ရက်နဲ့ ၇ ရက်မှာ ဂျကာတာမှာ ကျင်းပမယ်လို့ အိုအိုင်စီဝဘ်ဆိုက်မှာ ဖော်ပြထားပါတယ်။
၂၀၁၅ သြဂုတ်လက ဂျေရုဆလင်မှာရှိတဲ့ အလ်-အက်ဆွာ ဗလီဝတ်ကျောင်းတော်ကို ၀တ်ပြုဖို့ လာရောက်ကြတဲ့ ပါလ
က်စတိုင်းသားတွေကို အစ္စရေးက တားမြစ်ပိတ်ပင်လိုက်ရာကနေ တင်းမာတဲ့ အခြေအနေတွေ ဖြစ်ပေါ်ခဲ့ပြီး ပြီးခဲ့တဲ့ အောက်တိုဘာလောက်ကတည်းက အစ္စရေးတပ်ဖွဲ့တွေရဲ့ လက်ချက်ကြောင့် ကလေးတွေနဲ့ အမျိုးသမီးတွေ အပါအ၀င် ပါလက်စတိုင်းပြည်သူ ၁၉၀ ကျော် သေဆုံးခဲ့ရပါတယ်။
Ref: Presstv
