ဗီဒီယိုဂိမ်းကစားခြင်းက ကလေးငယ်များ၏ ဉာဏ်ရည်ကို တိုးတက်စေနိုင်

မတ် ၁၁၊ ၂၀၁၆
M-Media

– ဗီဒီယိုဂိမ်းကစားခြင်းဟာ ကလေးငယ်တွေရဲ့ ဉာဏ်ရည်ဉာဏ်သွေးအတွက် ကောင်းမွန်တယ်လို့ အမေရိကန်ပြည်ထောင်စု ကိုလံဘီယာတက္ကသိုလ်က ပြုလုပ်တဲ့ လေ့လာမှုမှာ တွေ့ရှိခဲ့ရပါတယ်။

ဒါဟာ ဗီဒီယိုဂိမ်းက ကလေးငယ်တွေအပေါ် ထိခိုက်စေနိုင်တယ်ဆိုတဲ့ လူအများစု ယုံကြည်ထားတာနဲ့တော့ ကွဲလွဲနေပါတယ်။ ဒါပေမယ့် သုတေသနပညာရှင်တွေက ဗီဒီယိုဂိမ်းကစားလေ့ရှိတဲ့ မူလတန်းကျောင်းနေအရွယ် ကလေးငယ်တွေဟာ ကျောင်းတွင်းယှဉ်ပြိုင်ရမှုနဲ့ ဉာဏ်ရည်ပိုင်းဆိုင်ရာတွေမှာ နှစ်ဆနီးပါးတိုးတက်မှုရှိတာကို တွေ့ရှိခဲ့ရတယ်လို့ ဆိုပါတယ်။

ယခင် လေ့လာမှုတွေမှာ ကလေးငယ်တွေအနေနဲ့ ဂိမ်းကစားရာကနေ အကြမ်းဖက်မှုစိတ်ဓာတ်၊ ရန်လိုမှုနဲ့ တခြားလူဝင်မဆံ့မှုတွေ သင်ယူတတ်မြောက်သွားနိုင်တယ်လို့ တွေ့ရှိထားတာကြောင့် အခု တွေ့ရှိချက်အသစ်အတွက် ငြင်းခုံရမှုတွေ ရှိလာနိုင်ပါတယ်။

လေ့လာမှုတစ်ချို့မှာတော့ ဗီဒီယိုဂိမ်းကို အသင့်အတင့် ကစားတာမျိုးဟာ ကလေးငယ်တွေရဲ့ ဝေဖန်ပိုင်းခြားနိုင်စွမ်းကို ကောင်းမွန်စေတယ်လို့လည်း တွေ့ရှိခဲ့ရပြီး ယခုနောက်ဆုံးတွေ့ရှိမှုနဲ့ ကိုက်ညီနေပါတယ်။

“ဗီဒီယိုဂိမ်းဆော့တာဟာ တခါတရံမှာ ကျောင်းနေအရွယ်ကလေးတွေအတွက် အားလပ်ချိန် အပမ်းဖြေမှုတစ်မျိုးလည်း ဖြစ်ပါတယ်။ စမ်းသပ်တဲ့ရလဒ်တွေအရ မကြာခဏ ဂိမ်းဆော့လေ့ရှိတဲ့ ကလေးငယ်တွေဟာ လူမှုဆက်ဆံရေး ကောင်းမွန်လေ့ရှိပြီး ကျောင်းအဖွဲ့လိုက်လုပ်ငန်းတွေမှာလည်း ထူးချွန်တာမျိုးကို တွေ့ရပါတယ်” လို့ ကိုလံဘီယာတက္ကသိုလ် ရောဂါထိန်းချုပ်ရေးဌာန တွဲဖက်ပါမောက္ခ ဒေါက်တာ ကက်သရင်း ကီယက်စ် က ပြောပါတယ်။

သူတို့ဟာ အသက် ၆ နှစ်က ၁၁ နှစ်အရွယ်ရှိတဲ့ ကလေးငယ်ပေါင်း ၃၁၉၅ ဦးကို လေ့လာခဲ့တာဖြစ်ပြီး၊ ကလေးတွေရဲ့ ကျောင်းတွင်းစွမ်းရည်၊ ဂိမ်းကစားမှု၊ မိဘ၊ ဆရာတွေနဲ့ သူတို့ကိုယ်တိုင်ရဲ့ အမူအကျင့်တွေကို စောင့်ကြည့် မှတ်သားတာမျိုးတွေ ပါဝင်ခဲ့ပါတယ်။

အဲဒီအထဲမှာ တစ်ပတ်ကို ၅ နာရီနဲ့အထက် ဗီဒီယိုဂိမ်းကစားတဲ့ ကလေး ၂၀ ရာခိုင်နှုန်းဟာ အသိဉာဏ်ပိုင်းဆိုင်ရာမှာ ၁.၇၅ ဆနဲ့ ကျောင်းတွင်းယှဉ်ပြိုင်နိုင်မှုမှာ ၁.၇၅ ဆက် မြင့်တက်လာတယ်ဆိုတာကို တွေ့ရှိခဲ့ရပါတယ်။

ဗီဒီယိုဂိမ်းကစားတဲ့ကလေးတွေဟာ စိတ်ပိုင်းဆိုင်ရာ ပြဿနာတွေ ဖြစ်တတ်တယ်လို့ ကလေးမိခင်တွေ၊ ဆရာတွေရဲ့ ပြောကြားမှုတွေတော့ လေ့လာမှုမှာ တွေ့ရှိရခြင်း မရှိပါဘူး။ ဒါပေမယ့် ဂိမ်းများများ ကစားသူတွေဟာ၊ ဂိမ်းနည်းနည်း ကစားသူတွေထက် ပေါင်းသင်းဆက်ဆက်ဆံရေးမှာ အားနည်းတာကိုတော့ တွေ့ရှိခဲ့ရပါတယ်။

သုတေသီတွေကတော့ ဗီဒီယိုဂိမ်းကစားခြင်းဟာ ကလေးငယ်တွေအပေါ်မှာ အပေါင်းလက္ခဏာဆောင်တဲ့ အကျိုးသက်ရောက်မှုတွေရှိတယ်လို့ ပြောကြားခဲ့ပေမယ့် သုတေသန ထပ်လုပ်ဖို့ လိုသေးတယ်ဆိုတာကိုတော့ ၀န်ခံပြောကြားခဲ့ပါတယ်။

Ref: IINA