Blog

လူမျိုး၊ဘာသာ မခွဲခြားဘဲ ကူညီပေးတဲ့ လမ်း(၁၂၀) သာရေး-နာရေး အသင်း တစ်နှစ်ပြည့်ပြီ

ဖေဖော်ဝါရီ ၁၉ ၊ ၂၀၁၆
M-Media
သတင်း/ဓါတ်ပုံ- သူရိန်

၂၀၁၅ ခုနှစ် ဖေဖော်ဝါရီလ ၁၈ ရက်နေ့က စတင်ဖွဲ့စည်းပြီး ရပ်ကွက်အတွင်းရှိ လူမျိုးဘာသာစုံကို ကူညီပေးနေသော ရန်ကုန်မြိှု့ မင်္ဂလာတောင်ညွှန့်မြို့နယ် ရေတွင်းကုန်းရပ်ကွက်က လမ်း၁၂၀လူငယ် သာရေးနာရေး အသင်း ဟာ ယခုဆိုလျှင် တစ်နှစ်ပြည့်မြောက်ခဲ့ပြီ ဖြစ်ပါတယ်။

” မိမိရပ်ကွက်မှာ နေထိုင်တဲ့ လူမျိုးဘာသာမရွေး အခက်အခဲများကု ကူညီဖြေရှင်းပေးနေပါတယ်။ လမ်း(၁၂၀) လူငယ်များကနေပြီးတော့ နာရေးကူညီမှု အသင်း တည်ထောင်ချင်တယ် ပြောပါတယ်။ ဒီလုပ်ငန်း အောင်မြင်အောင် ဘာတွေလုပ်ပေးရမလဲ ဘယ်နေရာကနေ ပံ့ပိုးရမလဲဆိုပြီးတော့ ပူးပေါင်းပြီးတော့ ဆောင်ရွက်ခဲ့ပါတယ်။ ကျွန်တော်တို့ ရေတွင်းကုန်း ရပ်ကွက်က အင်မတန် ချစ်စရာကောင်းတဲ့ ဓလေ့ အစဉ်အလာကို ဆောင်ရွက်နေဆဲ ဖြစ်ပါတယ်” ဟု ရေတွင်းကုန်း ရပ်ကွက် အုပ်ချုပ်ရေးမှူး ဦးရဲနောင်သိမ်း ကပြောပါတယ်။

လွန်ခဲ့သော တစ်နှစ်ကျော်ကာလအတွင်း ဗုဒ္ဓဘာသာ ၊ ဟိန္ဒူဘာသာ နှင့် အစ္စလာမ်ဘာသာဝင်များရဲ့ နာရေး ၁၀၀ ကျော်ကို လိုက်ပါကူညီဆောင်ရွက်ပေး ခဲ့ရတယ်လိှု့ သိရပါတယ်။ ဒါအပြင် ညောင်တုန်း အင်းမရွာမှ ရေဘေးတွက် အိမ်ထောင်စုခြောက်ရာကျော် အတွက် သိန်းသုံးရာကျော်ဘိုး သွားရောက် ကူညီလှူဒါန်းပေးနိုင်ခဲ့ကြောင်းလည်း သိရပါတယ်။

အဆိုပါ သာရေးနာရေး အသင်း ဥက္ကဌဖြစ်သူ ဟာဂျီ အလီ(ခ) ဦးသီဟစိုးက နာရေးကိစ္စလိုက်ပါ ကူညီဆောင်ရွက်ပေးခဲ့ရပုံနှင့် ပတ်သက်ပြီး ” မရှိနွမ်းပါးသူတွေကျတော့ ဆုံးသွားတဲ့အခါ သူတို့ရဲ့ အပူကတစ်ကြောင်း ငွေရေးကြေးရေးတွေက တစ်ကြောင်း အပူနှစ်ခုဖြစ်သွားတယ်။ မပြီးပြည့်စုံသူတွေကို ကျတော့ အခမဲ့ ကူညီပေးတဲ့ အပြင် ကားတွေ ဘာတွေငှားတာပါ မိမိအသင်းက ပိုက်ဆံစိုက်ထုတ်ပြီး ရှင်းပေးတယ်။ နာရေးရှင်ရဲ့ အိမ်မှာ လိုအပ်တာတွေသုံးဖို့ ပေးပါတယ်”ဟု ရှင်းပြပါတယ်။

ဒါ့အပြင် ရေတွင်းကုန်း ရပ်ကွက်အတွင်း နာရေးများ အပြင် အခြားမြို့နယ်များဖြစ်သည့် တာမွေ၊ ပန်းဘဲတန်း၊ သာကေတ၊ အလုံ စသည့် မြို့နယ်များတွင်လည်း အကူအညီလိုအပ်ပါက လိုက်လံကူညီပေးခဲ့ရကြောင်း သိရပါတယ်။

လမ်း ၁၂၀လူငယ် သာရေးနာရေး အသင်း တစ်နှစ်ပြည့် အခမ်းအနားကို ၂၀၁၆ ခုနှစ် ဖေဖော်ဝါရီလ ၁၉ရက်နေ့ နေ့လည်မှာ မင်္ဂလာတောင်ညွှန့်မြို့နယ် ရေတွင်းကုန်း ရပ်ကွက် အုပ်ချုပ်ရေးမှူးရုံးတွင် ကျင်းပခဲ့ခြင်း ဖြစ်ပါတယ်။

ရှေ့ဆက်၍လည်း အဆိုပါ အသင်းအနေဖြင့် တရားဝင် အသင်းအဖွဲ့ မှတ်ပုံတင်ဆောင်ရွက်သွားပြီးလူမျိုးဘာသာ မခွဲခြားဘဲ နာရေးကူညီမှုများ၊ ပရဟိတ လှူဒါန်းမှုများနှင့် အောက်ဆီဂျင်ဘူး ငှားရမ်းမှု အတွက်ပါ ဆောင်ရွက်ပေးသွားမည်ဟုလည်း သိရပါတယ်။

February 19, 2016
ထိုင်းတွင် မြန်မာနိုင်ငံသားများ တင်ဆောင်လာသည့် ဗန်ကား တိမ်းမှောက်၊ ၁ ဦးသေ၊ ၁၅ ဦးဒဏ်ရာရ

ဖေဖော်ဝါရီ ၁၉၊ ၂၀၁၆
M-Media

– ထိုင်းနိုင်ငံ ဖူးခက်မှ မဲဆောက်သို့ သွားရောက်သည့် ဗန်ကားတစ်စီးမှာ ဆူဖန်ဘူရီပြည်နယ် မူအန်ခရိုင်၌ ယနေ့တွင် တိမ်းမှောက်မှုဖြစ်ပွားခဲ့သောကြောင့် မြန်မာနိုင်ငံသားတစ်ဦး သေဆုံးခဲ့ပြီး အခြား ၁၄ ဦးမှာ ဒဏ်ရာရရှိခဲ့သည်ဟု သိရသည်။

အဆိုပါဗန်ကားမှာ မြန်မာရွှေ့ပြောင်းလုပ်သား ၁၅ ဦးနှင့် လသားအရွယ် ကလေးငယ်တစ်ဦးကို တင်ဆောင်လာခဲ့ခြင်းဖြစ်ပြီး ဒဏ်ရာရရှိသူများတွင် ထိုကလေးငယ်လည်း ပါဝင်ခဲ့သည်။ ကားမှာ လမ်းဘေးရှိ သစ်ပင်ကို ၀င်တိုက်မိခဲ့ခြင်းဖြစ်သည်။

သေဆုံးသွားသူမှာ အသက် ၄၂ နှစ်ရွယ်ရှိ အမျိုးသမီးတစ်ဦးဖြစ်ပြီး ဒဏ်ရာရရှိသူများတွင် ကလေးငယ်အပါအ၀င် ၈ ဦးမှာ ပြင်းထန်ကာ နီးစပ်ရာဆေးရုံသို အလျင်အမြန် ပို့ဆောင်ပေးခဲ့သည်ဟု ထိုင်းမီဒီယာများက ဖော်ပြခဲ့သည်။

ရဲတပ်ဖွဲ့ကမူ အဆိုပါရွှေ့ပြောင်းလုပ်သားများမှာ ဖူးခက်တွင် တရားဝင် အလုပ်လုပ်နေသူများဖြစ်ပြီး မြန်မာနိုင်ငံသို့ ပြန်လာရန်အတွက် အသက် ၅၈ နှစ်အရွယ် ထိုင်းနိုင်ငံသားတစ်ဦး၏ ဗန်ကားကို ငှားကာ မဲဆောက်သို့ သွားရောက်ခြင်းဖြစ်သည်ဟု ပြောကြားခဲ့သည်။

ကားအား အရှိန်ဖြင့်မောင်းနှင်စဉ် ယာဉ်မောင်းမှာ အိပ်ငိုက်သွားသောကြောင့် ထိုကဲ့သို့ မတော်တဆ ဖြစ်ရခြင်းဖြစ်မည်ဟု ရဲတပ်ဖွဲ့က ယုံကြည်နေပြီး အသက်ရှင်ကျန်ရစ်သူများကို စုံစမ်းမေးမြန်းသွားမည်ဟု ဆိုသည်။

Ref: Bangkokpost

February 19, 2016
ပါလက်စတိုင်းတွင် ပထမဆုံး ကလေးကစားကွင်း ဖွင့်လှစ်

ဖေဖော်ဝါရီ ၁၉၊ ၂၀၁၆
M-Media

– ပါလက်စတိုင်းဒုက္ခသည်တွေကို ကူညီကယ်ဆယ်ရေးတွေ လုပ်ပေးနေတဲ့ ကုလသမဂ္ဂက UNRWA အဖွဲ့နဲ့ အောက်ခြေလူတန်းစားအခြပြု ယဉ်ကျေးမှုစင်တာ Lajee Center တို့ ပူးပေါင်းပြီး ပါလက်စတိုင်းပိုင် အနောက်ဖက်ကမ်းက ဘက်သလီဟမ်မှာ ပထမဆုံး ကလေးကစားကွင်းတစ်ခု ဖွင့်လှစ်လိုက်တယ်လို့ သိရပါတယ်။

အဲဒီကစားကွင်းဟာ အိုင်ဒါဒုက္ခသည်စခန်းမှာ ဖွင့်လှစ်လိုက်တာဖြစ်ပြီး ဘောလုံးကွင်းတစ်ကွင်းနဲ့ ကလေးကစားကွင်းတစ်ခုတို့ ပါဝင်ပါတယ်။

“ယနေ့ဖွင့်လှစ်လိုက်တဲ့ ဘောလုံးကွင်းနဲ့ ကစားကွင်းတို့ဟာ အိုက်ဒါ ဒုက္ခသည်စခန်းမှာရှိတဲ့ ကလေးငယ်တွေရဲ့ ကျန်းမာသန်စွမ်းမှုအတွက် အင်မတန်အရေးကြီးလှပါတယ်။ ပါလက်စတိုင်းပြည်သူတွေ၊ နိုင်ငံတကာ မိတ်ဖက်တွေနဲ့ ပူးပေါင်းပြီး ဒုက္ခသုက္ခတွေ ခံစားနေရတဲ့ ကလေးငယ်တွေကို ဆက်လက် ထောက်ပံ့ကူညီသွားမှာ ဖြစ်ပါတယ်” လို့ UNRWA မဟာမင်းကြီး ပီယာရီ ခရန်ဘူးလ်က သတင်းစာရှင်းလင်းပွဲမှာ ပြောဆိုခဲ့ပါတယ်။

အသစ်ဖွင့်လှစ်လိုက်တဲ့နေရာတွေကို ဖန်တီးပေးဖို့အတွက် ငြိမ်းချမ်းရေးနဲ့ဖွံ့ဖြိုးရေးနှင့် အားကစားဆိုင်ရာ ကုလသမဂ္ဂရုံးကလည်း ကူညီထောက်ပံ့ခဲ့ပါတယ်။ အဲဒီကစားကွင်းတွေဟာ အိုက်ဒါစခန်းမှာရှိတဲ့ ကလေးငယ်တွေကို စိန်ခေါ်မှုအလွန်များတဲ့ ပတ်ဝန်းကျင်မှာ ဆော့ကစားနိုင်တဲ့ ရှားပါးအခွင့်အရေးတွေကို ပေးနိုင်ပါလိမ့်မယ်။

UNRWA ရဲ့ အနောက်ဖက်ကမ်းက လုပ်ငန်းပိုင်းဆိုင်ရာ ညွှန်ကြားရေးမှူးဖြစ်တဲ့ ဖီလီပီ ဆန်းချက်ဇ်ကတော့ ဒီ ကစားကွင်းဟာ အစ္စရေးရဲ့ ကျူးကျော်သိမ်းပိုက်မှုအောက်မှာ ထိခိုက်ခံစားနေရတဲ့ ဒုက္ခသည်ကလေးတွေကို ကစားဖို့၊ ပျော်ရွင်စေဖို့နဲ့ သူတို့ရဲ့ နေ့စဉ်ဒုက္ခတွေကို ခဏတာ မေ့ပစ်နိုင်ဖို့ အေးချမ်းရာနေရာလေး ဖြစ်စေမယ်လို့ ပြောကြားခဲ့ပါတယ်။

အစ္စရေးလုံခြုံရေးတပ်တွေနဲ့ ပါလက်စတိုင်း ပြည်သူတွေအကြား နေ့စဉ်နီးပါး ထိပ်တိုက်ဖြစ်နေကြပြီး အိုက်ဒါဒုက္ခစခန်းထဲမှာရော ပတ်ပတ်လည်မှာပါ အကြမ်းဖက်မှုတွေ တိုးမြင့်လာပြီးနောက်ပိုင်း ယခုလို ဖွင့်လှစ်ပေးခဲ့ခြင်းဖြစ်ပါတယ်။

၂၀၁၅ ခုနှစ် အောက်တိုဘာ ၁ရက်မှ ၂၀၁၆ ခုနှစ် ဖေဖော်ဝါရီ ၁၁ ရက်အတွင်း အိုက်ဒါစခန်းမှာ အစ္စရေးတပ်ဖွဲ့တွေရဲ့ စီးနင်းတိုက်ခိုက်မှုပေါင်း ၉၃ ခုကို UNRWA က မှတ်တမ်းတင်နိုင်ခဲ့ပြီး၊ အရွယ်မရောက်သေးတဲ့ ကလေးငယ် ၆၁ ယောက်အပါအ၀င် ပါလက်စတိုင်းဒုက္ခသည် ၅၁၂ ယောက်ကျော် ထိခိုက်ဒဏ်ရာရခဲ့တယ်လို့ ကုလသမဂ္ဂက သတင်းထုတ်ပြန်ခဲ့ပါတယ်။

Ref: IINA

February 19, 2016
လိင်တူချစ်သူများကို ဝေဖန်မှုကြောင့် Nike က ပက်ကွီအိုနှင့် စပွန်ဆာ ဖျက်သိမ်း

ဖေဖော်ဝါရီ ၁၉၊ ၂၀၁၆
M-Media

– လိင်တူချစ်သူများအား ဝေဖန်သည့် မှတ်ချက်ကြောင့် ဖိလစ်ပိုင်လက်ဝှေ့ကျော် ပက်ကွီအိုအား နာမည်ကျော် အားကစား ပစ္စည်းကုမ္ပဏီ Nike က စပွန်ဆာ ရုပ်သိမ်းလိုက်သည်ဟု သိရသည်။

မေလတွင်ကျင်းပပြုလုပ်မည့် ဖိလစ်ပိုင်ရွေးကောက်ပွဲတွင် အထက်လွှတ်တော် အမတ်နေရာအတွက် ၀င်ရောက်ယှဉ်ပြိုင်မည့် ပက်ကွီအိုက လိင်တူချစ်သူများမှာ တိရစ္ဆာန်ထက် ဆိုးရွားသည်ဟု မှတ်ချက်ပေးခဲ့ခြင်းဖြစ်သည်။ ထိုမှတ်ချက်ကြောင့် ပရိတ်သတ်များ ဆုံးရှုံးမှုကို ခံရနိုင်ဖွယ်ရှိနေပြီး Nike ကလည်း ၎င်းတို့ စပွန်ဆာ စာချုပ်ကို ဖျက်သိမ်းခဲ့သည်။

ပက်ကွီအိုမှာ ပြီးခဲ့သည့်နှစ်က စပွန်ဆာများမှ ၀င်ငွေ ၁၂ သန်းရရှိခဲ့ပြီး ထိုအထဲတွင် Nike က အဓိက စပွန်ဆာဖြစ်မည်ဟု ယုံကြည်ရသည်။ ယခုကဲ့သို့ စာချုပ်ဖျက်သိမ်းလိုက်သော်လည်း ယခုနှစ်အတွက် ဒေါ်လာ ၁ သန်းခန့် ရရှိမည်ဖြစ်သည်။ Nike မှာ ယခင်ကလည်း ထိုကဲ့သို့ နာမည်ကျော် အားကစားသမားများကို စပွန်ဆာစာချုပ် ဖျက်သိမ်းမှုများ ရှိခဲ့သည်။

ပက်ကွီအိုမှာ လာမည့်ဧပြီလတွင် အမေရိကန် ဘောက်ဆင်သမား ဘရက်ဒလေနှင့် ထိုးသတ်မည်ဖြစ်ပြီး ထိုပွဲမှာ ၎င်း၏ နောက်ဆုံးပွဲဖြစ်မည်ဟု ကြေငြာထားသည်။ သို့သော်လည်း အနားယူသွားခဲ့သည့် မေ၀ယ်သာ ပြန်လည်ထိုးသတ်မည်ဆိုပါက မိမိအနေဖြင့် မကျေပွဲ ပြန်နွှဲချင်သည်ဟု ပြီးခဲ့သည့် ရက်ပိုင်းအတွင်းက ပြောကြားခဲ့သည်။

Ref: Dailymail

February 19, 2016
ဒေါ်နယ်ထရမ့်၏ ခရစ်ယာန်အယူဝါဒကို ပုပ်ရဟန်းမင်းကြီး မေးခွန်းထုတ်

ဖေဖော်ဝါရီ ၁၉၊ ၂၀၁၆
M-Media

– ယခုနှစ်အတွင်း ကျင်းပမည့် အမေရိကန်သမ္မတ ရွေးကောက်ပွဲတွင် ရီပက်ဘလစ်ကန်ပါတီ ကိုယ်စားပြုကာ ၀င်ရောက်ယှဉ်ပြိုင်ခွင့်ရမည်ဟု တစ်ပြေးနေသည့် သန်းကြွယ်သူဌေးကြီး ဒေါ်နယ်ထရမ့်အား ပုပ်ရဟန်မင်းကြီး ဖရန်စစ်က ဝေဖန်လိုက်ပြီး ၎င်း၏ ခရစ်ယာန်အယူဝါဒအတွက်လည်း မေးခွန်းထုတ်လိုက်သည်။

ဒေါ်နယ်ထရမ့်မှာ နိုင်ငံအတွင်းရှိ မက္ကဆီကန်များ၊ လူမည်းများ၊ မသန်စွမ်းသူများနှင့် မွတ်စလင်များကို လူမျိုးရေး ခွဲခြားစော်ကားမှုများ ပြုလုပ်ခဲ့ပြီး ၎င်းသမ္မတဖြစ်ပါက အထောက်အထားမရှိသည့် ပြောင်းရွှေ့အခြေချသူများကို နယ်နှင်ဒဏ်ပေးမည်ဟု ပြောကြားခဲ့သည်။

မက္ကဆီကိုသို့ ၅ ရက်ကြာ အလည်အပတ်ခရီး အဆုံးသတ်ခဲ့ပြီးနောက် ကြာသာပတေးနေ့က ပြုလုပ်ခဲ့သည့် သတင်းထောက်များနှင့်တွေ့ဆုံပွဲတွင် ပုပ်ရဟန်းမင်းကြီးဖရန်စစ်က ထရမ့်ကိုရည်ညွှန်း၍ “ပေါင်းကူးတံတားဆောက်ပေးဖို့ မဟုတ်ဘဲ တံတိုင်းကာဖို့သာ စဉ်းစားနေတဲ့ လူမျိုးဟာ ခရစ်ယာန်တစ်ယောက် မဟုတ်နိုင်ပါဘူး” ဟု ပြောကြားခဲ့သည်။

“သူကို မဲပေးပေး၊ မပေးပေး ကျွန်တော်က ၀င်စွက်မှာမဟုတ်ပါဘူး။ တကယ်လို့ သူက ဒီလိုတွေပြောတယ်ဆိုရင် အဲဒီလူက ခရစ်ယာန်မဟုတ်ပါဘူး” ဟု ပုပ်ရဟန်းမင်းကြီးက ပြောကြားခဲ့သည်။

ထရမ့်ကမူ ဖရန်စစ်၏ ထိုမှတ်ချက်အား Facebook စာမျက်နှာမှတစ်ဆင့် ပြန်လည်တုန့်ပြန်ပြောဆိုခဲ့သည်။

“ဘယ်ခေါင်းဆောင်မှ – အထူးသဖြင့် ဘယ်ဘာသာရေးခေါင်းဆောင်မှ အခြားသူတစ်ဦးတစ်ယောက်ရဲ့ ဘာသာတရား၊ ယုံကြည်ချက်ကို မေးခွန်းထုတ်လို့ မရပါဘူး။ ကျွန်တော်ဟာ ခရစ်ယာန်ဖြစ်ရတာကို ဂုဏ်ယူပါတယ်။ ခရစ်ယာန်သာသနာ တိုက်ခိုက်ခံရမှာ၊ အားနည်းသွားမှာကို ကျွန်တော် ခွင့်မပြုနိုင်ပါဘူး” ဟု ဒေါ်နယ်ထရမ့်က ရေးသားခဲ့သည်။

ထို့ပြင် IS အဖွဲ့က ဗာတီကန်ကို တိုက်ခိုက်ခံရမည့်အခြေအနေမျိုး ဖြစ်သည့်အချိန်မှ ဖရန်စစ်မှာ “ဒေါ်နယ်ထရမ့် သမ္မတဖြစ်ပါက ကောင်းလေစွ” ဟု ဆုတောင်းမည်ဖြစ်ကြောင်း ၎င်းက ထည့်သွင်း ပြောကြားခဲ့သည်။

Ref: Aljazeera

February 19, 2016