Blog

“ကျားမြီးဆွဲ ဘာနီဆန်းဒါးနဲ့ တဇောက်ကန်း ဒေါ်နယ်ထရန့်” (သို့မဟုတ်) “အမေရိကန် အနာဂတ်နေ့သစ်ဆီသို့ လမ်းသစ်ထွင်ကြမယ့် လူနှစ်ဦး”

M-Media
ဆောင်းပါးရှင် မောင်ရဲဝင်း (တောင်ကြီး)

မနေ့က နယူးဟမ်ရှားပြည်နယ်မှာ ကျင်းပပြုလုပ်ခဲ့တဲ့ ပါတီတွင်း ကိုယ်စားလှယ်ရွေးကောက်ပွဲမှာ ဒီမိုကရက်တစ်ပါတီဘက်က “ဒီမိုကရက်တစ် ဆိုရှယ်လစ်ဝါဒီ” ဘာနီဆန်းဒါး နဲ့ ရီပတ်ပလစ်ကန် ပါတီဘက်က “အရင်းရှင်ဝါဒီ” ဒေါ်နယ်ထရန့်တို့ အသီးသီး အနိုင်ရခဲ့တယ်။ သူတို့နှစ်ဦးဟာ သက်ဆိုင်ရာပါတီတွေကို ကိုယ်စားပြုပြီး သမ္မတလောင်းတွေအဖြစ် စင်မြင့်ပေါ် ရောက်လာနိုင်ဖွယ်ရှိသူတွေပါ။

ထူးခြားချက်ကတော့ သူတို့နှစ်ဦးလုံးက အမေရိကန်နိုင်ငံရဲ့ နိုင်ငံရေးရေစီးကြောင်းကို ဆန့်ကျင်နေတဲ့ အယူဝါဒတွေကို ဟောပြောပြီး လူတွေရဲ့ ထောက်ခံမှုကို ရယူလာခဲ့ကြတာဖြစ်ပါတယ်။

ဘာနီဆန်းဒါးက သူ့ရဲ့နိုင်ငံရေး အသက်မွေးဝမ်းကြောင်းတလျောက်မှာ အခြေခံလူတန်းစားဘက်က ပြတ်ပြတ်သားသားရပ်တည်ခဲ့သူပါ။ လူချမ်းသာတွေရဲ့ ကြီးစိုးနေမှုတွေကို ရှေ့တန်းက ဝေဖန်တိုက်ခိုက်လာခဲ့သူပါ။ အရင်းရှင်ဝါဒကို အခြေခံတဲ့ အမေရိကန်နိုင်ငံမှာ နိုင်ငံရေး စင်မြင့်ထက်ကို ဆိုရှယ်လစ် အရောင်သန်းသူတွေ တိုးမပေါက်နိုင်ပေမယ့် ဘာနီကတော့ ထူးထူးဆန်းဆန်း ထိပ်ဆုံးထိပ်ကို ရောက်ရှိ လာနေပြီဖြစ်ပါတယ်။

ဘာနီဟာ နိုင်ငံရေးသမားတွေ အားကိုးနေရတဲ့ လူချမ်းသာတွေကို ကျောခိုင်းပြီး အခြေခံလူတန်းစားတွေဘက်က ဆက်လက် ရပ်တည်သွားမယ်ဆိုတဲ့ ကြွေးကြော်ချက်တွေနဲ့ ရှေ့ရောက်လာခဲ့တာပါ။ အမေရိကန်နိုင်ငံဟာ ချမ်းသာတယ်ဆိုပေမယ့် နိုင်ငံတဝှမ်းက ဓနဥစ္စာပေါင်း ၃ပုံ ၁ပုံဟာ အမေရိကန် လူဦးရေရဲ့ အချမ်းသာဆုံး ၁ ရာခိုင်နှုန်းသော လူချမ်းသာတွေရဲ့ လက်ထဲမှရှိနေတာပါ။ လူများစုဖြစ်တဲ့ လူဦးရေ ၈၀ ရာခိုင်နှုန်းက နိုင်ငံတဝှမ်းက ဓနဥစ္စာစုစုပေါင်းရဲ့ ၁၅% ကိုသာပိုင်ဆိုင်ကြပါတယ်။ ဓနဥစ္စာမဲ့ပြည်သူတွေ၊ ရရစားစား ဘဝနဲ့ ရုန်းကန်နေရသူတွေက ပိုများပါတယ်။ ပိုင်ဆိုင်မှုတွေက လူတစုလက်ထဲမှာသာရှိပြီး အများပြည်သူရဲ့ ရေရှည် တိုးတက်ဖို့အတွက် လုပ်ဆောင်ရာမှာ အားနည်းလာနေတဲ့ အမေရိကန်ပြည်ထောင်စုဟာ ဖွံ့ဖြိုးပြီးနိုင်ငံတွေအကြားမှာ တဖြေးဖြေး နောက်ကျလာနေပါတယ်။ လူချမ်းသာတွေကလည်း ချမ်းသာ သထက်ချမ်းသာအောင် နိုင်ငံရေးသမားတွေရဲ့နောက်ကွယ်မှာ ကြိုးကိုင်ကြပါတယ်။ ဒီလို ထိန်းချုပ် မနိုင်ဖြစ်နေတဲ့ အရင်းရှင်ဝါဒအောက်က လူချမ်းသာတွေရဲ့ ချယ်လှယ်မှုကို စိန်ခေါ်တဲ့ ဘာနီဟာ အမေရိကန်ပြည်သူတွေအကြား သူရဲကောင်းကြီးဖြစ်လာပါတော့တယ်။

ဘာနီနဲ့အပြိုင် ရီပတ်ပလစ်ကန်ပါတီဘက်က ပြည်သူတွေရဲ့ သူရဲကောင်းကြီးအဖြစ် တက်လာနေတာ ကတော့ မြေရှင် သူဌေးကြီး ဒေါ်နယ်ထရန့်ပါပဲ။ အမေရိကန်တွေရဲ့အခြေခံ ခံယူချက်မူဝါဒတွေဖြစ်တဲ့ လွတ်လပ်မှု၊ တရားမျှတမှု၊ တန်းတူညီမျှမှု ဆိုတာတွေကို ကျောခိုင်းထားပေမယ့် “အမေရိကန်နိုင်ငံကို အောင်မြင်ကျော်ကြားအောင် ပြန်လုပ်မယ်”ဆိုတဲ့ ဒေါ်နယ် ရဲ့ ကြွေးကြော်သံဟာ အမေရိကန်တွေနားထဲ နာဝင်ချိုလှပါတယ်။ ဟောပြောရာမှာ ကျိုးကြောင်းဆီလျော်မှုမရှိ၊ ရှေ့နှောက်မညီနဲ့ ပါးစပ်ထဲတွေ့ရာ ဇွတ်ပြောတတ်တဲ့ ဒေါ်နယ်ထရန့်ရဲ့ သမ္မတဖြစ်ရေး အိမ်မက်ဟာ အချိန်တိုအတွင်း နိဂုံးချုပ်သွားမယ်လို့ ထင်ကြေးပေးသူတွေလည်း အခုအခါမှာတော့ အတော် အံအားသင့်နေရပါပြီ။ သူဟာ သမရိုးကျနိုင်ငံရေး လုပ်ထုံးလုပ်နည်းတွေ၊ နည်းဗြူဟာတွေ၊ သံတမန်ရေးတွေကို အရေးမပေးဘဲ အမေရိကန်နိုင်ငံကြီး ဦးမော့ရင်ကောနိုင်ဖို့ အရေး တားသင့်တာတား၊ ပိတ်သင့်တာပိတ်၊ ခွဲခြားသင့်တာ ခွဲခြားမယ်လို့ ရဲရဲရင့်ရင့်ကြီး ဖွင့်ဟခဲ့ပါတယ်။

နိုင်ငံရေးသမားတွေ ကိုယ့်သိက္ခာ ကိုယ်ငှဲ့လို့ပဲဖြစ်ဖြစ်၊ မပြောသင့် မပြောထိုက်လို့ပဲဖြစ်ဖြစ် ဒဲ့မပြောတဲ့ စကားတွေကိုလည်း သူက စကား အလှဆင်မနေပဲ ဒဲ့ဒိုး ပြောဆိုတက်လို့ လူအများက သဘောကျကြပါတယ်။ သူ့အနေနဲ့ လူတယောက်ကို သေနတ်နဲ့ ပစ်သတ်လိုက်ရင်တောင်မှ သူ့ကိုထောက်ခံသူတွေလျော့သွားမှာ မဟုတ်ဘူးလို့ ကိုယ့်ကို ကိုယ်ယုံကြည့်မှု အပြည့်နဲ့ ကြွေးကြော်ခဲ့ပါသေးတယ်။ အမေရိကန်နိုင်ငံ ဖယိုဖရဲဖြစ်လာနေလို့ လက်ညိုးထိုး အပြစ်ပုံချမယ့် သူရှာနေတဲ့ ပြည်သူတွေကို ဒေါ်နယ်ထရန့်က “အိမ်နီးချင်းနိုင်ငံက ခိုးဝင်လာတဲ့ သူခိုးဂျပိုး၊ လူဆိုးလူပေ မုဒိန်းကောင်ပေါတဲ့ မက္ကဆီကန် လူမျိုးတွေကြောင့်၊ ဘာသာရေးဘန်းပြပြီး အကြမ်းဖက်နေတဲ့ မွတ်စလင်တွေကြောင့်၊ စီးပွားရေးအရဝါးမျိုးနေတဲ့ တရုတ်တွေကြောင့်” လို့ လက်ညိုးထိုး အပြစ်တင်ဖို့ အမုန်းတရားတွေဆော်သြရင်း လူကြိုက်များလာခဲ့တာပါ။

စီးပွားရေး၊ လူမှုရေး၊ ပညာရေးတွေ အပါအဝင် နိုင်ငံရဲ့အခန်းကဏ္ဍတိုင်းလိုလိုမှာ နောက်ကျနေတဲ့ အမေရိကန်နိုင်ငံကို ကယ်တင်ကြဖို့ ကယ်တင်ရှင် ရှာရင်း ဘာနီဆန်းဒါးနဲ့ ဒေါ်နယ်ထရန့် တို့ကို အမေရိကန်ပြည်သူတွေက မျက်စေ့ကျနေကြတာဖြစ်ပါတယ်။ သူတို့ နှစ်ဦးထဲက တစ်ဦးဦးဟာ အမေရိကန်သမ္မတကြီးဖြစ်လာမယ်ဆိုရင် အမေရိကန်နိုင်ငံကြီးဟာ တမူထူးခြားတဲ့ လမ်းခရီးသစ်ပေါ် လျောက်လှမ်းရမှာတော့ သေချာပါတယ်။ ဒါပေမယ့် သူတို့ပြိုင်ဘက်တွေဖြစ်တဲ့ ဟီလာရီ ကလင်တန်၊ တဒ်ခရူး၊ မာကိုရူဘီယို၊ ဂျောန်ကာဆလ်နဲ့ ဂျက်ဘွတ်ရှ် တို့ကလည်း သူတို့နည်းသူတို့ဟန်နဲ့ ပြောင်းလဲမှုတွေ ဖော်ဆောင်မယ်လို့ မဲဆွယ်စည်းရုံးရင်း အမှီလိုက်နေပါသေးတယ်။

ဖေဖော်ဝါရီ ၁၀၊ ၂၀၁၆

February 12, 2016
နည်းပြသစ်အနေဖြင့် လူငယ်များကို ယုံကြည်ရမည်ဟု မန်ယူနည်းပြပြော

ဖေဖော်ဝါရီ ၁၂၊ ၂၀၁၆
M-Media

– မန်ယူအသင်းသို့ နောက်ထပ်ရောက်ရှိလာမည့် နည်းပြသစ်အနေဖြင့် လူငယ်ကစားသမားများအပေါ် ယုံကြည်မှု ရှိရမည်ဖြစ်ပြီး သို့မဟုတ်ပါက အလွန်ခက်ခဲသည့်အခြေအနေကို ရင်ဆိုင်ရမည်ဟု နည်းပြဗန်ဂါးလ်က ပြောကြားလိုက်သည်။

ဗန်ဂါးလ်မှာ ယခုရာသီတွင် လူငယ်ကစားသမားများကို ယုံယုံကြည်ကြည် သုံးစွဲခဲ့ပြီး ၎င်းတို့အထဲတွင် ကင်မရွန်း ဘော့သ်ဝစ်-ဂျက်ဆန်နှင့် ဂျက်ဆီ လင်ဂါ့တ်တို့မှာ ထင်ရှားသည့် လူငယ်ကစားသမားများဖြစ်သည်။ ဗန်ဂါးလ်၏ မန်ယူနှင့်စာချုပ်မှာ ၂၀၁၇ ခုနှစ်မှ ကုန်ဆုံးမည်ဖြစ်သော်လည်း ချယ်ဆီးမှ ထုတ်ပယ်ခံလိုက်ရသည့် မော်ရင်ဟိုမှာ ၎င်း၏နေရာတွင် ရာသီကုန်၌ အစားဝင်မည်ဟု သတင်းများ ကျယ်ကျယ်ပြန့်ပြန့် ထွက်ပေါ်နေသည်။

ဗန်ဂါးလ်ကလည်း ၎င်းနေရာကို ဆက်ခံမည့်သူအနေဖြင့် လူငယ်များကို နေရာပေးရန်လိုသည်ဟု ဆိုသည်။

“နောက်ရောက်လာမယ့် နည်းပြအနေနဲ့ လူငယ်ကစားသမားတွေအပေါ်မှာ ယုံကြည်မှုရှိကြောင်း ပြသရပါမယ်။ တကယ်လို့များ ကျွန်တော်အနားယူသွားပြီးတဲ့နောက် ယူနိုက်တက်က နည်းပြတစ်ယောက် ခန့်အပ်ပြီး အဲဒီနည်းပြက လူငယ်ကစားသမားတွေရဲ့ သက်ရောက်မှုအပေါ်မှာ သံသယရှိမယ်ဆိုရင် တော်တော်လေး ခက်ခဲမှာပါ။ ပြီးတော့ မန်နေဂျာအသစ်ရဲ့ အချက်အလက်တွေကို မန်ယူဘုတ်အဖွဲ့က ကြည့်ရှုဖို့လည်း တော်တော်လေး အရေးကြီးပါတယ်” ဟု ဗန်ဂါးလ်က The Independent သို့ ပြောကြားခဲ့သည်။

မန်ယူနှင့် မော်ရင်ဟိုတို့အကြား သဘောတူညီချက်ရခဲ့ပြီဟူသော သတင်းများနှင့်ပတ်သက်၍ “အသင်းနဲ့ စကားပြောပြီးပြီလို့ ကျွန်တော့်ကို အသိမပေးသေးပါဘူး။ ဒါပေမယ့် သူ (မော်ရင်ဟိုက) က ကျွန်တော့်သူငယ်ချင်းပါ။ ဒါ့ကြောင့် ဘာပဲဖြစ်ဖြစ် ကိစ္စမရှိပါဘူး။ မန်ယူက မော်ရင်ဟိုနဲ့ စကားပြောပြီးပြီလားဆိုတာကို ကျွန်တော် မသိပါဘူး” ဟု တုန့်ပြန်ပြောကြားခဲ့သည်။

Ref: Goal

February 12, 2016
ဖက်ရှင်နှင့် စတိုင် – ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၉)

ဖေဖော်ဝါရီ ၁၂၊ ၂၀၁၆

M-Media

ရာဇာ တင်ဆက်သည်

– ဖက်ရှင်ဆိုတာ ပေါ်လာလိုက်၊ ပျောက်သွားလိုက် ဖြစ်တတ်တဲ့ အရာမျိုးတွေပါ။ ဒါပေမယ့် မျက်စိကျစရာ ဖက်ရှင်ကောင်းကောင်းတစ်ခုဟာ ဘယ်တော့မှ ပျောက်ကွယ်သွားတတ်တဲ့အရာမျိုး မဟုတ်ပါဘူး။ ဒါ့ကြောင့် ဒီနေ့ခေတ် ဥရောပက ဖက်ရှင်ဒီဇိုင်းနဲ့ အယူအဆတွေဟာ လွန်ခဲ့တဲ့ နှစ်ပေါင်း ၁၂၀၀ အရင် စပိန်နိုင်ငံက အစ္စလာမ်ကမ္ဘာရဲ့အစိတ်အပိုင်း ဖြစ်ခဲ့တဲ့အချိန် မွတ်စလင်တွေဆီက ရောက်ရှိလာခဲ့တဲ့ ဒီဇိုင်းနဲ့ အယူအဆတွေလို့ဆိုရင် အံ့သြကြမှာ မဟုတ်ဘူးထင်ပါတယ်။

၉ ရာစုက စပိန်နိုင်ငံ ကော်ဒိုဘာမှာ ထင်ရှားကျော်ကြားတဲ့ မွတ်စလင် ဂီတနဲ့ လောက၀တ်ပညာရှင် ဇီရ်ယဘ် (Ziryab) ဟာ ဖက်ရှင်နဲ့ ဒီဇိုင်း ပါရမီရှင်တစ်ဦးလည်း ဖြစ်ခဲ့ပါတယ်။

“သူ(ဇီရ်ယဘ်)ဟာ ဖက်ရှင်ပညာရပ်အားလုံးကို ဆောင်ကျဉ်းလာသူပါ။ အဲဒီခေတ်အခါက ဘဂ္ဂတ်ဒတ်မြို့ဟာ ဒီနေ့ခေတ် ပဲရစ်နဲ့ နယူးယောက်တို့လို ဖက်ရှင်မြို့တော်ကြီး ဖြစ်ပါတယ်။ ဘဂ္ဂဒတ်ကနေ ကော်ဒိုဘာအထိ စိတ်ကူးစိတ်သန်းမျိုးစုံကို တွေ့ရတယ်။ သူဟာ သွားတိုက်ဆေး၊ ရေမွှေးနဲ့ ဆံပင်အတိုစတိုင် စတာတွေကို ဆောင်ကျဉ်းလာခဲ့တာဖြစ်ပြီး ကော်ဒိုဘာမှာ ထွန်းကားခဲ့တဲ့ လမ်းမီးစန်၊ ရေဆိုးစွန့်ပစ်မှုစနစ်နဲ့ ရေပေးဝေမှု စနစ်တွေကလည်း သူ့ရဲ့ အားထုတ်မှုကြောင့် ဖြစ်ပါတယ်” လို့ BBC ရဲ့ An Islamic History of Europe (ဥရောပ၏ အစ္စလာမ့်သမိုင်းကြောင်း) ဆိုတဲ့အစီအစဉ်မှာ ဇီရ်ယဘ်နဲ့ပတ်သက်လို့ စာရေးဆရာ ဂျေဆန် ၀ဘ်စတာ (Jason Webster) က ပြောကြားခဲ့ပါတယ်။

အီရတ်နိုင်ငံက ဘဂ္ဂဒတ်မြို့ဟာ တစ်ချိန်က အစ္စလာမ်ကမ္ဘာရဲ့ ယဉ်ကျေးမှုနဲ့ အသိပညာ အချက်အချာနေရာကြီး ဖြစ်ခဲ့ပြီး ဇီရ်ယဘ်ဟာ အဲဒီကနေတစ်ဆင့် စားပွဲတင်အသုံးအဆောင်၊ အင်္ကျီချုပ်လုပ်မှုအတတ်ပညာနဲ့ ဖက်ရှင် စတာတွေအပါအ၀င် စစ်တုရင်ကစားနည်းနဲ့ ပိုလိုကစားနည်းတွေကိုပါ ဥရောပကို သယ်ဆောင်လာပေးခဲ့တာ ဖြစ်ပါတယ်။ ဗဟုသုတနှံ့စပ်မှု၊ အာဝဇ္ဇန်းကောင်းမှုနဲ့ ကျော့မော့လှပမှုကြောင့်လည်း ဇီရ်ယဘ်က နာမည်ကျော်ပါတယ်။ သူ့ရဲ့ သန့်ရှင်းသပ်ရပ်ပြီး၊ ပူပန်စရာမရှိတဲ့ ဘ၀အခြေအနေနဲ့အတူ ဘုရင့်နန်းတော်ကို ဇီရ်ယဘ်တစ်ယောက် စိတ်ကြိုက်ဆင်ယင်ချယ်သပြီး၊ သာမန် ကော်ဒိုဘာ ပြည်သူလူထုကတော့ သူ့ရဲ့ ဆံပင်အတိုပုံစံကို အတုခိုးခဲ့ကြကာ စပိန်ကို သူသယ်ဆောင်လာတဲ့ သားရေအသုံးပြု ပရိဘောဂပစ္စည်းတွေကလည်း လူကြိုက်များခဲ့ပါတယ်။

နှစ်ပေါင်း ၁၂၀၀ ကျော် ကြာတဲ့အခါ ပြင်သစ်သမိုင်းပညာရှင်တစ်ဦးဖြစ်တဲ့ ဟင်နရီ တာရက်ဆီ (Henri Terrasse) က ဇီရ်ယဘ်နဲ့ပတ်သက်ပြီး ဒီလို ဖွင့်ဟခဲ့ပါတယ်။

‘ဆူလ်တန် အဟ်မဒ် အလ်ဘမ်’ ဟု အမည်ရပြီး ကလန်ဒါပါရှာ (Kalandar Pasha) ရေးသားခဲ့သည့် ၁၇ ရာစု အစောပိုင်း ဖက်ရှင်စာအုပ်မှ ထိုခေတ်ထိုအခါ၏ ဖက်ရှင်ဒီဇိုင်များ

“နွေရာသီဖက်ရှင်၊ ဆောင်းရာသီဖက်ရှင် စတဲ့ ရာသီအလိုက်ဖက်ရှင်တွေကို သူက စပြီး မိတ်ဆက်ပေးခဲ့တာပါ။ ဒီဖက်ရှင်တွေကို ဘယ်အချိန်တွေမှာ ၀တ်ဆင်ရမလဲဆိုတာနဲ့ ပတ်သက်ပြီးတော့လည်း သူက အချိန်ကာလတွေကို သတ်မှတ်ပေးခဲ့ပါတယ်။ အရှေ့တိုင်းက အထက်တန်းစား ဖက်ရှင်တွေကိုလည်း ဇီရ်ယဘ်ကပဲ စပိန်မှာ မိတ်ဆက်ပေးခဲ့တာ ဖြစ်ပါတယ်။ သူလွှမ်းမိုးခဲ့တဲ့ ဖက်ရှင်လုပ်ငန်းမှာတော့ ရောင်စုံအစင်းကြောင်းပါတဲ့ ပိတ်စတွေ၊ ကုတ်အင်္ကျီတွေကို ထုတ်လုပ်နိုင်ခဲ့ပြီး အဲဒီဖက်ရှင်တွေကို မော်ရိုကိုနိုင်ငံမှာ ဒီနေ့အချိန်အထိ တွေ့မြင်နိုင်ပါတယ်။

ဇီရ်ယဘ်ရဲ့အောင်မြင်မှုတွေဟာ နောက်ပိုင်းမျိုးဆက်တွေအထိ လေးစားအားကျမှုကို ခံခဲ့ရပြီး ဒီနေ့အချိန်အထိပဲ ဖြစ်ပါတယ်။ မွတ်စလင်ကမ္ဘာမှာ ဇီရ်ယဘ်ကို ဂုဏ်ပြုမှည့်ခေါ်ထားတဲ့ လမ်း၊ ဟိုတယ်၊ ကလပ် ဒါမှမဟုတ် ကော်ဖီဆိုင် စသဖြင့် တစ်ခုခုမရှိတဲ့ တိုင်းပြည်ဆိုတာ မရှိပါဘူး။ အနောက်နိုင်ငံမှာလည်း စာပေပညာရှင်တွေနဲ့ ဂီတပညာရှင်တွေဟာ အခုအချိန်အထိ သူ့ကို ချီးကျူးဂုဏ်ပြုနေကြတုန်းပါပဲ။

မွတ်စလင်တွေ အထူးသဖြင့် အန်ဒါလူစီယာ (စပိန်မှဒေသတစ်ခု) က မွတ်စလင်တွေဟာ ကာလဒေသကိုလိုက်ပြီး အင်မတန်ဆန်းပြားကာ ခေတ်ရှေ့ပြေးတဲ့ လူနေမှုပုံစံတွေကို ဖန်တီးဖော်ဆောင်ပေးသူတွေ ဖြစ်ပါတယ်။ ရာသီနဲ့လိုက်ဖက်တဲ့ အစားအသောက်၊ အ၀တ်အစား၊ အသုံးအဆောင်ပစ္စည်းတွေကို စားသုံး၊ ၀တ်ဆင် အသုံးပြုတာဟာ သက်တောင့်သက်တာဖြစ်မှုနဲ့ သာယာချမ်းမြေ့မှုတွေ ရရှိဖို့မှာ အရေးပါတဲ့ ကိစ္စရပ်တွေ ဖြစ်ပါတယ်။ အန်ဒါလူစီယာက မွတ်စလင်တွေဟာ ဆောင်းရာသီဝတ်စုံလို့ခေါ်တဲ့ ၀တ်စုံတွေကို အဓိကအားဖြင့် သိုးမွှေးတွေ၊ ချည်ထည်တွေနဲ့ ပြုလုပ်ပြီး အခြေခံအရောင်ကတော့ အနက်ရောင်ဖြစ်ပါတယ်။ နွေရာသီဝတ်စုံတွေကိုတော့ ပိုး၊ ဂုန်လျှော်တုို့လို ပေ့ါပါးတဲ့အရာတွေနဲ့ ပြုလုပ်တာဖြစ်ကာ ဒေသထွက် ဆိုးဆေးတွေနဲ့ အဲဒီအ၀တ်အထည်တွေကို ချယ်သကြပါတယ်။

ဖက်ရှင်ကဏ္ဍမှာတင်မကဘဲ အန်ဒါလူစီယာက မွတ်စလင်တွေဟာ ရောမတွေ စတင်ခဲ့ပြီး ၀က်သစ်ချပင်ကို အခြေခံတဲ့ လုပ်ငန်းတွေ တော်တော်များများကိုလည်း အမွေဆက်ခံခဲ့သူတွေ ဖြစ်ပါတယ်။ အဲဒီလုပ်ငန်းတွေထဲမှာ သားရေနဲ့လုပ်ကာ စွပ်ပြီးစီးရတဲ့ ဖိနပ်ထုတ်လုပ်မှုလည်း ပါဝင်ပါတယ်။ သူတို့ဟာ အဲဒီ ဖိနပ်ထုတ်လုပ်မှုနည်းလမ်းကို ပိုမိုတိုးတက်အောင်နဲ့ နည်းလမ်းအသစ်တွေ ရရှိအောင်လည်း ကြိုးပမ်းခဲ့ကြပါတယ်။ ဒါ့ကြောင့်ပဲ အန်ဒါလူစီယာက ထွက်ရှိတဲ့ သားရေဖိနပ်တွေဟာ အဲဒီခေတ်အခါက စပိန်နိုင်ငံတစ်ဝှမ်းမှာ တော်တော်လေး လူကြိုက်များခဲ့ကာ တိုင်းပြည်ရဲ့ အဓိကပို့ကုန်လည်း ဖြစ်ခဲ့ပါတယ်။ အဲဒီ သားရေဖိနပ် တစ်ရံတည်းကို ကွာ့က် (Qurq) လို့ခေါ်ပြီး ဖိနပ်အများအပြားကိုတော့ အက်ရက် (Aqraq) လို့ ခေါ်ပါတယ်။ ဒီအသုံးအနှုန်းက နောက်ပိုင်းမှာ ကက်စ်တီလီယံ (Castilian) ကို ရောက်သွားခဲ့ပြီး အလ်ကော်ကွီ (Alcorque) လို့ အမည်တွင်ခဲ့ပါတယ်။ ဖိနပ်ထုတ်လုပ်တဲ့သူကိုတော့ ကွာရက် (Qarraq) လို့ ခေါ်ပါတယ်။

အဲဒီလို ဖိနပ်ထုတ်လုပ်မှု ကျွမ်းကျင်သူတွေထဲမှာ အဘ်ဒူလာ (Abdullah) လို့ခေါ်တဲ့ ကြိုးသိုင်းဖိနပ် ထုတ်လုပ်သူ ဆူဖီသူတော်စင်တစ်ပါး ရှိပြီး ဆီးဗီးလ် (Seville) မှာနေထိုင်တဲ့ သူ့ကို အစ်ဗနေ့ အာရာဘီ (Ibn Arabi) လို့ခေါ်တဲ့ မွတ်စလင်ပညာရှင်ကြီးက ရည်ညွှန်းဖော်ပြခဲ့ပါတယ်။ ဒေသတွင်း အဓိကထွက်ကုန်တစ်ခုဖြစ်တဲ့ ဒီသားရေဖိနပ် ထုတ်လုပ်သူတွေ နေထိုင်တဲ့နေရာကို ကွာရာကွင် (Qarraqin) လို့ခေါ်ဆိုပြီး အဲဒီအမည်နဲ့ ဒေသကို ဂရာနာဒါ (Granada) မြို့မှာ ယခုတိုင် တွေ့မြင်နိုင်ကာ ကာရာကွင် (Caraquin) လို့ အမည်တွင်နေပါတယ်။

အလယ်ခေတ် မွတ်စလင်စာရေးဆရာတွေဖြစ်တဲ့ အလ်-ဆာကွာတီ (Al-Saqati) နဲ့ အစ်ဗနေ့ အဘ်ဒန် (Ibn Abdun) တို့ကလည်း အဲဒီသားရေဖိနပ် ထုတ်လုပ်မှု အသေးစိတ်ကို ရေးသားထုတ်ဝေခဲ့ပါတယ်။ သူတို့ရဲ့ ရေးသားမှုတွေထဲမှာ ဖိနပ်တွေ တာရှည်ခံစေမယ့် နည်းလမ်းတွေ၊ ပုံစံတွေ ပါဝင်ခဲ့ပါတယ်။ တစ်ချို့ ဖိနပ်ထုတ်လုပ်သူတွေဟာ ဖိနပ်ခုံမြင့်အောင်လို့ တီထွင်ဖန်တီးကြတာတွေလည်း ရှိခဲ့ပါတယ်။ နောက်ပိုင်း ခရစ်ယာန်တွေ အန်ဒါလူစီယာကို အောင်နိုင်ခဲ့ပြီး နောက်ပိုင်းမှာတော့ မွတ်စလင် ဒီဇိုင်နာတွေ တီထွင်ခဲ့တဲ့ အဲဒီဖိနပ်တွေကို ပိုမိုဆန်းသစ်တဲ့ စတိုင်တွေ၊ နည်းလမ်းတွေနဲ့ ပြုပြင် မွမ်းမံခဲ့ကြပါတယ်။

ဒါ့ကြောင့် သင်ဟာ နောက်တစ်ခါ ဖန်စီဒီဇိုင်းဆိုင်တွေကို သွားရောက်ပြီး နောက်ဆုံးပေါ် ဖက်ရှင်တွေအတွက် ဈေးဝယ်ထွက်မယ်ဆိုရင် လွန်ခဲ့တဲ့ နှစ်ထောင်ချီအရင်က ရှိခဲ့တဲ့ ဒေါက်မြင့်ဖိနပ်တွေကို သတိရပါ။ နွေရာသီ ဖက်ရှင်ပေါ့ပေါ့ပါးပါးလေး ၀တ်မယ်ဆိုရင်လည်း လွန်ခဲ့တဲ့ နှစ်ပေါင်း ၁၂၀၀ အရင်က ပေါ်ထွက်ခဲ့တဲ့ ဖက်ရှင်ဂုရု ဇီရ်ယဘ်ကို သတိရပါ။ သူ့ကြောင့်ပဲ ဒီဖက်ရှင် အိုက်ဒီယာဆန်းဆန်းတွေဟာ စပိန်၊ စစ္စလီ၊ အရှေ့အလယ်ပိုင်းကနေ ဥရောပကို ရောက်ရှိလာတာ ဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။)

အပိုင်း(၁)- ကော်ဖီ – ဖတ်ရန်

အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်

အပိုင်း(၃)- နာရီတို့၏ အစ – ဖတ်ရန်

အပိုင်း(၄) – ခေတ်ပေါ်စစ်တုရင်ကစားနည်း – ဖတ်ရန်

အပိုင်း(၅) – ဂီတ၏ အရင်းမူလ – ဖတ်ရန်

အပိုင်း (၆) – တစ်ကိုယ်ရည်သန့်ရှင်းရေးနှင့် အလှအပ – ဖတ်ရန်

အပိုင်း (၇) – ဉာဏ်လှည့်စားကိရိယာများ – ဖတ်ရန်

အပိုင်း (၈) – အလင်းပညာရပ်နှင့် ကင်မရာ – ဖတ်ရန်

February 12, 2016
၆၉ နှစ်မြောက် ပြည်ထောင်စုနေ့ အမှတ်တရ ဂုဏ်ပြု

ဖေဖော်ဝါရီ ၁၂ ၊ ၂၀၁၆

M-Media

ယနေ့ ၂၀၁၆ ခုနှစ် ၊ဖေဖော်ဝါရီလ ၁၂ ရက်နေ့တွင် ကျရောက်တဲ့ (၆၉) နှစ်မြောက် ပြည်ထောင်စုနေ့ကို ဂုဏ်ပြုကြိုဆိုသော အားဖြင့် M-Media မှာ တင်ဆက်ခဲ့သည့် ပြည်ထောင်စုနေ့နှင့် ဆက်စပ်သည့် သတင်းဆောင်းပါး၊ စာအုပ်များကို စုစည်းတင်ဆက်လိုက်ပါတယ်။

၁) ပင်လုံ၏အဓိက ဇာတ်ဆောင် (ဝါ) ရာပြည့်အလွန် ဦးဖေခင်
http://www.m-mediagroup.com/news/39486

၂) “ပင်လုံ စာချုပ်၊ ပြည်ထောင်စု စိတ်ဓါတ်နဲ့ မြန်မာမွတ်စလင်တို့ရဲ့ အခန်းကဏ္ဍ’’
http://www.m-mediagroup.com/news/24187

၃) ပင်လုံ ဦးဖေခင်နှင့် ဘက်မလိုက်
http://www.m-mediagroup.com/news/24791

၎) ဗိုလ်ချုပ်ရွေးတဲ့ လူထုခေါင်းဆောင် ဗိုလ်ချုပ်ပေးချင်တဲ့ သာတူညီမျှအခွင့်ရေး (၁။ ဦးဖေခင်)
http://www.m-mediagroup.com/news/10882

၅) ပင်လုံ ညီလာခံသို့ တက်ရောက် သတင်းယူခဲ့သည့် တစ်ဦးတည်းသော သတင်းထောက် ဦးစံအောင်နှင့် တွေ့ဆုံခြင်း
http://www.m-mediagroup.com/news/20365

၆) သက်ရှိ ပင်လုံမှတ်တမ်း
(ဗိုလ်ချုပ်အောင်ဆန်း ပင်လုံစာချုပ်လက်မှတ်ရေးထိုးရန် ရှမ်းပြည်သို့ လာရောက်စဉ်က တောင်ကြီးမှ ပင်လုံ၊ ပင်လုံမှ တောင်ကြီးသို့ သူ့ကိုယ်ပိုင်ဂျစ်ကားဖြင့် အကြိုအပို့လုပ်ခဲ့သူ ဦးဖရွတ်ခန်းခေါ် ဦးခန်း)
http://www.m-mediagroup.com/news/32147

၇)ဦးခန်း သို့မဟုတ် တောင်ကြီးမှ ပင်လုံဆီ ဗိုလ်ချုပ်နှင့်အတူ
http://www.m-mediagroup.com/news/40930

၈)ကိုယ်တွေ့ပင်လုံ EBook (By ဦးဖေခင် )
http://www.m-mediagroup.com/news/9470

February 12, 2016
မြန်မာ့သစ်ဆွဲဆင်များ၏ ရင်လေးဖွယ် အနာဂတ်

ဖေဖော်ဝါရီ ၁၁၊ ၂၀၁၆

M-Media

အလုပ်လက်မဲ့ဖြစ်နေသော မြန်မာသစ်ဆွဲဆင်များ

– ပူလောင်အိုက်စပ်လှသည့် တောတောင်များရှိ မတ်စောက်တောင်ကုန်းများတွင် ဧရာမသစ်ပင်တို့အား စုန်ချည်ဆန်ချည် ဆွဲယူသယ်ပို့ရသောအလုပ်မှာ ကြမ်းတမ်းလွန်း၏။ သို့သော် မြန်မာနိုင်ငံမှ သစ်ဆွဲဆင်ပိုင်ရှင်များက အလုပ်မရှိတော့သဖြင့် တစ်စုံတစ်ရာမှားယွင်းနေပြီဟု ဆိုနေကြပေသည်။

တောတောင်ဧရိယာကျုံ့လာခြင်း၊ သစ်ကုန်ကြမ်းများ ပြည်ပတင်ပို့ခြင်းကို တားမြစ်သည့်ဥပဒေ အသက်ဝင်မှု သုံးနှစ်ရှိလာခြင်းက မြန်မာနိုင်ငံအပေါ် အလုပ်လက်မဲ့ဆင်ပြဿနာတစ်ရပ် ထပ်မံပေါ်ပေါက်လာစေသည်။ ရာနှင့်ချီသောဆင်များမှာ လုပ်ငန်းခွင်ပြင်ပရောက်ကုန်ပြီး အများစုမှာ ကိုင်တွယ်ထိန်းကျောင်းရ ခက်ခဲလာသည်။

“သူတို့ဟာ ဒေါသထွက်လွယ်လာကြတယ်။ အလုပ်မရှိတဲ့အတွက် (အဆီဝင်ပြီး) ၀ဖြိုးလာကြတယ်။ ဆင်ထီးအားလုံးကလည်း အချိန်တိုင်း မိတ်လိုက်ချင်စိတ် ပြင်းပြကုန်ပြီ” ဟု အသက် ၆၄ နှစ်အရွယ် သစ်ဆွဲဆင် ၈ ကောင်ပိုင်ရှင် ဦးချစ်စိန်က ဆိုသည်။ မြန်မာနိုင်ငံသည် ဆင်သတ္တ၀ါများနှင့်ပတ်သက်၍ အစွဲကြီးသည်။ ကမ္ဘာပေါ်တွင် ခိုင်းဆင် ပမာဏအများဆုံး တိုင်းပြည်လည်း ဖြစ်သည်။ ခေတ်မီစက်ကိရိယာများဖြင့်ပင် မထိုးဖောက်နိုင်သေးသော တောနက်များမှ အဖိုးတန်ကျွန်းသစ်နှင့် အခြားသစ်ကုန်ကြမ်းများ ထုတ်လုပ်ရေးကဏ္ဍ၌ နှစ်ရာပေါင်းများစွာကတည်းကပင် ၎င်းတို့ကို အသုံးပြုနေခဲ့ကြသည်။

ယခုသော်ကား အရေပြားထူထည်းအားကောင်းသည့် ယဉ်ပါးဆင် ၅၅၀၀ ၏ အနာဂတ်ကို ကြီးကြပ်ကိုင်တွယ်ပေးမည့် အစိုးရအာဏာပိုင်များရှိဖို့ အထူးလိုအပ်လာပါသည်။

လွန်ခဲ့သော ၂ နှစ်ကပင် အလုပ်လက်မဲ့ဖြစ်နေရသည့် သစ်ဆွဲဆင် ၆ ကောင် ပိုင်ဆိုင်သူ ဦးစောသာပြည့်က “အလုပ်မရှိတော့ ထိန်းကျောင်းကိုင်တွယ်ဖို့ တကယ်ခက်ခဲလာတယ်။ သစ်ပင်တွေ မရှိတော့လို့ သစ်ဆွဲလုပ်ငန်းလည်း မရှိတော့ဘူး” ဟူ၍ ပြောပြသည်။

ယခုအချိန်တွင် အလုပ်လက်မဲ့ဆင်အကောင်ရေ ၂၅၀၀ ခန့်ရှိနေကြောင်း၊ ၎င်းတို့အနက်အများစုမှာ ထိုင်းနယ်စပ်နှင့် အချိန်နှစ်နာရီခွဲခရီးကွာဝေးသည့် မြန်မာနိုင်ငံအရှေ့ပိုင်း တောတောင်များထဲ၌ ရှိနေကြောင်း၊ ၎င်းပမာဏမှာ အလုပ်လက်မဲ့မြန်မာလူထု ၄ ရာခိုင်နှုန်းနှင့်နှိုင်းယှဉ်ပါက ၄၀ ရာခိုင်နှုန်းအထိ ဖြစ်နေကြောင်း မြန်မာ့ဆင်အရေးကျွမ်းကျင်သူ ဒေါ်ခိုင်ဦးမာက သုံးသပ်တင်ပြထားသည်။

“ဒီဆင်တွေအများစုဟာ ဘာလုပ်လို့ဘာကိုင်ရမှန်း မသိကြတော့ဘူး။ သူတို့ကို ထိန်းသိမ်းတဲ့စားရိတ်ကြီးမားလွန်းတဲ့အတွက် ပိုင်ရှင်တွေအဖို့ တကယ့်ဝန်ထုပ်ဝန်ပိုးကြီး ဖြစ်နေပါတယ်”။

အရွယ်ရောက်ပြီးသောဆင်တိုင်းမှာ ခန္ဓာကိုယ်အလေးချိန်ပေါင် တစ်သောင်းဝန်းကျင် ရှိပြီး၊ နေ့စဉ် အစားအစာအလေးချိန် ပေါင် ၄၀၀ ခန့် စားသုံးကြသည်။ ဆပ်ကပ်များ၊ သစ်ဆွဲခြင်းများမှအပ ၎င်းတို့အတွက် အလုပ်အကိုင်အခွင့်အလမ်း များများစားစား မရှိကြ။

သစ်ဆွဲခြင်းသည် ပင်ပန်းကြီးစွာ အားစိုက်ရသောအလုပ်ဖြစ်သည်။ သို့သော်လည်း မြန်မာ့ဆင်များအဖို့ ကြမ်းတမ်းသောအလုပ်က ၎င်းတို့အား ကျန်းမာသန်စွမ်းစေသော အကြောင်းခံဖြစ်နေပြန်သည်။ စည်းကမ်းတကျ ထိန်းကျောင်းပြီး လုပ်ငန်းခွင်ဝင်စေသော မြန်မာ့ဆင်များသည် ပျမ်းမျှသက်တမ်း ၄၂ နှစ်ရှိကြ၍၊ အနောက်တိုင်းတိရစ္ဆာန်ဥယျာဉ်များရှိ ဆင်တို့ထက် နှစ်ဆ၊ အခြားတိရစ္ဆာန်ဥယျာဉ်ရှိ သတ္တ၀ါများထက် ၁၉ နှစ် သက်တမ်းရှည်သည်ကိုတွေ့ကြောင်း ၂၀၀၈ ခုနှစ်လေ့လာချက်တစ်ရပ်က ဖော်ပြထားသည်။ အချို့သစ်ဆွဲဆင်တို့၏သက်တမ်းမှာ ထိုထက်ပင် ရှည်လျားကြ၏။

“သစ်ဆွဲဆင်များဟာ ပုံမှန်အားဖြင့် နှစ် ၅၀ ကနေ နှစ် ၆၀ ကျော်အထိ အသက်ရှည်တယ်ဆိုတာ ခင်ဗျားတို့ သိရှိကြပါသလား။ အဲ့ဒါက အစာရေစာနဲ့ ကောင်းမွန်စွာထိန်းကျောင်းမှုကြောင့် ဖြစ်ပါတယ်” ဟု ထိုင်းနိုင်ငံအခြေစိုက် ဆင်ရေးရာကျွမ်းကျင်ပညာရှင် Joshua Plotnik က ရှင်းပြသည်။

ဆင်များသည် လုပ်ငန်းခွင်အတွင်း ကျစ်လစ်သည့်စရိုက်လက္ခဏာရှိပြီး အလုပ်မရှိပါက အကျင့်ပျက်လေ့ရှိကြောင်း ကျွမ်းကျင်သူများထံမှ သိရသည်။ ထိုင်းနိုင်ငံရှိ ဆင်များထိန်းသိမ်းစောင့်ရှောက်ရေးစင်တာ Golden Traingle Asian Elephant Foundation ၏ ဒါရိုက်တာ John Edward Roberts က ဤသို့ဆိုသည်။
“ကျွန်တော်ကတော့ (ဆင်တွေကို လူတွေအတိုင်း) ပုံသွင်းတာမျိုး မလိုလားဘူးဗျ။ ဒါပေမယ့် တကယ်လို့ သူတို့ဘ၀ထဲကနေ အဲ့ဒီအပိုင်းကို ဖယ်ထုတ်လိုက်ရင်လည်း ရုပ်ပိုင်းနဲ့စိတ်ပိုင်းဆိုင်ရာအရ ဒီအတိုင်းလွှတ်ထားဖို့ ခက်ခဲရပြန်တယ်”။

မြန်မာလူထုအများစုအဖို့ သာလွန်ကောင်းမွန်သောအခွင့်အလမ်းများ ရှိနေကြသည်။ နှစ်ပေါင်းများစွာ ကြမ်းကြုတ်သောအာဏာရှင်အုပ်ချုပ်ရေးအလွန်တွင် စီးပွားရေးက ရုတ်ခြည်းခေါင်းထောင်လာပြီး ထူးသစ်သောလွတ်လပ်မှုများ ခံစားကြရသည်။ သို့ရာတွင် ဒီမိုကရေစီရောင်နီဦးက ဆင်များအဖို့ ပြောင်းပြန်အကျိုး ဖြစ်ထွန်းသွားစေသည်ဟု ဆိုရပေမည်။ မြန်မာလူထုတို့မှာ အာဏာရှင်အုပ်ချုပ်ရေးဒဏ်ခံရသည့် ဆယ်စုနှစ်များအတွင်း ဆင်များမှာမူ ထိုမျှလောက် ဘ၀မကြမ်းတမ်းခဲ့ချေ။

စစ်အစိုးရက ဗြိတိသျှကိုလိုနီတုိ့ရေးဆွဲထားခဲ့သော စည်းမျဉ်းများအတိုင်း တင်းကြပ်စွာလိုက်နာ၍ ဆင်များကို တစ်ပတ်လျှင် ငါးရက်၊ တစ်ရက်လျှင် ၈ နာရီ အလုပ်လုပ်စေပြီး ၅၅ နှစ်အရွယ်တွင် အနားပေးစေခဲ့သည်။ သားဖွားခြင်း၊ နွေရာသီအားလပ်ရက်နှင့် ဆေးဝါးကုသစောင့်ရှောက်မှုများကို ခံယူစေသည်။ ယနေ့တိုင် အစိုးရလက်အောက်ရှိ ဆင်များအတွက် သားဖွားစခန်းများနှင့် အနားပေး ဘေးမဲ့ဆင်များ ရှိနေကြသေးသည်။ စစ်အာဏာရှင်များလက်အောက်တွင် လူမှုဖူလုံရေးဆိုင်ရာ ကာကွယ်စောင့်ရှောက်မှုများ ပျက်ကွက်သော်လည်း လုပ်ငန်းခွင်သုံးဆင်များဆိုင်ရာ ဥပဒေကိုမူ ကရုတစိုက် ကျင့်သုံးခဲ့ကြသည်။ ဆင်များသည် လွန်ကဲစွာ အလုပ်ပန်းလျှင် အထူးအန္တရာယ်ကြီးမားတတ်ခြင်းကလည်း အကြောင်းတစ်ရပ်ဖြစ်ကြောင်း ကိုင်တွယ်သူများက ဆိုကြသည်။

သစ်ဆွဲဆင်တိုင်း၌ ဆေးဝါးကုသမှုနှင့် လုပ်ငန်းခွင်ဆိုင်ရာ မှတ်တမ်းစာအုပ်ကိုယ်စီ ရှိကြ၏။ ၎င်းတို့ကို မြန်မာ့သစ်လုပ်ငန်း MTE မှ ကြီးကြပ်ကိုင်တွယ်ထားသည်။

“ကျွန်မတွေ့ဖူးတဲ့ အခြားနိုင်ငံက ဆင်တွေထက်စာရင် MTE ရဲ့ဆင်တွေက ပိုပြီးကျန်းမာသန်စွမ်းလှပါတယ်။ အစာအာဟာရပြည့်ဝတယ်။ ကြွက်သားအားကောင်းတဲ့ ခန္ဓာအချိုးအစား ပိုင်ဆိုင်ကြတယ်။ ကောင်းမွန်တဲ့ ကိုယ်လက်လှုပ်ရှားမှု ရရှိကြတယ်” ဟု အမေရိကန်အခြေစိုက် lephant Care International ပရဟိတလုပ်ငန်း၏ တိရစ္ဆာန်ဆေးကုသရေးနှင့်သုတေသနဒါရိုက်တာ ဒေါက်တာ Susan Mikota က ဆိုသည်။

တိရစ္ဆာန်ရုံများရှိဆင်တို့ သက်တမ်းပြည့်မနေရခြင်း၏ အဓိကအကြောင်းတစ်ခုမှာ အ၀လွန်ဆူဖြိုးခြင်းမှု ဖြစ်ကြောင်း ၂၀၀၈ ရေးရာစာအုပ်တွဲဖက်ရေးသားသူ Georgia Mason က သုံးသပ်ထားသည်။ နောက်ပိုင်းလေ့လာချက်တစ်ခုအရ တိရစ္ဆာန်ရုံထဲမွေးဖွားလာသော ဆင်ပေါက်များသည် သစ်ဆွဲစခန်းအတွင်းမွေးဖွားသည့်ဆင်များထက် ၁၅ ရာခိုင်နှုန်း ကိုယ်အလေးချိန်ပိုများကြောင်း သူမက ဆိုသည်။

သစ်တောစခန်းသို့ ဆင်စီးပြန်လာသူတစ်ဦး

သစ်တောပြုန်းတီးမှု၊ သစ်ဆွဲလုပ်ငန်းနယ်ပယ်ကျဉ်းမြောင်းလာမှုကြောင့် အလုပ်လက်မဲ့ဆင်များ တိုးပွားလာခြင်းအပေါ် ဆင်တစ်ချို့ကို တောအတွင်းသို့ ဘေးမဲ့လွှတ်ခြင်းဖြင့် အစိုးရက နည်းလမ်းရှာကြည့်နေကြသည်။

အမေရိကန်အခြေစိုက် တိရစ္ဆာန်ကာကွယ်ရေးအဖွဲ့အစည်းတစ်ခုဖြစ်သည့် Wildlife Conservation Society မှ ဆင်များရေးရာစီမံသူ Simon Hedges က အဆိုပါလုပ်ရပ်ကို “နှိုးဆွလိုက်သည့် လမ်းဖော်ချက်” ဟု ရှုမြင်သည်။ သို့သော် သူနှင့်အတူ အခြားကျွမ်းကျင်သူများက ယဉ်ပါးဆင်များမှတဆင့် တောနေလူထုသို့ ရောဂါကူးစက်နိုင်ခြင်း၊ အစာရေစာအတွက် ရွာများသို့ ၀င်ရောက်သောင်းကျန်းလာနိုင်ခြင်းနှင့်ပတ်သက်၍ စိုးရိမ်စွာသတိပေးခဲ့သည်။

ယမန်နှစ်က မြန်မာနိုင်ငံတွင် မြန်မာအစိုးရမှ လက်ခံကျင်းပခဲ့သော ဆင်များ၏အနာဂတ်ရေးရာဆွေးနွေးပွဲတက်ရောက်ခဲ့သူ မစ္စတာ Hedges က “တစ်ယူသန်အဖွဲ့အစည်းတစ်ချို့က အဲ့ဒီသုံ့ပန်းဆင်အားလုံးကို တောနက်ထဲ ဘေးမဲ့လွှတ်လိုက်တာအကောင်းဆုံးလို့ ယုံကြည်နေကြတယ်။ ဒါက ပြောသလောက် မလွယ်ပါဘူး။ ဆင်တွေဟာ အကောင်ကြီးပြီး၊ အန္တရာယ်များတယ်။ လူတွေကိုလည်း ကြောက်လန့်စေတယ်။ လယ်ခင်းယာခင်းတွေကနေ သူတို့ကို မောင်းထုတ်ရခက်တယ်” ဟူ၍ ပြောပြခဲ့သည်။

ဆင်ပိုင်ရှင်များသည် ဆင်တို့ကို တောနက်သို့ အစာရှာစားရန် ပုံမှန်လွှတ်ပေးတတ်သည်။ မကြာခဏဆိုသလိုပင် ကောက်ပဲသီးနှံများကို ၀ါးမြိုစားသောက်ကြသဖြင့် ရွာသူရွာသားများကို နစ်နာကြေးပေးနေရ၏။ “ဆင်တွေအတွက် တောထဲမှာ နေရာမကျန်သလောက် ဖြစ်နေပြီ” ဟု ဆင်ပိုင်ရှင် ဦးချစ်စိန်က ပြောပြသည်။

ကုလသမဂ္ဂ FAO ၏ အဆိုအရ မြန်မာသစ်တောဧရိယာမှာ ၁၉၉၀ ခုနှစ်ကတည်းကစပြီး ၄၂ ရာခိုင်နှုန်းအထိ လျော့နည်းလာသည်။ အဖြေရှာနေရင်းနှင့် ဆင်ပိုင်ရှင်များသည်လည်း အလုပ်လက်မဲ့ဆင်များ၏ ၀န်ပိမှုကို ခံစားနေရသည်။

၎င်းတို့၏စားရိတ်အတွက် အချို့ကို ထိုင်းနိုင်ငံရှိလုပ်ငန်းရှင်တို့ထံ ရောင်းချခဲ့ရသည်။ ဆင်လိမ္မာပြပွဲများ၊ တောတွင်းဆင်စီးခရီးသွားခြင်းများ အပါအ၀င် ထိုင်းကမ္ဘာ့လှည့်ခရီးသွားလုပ်ငန်းစဉ်များ၌ ၎င်းတို့အား အသုံးချကြပေလိမ့်မည်။ ထိုင်းနိုင်ငံသို့ ဆင်များကို တင်ပို့ရောင်းချခြင်းမှာ အခြေခံအားဖြင့် ဥပဒေကြောင်းအရ တရားမ၀င်သော်လည်း ထိုသို့ဖြစ်စဉ်များ ပိုမိုများပြားလာနိုင်ဖွယ်ရှိသည်ဟု ဆင်ပိုင်ရှင်များက ဆိုသည်။

အချို့ဆင်ပိုင်ရှင်များကမူ မိမိတို့၏ဆင်များကို ရောင်းပစ်ရန် လုံးဝ စဉ်းစားမည်မဟုတ်ကြောင်း ပြောကြလေသည်။

“ကျွန်တော့်ဆင်တွေနဲ့ပတ်သက်ပြီး ဘာဆက်လုပ်ရမှန်း မသိတော့ပါဘူး။ ဒါပေမယ့် ကျွန်တော် သူတို့ကို တစ်ပါးသူဆီ ဘယ်တော့မှ ရောင်းထုတ်မှာမဟုတ်ဘူး။ သူတို့ကို ကျွန်တော် အရမ်းချစ်တာဗျ” ဟု စောသာပြည့်က ဆိုပါသည်။

(The New York Times ၌ ဖော်ပြသော Thomas Fuller ၏ Unemployed, Myanmar’s Elephants Grow Antsy, and Heavier ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)

February 11, 2016