ဖေဖော်ဝါရီ ၉၊ ၂၀၁၆
M-Media
– မောင်းသူမဲ့ ဒရုန်းလေယာဉ်တွေကို အသုံးပြုပြီး ရာဇ၀တ်မှုတွေ ကျူးလွန်လာနိုင်တယ်ဆိုတဲ့ စိုးရိမ်မှုတွေ မြင့်တက်လာနေတဲ့အချိန် အင်္ဂလန်ရဲတပ်ဖွဲ့ကတော့ ဒရုန်းတွေကို ဟန့်တားဖို့အတွက် သိမ်းငှက်ကို အသုံးပြုဖို့ စဉ်းစားနေတယ်လို့ သိရပါတယ်။
လက်ရှိအချိန်မှာ ဒီနည်းစနစ်ကို နယ်သာလန်နိုင်ငံမှာ စမ်းသပ်အသုံးပြုနေတာဖြစ်ပြီး အင်္ဂလန်ရဲတပ်ဖွဲ့က စိတ်ဝင်စား နေတာဖြစ်ပါတယ်။
“အမြဲတမ်းပြောင်းလဲနေတဲ့ အဖွဲ့အစည်းတစ်ခုကို မျှော်လင့်ထားတဲ့အတိုင်း ကျွန်တော်တို့ဟာ အယူအဆအသစ်တွေအားလုံးကို စိတ်ဝင်တစားရှိနေပြီး ဒက်ခ်ျရဲတပ်ဖွဲ့ရဲ့ သိမ်းငှက်အသုံးပြုမှုကိုလည်း စောင့်ကြည့်နေပါတယ်” လို့ အင်္ဂလန်ရဲတပ်ဖွဲ့မှ အမည်မဖော်လိုတဲ့ ပြောရေးဆိုခွင့်ရှိသူတစ်ဦးက ပြောကြားခဲ့ပါတယ်။
IS အဖွဲ့အပါအ၀င် အခြား အကြမ်းဖက်ဂိုဏ်းတွေဟာ ဗြိတိန်နိုင်ငံထဲမှာ ဒရုန်းတွေအသုံးပြုပြီး အကြမ်းဖက်မှုတွေ ပြုလုပ်လာဖွယ်ရှိတယ်လို့ ယူကေသတင်းစာတွေက ပြီးခဲ့တဲ့ ဒီဇင်ဘာအစောပိုင်းလောက်က ရေးသားဖော်ပြခဲ့ပါတယ်။
“အကြမ်းဖက်သမားတွေဟာ ပေါင် ၁၀၀ သာသာလောက်ပဲ ကျသင့်တဲ့ လူလိုက်ပါစရာမလိုတဲ့ စက်ကိရိယာတွေ အသုံးပြုပြီး လူစုလူဝေးကြားတွေထဲမှာ ပေါက်ကွဲနိုင်တဲ့ပစ္စည်းတွေ ချပစ်ဖို့ လုပ်နေပါတယ်” လို့ ဗြိတိန်နာမည်ကြီး ထောက်လှမ်းရေးဖြစ်တဲ့ MI5 က ပြောကြားခဲ့ပါတယ်။
တရားရေးဝန်ကြီးဌာနကတော့ အင်္ဂလန်နဲ့ ဝေးလ်စ်အကျဉ်းထောင်တွေမှာ ၂၀၁၅ ရဲ့ ပထမငါးလအတွင်း အကျဉ်းထောင်ထဲ ဒရုန်းဝင်ရောက်ပျံသန်းမှု ၉ ခုလောက် တွေ့ရတယ်လို့ ဆိုပါတယ်။ ဒရုန်းအသုံးပြုပြီး ကျူးလွန်တဲ့ ရာဇ၀တ်မှုတွေနဲ့ မူးယစ်ဆေးကုန်သွယ်မှုတွေကို ဖမ်းဆီးရာမှာ သိမ်းငှက်နဲ့ လင်းယုန်ငှက်များ အသုံးပြုနိုင်မယ့် အလားအလာ ရှိနေပါတယ်။
နယ်သာလန်အခြေစိုက် Guard From Above ကုမ္ပဏီဟာ အန္တရာယ်ရှိတဲ့ ဒရုန်းတွေကို ငှက်တွေအသုံးပြုပြီး လို
က်လံတားဆီးမယ့် အစီအစဉ်ကို ပထမဆုံးဆောင်ရွက်တဲ့ကုမ္ပဏီဖြစ်ပါတယ်။
Ref; Presstv
