Blog

မလေးရှားဝန်ကြီးချုပ်ဟောင်း မဟာသီယာ၏ သားဖြစ်သူ ပြည်နယ်ဝန်ကြီးချုပ်ရာထူးမှ နှုတ်ထွက်

ဖေဖော်ဝါရီ ၃၊ ၂၀၁၆
M-Media

– မလေးရှားဝန်ကြီးချုပ်ဟောင်း မဟာသီယာ မိုဟာမက်ရဲ့ သားဖြစ်သူဟာ ပြည်နယ်ဝန်ကြီးချုပ်နေရာကနေ နှုတ်ထွက်သွားခဲ့ပြီး ၀န်ကြီးချုပ် နာဂျစ် ရာဇတ်က သူနဲ့ ပုခုံးချင်းယှဉ်မယ့် ပြိုင်ဘက်ကို ရှင်းလင်းတာ ဖြစ်မယ်လို့ နိုင်ငံရေးအသိုင်းအ၀ိုင်းက ရှုမြင်နေကြပါတယ်။

ကဒါဟ်ပြည်နယ် ၀န်ကြီးအဖြစ် တာဝန်ထမ်းဆောင်နေတဲ့ အသက် ၅၁ နှစ်အရွယ် မုခ်ရစ်ဇ် မုခ်ရစ်ဇ်ဖြစ်ပြီး အာဏာရ UMNO ပါတီရဲ့ ဖိအားပေးမှုကြောင့် ယမန်နေ့က ရာထူးကနေ နှုတ်ထွက်ခဲ့တာဖြစ်တယ်လို့ မလေးရှားမီဒီယာတွေကဖော်ပြကြပါတယ်။

မုခ်ရစ်ဇ်ဟာ အနာဂတ် မလေးရှား ၀န်ကြီးချုပ်နေရာအတွက် လျာထားခံရသူတစ်ယောက် ဖြစ်ပေမယ့် ငွေကြေးခြစားမှု ပြဿနာနဲ့ပတ်သက်ပြီး ၀န်ကြီးချုပ်နာဂျစ်ကို မဟာသီယာက ဝေဖန်ခဲ့ပြီး ရာထူးကနှုတ်ထွက်ဖို့ တောင်းဆိုခဲ့တာကြောင့် မုခ်ရစ်ဇ်ရဲ့ ၀န်ကြီးချုပ်ဖြစ်ရေး အခွင့်အလမ်းကို ရိုက်ခတ်ခဲ့တာဖြစ်ပါတယ်။

အစိုးရပိုင်လုပ်ငန်းတစ်ခုဖြစ်တဲ့ 1Malaysia Development ကနေ ဒေါ်လာ လေးဘီလီယံလောက် ပျောက်ဆုံးခဲ့တယ်လို့ လွန်ခဲ့တဲ့ ၁ နှစ်ကျော်က သတင်းတွေထွက်ပေါ်ခဲ့တဲ့ ပြဿနာအတွက် မလေးရှားအစိုးရဟာ ဝေဖန်ပြစ်တင်မှုကို ခံခဲ့ရပါတယ်။

အဲဒီလုပ်ငန်းကို ၂၀၀၉ ခုနှစ်မှာ နာဂျစ်က တည်ထောင်ခဲ့တာဖြစ်ပြီး ၎င်းရဲ့ ကိုယ်ပိုင်ဘဏ်စာရင်းမှာ အမေရိကန် ဒေါ်လာ ၆၈၁ သန်းလောက် ရှိနေတဲ့ အထောက်အထားတွေ ထွက်ပေါ်လာပြီးတဲ့နောက် နာဂျစ်ကိုယ်တိုင် ထိုပြဿနာမှာ ပါဝင်ခဲ့ပါတယ်။ ၀န်ကြီးချုပ်ဟောင်း မဟာသီကတော့ နာဂျစ်ဘ်အနေနဲ့ ရာထူးကနေ နှုတ်ထွက်ပေးပြီး အမှုရင်ဆိုင်ဖို့တောင်းဆိုခဲ့ပါတယ်။

ပြီးခဲ့တဲ့လက မလေးရှား ရှေ့နေချုပ် မိုဟာမက် အာပန်ဒီ အလီက နာဂျစ်အပါ် စွပ်စွဲထားမှုများကို ချေဖျက်ခဲ့ပြီး အဲဒီပိုက်ဆံတွေဟာ ဆော်ဒီတော်ဝင်မိသားစုရဲ့ သီးသန့်အလှူငွေဖြစ်တယ်လို့ ပြောခဲ့ပါတယ်။ အဲဒီသတင်းတွေ ထွက်ပေါ်လာပြီးတဲ့နောက်မှာ နာဂျစ်က ဒုတိယ၀န်ကြီးချုပ်နဲ့ ရှေ့နေချုပ်တို့လို သူ့ကို ဝေဖန်သူတွေကို ထုတ်ပယ်တာမျိုးလုပ်ပြီး ကတ်ဘိနက်အဖွဲ့ကို ပြန်လည် ဖွဲ့စည်းခဲ့ပါတယ်။

Ref: presstv

February 4, 2016
အမေရိကန်သမ္မတအိုဘားမား ဗလီဝတ်ကျောင်းတော်သို့ သွားရောက်လည်ပတ်၊ မွတ်စလင်များ၏ တိုင်းပြည်အပေါ် ပေးဆပ်မှုကို ချီးကျူး

ဖေဖော်ဝါရီ ၄၊ ၂၀၁၆
M-Media

– အမေရိကန်သမ္မတ ဘာရက်အိုဘားမားမှာ ၎င်း၏ သမ္မတသက်တမ်းတွင် ပထမဆုံးအကြိမ်အဖြစ် ဘာလ်တီမိုးရှိ ဗလီဝတ်ကျောင်းတော်သို့ သွားရောက်လည်ပတ်ခဲ့ပြီး နိုင်ငံရေး ရည်ရွယ်ချက်အတွက် အမေရိကန်မွတ်စလင်လူ့အဖွဲ့အစည်းအပေါ် စွပ်စွဲပြောဆိုမှုများကို ရှုတ်ချခဲ့သည်။

ဗလီဝတ်ကျောင်းတော်တစ်လုံး၊ မူကြိုမှ Grade 12 အထိ သင်ကြားသည့် ကျောင်းတစ်ကျောင်းတို့ ပါဝင်သည့် Islamic Society of Baltimore ကို အိုဘားမားက ယမန်နေ့တွင် သွားရောက်လည်ပတ်ခဲ့ခြင်းဖြစ်ပြီး မွတ်စလင်လူ့အဖွဲ့အစည်းခေါင်းဆောင်များနှင့်လည်း တွေ့ဆုံ စကားပြောဆိုခဲ့သည်။

“လူအနည်းငယ်ရဲ့ လုပ်ရပ်တွေအတွက် အမေရိကန်မွတ်စလင်တွေဟာ မကြာခဏ ပစ်မှတ်ထားကာ အပြစ်တင်ခံနေရပါတယ်။ ဘာသာတရားတစ်ခုကို တိုက်ခိုက်တာဟာ ဘာသာတရားအားလုံးကို တိုက်ခိုက်တာပါပဲ။ လက်ခံလို့မရတဲ့ နိုင်ငံရေးအရ မကောင်းပြောဆိုမှုတွေကို အမေရိကန်မွတ်စလင်တွေအပေါ် ပြုလုပ်နေတာကို ကျွန်တော်တို့ ကြားနေရပါတယ်။ အဲဒီအတွက် ကျွန်တော်တို့ တိုင်းပြည်မှာ နေရာမရှိပါဘူး” ဟု အိုဘားမားက Islamic Society of Baltimore တွင် ပြောကြားသည့်မိန့်ခွန်း၌ ထည့်သွင်းပြောဆိုခဲ့သည်။

ဗလီဝတ်ကျောင်းသို့ အဆိုပါ သွားရောက်လည်ပတ်မှုကို အိုဘားမားက Facebook စာမျက်နှာတွင် လွှင့်တင်ခဲ့ကာ အမေရိကန်မွတ်စလင်များ၏ တိုင်းပြည်အပေါ် ပေးဆပ်မှု၊ တာဝန်ကျေပွန်မှုကို ချီးကျူးခဲ့သည်။

“လယ်သမားတွေ၊ ကုန်သည်တွေနဲ့ Henry Ford ရဲ့ စက်ရုံက အလုပ်သမားတွေအဖြစ် အမေရိကန်မွတ်စလင်မျိုးဆက်တွေက ကျွန်တော်တို့တိုင်းပြည် တည်ဆောက်ရေးမှာ တစ်တပ်တစ်အား ပါဝင်ကူညီခဲ့ကြတယ်။ မွတ်စလင်တွေဟာ ကျွန်တော်တို့ရဲ့ ကလေးတွေကို ပုံဖေါ်ထုဆစ်ပေးတဲ့ ဆရာတွေ၊ ကျွန်တော်တို့ကျန်မာရေးအတွက် ယုံပုံအပ်နှံရတဲ့ ဆရာဝန်တွေလည်း ဖြစ်ပါတယ်။ သူတို့တွေဟာ နိုဘယ်ဆုတွေရခဲ့တဲ့ သိပ္ပံပညာရှင်တွေ၊ နည်းပညာအသစ်အဆန်းတွေကို တီထွင်ဖန်တီးတဲ့ လူငယ် စွန့်ဦးတီးထွင်သူတွေဖြစ်သလို၊ မိုဟာမက်အလီကနေ အဘ်ဒူလ် ဂျဘ်ဘားရ်အထိ ကျွန်တော်တို့ လက်ခုတ်လက်ဝါးတီး အားပေးခဲ့ကြရတဲ့ ချန်ပီယံကြီးတွေလည်း ဖြစ်ပါတယ်။ သူတို့ဟာ ရဲတပ်ဖွဲ့ဝင်တွေ၊ မီးသတ်သမားတွေအဖြစ် ကျွန်တော်တို့ ဘေးအန္တရာယ်ကင်းရှင်းစေဖို့ ဆောင်ရွက်ပေးနေသူတွေပါ။ မွတ်စလင်တွေဟာ ယူနီဖောင်းဝတ်ပြီး ကျွန်တော်တို့ရဲ့ လွပ်လပ်မှုအတွက် အသက်၊ သွေးချွေးစတေးကာ စွန့်လွှတ်စွန့်စားနေကြသူတွေလည်းဖြစ်ပါတယ်” ဟု အိုဘားမားက ရေးသားဖော်ပြခဲ့သည်။

ထို့ပြင် လက်ရှိအချိန်၌ အမေရိကန်မွတ်စလင်များမှာ ခြိမ်းခြောက်မှုများနှင့် အရှက်စေမှုများ မြင့်တက်လာခြင်းကြောင့် စိတ်သောကရောက်နေကြကြောင်း၊ ဘာသာရေးအုပ်စုတစ်ခု ပစ်မှတ်ထားခံနေရပါက မိမိတို့က ရပ်တည်ပြောဆိုရန် တာဝန်ရှိကြောင်း အိုဘားမားက ဆိုသည်။

“ကျွန်တော်တို့ဟာ တစ်ခုတည်သော အမေရိကန်မိသားစုဖြစ်ပြီး ဘာသာတရားတစ်ခုကို တိုက်ခိုက်တာက ကျွန်တော်တို့ ဘာသာတရားအားလုံးကို တိုက်ခိုက်တာဖြစ်ပါတယ်။ ဘာသာရေးအုပ်စုတစ်ခုဟာ ပစ်မှတ်ထားခံနေရပြီဆိုရင် အဲဒါကို ဆန့်ကျင်ပြောဆိုဖို့ ကျွန်တော်တို့မှာ တာဝန်ရှိပါတယ်။ လူမျိုးရေး ဒါမှမဟုတ် ဘာသာရေးကြောင့် ပြည်သူတွေကိုပစ်မှတ်ထားတဲ့ နိုင်ငံရေးမျိုးကို ကျွန်တော်တို့ ဖယ်ရှားဖို့ လိုအပ်ပါတယ်။ ဘာသာရေးစည်းခြားပြီး ကျွန်တော်တို့ကိုသွေးခွဲဖို့ အခြားသူတွေက ကြိုးစားနေကြတဲ့အချိန်မှာ – ကျွန်တော်တို့အားလုံးဟာ တူညီတဲ့ဂုဏ်သိက္ခာနဲ့ မွေးဖွားလာကြတဲ့ ဘုရားသခင်ရဲ့ သားသမီးတွေဖြစ်တယ် – ဆိုတဲ့ အခြေခံအမှန်တရားကို အသေအချာ ဆုပ်ကိုင်ထားရပါမယ်”

အမေရိကန်မွတ်စလင်များ၏ ယုံကြည်ကိုးကွယ်မှုအတွက်လည်း အိုဘားမားက အာမခံခဲ့ပြီး မွတ်စလင်လူ့အဖွဲ့အစည်းမှာ အမေရိက၏ အစိတ်အပိုင်းဖြစ်ကြောင်း၊ မိမိတို့မှာ စိတ်စိတ်ဝမ်းတည်း နေထိုင်ကာ ခိုင်မာတောင့်တင်းသည့် လူ့အဖွဲ့အစည်းအဖြစ် ဆက်လက်ရှိနေရမည်ဖြစ်ကြောင်း နိဂုံးချုပ်ရေး ရေးသားဖော်ပြခဲ့သည်။

Ref: Aljazeera, Obama’s Facebook

February 4, 2016
အထိုင်များသူများ ဆီးချိုဖြစ်နိုင်ချေ ပိုများ

ဖေဖော်ဝါရီ ၄၊ ၂၀၁၆
M-Media

– နေ့စဉ် အထိုင်များတဲ့သူတွေဟာ အမျိုးအစား ၂ ဆီးချိုရောဂါ ဖြစ်နိုင်ချေ ၅ ပုံ ၁ ပုံထက်ကို ပိုများတယ်လို့ ဒတ်ခ်ျလူမျိုး သိပ္ပံပညာရှင်တွေ ပြုလုပ်ခဲ့ပြီး လူ ၂၅၀၀ ပါဝင်ခဲ့တဲ့ လေ့လာမှုတစ်ရပ်အရ သိရှိရပါတယ်။

တစ်နေ့တာလုံးမှာ ကိုယ်လက်လှုပ်ရှားမှု နည်းပါးတဲ့သူတွေအနေနဲ့ အမျိုးအစား ၂ ဆီးချိုရောဂါ ဖြစ်နိုင်ချေ ပိုများနိုင်တာဖြစ်ပြီး၊ တစ်နေကုန် စားပွဲခုံမှာ ထိုင်အလုပ်လုပ်ကာ ညနေပိုင်း အားကစားခန်းမသွား လေ့ကျင့်ခန်းလုပ်ရုံလောက်နဲ့ ဆီးချိုဖြစ်နိုင်ချေကို မလျှော့ချနိုင်ဘူးလို့ သုတေသနရလဒ်တွေက ဖော်ပြနေပါတယ်။ ပြင်းပြင်းထန်ထန် လေ့ကျင့်ခန်းလုပ်မယ်ဆိုရင်တောင် အချိန်ကြာကြာထိုင်တဲ့ဒဏ်ကို လျှော့ချနိုင်မှာ မဟုတ်ပါဘူး။

စမ်းသပ်မှုရလဒ်တွေအရဆိုရင် အမျိုးအစား ၂ ဆီးချိုရောဂါသည်တွေဟာ လှုပ်ရှားမှုအနည်းဆုံးသူတွေဖြစ်ပြီး တစ်နေ့ကို အလုပ်ချိန် ၉ နာရီထက်ပိုပြီး ၂၆ မိနစ်လောက် ဆက်တိုက် ထိုင်လေ့ရှိသူတွေ ဖြစ်ပါတယ်။ တစ်နေ့အလုပ်လုပ်ချိန်ပျှမ်းမျှ ၉ နာရီအပြင် အပိုတစ်နာရီလောက် အထိုင်များရင် အမျိုးအစား ၂ ဆီးချိုရောဂါ ဖြစ်နိုင်ချေ ၂၂ ရာခိုင်နှုန်း ပိုမြင့်တက်လာတယ်လို့ မက်စ်ထရစ်ခ်ျတက္ကသိုလ်မှ သိပ္ပံပညာရှင်တွေက တွက်ချက်ပြခဲ့ပါတယ်။

လေ့လာတွေ့ရှိချက်တွေအရ အခုလိုအဖြစ်များတဲ့သူတွေဟာ များသောအားဖြင့် ကွန်ပျူတာရှေ့မှာထိုင်ပြီး နေ့တစ်နေ့ရဲ့ သုံးပုံတစ်ပုံလောက် အလုပ်လုပ်နေကြတဲ့ ရုံးအလုပ်သမားတွေ၊ ပြီးတော့ ကုန်တင်ကားနဲ့ တက္ကစီယာဉ်မောင်းတွေ၊ ကောင်တာထိုင်တဲ့သူတွေ၊ လေယာဉ်မှူးတွေ စတဲ့သူတွေ ဖြစ်ပါတယ်။

ဒီလို အထိုင်များတဲ့အပြုအမူဟာ အ၀လွန်ခြင်းနဲ့ ကင်ဆာရောဂါတွေနဲ့ပါ ဆက်စပ်လာမှာကို ဆရာဝန်တွေကလည်း စိုးရိမ်လျက်ရှိပါတယ်။

အဲ့ဒီလိုအထိုင်များတာဟာ ကျောနာ၊ ဇက်နာ၊ ကြွက်သားနာတာတွေနဲ့လည်း တိုက်ရိုက် ဆက်စပ်နေပါတယ်။ အင်္ဂလန်ပြည်သူ့ကျန်းမာရေးဌာနကတော့ အလုပ်သမားတွေအနေနဲ့ တစ်နေ့ကို အနည်းဆုံး နှစ်နာရီလောက် ခြေလျင်လျှောက်သင့်တယ်လို့ တိုက်တွန်းနှိုးဆော်ထားပါတယ်။

အစိုးရကျန်းမာရေးဌာနမှူး ဒိန်း ဆယ်လီ ဒေးဗီးစ်က လှုပ်ရှားမှု မရှိခြင်းဟာ ‘အသံတိတ်လူသတ်သမား’ လို့ သမုတ်ခဲ့ပါတယ်။ သူမက အရွယ်ရောက်သူတွေအနေဲ့ တစ်ပတ်မှာ မိနစ် ၁၅၀ လောက်ကို လေ့ကျင့်ခန်းအတွက် အသုံးပြုသင့်ပြီး ၂ နာရီခွဲလောက်ကို အသင့်အတင့် ပြုလုပ်ပေးကာ ၁၀ မိနစ်နဲ့ အထက်ကို ပြင်းပြင်းထန်ထန် ပြုလုပ်သင့်တယ်လို့ အကြံပြုခဲ့ပါတယ်။

Ref: IINA

February 4, 2016
လူမျိုးစွဲ၊ ဘာသာစွဲ၊ ဂိုဏ်းဂဏစွဲ၊ ပုဂ္ဂိုလ်စွဲတွေ မထားကြဖို့ အမျိုးသား လွှတ်တော် ဥက္ကဌသစ် မန်းဝင်းခိုင်သန်းပြော

ဓာတ်ပုံ- မင်းမင်း/မဇ္ဈိမ

နေပြည်တော်(ဖေဖော်ဝါရီ ၃)။ ။ အမျိုးသားဒီမိုကရေစီ အဖွဲ့ချုပ်(NLD)ပါတီ အမတ်ဖြစ်သူ ကရင်ပြည်နယ်၊ မဲဆန္ဒနယ်အမှတ်(၈)မှ မန်းဝင်းခိုင်သန်း အား ဖေဖော်ဝါရီ ၃ရက်ကကျင်းပသည့် အမျိုးသားလွှတ်တော် အစည်းအဝေးတွင် လွှတ်တော်ဥက္ကဌအဖြစ် တင်မြှောက်လိုက်သည်။

ကရင်တိုင်းရင်းသားတစ်ဦးဖြစ်သူ၊ အာဇာနည်ခေါင်းဆောင်တစ်ဦးဖြစ်သည့် မန်းဘခိုင်၏ မြေးတော်စပ်သူလည်း ဖြစ်သူ မန်းဝင်းခိုင်သန်းက ဥက္ကဌဖြစ်ဖြစ်ချင်း နှုတ်ခွန်းဆက်စကားပြောကြားခဲ့ရာ ၎င်း၏ ပြောကြားချက်များကို ပြန်လည်ဖော်ပြလိုက်ပါသည်။
လေးစားအပ်တဲ့ အမျိုးသားလွှတ်တော်ကိုယ်စားလှယ်တော်ကြီးများ၊ ကြွရောက်လာသော ဧည့်သည်တော်ကြီးများ၊ စိတ်၏ ချမ်းသာခြင်း၊ ကိုယ်၏ ကျန်းမာခြင်းနှင့် ပြည့်စုံပါစေလို့ ရှေးဦးစွာ ဆုတောင်းမေတ္တာ ပို့သအပ်ပါတယ်။
လေးစားအပ်တဲ့ ကိုယ်စားလှယ်တော်ကြီးများ ခင်ဗျာ…။

ကျွန်တော် ကတော့ ကရင်ပြည်နယ်၊ မဲဆန္ဒနယ်အမှတ်(၈)မှ အမျိုးသားလွှတ်တော်ကိုယ်စားလှယ် မန်းဝင်းခိုင်သန်း ဖြစ်ပါတယ်။ ဒုတိယအကြိမ် အမျိုးသားလွှတ်တော်ပုံမှန်အစည်းအဝေးမှာ အခုလို နှုတ်ခွန်းဆက်စကား ပြောကြားခွင့်ရတဲ့အတွက် များစွာ ဂုဏ်ယူဝမ်းမြောက်မိပါတယ်။

လေးစားအပ်တဲ့ အမျိုးသားလွှတ်တော်ကိုယ်စားလှယ်တော်ကြီးများ ခင်ဗျာ။ ကရင်တိုင်းရင်းသားဖြစ်တဲ့ ကျွန်တော့ကို ကြီးလေးတဲ့တာဝန်ထမ်းဆောင်ဖို့ ယုံကြည်စိတ်ချစွာဖြင့် ဥက္ကဌအဖြစ် ရွေးချယ်ခွင့်ပေးတဲ့အတွက် ကိုယ်စားလှယ်တော်ကြီးများကို အထူးပဲ ကျေးဇူးတင်ရှိပါတယ်။ ကျွန်တော့အပေါ်ယုံကြည်လို့ ပေးအပ်တဲ့တာဝန်ကို ကျွန်တော့အနေနဲ့ ဥပဒေများနဲ့အညီ သစ္စာရှိစွာ ကျေကျေပွန်ပွန်ထမ်းဆောင်ပါ့မယ်လို့ ကတိပြုပါတယ်။

လေးစားအပ်တဲ့ အမျိုးသားလွှတ်တော်ကိုယ်စားလှယ်တော်ကြီးများ ခင်ဗျာ။ ကျွန်တော်တို့နိုင်ငံဟာ တည်နေရာအနေအထားနဲ့ သယံဇာတပေါများကြွယ်ဝမှုတို့မှာ ဘယ်နိုင်ငံမှ မှီမယ်မထင်ပါဘူး။ အဲ့ဒီအနေအထားအရ ကျွန်တော်တို့နိုင်ငံဟာ ချမ်းသာကြွယ်ဝပြီး ဖွံ့ဖြိုးတိုးတက်ရမယ့် နိုင်ငံတစ်နိုင်ငံဖြစ်ပါတယ်။ ဒါပေမယ့် လက်တွေ့မှာတော့ အဲ့လိုမဖြစ်ခဲ့ပါဘူး။ အဲ့ဒီအခြေအနေကနေ ချမ်းသာကြွယ်ဝဖွံ့ဖြိုးတိုးတက်တဲ့ ဖက်ဒရယ်ဒီမိုကရေစီနိုင်ငံဖြစ်လာဖို့ ပြည်သူပြည်သားတွေကနေ ရွေးချယ်ခဲ့တဲ့ ကျွန်တော်တို့ ကိုယ်စားလှယ်တော်ကြီးတို့ရဲ့တာဝန်ဖြစ်လာပြီ ဖြစ်ပါတယ်။

လေးစားအပ်တဲ့ အမျိုးသားလွှတ်တော်ကိုယ်စားလှယ်တော်ကြီးများ ခင်ဗျာ။ ချမ်းသာကြွယ်ဝပြီး ဖွံ့ဖြိုးတိုးတက်တဲ့ ဖက်ဒရယ် ဒီမိုကရေစီနိုင်ငံတော်ဖြစ်လာအောင် ဆောင်ရွက် ဖို့ ရလာတဲ့အခွင့်အရေးဟာ ကျွန်တော်တို့ ကိုယ်စားလှယ်ကြီးတို့အတွက် ကြီးမားတဲ့ မဟာအခွင့်အရေးကြီးတစ်ရပ် ဖြစ်ပါတယ်။ အဲ့ဒီရလာတဲ့ အခွင့်အရေးကို မိမိရရ ဆုပ်ကိုင်ပြီး မှန်မှန်ကန်ကန် သစ္စာရှိစွာ ဆောင်ရွက်ရင်း မိမိတို့ရဲ့ကောင်းမွန်တဲ့ သမိုင်းသစ်တစ်ရပ်ကို ရေးထိုးရမှာ ဖြစ်ပါတယ်။

လေးစားအပ်တဲ့ အမျိုးသားလွှတ်တော်ကိုယ်စားလှယ်တော်ကြီးများခင်ဗျာ။ ကျွန်တော်တို့ရဲ့ နိုင်ငံကို ချမ်းသာကြွယ်ဝဖွံ့ဖြိုးတိုးတက်တဲ့ ဖက်ဒရယ်ဒီမိုကရေစီနိုင်ငံဖြစ်အောင် ဆောင်ရွက်ရာမှာ ငြိမ်းချမ်းရေးရရှိဖို့ ၊ တရားဥပဒေစိုးမိုးရေးရရှိဖို့၊ အမျိုးသားရင်ကြားစေ့ရေးရရှိဖို့ အထူးပဲ လိုအပ်ပါတယ်။ အဲ့ဒီအတွက် ငြိမ်းချမ်းရေး၊ တရားဥပဒေစိုးမိုးရေးနှင့် အမျိုးသားရင်ကြားစေ့ရေးတို့ကို ဖော်ဆောင်ပေးမယ့် တရားဥပဒေတွေ လိုအပ်မှာ ဖြစ်ပါတယ်။ ကျွန်တော်တို့ရဲ့ အမျိုးသားလွှတ်တော်ကြီးဟာ နိုင်ငံတော်ရဲ့ အာဏာကြီးသုံးရပ်အနက် ဥပဒေပြုရေးအာဏာရရှိထားတဲ့ အဖွဲ့ကြီးဖြစ်တဲ့ အားလျော်စွာ ငြိမ်းချမ်းရေး၊ တရားဥပဒေစိုးမိုးရေး၊ အမျိုးသားရင်ကြားစေ့ရေးတို့အတွက် လိုအပ်တဲ့ဥပဒေများကို ရေးဆွဲပြဌာန်းဖို့၊ မလိုအပ်တဲ့ ဥပဒေများကို ပြင်ဆင်ပယ်ဖျက်ဖို့ ဆောင်ရွက်ကြရမှာ ဖြစ်ပါတယ်။

ဒါကြောင့် ကျွန်တော်တို့ ကိုယ်စားလှယ်ကြီးတို့အနေနဲ့ လူမျိုးစွဲ၊ ဘာသာစွဲ၊ ဂိုဏ်းဂဏစွဲ၊ ပုဂ္ဂိုလ်စွဲတွေမထားဘဲ ငါတို့ဟာ ပြည်ထောင်စုမြန်မာနိုင်ငံ သားတွေဖြစ်တယ်။ တစ်မြေထဲနေ၊ တစ်ရေထဲသောက်တဲ့ ညီအစ်ကိုမောင်နှမတွေ ဖြစ်တယ်လို့ ခံယူပြီး ဖွံ့ဖြိုးတိုးတက်တဲ့ ဖက်ဒရယ် ဒီမိုကရေစီနိုင်ငံတော်ကြီး ဖြစ်ပေါ်ရေးအတွက် လိုအပ်တဲ့ ငြိမ်းချမ်းရေး၊ တရားဥပဒေစိုးမိုးရေးနှင့် အမျိုးသားရင်ကြားစေ့ရေးတို့ကို ဖော်ဆောင်ပေးမယ့် ဥပဒေများကို ရေးဆွဲပြဌာန်းနိုင်ဖို့ တစ်ဦးကိုတစ်ဦး ယုံယုံကြည်ကြည်၊ ချစ်ချစ်ခင်ခင်၊ ရင်းရင်းနှီးနှီးနဲ့ ကြိုးစားဆောင်ရွက်ပေးကြ ပါလို့ မေတ္တာရပ်ခံပြောကြားရင်း နိဂုံးချုပ်အပ်ပါတယ်။

http://mizzimaburmese.com/article/10706

February 3, 2016
နိုင်ငံပေါင်း ၄၆ နိုင်ငံရဲ့ ယဉ်ကျေးမှုများ တစ်နေရာတည်းမှာ မြင်တွေ့ရမယ့် နိုင်ငံတကာ ယဉ်ကျေးမှုပွဲတော်

ဖေဖော်ဝါရီ ၃၊ ၂၀၁၆
M-Media
မိုးစက်

ရန်ကုန်။ ။ နိုင်ငံပေါင်းများစွာရဲ့ ယဉ်ကျေးမှုကို တစ်နေရာတည်းမှာ မြင်တွေ့ရမယ့် တတိယ အကြိမ်မြောက်အဖြစ် ကျင်းပပြုလုပ်ခဲ့တဲ့ နိုင်ငံတကာ ယဉ်ကျေးမှုပွဲတော်ကို ရန်ကုန်မြို့ မင်းဓမ္မလမ်းမှာရှိတဲ့ မြန်မာကွန်ဗင်းရှင်းစင်တာ (MCC) မှာ ဖေဖော်ဝါရီလ ၃ ရက်နေ့နှင့် ၄ ရက်နေ့တွေမှာ ပြုလုပ်ကျင်းပနေတာ ဖြစ်ပါတယ်။

“မြန်မာနိုင်ငံမှာရှိတဲ့ ကျောင်းသား၊ ကျောင်းသူတွေရော ကျွန်မတို့ကျောင်းက ကျောင်းသား၊ ကျောင်းသူတွေကို နိုင်ငံတစ်ကာရဲ့ ယဉ်ကျေးမှုကို တစ်နေရာတည်းမှာ လေ့လာစေလိုတာကြောင့် ဒီပွဲကို ကျင်းပရတာ ဖြစ်ပါတယ်။ အခု ဒီမှာ နိုင်ငံပေါင်းများစွာရဲ့ ယဉ်ကျေးမှု၊လက်မှုပညာ အစားအသောက်တွေကို တစ်နေရာတည်းမှာ စုစည်းတွေ့ရှိနေရတာ ဖြစ်ပါတယ်” လို့ ပွဲတော်ပြုလုပ်ရခြင်းနှင့် ပတ်သတ်ပြီး Horizon International School မှ Management Security ဖြစ်တဲ့ မချိုဇင်ထွန်းက ဆိုပါတယ်။

အဆိုပါ နိုင်ငံတကာယဉ်ကျေးမှုပွဲတော်တွင် နိုင်ငံပေါင်း ၄၆ နိုင်ငံက ခင်းကျင်းပြသထားပါတယ်။ ပြခန်းများတွင် နိုင်ငံတစ်နိုင်ငံ၏ အထင်ကရနေရာများ၊ ဝတ်စားဆင်ယင်မှုများ၊ အစားအသောက်များ၊ ယဉ်ကျေးမှုများကို ခင်းကျင်းပြသထားပါတယ်။ နိုင်ငံတစ်နိုင်ငံစီရဲ့ ယဉ်ကျေးမှု အကအလှများကို အလှည့်ကျ တင်ဆက်ပေးလျှက် ရှိနေပါတယ်။

ထိုပွဲတွင် သံရုံးများမှ ပူးပေါင်းပါဝင်ပေးထားကြပြီး နိုင်ငံခြားသား ဧည့်သည်များလည်း အများအပြား လာရောက် လေ့လာကြတာကို တွေ့ရှိရပါတယ်။ ယခုပြုလုပ်သော နိုင်ငံတကာယဉ်ကျေးမှုပွဲတော်သည် တတိယအကြိမ်မြောက် ကျင်းပခြင်းဖြစ်ပြီး Horizon International School နှင့် ယဉ်ကျေးမှုဝန်ကြီးဌာနတို့က ပူးပေါင်း ကျင်းပကြောင်း သိရှိရပါတယ်။

February 3, 2016