ဖေဖော်ဝါရီ ၂ ၊ ၂၀၁၆
M-Media
သတင်း ဆောင်းပါး- ကိုဇင်
၁၄၉ဝ ကြိမ်မြောက် မဟာတမန်တော်နေ့ အထိမ်းအမှတ် ဘာသာပေါင်းစုံချစ်ကြည်ရေး အခမ်းအနားနှင့် (၃၈)ကြိမ်မြောက် မဟာတမန်တော်မြတ်ကြီး နှင့် တကွ ထွက်ရပ်ပေါက်(ဝလီ) သူတော်စင်ကြီးများ အတွက် ဆုတောင်းမေတ္တာပို့ (အူရွတ်စ်) ပွဲတော် မဟာတမန်တော်နေ့ အထိမ်းအမှတ် ဘာသာပေါင်းစုံ ချစ်ကြည်ရေး ငြိမ်းချမ်းရေး မေတ္တာတရားပွဲ ကို ၃ဝ-၁-၂ဝ၁၆ နှင့် ၃၁-၁-၂ဝ၁၆ နေ့များက ရန်ကုန်တိုင်းဒေသကြီး၊ သာကေတ မြို့နယ်၊ အနော်မာအနောက်(၈)လမ်းတွင် ည ၈းဝဝ နာရီအချိန်မှ စတင် ကျင်းပပြုလုပ်ခဲ့ပါသည်။
အဆိုပါ အခမ်းအနား ပထမညဖြစ်သော ၃ဝ-၁-၂ဝ၁၆(စနေနေ့)ညတွင် ကျင်းပသည့် “၁၄၉ဝ ကြိမ်မြောက် မဟာ တမန်တော်နေ့ အထိမ်းအမှတ် ဘာသာပေါင်းစုံချစ်ကြည်ရေးတရားပွဲ”တွင် ဆရာတော် ဘဒ္ဒန္တကုသလ (ဓမ္မာစရိယ) ၊ ဥက္ကဋ္ဌ ဆရာတော်၊ သာကေတမြို့နယ် အမျိုးဘာသာ သာသနာ စောင့်ရှောက်ရေးအဖွဲ့ (အောင်ဆုထူးပန်ကျောင်းတိုက်)၊ သိက္ခာတော်ရ ဆရာ ဦးတင်မင်းထွန်း (ဓမ္မကထိက) (မြန်မာနိုင်ငံခရစ်ယာန်ဓမ္မတက္ကသိုလ်၊ အင်းစိန်)၊ အလ်ဟာဂ်ျဦးစိန်ဌေး (စိန်ဌေးဟန်) – အီမာမသ်-အအ်ဝဟ်အကယ်ဒမီ၊ ဒု-ကျောင်းအုပ်၊ အလ်အဇ်ဟရ်အစ္စလာမ့်သိပ္ပံ(ရန်ကုန်)နှင့် ဦးအောင်နိုင်(ဟိန္ဒူပညာရှိ၊ ဘာသာပေါင်းစုံ ချစ်ကြည်ရေး ဗဟိုအဖွဲ့)တို့အသီးသီးက သက်ဆိုင်ရာဘာသာ အလိုက် ချစ်ကြည်ငြိမ်းချမ်းရေး တရားများကို ဟောကြားခဲ့ကြပြီး ည ၁၂းဝဝ နာရီခန့်တွင် တမန်တော်မြတ် (ငြိမ်းချမ်းပါစေ)ထံသို့ မေတ္တာပို့သီကျူးသည့် ဓမ္မလင်္ကာများကို ရွတ်ဆိုခဲ့ကြပြီး အခမ်းအနားကို ရုပ်သိမ်းခဲ့ကြ ပါသည်။
အခမ်းအနား ဒုတိယညဖြစ်သည့် ၃၁-၁-၂ဝ၁၆ (တနင်္ဂနွေနေ့)ညတွင် ကျင်းပသည့် နှစ်စဉ်ကျင်းပမြဲဖြစ်သော (၃၈)ကြိမ်မြောက် “မဟာတမန်တော်မြတ်ကြီးနှင့် တကွ ထွက်ရပ်ပေါက် ဝလီ သူတော်စင်ကြီးများအတွက် ဆုတောင်းမေတ္တာပို့ (အူရွတ်စ်)ပွဲတော်နှင့် မဟာတမန်တော်နေ့ အထိမ်းအမှတ် ဘာသာပေါင်းစုံ ချစ်ကြည်ရေး ငြိမ်းချမ်းရေး မေတ္တာတရားပွဲ”ကို ဆက်လက်ကျင်းပခဲ့ရာ ယင်း အခမ်းအနားတွင် ဆရာတော် ဘဒ္ဒန္တသီလာစာရ ၊ ပဓာန နာယကဆရာတော်၊ သာသနာပြု နယ်လှည့်ဓမ္မကထိက (ဒု-ဥက္ကဋ္ဌ ၊ ရန်ကုန်တိုင်းဒေသကြီး အမျိုး ဘာသာသာသနာ စောင့်ရှောက်ရေးအဖွဲ့၊ အောင်သိဒ္ဓိကျောင်းတိုက်)၊ သိက္ခာတော်ရ ဆရာ ဦးမောင်မောင်ချစ် (သင်းအုပ်ဆရာတော်၊ သာကေတမြို့မနှစ်ခြင်းအသင်းတော်)၊ ခလီဖွါဟ် အလ်ဟာဂ်ျ ဆရာဦးအေးလွင် – ကာဒရီယာ အာလီယာ၊ အစ္စလာမ့် ဓမ္မဗိမာန် (ဦးဆောင်ဆော်သြရေးမှူး)တို့က ငြိမ်းချမ်းရေးနှင့် ချစ်ကြည်ရေးတရားများ ဟောကြားခဲ့ကြပါသည်။
၎င်းပြင် အဆိုပါ တနင်္ဂနွေနေ့၊ နံနက် (၁ဝးဝဝ)နာရီတွင် ပွဲအထိမ်းအမှတ်အနေဖြင့် လူမျိုး/ဘာသာမရွေး အန္တရာယ်ကင်း စတုဒိသာ ထမင်းဖြင့် တည်ခင်း ဧည့်ခံကျွေးမွေးခဲ့ကြပါသည်။
မြန်မာနိုင်ငံတွင် ယခုကဲ့သို့ တမန်တော်နေ့အထိမ်းအမှတ် အခမ်းအနားများနှင့် အစ္စလာမ်ဘာသာဝင် ထွက်ရပ်ပေါက်(ဝလီ) သူတော်စင်ကြီးများ၏ အထိမ်းအမှတ် အခမ်းအနားများကို ရှေးမဆွကပင် ကျင်းပလေ့ရှိခဲ့ကြပြီး အခမ်းအနားသို့ကြွရောက်လာကြသော ဆရာတော် သံဃာတော်များကို နေ့လည် ဆွမ်း ဆက်ကပ်ခြင်းနှင့် ပရိသတ်ကြီးကိုလည်း လူမျိုး/ဘာသာ မခွဲခြားဘဲ စတုဒိသာထမင်းဖြင့် တည်ခင်းဧည့်ခံလေ့ရှိကြပါသည်။ ဤသည်မှာ မြန်မာ-မွတ်စလင်မ် တို့၏ မိမိတို့ ကိုးကွယ်ရာ ဘာသာတရားကို ရိုသေကိုင်းရှိုင်းမှု၊ တမန်တော်များ/သူတော်စင်များကို ရိုသေလေးစားမှု၊ မိမိတို့ကိုးကွယ်ရာ ဘာသာတရား အပြင် အခြားဘာသာမှ ဆရာတော်/သံဃာတော် များကိုလည်း ရိုသေလေးစားမှု၊ လူမျိုး/ဘာသာမခွဲခြားဘဲ ရက်ရောစွာ လှူဒါန်းပေးကမ်းမှုနှင့် မြန်မာနိုင်ငံတွင်းရှိ အခြားသော ဘာသာဝင်များနှင့်လည်း သင့်တင့်လျောက်ပတ်စွာ ပေါင်းသင်းနေထိုင်မှု အစရှိသည့် မြန်မာမွတ်စလင်မ်တို့၏ ပုံရိပ်မှန်ကိုဖော်ပြသည့် ဖော်ပြချက်များတွင် အပါအဝင်ဖြစ်ပါသည်။
သာကေတမြို့နယ် အမျိုးဘာသာသာသနာစောင့်ရှောက်ရေး အဖွဲ့ ဥက္ကဋ္ဌဆရာတော် ကလည်း “ဘာဘာကြီး ထမင်းကျွေးတာ ဘုန်းကြီးစားဖူးကြောင်း၊ တစ်လုပ်စားဖူး သူ့ကျေးဇူးဆိုသလို ဘာဘာကြီးရဲ့ ကျေးဇူး ဘုန်းကြီးမှာရှိကြောင်း၊ သို့ဖြစ်ပါသောကြောင့် ယခု ဘုန်းကြီးကျေးဇူးလာဆပ်ခြင်းဖြစ်ကြောင်း၊ ကျေးဇူးရှိတဲ့ လူကို ကျေးဇူးဆပ်ရမှာ ဘုန်းကြီးတို့ရဲ့မင်္ဂလာတရားတော်ဖြစ်ကြောင်း” အစရှိသည်ဖြင့် ထည့်သွင်းဟော ကြားသွားခဲ့သလို ရန်ကုန်တိုင်းဒေသကြီး အမျိုးဘာသာသာသနာစောင့်ရှောက်ရေးအဖွဲ့၊ ဒု-ဥက္ကဋ္ဌ ဆရာတော်ကလည်း “မြန်မာနိုင်ငံမှာကိုးကွယ်နေကြသော ဘာသာကြီး ၄ ခုသည် မြန်မာပြည်တွင် တည်ထောင်ခဲ့ခြင်း မဟုတ်ကြောင်း၊ မည်သည့်ဘာသာကမျှ Made in Burma လုပ်၍မရကြောင်း၊ မိမိကိုးကွယ်ရာ ဘာသာ၏ အဆုံးအမများကို လေးလေးစားစားဖြင့် သေချာစွာ လိုက်နာ ကျင့်သုံးရန် လိုသလို အခြားဘာသာများကိုလည်း လေ့လာရန်လို အပ်ကြောင်း၊ ထိုသို့လေ့လာ ပါမှ တစ်ဘာသာနှင့် တစ်ဘာသာကြားတွင် လေးစား စာနာစိတ်များပေါ်ပေါက်လာမည်ဖြစ်ကြောင်း” ဖြင့် ထည့်သွင်းဟောကြား သွားခဲ့ပါသည်။
ဗုဒ္ဓဘာသာဝင်စာရေးဆရာတစ်ဦးဖြစ်သူ မှော်ဝန်းကြည်မြတ် (မြန်မာနိုင်ငံစာရေးဆရာအသင်း ဗဟိုအလုပ်အမှုဆောင်) ကလည်း ရှေးမြန်မာဘုရင်များလက်ထက်ကတည်းက မြန်မာနိုင်ငံတွင် မှီတင်းနေထိုင် လာခဲ့ကြပြီး တိုင်းပြည်နှင့်လူမျိုးအပေါ် သစ္စာစောင့်သိရိုသေခဲ့ကြသော၊ မြန်မာပြည်လွတ်လပ်ရေး ကြိးပမ်းရာတွင် လည်း အခြားတိုင်းရင်းသားများနည်းတူ ရွပ်ရွပ်ချွံချွံပါဝင်ဆောင်ရွက်ခဲ့ကြသော၊ မြန်မာစာပေနှင့် မြန်မာသမိုင်းတွင် ထင်ရှား ကျော်ကြားခဲ့ကြသော မြန်မာ မွတ်စလင်မ်ကြီးများ၏ သမိုင်းကြောင်းကိုလည်း အမည်နှင့်အထောက်အထား ခိုင်လုံစွာဖြင့် ဂုဏ်ပြုမုဒိတာစကားပြောကြားခဲ့ပြီး ၎င်းတို့သည် မြန်မာပြည်မှာနေခဲ့သော သမိုင်းကြောင်းကောင်းခဲ့ကြသည့် ပုဂ္ဂိုလ်များဖြစ်ကြသည့်အတွက် ၎င်းတို့အယူဝါဒကို လက်မခံလျှင်တောင်မှ ၎င်းတို့ကို မြန်မာလူမျိုးတွေလိုပဲ တိုင်းရင်းသားအဖြစ် ဆက်ဆံသင့်ကြောင်းဖြင့် ဟောပြောတင်ပြခဲ့ပါသည်။
၎င်းပြင် ကြွရောက်တော်မူလာကြသော အစ္စလာမ်၊ ခရစ်ယာန်၊ ဟိန္ဒူ ဘာသာအသီးသီးမှ ဆရာတော်များ ကလည်း ဘာသာပေါင်းစုံငြိမ်းချမ်းရေးနှင့် ညီညွတ်ရေး တရားတော်များကို အသီးသီးဟောကြားတော်မူခဲ့ကြကြောင်း သတင်းရရှိပါသည်။ ။
