ဇန်န၀ါရီ ၃၁၊ ၂၀၁၆
M-Media
– လက်နက်တွေ၊ သေနတ်အစိတ်အပိုင်းတွေနဲ့ ကျည်ဆံတွေ အရောင်းအ၀ယ်ပြုလုပ်မှုနဲ့ ပတ်သက်တဲ့ စီစဉ်မှုတွေကို ပြုလုပ်ခွင့်ပေးမှာမဟုတ်တော့ဘူးလို့ Facebook နဲ့ သူ့ရဲ့ တွဲဖက်ဝန်ဆောင်မှုဖြစ်တဲ့ Instagram တို့က ကြေငြာလိုက်ပါတယ်။
“လွန်ခဲ့တဲ့ ၂ နှစ်အတွင်းမှာ လူတွေဟာ Facebook အသုံးပြုပြီး တစ်ယောက်နဲ့တစ်ယောက် ပစ္စည်းအရောင်းအ၀ယ်ပြုလုပ်ဖို့ ဆောင်ရွက်လာကြပါတယ်။ ဒါနဲ့ပတ်သက်လို့ လူတွေ အသုံးပြုရ ပိုကောင်းလာအောင် ကျွန်တော်တို့ဟာ ထုတ်ကုန်အသစ်တွေကို တီထွင်၊ စမ်းသပ်၊ ဖြန့်ဖြူးနေပြီး၊ ကုန်ပစ္စည်းဆိုင်ရာ မူဝါဒတွေကိုလည်း ပြန်လည်သုံးသပ်ပြင်ဆင်မှုတွေ ပြုလုပ်နေပါတယ်” လို့ Facebook ရဲ့ ကမ္ဘာ့မူဝါဒရေးရာ စီမံခန့်ခွဲမှုဥက္ကဌက မိုနီကာ ဘစ်ကာ့တ်က သောကြာနေ့မှာထုတ်ပြန်ခဲ့တဲ့ ကြေညာချက်မှာ ပြောကြားခဲ့ပါတယ်။
Facebook ဟ ၂၀၁၄ မတ်လကတည်းက သေနတ်နဲ့ဆက်စပ်နေတဲ့ ကိစ္စတွေအတွက် အရေးယူမှုတွေ လုပ်ဆောင်နေတာဖြစ်ပြီး အရွယ်မရောက်သေးသူတွေပါဝင်တဲ့ သေနတ်ရောင်းချမှုပို့စ်တွေကို ဖယ်ရှားတာ၊ ပြည်နယ်နဲ့ ဖက်ဒရယ် ဥပဒေတွေ၊ စည်းမျဉ်းစည်းကမ်းတွေကို လိုက်နာဖို့တိုက်တွန်းတဲ့ Page ထားရှိဖို့ လိုအပ်ချက်တွေသတ်မှတ်တာ စတာတွေ ပါဝင်ပါတယ်။ ဆေးခြောက်၊ ဆေးပစ္စည်းနဲ့ မူးယစ်ဆေးရောင်းချဖို့ စီစဉ်မှုကိုလည်း Facebook က ပိတ်ထားခဲ့ပါတယ်။
ဒါပေမယ့် လိုင်စင်နဲ့ လုပ်ကိုင်သူများကိုတော့ ခြွင်းချက်ပေးထားပြီး ၎င်းတို့အနေနဲ့ အွန်လိုင်းပေါ်က ရောင်းဝယ်ခွင့်မရှိပေမယ့် လုပ်ငန်းကြော်ငြာတာမျိုးတော့ ပြုလုပ်နိုင်ပါတယ်။ အခုထုတ်ပြန်လိုက်တဲ့ အစီအစဉ်အသစ်မှာတော့ လက်နက်ရောင်းချမှုနဲ့ဆိုက်တဲ့ ကိစ္စရပ်အားလုံး အကျုံးဝင်မှာဖြစ်ပါတယ်။
အချို့အသုံးပြုသူတွေက သုံးစွဲသူအခွင့်အရေးချိုးဖောက်တယ်လို့ ရှုမြင်တဲ့အတွက် စည်းမျဉ်းအသစ်ထုတ်ပြန်လိုက်တာကို မကြိုက်နှစ်သက်ကြပါဘူး။ Facebook ကတော့ စည်းမျဉ်းချိုးဖောက်သူတွေရဲ့ပို့စ်ကို အရင်ဆုံး ဖယ်ရှားမှာဖြစ်ပြီး အခြေအနေအလိုက် သုံးစွဲသူတွေကို အရေးယူသွားမှာဖြစ်တယ်လို့ ပြောကြားခဲ့ပါတယ်။
အမေရိကန်က အခြားဆိုရှယ်မီဒီယာတစ်ခုဖြစ်တဲ့ Craiglist ဟာလည်း လက်နက်ရောင်းဝယ်မှုကို ပိတ်ပင်ထားပြီး၊ Googl AdWords လို ကြော်ငြာလုပ်ငန်းအများအပြားဟာလည်း လက်နက်ကြော်ငြာတွေကို ပိတ်ပင်တားမြစ်ထားပါတယ်။
Ref: RT
