မတ် ၁၅၊ ၂၀၂၂
M-Media
-ပြင်သစ်နဲ့ အမေရိကန်ကုမ္ပဏီတွေက ရင်းနှီးမြှုပ်နှံမှု ရပ်ဆိုင်းသွားတဲ့ ရတနာ သဘာ၀ဓာတ်ငွေ့ထုတ်လုပ်ရေး စီမံကိန်းကို ထိုင်းစွမ်းအင်လုပ်ငန်း PTTEP က ဆက်လက်လုပ်ကိုင်မယ်လို့ သိရပါတယ်။
ရေနံနဲ့ သဘာ၀ဓာတ်ငွေ့လုပ်ငန်းဟာ မြန်မာစစ်တပ်က နိုင်ငံခြား၀င်ငွေ အဓိကရတဲ့ လုပ်ငန်းတွ ဖြစ်ပါတယ်။ စစ်တပ်ရဲ့ ပြည်သူလူထုအပေါ် ဖိနှိပ်သတ်ဖြတ်မှုကို တားဆီးနိုင်ရေး ဒီလုပ်ငန်းတွေမှာ ရင်းနှီးမြှုပ်နှံမှု မလုပ်ဖို့ နိုင်ငံတကာအသိုင်းအ၀ိုင်းက တိုက်တွန်းခဲ့ပြီးတဲ့နောက် ပြင်သစ်နဲ့ အမေရိကန် စွမ်းအင်ကုမ္ပဏီတွေဖြစ်တဲ့ Chevron နဲ့ TotalEnergies တို့ မြန်မာနိုင်ငံကနေ ထွက်ခွာသွားကြတာပါ။
PTTEP က ထုတ်ပြန်တဲ့ ကြေငြာချက်မှာ စွမ်းအင် အပြည့်အ၀ရရှိရေးဟာ လူသားတိုင်း ရရှိခံစားရမယ့် အခြေခံလူ့အခွင့်အရေး ဖြစ်တယ်ဆိုတာ အသိအမှတ်ပြုတယ်လို့ ဖော်ပြထားပါတယ်။
TotalEnergies ထွက်သွားပြီးတဲ့နောက် သဘာ၀ဓာတ်ငွေ့ ထောက်ပံ့ပေးမှု မပြတ်လပ်စေရေးအတွက် ရတနာသဘာ၀ဓာတ်ငွေ့ စီမံကိန်းကို ဆက်လက်လုပ်ကိုင်ဖို့ ဆုံးဖြတ်ခဲ့တယ်လို့လည်း PTTEP က ထည့်သွင်းပြောဆိုခဲ့ပါတယ်။
လုပ်ငန်းလွှဲပြောင်းရေးကိုအခုနှစ် ဇူလိုင်လ ၂၀ ရက်နေ့မှာ အပြီးသတ်မှာဖြစ်ပြီး အဲဒီနောက် PTTEP က ရှယ်ယာ ၃၇.၁ ရာခိုင်နှုန်း၊ စစ်တပ်က ထိန်းချုပ်ထားတဲ့ မြန်မာ့ ရေနံနဲ့ သဘာ၀ဓာတ်ငွေ့လုပ်ငန်းက ၂၁.၈ ရာခိုင်နှုန်း၊ Chevron ရဲ့ လက်ခွဲကုမ္ပဏီတစ်ခုက ၄၁.၁ ရာခိုင်နှုန်း အသီးသီး ပိုင်ဆိုင်မှာ ဖြစ်ပါတယ်။
Ref: Nikkei Asia
