မတ် ၂၂၊ ၂၀၂၂
M-Media
– သီရိလင်္ကာနိုင်ငံမှာ လောင်စာဆီနဲ့ အခြေခံစားသောက်ကုန်ပစ္စည်း ပြတ်လတ်မှု အခြေအနေ ပိုမိုဆိုးရွားလာပြီး စစ်သားတွေ ချထား ထိန်းချုပ်ရတဲ့ အနေအထားအထိ ရောက်လာပါတယ်။
အစိုးရမှာ နိုင်ငံခြားငွေ မလုံလောက်တာကြောင့် အစားအစာ၊ ဆေး၀ါးနဲ့ လောင်စာဆီတွေကို မတင်သွင်းနိုင်တော့ဘဲ စျေးနှုန်း အဆမတန် ကြီးမြင့်တာတွေလည်း ဖြစ်ပေါ်နေပါတယ်။
ဓာတ်ဆီနဲ့ ရေနံဆီဆိုင်တွေမှာ လူတွေ တန်းစီစောင့်ရတာမျိုး နိုင်ငံတစ်၀ှမ်းမှာ ဖြစ်ပေါ်နေပါတယ်။ ဒီလို တန်းစီစောင့်ရာကနေ သက်ကြီးရွယ်အို ၃ ဦး အပူရှပ်သေဆုံးခဲ့သလို၊ တိုး၀ှေ့၀ယ်ယူကြရင်း စကားများရန်ဖြစ်လို့ ဓားထိုးခံရတဲ့ အဖြစ်အပျက်တွေလည်း ရှိနေပါတယ်။
သီရိလင်္ကာစစ်တပ်က ဒီအဖြစ်အပျက်တွေကြောင့် ဆီဆိုင်တစ်ခုဆီမှာ စစ်သား ၂ ယောက် ချထားမှာဖြစ်ပြီး ဆီပေး၀ေရေးကို ကူညီဖို့ဖြစ်ကြောင်း၊ စောင့်ရတဲ့အတွက် လူတွေဟာ ဒေါသထွက်နေတာကြောင့် စစ်သားတွေ ချထားပေးခြင်းအားဖြင့် အဟန့်အတားတစ်ခု ဖြစ်လာမှာဖြစ်ကြောင်း ပြောကြားခဲ့ပါတယ်။
Ref: Aljazeera