News @ M-Media

မေးခွန်းရိုက်ရန် စာရွက်မရှိ၍ သီရိလင်္ကာတွင် စာမေးပွဲဖျက်သိမ်း

မတ် ၂၀၊ ၂၀၂၂

M-Media 


-စာမေးပွဲမေးခွန်းရိုက်ထုတ်ဖို့ စာရွက်တွေ အစိုးရမှာ လုံလုံလောက်လောက် မရှိတဲ့အတွက် လာမယ့်တစ်ပတ် ကျင်းပဖို့ စီစဥ်ထားတဲ့ အခြေခံပညာစာမေးပွဲကို သီရိလင်္ကာက ဖျက်သိမ်းလိုက်ပါတယ်။ 

ဒါဟာ ၁၉၄၈ ခုနှစ် လွတ်လပ်ရေးရပြီးနောက်ပိုင်း အဆိုးရွားဆုံး ဘဏ္ဍာရေးအကြပ်အတည်းကို သီရိလင်္ကာက ကြုံတွေ့နေရတာပါ။ 

စာမေးပွဲတွေကို တင်္လာနေ့မှာ ကျင်းပဖို့ စီစဥ်ထားတာဖြစ်ပြီး ပညာရေး၀န်ကြီးဌာနက တာ၀န်ရှိသူတွေက မေးခွန်းရိုက်မယ့်စာရွက်တွေနဲ့ ပရင်ထုတ်မယ့် မင်တွေ ၀ယ်ယူဖို့ အစိုးရမှာ ငွေမရှိတော့ဘူးလို့ ဆိုပါတယ်။ 

နိုင်ငံတစ်၀ှမ်း စာမေးပွဲဖြေဆိုမယ့် ကျောင်းသူကျောင်းသား ၄.၅ သန်းရှိပြီး အခုလို ရွှေ့ဆိုင်းမ၍ဟာ ၃ ပုံ ၂ ပုံအပေါ် သက်ရောက်မှာ ဖြစ်ပါတယ်ယ။  

သီရိလင်္ကာအစိုးရဟာ အကြွေးနွံနစ်ပြီး၊ နိုင်ငံခြားအရန်ငွေ ပြတ်လပ်နေတာကြောင့် အစားအသောက်၊ လောင်စာဆီနဲ့ ဆေး၀ါးတွေလို နိုင်ငံခြားကတင်သွင်းရတဲ့ပစ္စည်းတွေ နိုင်ငံအတွင်း ရှားပါးနေပါတယ်။ 

ဒီပြဿနာကို ဖြေရှင်းနိုင်ဖို့အတွက် နိုင်ငံတကာ ငွေကြေးရန်ပုံငွေအဖွဲ့ IMF ကို သမ္မတ ဂိုတာဘာယာ ရာဂျာပက်ဆာက ဗုဒ္ဓဟူးနေ့မှာ အကူအညီတောင်းခဲ့ပြီး IMF ကလည်း ကူညီမယ်လို့ သောကြာနေ့မှာ ကတိပြုခဲ့ပါတယ်။ 

Ref: The Guardian