ဇန်န၀ါရီ ၆၊ ၂၀၁၅
M-Media
– အာဖရိကနှင့် အရှေ့တောင်အာရှတို့တွင် လင်းနို့မှလူသို့ကူးစက်တတ်သည့် ဗိုင်းရပ်စ်ပိုးကူးစက်မှု အန္တရာယ်အမြင့်မားဆုံးဖြစ်နေပြီး သေစေနိုင်လောက်သည့် ရောဂါအသစ်များ ပေါ်ထွက်လာနိုင်သည်ဟု သိပ္ပံပညာရှင်များက ယမန်နေ့တွင် သတိပေးပြောကြားလိုက်သည်။
အဆိုပါဗိုင်းရပ်စ်မှ ဖြစ်ပွားသည့် ရောဂါများ၏ ၆၀ ရာခိုင်နှုန်းမှ ၇၅ ရာခိုင်နှုန်းခန့်ကို zoonotic events ဟု ခေါ်ဆိုကာ တိရစ္ဆာန်များမှ တဆင့် လူသို့ကူးစက်တတ်ပြီး အထူးသဖြင့် လင်းနို့များသည် zoonotic ဗိုင်းရပ်စ်အများအပြား သယ်ဆောင်နိုင်သည်ဟု သိရသည်။
ခွေးရူးပြန်ရောဂါ၊ အီဘိုလာ၊ ဆားစ်၊ မားစ် စသည့်ရောဂါတို့မှာ အလွန်သေးငယ်သော သတ္တ၀ါများမှ မြစ်ဖျားခံလာသည်ဟု သံသယရှိနေကြပြီး အာနာဂတ်တွင် မခန့်မှန်းနိုင်သည့် ကပ်ရောဂါများလည်း ထပ်မံ ဖြစ်ပွားနိုင်သည်။
လန်ဒန်သိပ္ပံဆိုင်ရာ တက္ကသိုလ် (UCL)၊ လန်ဒန်နှင့် အီဒင်ဘာ့ဂ်တက္ကသိုလ်၏ သတ္တဗေဒအဖွဲ့အစည်းရှိ သိပ္ပံပညာရှင်များက ကူးစက်မှုမြင့်မားသည့် ဒေသများအတွင်း ဖြန့်ကျက်သုတေသနပြုရန် ရည်ရွယ်ထားပြီး ဒေသအတွင်းတွေ့ရှိရသည့် လင်းနို့ဗိုင်းရပ်စ်အမြောက်အများအပါအ၀င် လူဦးရေတိုးပွားလာခြင်းနှင့် အသားစားရန်အတွက် လင်းနို့များဖမ်းယူခြင်း စသည့်အချက်အလက်များအပေါ် လေ့လာသုံးသပ်သွားမည်ဖြစ်သည်။
UCL ၏ ဂေဟဗေဒနှင့် ဇီဝမျိုးကွဲမှုဆိုင်ရာ ဥက္ကဌဖြစ်သူ ကိတ်ဂျုန်းစ်က သူမ၏ အဖွဲ့မှာ ပထမဦးဆုံးအနေဖြင့် ရောဂါပြန့်ပွားသည့်ဒေသများကို မြေပုံဖြင့် ချပြခဲ့ပြီး ထိုမြေပုံအရ လူနှင့် လင်းနို့ထိတွေ့မှုများသည့် နေရာများကို ဖော်ထုတ်ခဲ့သည်။ အာဖရိကမှာ လင်းနို့ဗိုင်းရပ်စ်မျိုးကွဲများအတွက် ပြန့်နှံ့ရာရင်းမြစ်တစ်ခု ဖြစ်ကာ တောင်အမေရိကသည် ကူးစက်မှုအများဆုံး ခံစားရသည့် နေရာများ ဖြစ်နေသည်။
“မြေပုံတစ်ခုချင်းစီကို ပေါင်းစပ်ခြင်းအားဖြင့် ဒေသအသီးသီးမှာ လင်းနို့ကနေ ဗိုင်းရပ်စ်ပိုးတွေ လူသို့ကူးစက်မှုတွေကို အလုံးစုံဖော်ပြနိုင်တဲ့ ကမ္ဘာလုံးဆိုင်ရာ ရုပ်ပုံကားချပ်တစ်ခုကို ဖန်တီးနိုင်မှာ ဖြစ်ပါတယ်” ဟု သူမက ပြောသည်။
ဂျုန်းနှင့် လက်တွဲလုပ်ကိုင်သူ PhD ကျောင်းသားတစ်ဦးဖြစ်သည့် လိုင်ယမ်ဘရီယာလီက လင်းနို့မှလူသို့ဗိုင်းရပ်စ်ပိုးကူးစက်ခြင်းမှာ လူဦးရေ အဆမတန် များပြားလာခြင်းနှင့် တောရိုင်းတိရစ္ဆာန်များရှိသည့် သစ်တောများတွင် မွေးမြူရေးလုပ်ငန်းများ ကျယ်ပြန့်လာခြင်းကြောင့်လည်း ဖြစ်နိုင်ကြောင်း ပြောကြားခဲ့သည်။
“အဲ့ဒီဒေသတွေမှာရှိတဲ့ လူတွေဟာ လင်းနို့တွေကို အသားစားဖို့ အမဲလိုက်လေ့ရှိပြီး ကိုယ်တွင်းအရည်တွေနဲ့ထိတွေ့ခြင်း၊ လင်းနို့သားကို မကျက်တကျက် စားသုံးခြင်းကနေ ရောဂါကူးစက်နိုင်တယ်ဆိုတာကိုလည်း သတိမပြုမိကြပါဘူး” ဟု ၎င်းက ပြောသည်။
Ref: Reuters
