ဒီဇင်ဘာ ၃၁၊ ၂၀၁၅
M-Media
သတင်း-ဓါတ်ပုံ- ဖြူလေး
.
ရန်ကုန်။ ။ မြန်မာ့ကာတွန်း လောကတွင် ပထမဆုံး ကာတွန်းဆရာကြီးတစ်ဦးဖြစ်သော ဆရာကြီး ရွှေတလေး(ခ) ဦးဘကလေး ၏ ၁၉၁၅ခုနှစ် ကောလိပ်မဂ္ဂဇင်းတွင် ပါရှိသော ကာတွန်းမှအစပြု၍ ၂၀၁၅ ခုနှစ်အထိ မြန်မာကာတွန်းများ၏သက်တမ်း နှစ် (၁၀၀) ပြည့် အခမ်းအနားကို ရန်ကုန်မြို့ Myanmar Convention Center တွင် ဒီဇင်ဘာလ ၃၀၊ ၃၁ ရက်နေ့တွင် ပြုလုပ်ကျင်းပလျက်ရှိပါတယ်။
.
မြန်မာ့ကာတွန်းလောကတွင် ပထမဆုံး ကာတွန်းဆရာအဖြစ် သတ်မှတ်ထားခြင်း ခံရသူမှာ ဆရာကြီး ရွှေတလေးပင် ဖြစ်ပါတယ်။ ဆရာကြီးသည် နယ်ချဲ့ဆန့်ကျင်ရေး ကာတွန်းများ ရေးဆွဲခဲ့ပြီး ဦးရွှေရိုးဆိုသည့် ပျော်ပျော်နေသေခဲ ဇာတ်ရုပ်ဖြင့် ရွှေရိုးအကကို မြန်မာ့ရုပ်ရှင်နှင့် မြန်မာ့ဇာတ်သဘင်လောကတွင် ဖန်တီးတီထွင်ပြီး ကိုယ်တိုင် သရုပ်ဆောင် ကပြခဲ့သူတစ်ဦးပင် ဖြစ်ပါတယ်။
.
“နှစ် ၁၀၀ ပြည့်ဆိုတာ ကြုံတောင့်ကြုံခဲပါပဲ။ ဆရာကြီး ဦးရွှေတလေး ကနေစပြီး ဖြတ်သန်းလာတဲ့ ကာတွန်းဆရာကြီးတွေဟာ ပြည့်သူ့ဘက်တော်သားတွေပါပဲ။ ဆရာကြီးတွေရဲ့ ကာတွန်းတွေက တကယ်ကို အရသာရှိပြီး တကယ်ကို လိုအပ်နေတာတွေကို ဖော်ပြတဲ့ ကာတွန်းတွေပဲ ဖြစ်တယ်” လို့ ကာတွန်းနှစ် (၁၀၀) ပြည့်ပွဲတော်ကို လာရောက်သူ ရုပ်ရှင်သရုပ်ဆောင် ဗေလုဝက ပြောပါတယ်။
.
အဆိုပါ ကာတွန်းပြပွဲတွင် ကွယ်လွန်သွားကြပြီဖြစ်သော ကာတွန်းဆရာကြီးများ၏ ဓာတ်ပုံများအပါအဝင် ခေတ်အဆက်ဆက် ကာကွန်ဆရာများ၏ ကိုယ်ပိုင်ဖန်တီးမှုလက်ရာများ၊ ယနေ့ခေတ် အဖြစ်အပျက်များကို ထင်သာမြင်သာရှိစေသော ကာတွန်းများကို ပြသချိတ်ဆွဲထားသည်။
.
“မြန်မာနိုင်ငံရဲ့ ကာတွန်းလောကက နိုင်ငံတကာနဲ့ ယှဉ်ရင်တော့ မတိုးဖောက်နိုင်သေးပါဘူး။ ကြိုးစားဆဲပါ။ နောက်မျိုးဆက်သစ်တွေ မွေးထုတ် လမ်းညွှန်နိုင်ပြီး စာများများဖတ် နိုင်ငံတကာ အတွေ့အကြုံရှိအောင် ကျွန်တော်တို့ လေ့ကျင့်သင်ကြားပေးဖို့ လိုနေပါသေးတယ်။ ကျွန်တောတို့ရဲ့ အရင်က ကာတွန်းဆရာကြီးတွေ ကျွန်တော်တို့ကို သင်ပေးခဲ့သလို မျိုးဆက်သစ်တွေကိုလည်း ကျွန်တော်တို့က ပြန်သင်ပေးဖို့ အဆင်သင့်ပါပဲ” လို့ လက်ရှိမြန်မာနိုင်ငံရဲ့ ကာတွန်းလောက အခြေအနေနှင့် ပတ်သတ်ပြီး ကာတွန်းဆရာ ရွှေထူးက ပြောဆိုခဲ့ပါတယ်။
.
နှစ်ရက်တာ ကျင်းပနေသော ကာတွန်းနှစ် (၁၀၀) ပြည့်ပွဲတော်တွင် ကာတွန်းများအပြင် နာမည်ကျော် ကာတွန်းဇာတ်လိုက်ကျော်များနှင့် ဓာတ်ပုံများရိုက်ကူးခြင်း၊ ကလေးငယ်များအတွက် ပုံများရေးဆွဲခြင်း၊ အနုပညာရှင်များ၏ ပျော်စရာ ရုပ်ပြောင်ရုပ်များကို ရယူခြင်းနှင့် အခြားစိတ်ပန်းဖြေစရာများကိုပါ ထည့်သွင်းကျင်းပလျှက် ရှိပါတယ်။
More Photo =>https://www.facebook.com/media/set/?set=a.997693806939756.1073742279.468226919886450&type=3
ဆက်စပ် ဆောင်းပါးများဖတ်ရန်
——————————
တက္ကသိုလ်မှ ကာတွန်း သင်ခန်းစာ တပုဒ် (ကာတွန်း ဦးဟိန်းစွန်း)
http://www.m-mediagroup.com/news/9973
ရွှေရိုးအက တီထွင်ခဲ့သူ မြန်မာမွတ်စလင် ကာတွန်းပညာရှင် ဦးဘကလေး ဖတ်ရန်။
ရွှေရိုးအက တီထွင်ခဲ့သူ မြန်မာမွတ်စလင် ကာတွန်းပညာရှင် ဦးဘကလေး
