ဒီဇင်ဘာ ၁၆၊ ၂၀၁၅
M-Media
– အမေရိကန် ရီပက်ဘလီကန်ပါတီ ကိုယ်စားပြု သမ္မတလောင်းဖြစ်မည်ဟု ရေပန်းစားနေသည့် အမေရိကန်သူဌေးကြီး ဒေါ်နယ်ထရမ့်က အစ္စရေးမှာ IS အကြမ်းဖက်သမားများအား ငွေကြေးအမြောက်အများပေးပို့ခြင်းဖြင့် ကူညီနေသည်ဟု ပြောကြားလိုက်သည်။
Morning Joe ဟု အမည်ရသည့် ရုပ်သံအစီအစဉ် အင်တာဗျူးတွင် ထရမ့်က ထိုကဲ့သို့ ပြောကြားလိုက်ခြင်းဖြစ်ပြီး အဆိုပါအစီအစဉ်အပြီး နာရီအနည်းငယ်အကြာတွင် အစ္စရေးသို့သွားရောက်မည့်ခရီးစဉ်ကို ဖျက်သိမ်းကြောင်း ကြေငြာခဲ့သည်။
“ကျွန်တော်တို့နိုင်ငံက စစ်ရေးနဲ့ ကာကွယ်မှုပေးထာပြီး ကျွန်တော်တို့နဲ့လက်တွဲအလုပ်လုပ်နေတဲ့ မဟာမိတ်နိုင်ငံထဲက အချို့က ISIS၊ အလ်ကိုင်ဒါနဲ့ အခြားသောအကြမ်းဖက်အဖွဲ့အစည်းတွေကို အလွန်များပြားတဲ့ငွေတွေ ပေးပို့ထောက်ပံ့နေပါတယ်” ဟု ထရမ့်က အင်တာဗျုးတွင် ပြောဆိုခဲ့သည်။
မည်သူ့ကို ရည်ရွယ်ပြောဆိုသနည်းဟု ထပ်မံမေးမြန်းရာ “ဘယ်သူလဲဆိုတာ ခင်ဗျားတို့သိပါတယ်” ဟုသာ ထရမ့်က ဖြေဆိုခဲ့သည်။
၎င်းက မိမိမှာ အစ္စရေးနိုင်ငံသားများနှင့် ဆက်ဆံရေးရှိနေသောကြောင့် IS ကိုထောက်ပံ့ပေးနေသည့် အမေရိကန်မဟာမိတ်နိုင်ငံများကို ထုတ်ဖော်ပြောကြားမှု ပြုမည်မဟုတ်ဟု ဆိုသည်။ သို့သော်လည်း အစ္စရေးနှင့် အခြားနိုင်ငံများက IS အား ထောက်ပံ့ပေးနေသည်များကို လူတိုင်းက သိရှိကြသော်လည်း မည်သူကမှ အစ္စရေးအကြောင်း မပြောကြကြောင်း ၎င်းက ထည့်သွင်းပြောကြားခဲ့သည်။
“ရှိတယ်ဗျ။ ဒါပေမယ့် ကျွန်တော်ကတော့ ပြောမှာမဟုတ်ပါဘူး။ ဘာ့ကြောင့်လည်းဆိုတော့ ပြည်သူတွေရဲ့ ဆက်ဆံရေးတွေများကြီး ရှိလို့ပါ။ ဒါပေမယ့် ထောက်ပံ့နေတယ်ဗျ။ ခင်ဗျားတို့လည်း ဒါကိုသိပါတယ်။ လူတိုင်းကလည်း ဒါကိုသိပါတယ်။ မပြောကြတာပါ။ ဘယ်သူမှမပြောကြတာပါ”
ထို့ပြင် အမေရိကန်အစိုးရကလည်း အဆိုပါကိစ္စကို သိနေပြီး ၎င်း၏ ပြောဆိုမှုများ မှန်ကန်ကြောင်းသေချာစေရန် မှတ်တမ်းများ စစ်ဆေးကြည့်နိုင်သည်ဟု ဆိုသည်။
“ခင်ဗျားတို့လုပ်သင့်တာက မှတ်တမ်းမှတ်ရာတွေကို ပြန်စစ်ဆေးဖို့ပါပဲ၊ ကျွန်တော်တို့အစိုးရက ဒီနိုင်ငံတွေကို သိနေပါတယ်” ဟု ဖော်ညွှန်းခဲ့သည်။ ထရမ့်မှာ အစ္စရေးသို့ သွားရောက်မည့်ခရီးစဉ်ကို ဖျက်သိမ်းခဲ့ပြီး “ကျွန်တော် သမ္မတဖြစ်ပြီး တစ်ရက်ရက်မှပဲသွားတော့မယ်” ဟု ပြောကြားခဲ့သည်။
ထရမ့်၏ မဲဆွယ်စည်းရုံးရေးများသည် စကတည်းကပင် အငြင်းပွားစရာများရှိနေသော်လည်း ၎င်းသည် ရီပက်ဘလီကန် ထိပ်ပိုင်းခေါင်းဆောင်များ၏ ထောက်ခံမှု ၂၇ ရာခိုင်နှုန်းရရှိထားသူ ဖြစ်သည်။
Ref: Press TV
