ဒီဇင်ဘာ ၁၅၊ ၂၀၁၅
M-Media
– စင်ကာပူနိုင်ငံ မှတ်ပုံတင်ထားသော ချင်ပို ပို့ဆောင်ရေးကုမ္ပဏီ (Chinpo Shipping Company) သည် မြောက်ကိုးရီးယားသို့ လက်နက်များတင်ပို့သည့်လုပ်ရပ်ကို ကျူးလွန်ခဲ့ကြောင်း တွေ့ရှိရသည်ဟု စင်ကာပူတရားရုံးက ယမန်နေ့တွင် ပြောကြားလိုက်သည်။
၂၀၁၃ ခုနှစ် ဇူလိုင်လတွင် ချင်ပိုကုမ္ပဏီမှာ ပနားမား ပို့ဆောင်ရေးအေးဂျင့်ဖြစ်သူ စီဘီဖန်တွန်နှင့် လက်ထောက်တို့အား ပနားမားတူးမြောင်းမှတဆင့် မြောက်ကိုးရီးယားကုန်တင်သင်္ဘော ချွန်ချွန်ဂန်း ဖြတ်သန်းရန် လမ်းကြောင်းအတွက် ကန်ဒေါ်လာ ၇၂၀၁၆ ဒသမ ၇၆ ပေးဆောင်ခဲ့ရသည်ဟု ဆိုသည်။
ဤသို့လုပ်ဆောင်ခြင်းဖြင့် ချင်ပိုကုမ္ပဏီမှာ “မြောက်ကိုရီးယား၏ နျူးကလီးယားနှင့်ဆက်စပ်နေသော အစီအစဉ်များ သို့မဟုတ် လှုပ်ရှားမှုများကို အထောက်အကူဖြစ်စေသည်ဟု ယူဆနိုင်သော ဘဏ္ဍာရေးဆိုင်ရာ သို့မဟုတ် ရင်းမြစ်ပိုင်းဆိုင်ရာများကို လွှဲပြောင်းပေးအပ်ခဲ့သည်” ဟု ကုမ္ပဏီအား တရားစွဲဆိုမှုတွင် ဖော်ပြထားသည်။
ထိုကိစ္စက နျူကလီးယားစီမံကိန်းများကြောင့် မြောက်ကိုးရီးယားပေါ် ကုန်သွယ်ရေးပိတ်ဆို့မှုဆိုင်ရာ သဘောတူညီချက်ကို ချိုးဖောက်ခြင်းလည်းဖြစ်သည်။
ချွန်ချွန်ဂန်းသင်္ဘောမှာ “မြေပြင်မှ ဝေဟင်ပစ် ဒုံးကျည်စနစ်များနှင့် ဆက်စပ်နေသည့် ကုန်သေတ္တာခြောက်လုံး၊ တစ်စစီဖြုတ်ထားသည့် လေယာဉ်နှစ်စီးထည့်ထားသော ကွန်တိန်နာ ၂၅ ခု၊ လေယာဉ်အင်ဂျင် ၁၅ ခု၊ မြေပြင်မှ ဝေဟင်ပစ်ဒုံးကျည် အစိတ်အပိုင်းများနှင့် လက်နက်ခဲယမ်းများ” စသည်တို့ကို မက်ထရစ်တန်ချိန် ၁၀၅၀၀ တန် ရှိသော သကြားများအောက်တွင် ဖုံးဝှက်၍ သယ်ဆောင်သွားခဲ့ခြင်းဖြစ်သည်။
ထိုပမာဏမှာ ၂၀၀၆ နှစ်က မြောက်ကိုရီးယားအပေါ် စီးပွားရေးနှင့် ကုန်သွယ်ရေးဆိုင်ရာ ပိတ်ဆို့မှုများ ချမှတ်သည်ဟု ကုလက ဆုံးဖြတ်ချက် ချမှတ်ခဲ့ပြီးနောက်ပိုင်းတွင် မြောက်ကိုရီးယားသို့ လက်နက်နှင့် စက်ဆပ်ပစ္စည်းများ မှောင်ခိုသွားရောက်မှု အမြင့်ဆုံးပမာဏလည်း ဖြစ်သည်။
တရားသူကြီး ဂျက်စ်ဗန်ဒါရ် ကာအူရ်ကမူ ထိုပို့ဆောင်မှုမှာ မအောင်မြင်ခဲ့သော်လည်း “လက်နက်များ ပို့ဆောင်ရေးကို စီစဉ်မှု မြောက်သည်” ဟု ပြောကြားခဲ့သည်။ စင်ကာပူဥပဒေအရ ဤကဲ့သို့ ဥပဒေချိုးဖောက်သူ မည်သူမဆို ထောင်ဒဏ်ငါးနှစ်နှင့် ဒဏ်ငွေ ဒေါ်လာ ၁၀၀၀၀၀ ထိ ပြစ်ဒဏ်ပေးခံရနိုင်သည်။
ချင်ပိုကုမ္ပဏီအား စွဲဆိုမှုတွင် မြောက်ကိုရီးယားသို့ လိုင်စင်မဲ့ ငွေလွှဲလုပ်ငန်း ဆောင်ရွက်သည့်အမှုလည်း ပါဝင်ပြီး စုစုပေါင်း ကန်ဒေါ် သန်း ၄၀ သန်းကျော်တန်ဖိုးရှိ ငွေလွှဲပြောင်းမှုပေါင်း ၆၀၅ ကြိမ်ဆောင်ရွက်ခဲ့ခြင်းဖြစ်သည်။
လိုင်စင်မဲ့ငွေလွှဲပြောင်းခဲ့သည့်အတွက် စင်ကာပူဒေါ်လာ တစ်သိန်းထိ ဒဏ်ငွေဆောင်ရနိုင်သည်။ ထိုအမှုအတွက် အမိန့်ချမှတ်ခြင်းကို ၂၀၁၆ ဇန်န၀ါရီ ၂၉ တွင် ပြုလုပ်မည်ဖြစ်သည်။
Ref: Channelnewsasia
