News @ M-Media

ကိုရီးယား မွတ်စလင်တွေ ISIS အဖွဲ့ကို ဘယ်လိုမြင်လဲ – ကိုရီးယားမွတ်စလင် အပိုင်း (၂)

ဒီဇင်ဘာ ၁၈၊ ၂၀၁၅
M-Media
မြတ်ဇော် တင်ဆက်သည်။

Koera Muslim and ISIS

ဆိုးလ်မြို့ ဗဟို ဗလီဝတ်ကျောင်းတော်မှာရိုက်ကူးတဲ့ ကိုရီးယားမွတ်စလင်တွေရဲ့ ISIS တွေအပေါ်သဘောထားကိုစာတမ်းထိုးဖော်ပြပေးလိုက်ပါတယ်။

နောက် ဒီမေးခွန်းတစ်ခုကတော့ မေးရရင် နည်းနည်းတော့ မရိုမသေဖြစ်မလား မသိဘူး ….

မွတ်စလင်တစ်ယောက်အနေနဲ့ ISIS / အကြမ်းဖက်သမားတွေကို ဘယ်လိုမြင်လဲ …

ဘာမှမဖြစ်ပါဘူး ….

မေးရမယ့် မေးခွန်းကောင်းပဲ

ပြောပြမယ် …

ဖြစ်နိုင်ရင် ရှိသမျှ ကျိန်ဆိုပြောလို့ရတဲ့စကားလုံးတွေသုံးပြီးတောင်ပြောပြချင်တယ် …

ISIS နဲ့ပတ်သတ်တဲ့ ကိုရီးယားမွတ်စလင်တွေရဲ့ ခံစားချက်ကို

တကယ်တော့သူတို့ဟာ တို့ယုံကြည်တဲ့ဘာသာတရားကို လွန်ကျူးစော်ကားနေတာ

ကြာခဲ့ပြီ … အမေရိကန်မှာ K.K.K (ကေသုံးလုံး) အဖွဲ့ဆိုတာရှိခဲ့တယ်၊ ခုလည်းရှိနေတုန်းပဲ

သူတို့က လူဖြူတွေဟာတခြားသူတွေထက်မြင့်မြတ်သာလွန်တဲ့ဝါဒကို ယုံကြည်ကြတယ် …

နောက်ပြီးတော့ အပြစ်မဲ့တဲ့ အခြားအသားရောင်အမျိုးမျိုးရှိတဲ့သူတွေကို သတ်ဖြတ်ခဲ့ကြတယ်။

K.K.K (ကေသုံးလုံး) အဖွဲ့ဟာ ဘာသာရေးအခြေခံတဲ့ ခရိယာန် အကြမ်းဖက်ဝါဒပုံစံမျိုး

ဒါပေမယ့် ဒီအဖွဲ့ဟာ ခရိယာန်အားလုံးကို ကိုယ်စားမပြုဘူး

ခရိယာန် နဲ့ K.K.K (ကေသုံးလုံး) အဖွဲ့ဟာ သီးခြားစီပဲ

အခုလည်း အလားတူ ဒီအတိုင်းပဲ

အစ္စလာမ်ဟာ ISIS နဲ့ တစ်မျိုးတစ်ဘာသာစီဖြစ်တယ်

ကိုရန်ကျမ်းစာ အခန်းကြီး (၅) အခန်းငယ် (၃၂) မှာ ဒီလိုပြောထားတယ်

“မည်သူမဆို အပြစ်မရှိသောလူသားတစ်ဦးအား သတ်ဖြတ်သည်ရှိသော် ထိုသူသည် လူသားထုတစ်ရပ်လုံးအား သတ်ဖြတ်သူမည်၏။”

နောက်တစ်ခါ “မည်သူမဆို လူတစ်ယောက်ရဲ့အသက်ကို ကယ်တင်မယ်ဆိုရင် သူဟာ လူသားထုတစ်ရပ်လုံးကို ကယ်တင်သကဲ့သို့ရှိလိမ့်မယ်” လို့ ကိုရန်ကျမ်းက ဆိုထားတယ်။

ကိုရ်အာန်ကျမ်းစာသွန်သင်ချက်နဲ့စဉ်းစားကြည့်ရင် ISIS တွေဟာ ဒီသွန်သင်မှုရဲ့ဆန့်ကျင်ဖက်တွေကိုလုပ်ဆောင်နေတယ်

အပြစ်မဲ့တဲ့ အရပ်သားအမြောက်အမြားကို သတ်ဖြတ်နေတယ်

ဘာရည်ရွယ်ချက် ရည်မှန်းချက်မှမရှိဘဲနဲ့

သူတို့မှာ ရည်ရွယ်ချက်တစ်ခုခု မရှိနိုင်ဘူးလား …?

သူတို့ကိုယ်သူတို့ကတော့ အစ္စလာမ့် တိုင်းပြည်တည်ထောင်နေတာလို့ပြောနေတယ် ..

ဘယ်သူဟာ သူတို့ကို ဆန့်ကျင်မလဲ ဒါမှမဟုတ် တားဆီးမလဲ

ဘုရားနာမည်တပြီး သုတ်သင်တာကို လုပ်လိမ့်မယ်

အဲ့ဒါက ဘယ်လိုမှအဓိပ္ပာယ်မရှိဘူး …..

သူတို့က သူတို့မြင်ချင်တဲ့အတိုင်းမြင်တယ် .. သူတို့လုပ်ချင်တာကိုလုပ်တယ်

ဒါဆို သူတို့က ဘာသာတရား နဲ့ ဘုရား ကို အသုံးချနေတာပေါ့ …?

သူတို့လုပ်ချင်တာဘာမဆို လုပ်ဖို့အတွက် ဆင်ခြေအဖြစ်နဲ့

ဟုတ်တယ်။ သူတို့ဟာ သူတို့လုပ်ချင်တာလုပ်ဖို့အတွက် တရားဝင်အကြောင်းပြချက်ရှာနေတာ

ဘာသာတရားနဲ့ ဘုရား ကို တလွဲအသုံးချပြီးတော့

ပြင်သစ် နိုင်ငံ ပဲရစ်မှာ ဖြစ်ခဲ့တဲ့အဖြစ်အပျက်ရဲ့ သံသယဖြစ်ခံရတဲ့သူကိုကြည့်ရင်

သံသယဖြစ်ခံရတဲ့သူ မိသားစုကိုယ်တိုင်သက်သေခံတာက …

“တစ်ခါတစ်လေမှာ သားကို ပုံမှန်မဟုတ်တဲ့ စိတ်ဝေဒနာရှင်လို့တောင် ထင်ခဲ့တယ် …။”

သူ့မိသားစုကိုယ်တိုင်က သူဟာပုံမှန်မဟုတ်တဲ့အထဲပါတယ်လို့ပြောတယ်။

ဒါမှမဟုတ်ရင်လည်း သူဟာ မွတ်စလင် ပီသတဲ့ မွတ်စလင်ကောင်းတစ်ယောက်တော့ မဟုတ်ဘူး

သူဟာ ဗလီကိုလည်းသွားလေ့မရှိဘူး … ကိုရန် ကျမ်းစာလည်း မဖတ်ဘူး

နောက်တစ်ခါ အသေခံဗုံးခွဲတဲ့အမျိုးသမီးနဲ့ပတ်သတ်လို့

သူဆိုရင် အစ္စလာမ်ဘာသာတရားနဲ့ဆန့်ကျင်တာတွေတောင်လုပ်နေခဲ့တာ …

အပျော်အပါးကလပ်သွားလိုက် အရက်သောက်လိုက်နဲ့

သူ့ရဲ့ ကိုယ်ကျင့်တရားက နဂိုကတည်းက ပျက်စီးနေတာ

ထပ်ပြောရရင် သူဟာလုံးဝ ခေါင်းဆောင်းပါဝါဆောင်းတတ်တဲ့သူလည်းမဟုတ်ဘူး …

မွတ်စလင်တွေအားလုံးဟာ ဆော်ဒီအာရေးဘီးယားနိုင်ငံ မက္ကာမြို့တော်ရှိရာဘက်ကို ဦးတည်ပြီး ဝတ်ပြုကြတယ်

ဒါပေမယ့် ISIS တွေဆီက ထွက်လာတဲ့ ဗီဒီယိုတွေထဲမှာ ကြည့်ရင်

အဲ့ဒီထဲကလူတွေဟာ မက္ကာဘက်ကို ဦးတည်ပြီး ဝတ်မပြုကြဘဲနဲ့

တစ်ယောက်တစ်မျိုးစီ ဘက်ပေါင်းစုံ ဦးတည်ဝတ်ပြုနေကြတယ်

သူတို့အားလုံးနေရာတစ်ခုတည်းမှာ ရှိနေတာတောင်မှ

ဒါဘာကိုဆိုလိုသလဲဆိုတော့ သူတို့ဟာ အစ္စလာမ်အကြောင်းကောင်းကောင်းမသိကြဘူး …

ISIS တွေရူးနှမ်းနေတဲ့ အကြောင်းအရင်းက အစ္စလာမ်ဘာသာ မဟုတ်ဘူး

အဲ့ဒါဟာ အကြမ်းဖက်ဝါဒ ပဲ

သူတို့ဟာ ဒီလိုစက်ဆုပ်ဖွယ်ရာတွေလုပ်ဆောင်ရင် ဆုလာဘ် ရမယ်အောင့်မေ့နေတယ်

သူတို့ဟာ အဲ့ဒီလုပ်ဆောင်မှုတွေမှာလည်း စိတ်ကြိုက်တွေ့နေတယ်

ဒါဆို ISIS တွေ ယုံကြည်ကိုးကွယ်နေတာက အစ္စလာမ်ဘာသာကို မဟုတ်ဘဲ အကြမ်းဖက်ဝါဒကို ယုံကြည်ကိုးကွယ်နေတာပေါ့

အကြမ်းဖက်ဝါဒက သူတို့ကိုးကွယ်တဲ့ဘာသာတရားဖြစ်လာတာပေါ့ … ဒီလိုထင်တယ်

ဟုတ်တယ် …

အပိုင်း(၁)- ကြည့်ရန်
———————–
ကိုရီးယားမွတ်စလင်တစ်ယောက်ဖြစ်ရတာဘယ်လိုနေလဲ?
http://www.m-mediagroup.com/news/49865

Comments

Leave a Reply