ဒီဇင်ဘာ ၁၅ ၊ ၂၀၁၅
M-Media
မျိုးမင်း စုစည်းတင်ဆက်သည်။
မြန်မာသမိုင်းတွေ မရှိခဲ့ဘူးသည့် လှုပ်ရှားမှု အရှိန်ဖြင့် မွတ်စလင်မ် ဆန့်ကျင်ရေး လုပ်ဆောင်မှုများ ၂၀၁၂ ခုနှစ် ဆန်းပိုင်းမှ စတင်ဖြစ်ပေါ်ခဲ့ပြီး ရွေးကောက်ပွဲမတိုင်ခင်ကာလနှင့် ရွေးကောက်ပွဲအပြီး ရက်သတ္တပတ် အချိန်တွင် အရှိန်လျော့သွားခဲ့ရာမှ ယခုရက်ပိုင်းအတွင်း အရှိန်အဟုန်ဖြင့် တကျော့ပြန် လုပ်ဆောင်လာတာကို တွေ့ရပါတယ်။
အမျိုးသားရေး အမည်ခံ ဆိုရှယ်မီဒီယာ အကောင့်များဖြင့် အစ္စလာမ်ဘာသာဝင်များနှင့် သက်ဆိုင်သည့် မဟုတ်မမှန် လုပ်ကြံ့သတင်းများဖြင့် လှုံ့ဆောင်မှုများ ဆက်တိုက်ဆိုသလို ပြုလုပ်နေကြတာဖြစ်ပါတယ်။
ထိုကဲ့သို့ သတင်းအမှားများဖြင့် မွတ်စလင်ဆန့်ကျင်ရေး ပို့စ်များကို Facebook ဆိုရှယ်မီဒီယာ စာမျက်နှာတွင် အများအပြား ပြန့်နှံခဲ့ပြီး စွပ်စွဲခံရသည့် မွတ်စလင်များနှင့် ရန်ကုန်တိုင်းရဲတပ်ဖွဲ့ကပါ အဆိုပါ လုပ်ကြံမှုများကို ဖြေရှင်းခဲ့တာကိုတွေ့ရပါတယ်။
ယခု ရက်ပိုင်းတွေ လှုံ့ဆော်မှုများကို လက်လှမ်းမှီသလောက် စုစည်းဖော်ပြလိုက်ပါတယ်။
ဒီဇင်ဘာ ၁၀ ရက်
——————-
၁။ ရန်ကုန်မြို့၊ ဗိုလ်တစ်ထောင်မြို့နယ်ရှိ ၄၈ လမ်းဗလီတွင် လူစိမ်း ၁၀၀ ကျော်ကို လက်ခံထားသည်ဟု ဘာသာရေးမုန်းတီးမှုများကို အစဉ်တစ်စိုက် ရေးသားဖြန့်ဝေနေသော Wira Mos Sess အကောင့်က လွှင့်တင်ခဲ့ပြီး၊ ဆူပူမှုဖြစ်ရန် ရေးသားလှုံ့ဆော်ခဲ့သည်။ သို့သော်လည်း ရန်ကုန်တိုင်းရဲတပ်ဖွဲ့က သွားရောက်စစ်ဆေးခဲ့ပြီးနောက် ထိုသို့ဖြန့်ဝေမှုမှာ သတင်းမှားသာဖြစ်သည်ဟု ၎င်းတို့၏ Facebook စာမျက်နှာမှတစ်ဆင့် ပြန်လည်ဖြေရှင်းပေးခဲ့သည်။
(http://www.m-mediagroup.com/news/49742)
၂။ ထိုနေ့မှာပင် ရန်ကုန်မြို့ ပန်ဘဲတန်းမြို့နယ်၊ ဗိုလ်ဆွန်ပက်လမ်းရှိ ရှီအာမွတ်စလင်များမှ ၎င်းတို့၏ ဘာသာရေးဆိုင်ရာ ၀မ်းနည်းခြင်းအထိမ်းအမှတ်အဖြစ် အနက်ရောက်အလံ လွှင့်တင်ခဲ့မှုကို အမျိုးသားရေးဝါဒီများကIS အကြမ်းဖက်အဖွဲ့၏ အလံဖြစ်သည်ဟု လုပ်ကြံဝါဒဖြန့်ခဲ့ကာ မွတ်စလင်များမှာ အကြမ်းဖက်တိုက်ခိုက်မှုများ ပြုလုပ်တော့မည်ဟု လှုံ့ဆော်ခဲ့သည်။ ထိုကိစ္စကိုလည်း ရန်ကုန်တိုင်းရဲတပ်ဖွဲ့က သွားရောက်မေးမြန်း၍ အွန်လိုင်းတွင် လုပ်ကြံဝါဒဖြန့်မှုများမှာ မမှန်ကန်ကြောင်း ဖြေရှင်းခဲ့သည်။
(http://www.m-mediagroup.com/news/49760)
ဒီဇင်ဘာ ၁၁ ရက်
——————-
၃။ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်ပါတီ NLD ကို ပုပ်ခတ်စော်ကားမှုများ တောက်လျှောက်ပြုလုပ်နေသည့် “ဒေါက်တာဒီမိုဆိတ်ဖွား” Facebook စာမျက်နှာတွင် “မန္တလေး အပြည်ပြည်ဆိုင်ရာ လေဆိပ်ကို မူဆလင်ကုလားတွေ ဝင်စီးထားပြီ” ဟူသော ခေါင်းစဉ်ဖြင့် မွတ်စလင်ဆန့်ကျင်ရေး၊ မွတ်စလင်များ၏ စီးပွားရေးများကို ဖျက်ဆီးရေး လမ်းကြောင်းပေးထားသည့် ပို့စ်တစ်ခုကို လွှင့်တင်ခဲ့သည်။
ဒီဇင်ဘာ ၁၂ ရက်
——————
၎။ Soe Paing ဆိုသည့်အကောင့်မှ တာချီလိတ်မြို့မှ မိုးသောက်ကြယ်သူဌေး ဦးစိုင်းစိုင်း၏ အိမ်ဆောက်လုပ်မှုကို ဗလီဆောက်သည်ဟုဆိုကာ လိမ်လည်ဝါဒဖြန့် လှုံ့ဆော်ခဲ့သည်။ ထိုအဖြစ်အပျက်ကို တာချီလိတ်မြို့ခံများမှ ဖြေရှင်းပေးခဲ့သည်။
http://www.m-mediagroup.com/news/49811
၅။ ထိုအကောင့်မှပင် မော်လမြို့ရှိ ရှီအာမွတ်စလင်များ၏ ဗလီဝတ်ကျောင်းတော်များ၌ ၀မ်းနည်းခြင်းအလံ လွှင့်တင်မှုကို IS အလံဟု ထပ်မံလှုံ့ဆော်ခဲ့သည်။
၆။ ၃၈ လမ်းရှိ ရှီအာမွတ်စလင်များ၏ ဗလီဝတ်ကျောင်းတော်တွင် ၀မ်းနည်းခြင်းအလံနက် လွှင့်မှုအတွက် မတူကွဲပြားခြင်းနှင့် ငြိမ်းချမ်းရေးပါတီဥက္ကဌ နေမျိုးဝေဦးဆောင်သည့် အဖွဲ့တစ်ခုက ထိုဗလီဝတ်ကျောင်းတော်ရှေ့သို့ သွားရောက်၍ ဆူပူဟစ်အော်မှုများ ပြုလုပ်ခဲ့သည်။ ဒေါ်အောင်ဆန်းစုကြည်အား သတ်ဖြတ်ရန် လူသိရှင်ကြား တိုက်တွန်းခဲ့သည့် နေမျိုးဝေမှာ ထိုကဲ့သို့ ဆူပူဟစ်အော်မှုပြုလုပ်ရန် ၎င်း၏ Facebook စာမျက်နှာမှတစ်ဆင့် လူစုဆောင်ရွက်ခဲ့ခြင်းဖြစ်သည်။ ဗလီဝတ်ကျောင်းတော်၏ တာဝန်ရှိသူများကမူ မလိုလားအပ်သော ပြဿနာများဖြစ်ပွားမည်ကို ရှောင်ရှားရန်အတွက် အလံအား ဖြုတ်ပေးခဲ့သည်။
၇။ Hantharwady News ဆိုသည့် Facebook page တစ်ခုက “မွတ်စလင် ခွေးရူးကိုက်ခဲ့ရင်..ဆေးမမှီပါဘူး” ဆိုသည့် ပို့စ်တစ်ခုလွှင်တင့်ကာ အထောက်အထားမဲ့စွပ်စွဲချက်များဖြင့် အစ္စလာမ်ဆန့်ကျင်ရေး ပို့စ်တစ်ခုဖြစ်ပြီးမြန်မာနိုင်ငံအတွင်းရှိ အစ္စလာမ်ဘာသာဝင်များတည်ရှိမှုကို ထိခိုက်စေရန်၊ နိုင်ငံအတွင်း မငြိမ်သက်မှုများဖြစ်ပေါ်စေရန် နှပ်ကြောင်းပေးထားသည့် စာကြောင်းများ အများအပြား ပါဝင်ခဲ့သည်။
၈။ NLD ဆန့်ကျင်ရေးနှင့် မွတ်စလင်ဆန့်ကျင်ရေးသဘောတရားများကို ပုံမှန်ရေးသားနေသည့် Naung Taw Lay အမည်ဖြင့် Facebook စာမျက်နှာတွင် သန်လျင်မြို့ရှိ ငါးပါးသခင်ဒရ်ဂါ အူးရွတ်စ်အခမ်းအနားကြော်ငြာကို လွှင့်တင်ကာ မွတ်စလင်များ အကြမ်းဖက်ရန်လူစုခြင်းဟု သဘောသက်ရောက်စေမည့် အရေးအသားများ၊ မြန်မာမွတ်စလင်များအား ရှင်းလင်းပစ်ရမည်ဟု သဘောသက်ရောက်စသည့် အရေးအသားများဖြင့် လှုံ့ဆော်ရေးသားခဲ့သည်။
အဆိုပါ ငါးပါးသခင်ဒရ်ဂါ အူးရွတ်စ်အခမ်းအနားမှာ နှစ်စဉ်ကျင်းပနေကျ အခမ်းအနားလည်းဖြစ်သည်။
ဒီဇင်ဘာ ၁၄ ရက်
——————–
၉။ “နှင်းနှင်းအေး နှင်းနှင်းအေး” ဆိုသည့် Facebook စာမျက်နှာတွင် မိတ္ထီလာခရိုင် ယင်းတော်မြို့ရှိ မဒီနသုလ်အုလူမ် အရဗီတက္ကသိုလ် ဆိုင်းဘုတ်ဓာတ်ပုံအား လွှင့်တင်ကာ ခွင့်ပြုချက်မဲ့အဆောက်အအုံအဖြစ်ရေးသား၍ ဖျက်ဆီးရန် လမ်းကြောင်း ပေးထားသော ပို့စ်တစ်ခုကိုရေးသားခဲ့သည်။
၁၀။ မွတ်စလင်ဆန့်ကျင်ရေး အဖွဲ့ဟု လူသိများသည့် မဘသအဖွဲ့၏ ရှေ့နေဦးအေးပိုင်၏သမီးဖြစ်သူ မေယုယပိုင်၏ Facebook စာမျက်နှာတွင် မော်လင်မြိုင်ရှိ မြန်မာဥယျာဉ် အရဗီသိပ္ပံကျောင်းမှ အောင်လက်မှတ်ပေးပွဲ အခမ်းအနားမှ ဓာတ်ပုံများကို လွှင့်တင်ကာ အဆိုပါ ကျောင်းမှာ ခွင့်ပြုချက်မရှိဘဲ ဖွင့်လှစ်ထားသည့်သဖွယ် လှုံ့ဆော်ရေးသားခဲ့သည်။
ဒီဇင်ဘာ ၁၅ ရက်
———————
၁၁။ အမျိုးသား တိုးတက်မြင့်မားရေးပါတီ၏ ခေါင်းဆောင်တစ်ဦးဖြစ်သည့် ဇေယျာဝင်းမြင့်(ခ) မိုးစက်နီက ပုသိမ်မြို့ တဂေါင်းဘုရားလမ်း၊ ၆ ရပ်ကွက်တွင် တည်ရှိသည့် ဗလီတွင် အစ္စလာမ်ဘာသာဝင်များ ထိမ်းမြားမင်္ဂလာပွဲ ကျင်းပသည်ကို ၎င်း၏ Facebook စာမျက်နှာမှ တစ်ဆင့် မဟုတ်မမှန်သတင်းဖြန့်၍ ဆူပူလှုံ့ဆော်မှုဖြစ်အောင် ဖန်တီးခဲ့သည်။ ထိုအဖြစ်အပျက်ကို Myanmar Muslim Media နှင့် သံတော်ဆင့်ဂျာနယ်၏ နယ်သတင်းအယ်ဒီတာဖြစ်သူ ဦးရဲရင့်ထွန်း (ပုသိမ်) က ၎င်းတို့၏ Facebook စာမျက်နှာများမှ တဆင့် ပြန်လည်ဖြေရှင်းခဲ့သည်။ Link
အဆိုပါဖြစ်စဉ်များနှင့် ပတ်သက်ပြိး ပြည်တွင်း၊ ပြည်ပ မီဒီယာကြီးအများစု၊၊ နိုင်ငံရေးပါတီများ၊ ပြည်သူ့ကိုယ်စားလှယ် လွှတ်တော်အမတ်များ နှင့် အစိုးရတာဝန်ရှိသူများမှ ဝေဖန်ထောက်ပြ ရေးသားခြင်း မှုများ မရှိတာကိုလည်းတွေ့ရ့ပါတယ်။
နိုင်ငံရေးအရ ထိလွယ်ရှလွယ်ဖြစ်နိုင်သည့် ယခုလိုအချိန်တွင် ထိုလှုံ့ဆော်မှုများ တစ်ဖန်ပြန်ခေါင်းထောင်ထလာမှုကို အာဏာပိုင်များက မည်သည့်အရေးယူဟန့်တားမှုများ မပြုလုပ်သေးပေ။
