အောက်တိုဘာ ၁၂၊ ၂၀၁၅
M-Media
– ကမ္ဘာ့ဟာလာ အစားအသောက်နှင့် နေထိုင်မှုပုံစံ စီးပွားရေးလုပ်ငန်းများမှာ ၂၀၂၀ ခုနှစ်အရောက်တွင် ၆ ရာခိုင်နှုန်း တိုးတက်လာမည်ဟု စက်တင်ဘာ လကုန်ပိုင်းတွင် ထုတ်ပြန်ခဲ့သည့် ၂၀၁၅/၂၀၁၆ ခုနှစ်အတွက် ကမ္ဘာ့လုံးဆိုင်ရာ အစ္စလာမ့်စီးပွားရေး အခြေအနေ အစီအရင်ခံစာတွင် ဖော်ပြထားသည်။
အဆိုပါ အစီရင်ခံစာကို ဒူဘိုင်းအစ္စလာမ့်စီးပွားရေး ဖွံ့ဖြိုးတိုးတက်မှုစင်တာ DIEDC က Thomson Reuters နှင့် မိတ်ဖက်ပြု၍ Dinar Standard နှင့် ပူးပေါင်ကာ လေ့လာထုတ်ပြန်ခဲ့ခြင်းဖြစ်သည်။ DIEDC နှင့် Thomson Reuters တို့မှာ ကမ္ဘာ့လုံးဆိုင်ရာ အစ္စလာမ့်စီးပွားရေး ညီလာခံကိုလည်း အောက်တိုဘာ ၅ ရက်နှင့် ၆ ရက်နေ့တွင် ကျင်းပခဲ့ပြီး ကမ္ဘာတစ်ဝှမ်းမှ စီးပွားရေးသမား ၂၀၀၀ ကျော် တက်ရောက်ခဲ့ကာ တိုးတက်လာသော အစ္စလာမ့်စီးပွားရေး အခွင့်အလမ်းများ၊ ပြဿနာများအကြောင်းကို ဆွေးနွေးခဲ့ကြသည်။
၂၀၁၄ ခုနှစ်က ခရီးသွားလာရေးကဏ္ဍတွင် ကမ္ဘာ့မွတ်စလင်ဈေးကွက်ကြီးမှာ ကန်ဒေါ်လာ ၁၄၂ ဘီလီယံ သုံးစွဲခဲ့ပြီး ၂၀၂၀ ခုနှစ်တွင် ၂၃၃ ဘီလီယံအထိ ရောက်ရှိမည်ဟု ခန့်မှန်းထားသည်။ ဟာလာခရီးသွားလာရေး တိုးတက်ရန်အတွက် Hallabooking.com ကဲ့သို့ ဘိုကင်ဝဘ်ဆိုက်များကိုလည်း ဖန်တီးခဲ့ကြလေသည်။ ၂၀၂၀ ခုနှစ်တွင် ဟာလာ ခရီးသွားလာရေးလုပ်ငန်းမှာ ၈.၆ ရာခိုင်နှုန်း တက်လာမည်ဟု ခန့်မှန်းထားသော်လည်း မွတ်စလင်များအတွက် အဆင်ပြေမည့် ဟိုတယ်များ ဖန်တီးရေး ရင်းနှီးမြှုပ်နှံသူများက တွန့်ဆုတ်နေကြကာ အရက်ရောင်းချ၍ မရသည့်အတွက် အကျိုးအမြတ် နည်းပါးမည်ကိုလည်း ကြောက်ရွံ့နေကြလေသည်။
ဟာလာအစားအသောက်လုပ်ငန်းမှာ ၂၀၂၀ ခုနှစ်တွင် ၅.၈ ရာခိုင်နှုန်း တိုးတက်လာမည်ဟု ခန့်မှန်းထားသည်။ မွတ်စလင်မီဒီယာနှင့် အပန်းဖြေကဏ္ဍတွင်လည်း ရုပ်သံလိုင်းများ မြင့်တက်လာမှုနှင့်အတူ တောင်းဆိုမှုမှာလည်း မြင့်တက်လာခဲ့လေသည်။ မွတ်စလင်လူငယ်များကို တစ်နေရာတည်းတွင် စုစည်းနိုင်ရန် ရည်ရွယ်၍ မွတ်စလင် စွန့်ဦးတီထွင်သူများ ဖန်တီးထားသည့် ၀ဘ်ဆိုက်အသစ် Muslim Face အပေါ် စိတ်ဝင်စားမှု မြင့်တက်လာခြင်းက မီဒီယာကဏ္ဍ တိုးတက်လာမှု၏ သာဓကတစ်ခုလည်းဖြစ်သည်။
၂၀၂၀ ခုနှစ်တွင် မွတ်စလင်မီဒီယာကဏ္ဍမှာ ၅.၅ ရာခိုင်နှုန်း တိုးတက်လာမည်ဟု မျှော်လင့်ထားပြီး အစ္စလာမ်၏ သွန်သင်မှုများမှာ ဘာသာရးနှင့် ပညာရေးဆိုင်ရာ ကဏ္ဍကို ကန့်သတ်ထားသည်ဟူသော အများ၏ အမြင်ကြောင့် ထိုကဏ္ဍတွင် စိန်ခေါ်မှု အများအပြားကို ရင်ဆိုင်နေရသည်။
ကမ္ဘာတစ်ဝှမ်းတွင် စီးပွားရေးကျဆင်မှုကြောင့် ဖက်ရှင်လောကမှာ ဘဏ္ဍာရေးဆိုင်ရာ ဖိအားများနှင့် ရင်ဆိုင်နေရသော်လည်း အိနြေ္ဒသိက္ခာရှိပြီး လုံခြုံသည့် အစ္စလာမ့်ဖက်ရှင်ကဏ္ဍမှာ ဆက်လက်၍ တိုးတက်လာနေသည်။ လက်ရှိအချိန်တွင် အစ္စလာမ့်ဖက်ရှင်ကဏ္ဍမှာ ကမ္ဘာ့ဖက်ရှင်လုပ်ငန်း၏ ၁၁ ရာခိုင်နှုန်း ရှိနေပြီး ၂၀၂၀ ခုနှစ်တွင် နောက်ထက် ၆ ရာခိုင်နှုန်း မြင့်တက်လာမည်ဟု ခန့်မှန်းထားသည်။
၂၀၁၃ ခုနှစ်တွင် ကမ္ဘာ့မွတ်စလင်များမှာ ဆေးဘက်ဆိုင်ရာကဏ္ဍ၌ ကန်ဒေါ်လာ ၇၂ ဘီလီယံ သုံးစွဲခဲ့ကြပြီး ၂၀၁၉ ခုနှစ်တွင် ၁၀၃ ဘီလီယံအထိ တိုးတက်မည်ဟု မျှော်လင့်ထားလေသည်။ ထိုကဏ္ဍတွင် ရင်ဆိုင်နေရသည့် အဓိကပြဿနာမှာ ရန်ပုံငွေနှင့် သုတေသနလုပ်ငန်းများ နည်းပါးခြင်းပင် ဖြစ်လေသည်။
Ref: Aquila
