အောက်တိုဘာ ၂၊ ၂၀၁၅
M-Media
– မွတ်စလင်တို့၏ ၀တ်ပြုရာနေရာ တည်ဆောက်ရန် ခွင့်ပြုချက်တောင်းခံမှုကို အကြောင်းအမျိုးမျိုးပြကာ ပယ်ချခဲ့သည့် ချီကာဂို ဆင်ခြေဖုံးမှ မြို့တစ်ခုကို လွတ်လပ်စွာ ကိုးကွယ်မှုအခွင့်အရေး ချိုးဖောက်မှုဖြင့် အမေရိကန် တရားရေးဌာနက စက်တင်ဘာ ၃၀ ရက်နေ့တွင် တရားစွဲဆိုလိုက်သည်ဟု သိရသည်။
ချီကာဂိုမြောက်ပိုင်းရှိ ဒက်စ်ပလိန်းနက်စ်မြို့ ဖြစ်ပြီး အဖွဲ့ဝင် ၁၈၀ ခန့်ရှိသည့် အမေရိကန်အစ္စလာမ့်စင်တာ AIC က အဆောက်အဦးတစ်ခုကို ၀ယ်ယူကာ ၀တ်ပြုရာနေရာဖြစ် ပြန်လည်မွမ်းမံရန်အတွက် မြို့တော်ကောင်စီသို့ ခွင့်ပြုချက်တောင်းခံရာ ပယ်ချခံခဲ့ရခြင်းဖြစ်သည်။
“လူတစ်ယောက်က သူရွေးချယ်ထားတဲ့အယူဝါဒကို လက်တွေ့လိုက်နာကျင့်သုံးနိုင်ခွင့်ဟာ ကျွန်တော်တို့တိုင်းပြည်ရဲ့ တန်ဖိုးမဖြစ်နိုင်တဲ့ အခွင့်အရေးတစ်ခုပါပဲ” ဟု အမေရိကန် ရှေ့နေတစ်ဦးဖြစ်သူ ဇာခရီ ဖာရ်ဒန်၏ ပြောကြားမှုကို Chicago Tribune သတင်းစာက ဖော်ပြခဲ့သည်။
AIC မှာ ၂၀၁၃ ခုနှစ် ဖေဖော်ဝါရီလအတွင်းက အဆောက်အဦးကို ၀ယ်ယူခဲ့ပြီးနောက် ၀တ်ပြုရာနေရာအဖြစ် ပြန်လည် ပြင်ဆင်မွမ်းမံရန် ဒေသအာဏာပိုင်များထံသို့ တင်ပြခဲ့သော်လည်း ထိုဒေသတွင်းရှိ အခြားသော ဘာသာရေးအဆောက်အဦးများတွင် သတ်မှတ်ခြင်းမရှိသော ကားပါကင်၊ အခြားသော စံနှုန်းများနှင့် မညီညွတ်ဟုဆိုကာ ပယ်ချခဲ့ခြင်းဖြစ်သည်ဟု အမေရိကန်တရားရေးဌာနမှ ပြုလုပ်ခဲ့သည့် တရားစွဲဆိုမှုတွင် ဖော်ပြထားသည်။
ဖက်ဒရယ်အာဏာပိုင်များကမူ ဒက်စ်ပလိန်းနက်စ် ဒေသအကြီးအကဲမှာ AIC အဖွဲ့ဝင်များထံသို့ ဆက်သွယ်က ထိုဒေသမှလွဲ၍ အခြားနေရာများတွင် ၀တ်ပြုရာနေရာတစ်ခုကို သတ်မှတ်ပေးမည်ဟု ထပ်တလဲလဲပြောဆိုခဲ့သည်ဟု ဆိုသည်။
မြို့အကြီးအကဲ မာ့က်ဝေါလ်စတန်ကမူ ခွင့်ပြုချက်တောင်းခံမှုကို ငြင်းပယ်ရခြင်းမှာ ထိုနေရာက စက်မှုဇုန်ဖြစ်နေပြီး လမ်းသွားလမ်းလာများအတွက် အန္တရာယ်ဖြစ်စေကာ အနီးအနားရှိ ကုတ်ထုတ်လုပ်သူများကိုလည်း စိတ်အနှောက်အယှက် ဖြစ်မည်စိုးသောကြောင့်ဟု ပြောကြားခဲ့သည်။
“သူတို့ ကက်သလစ်လား၊ ဂျူးလား၊ မွတ်စလင်လား၊ ဘာလားဆိုတာ ကျွန်တော်မကြည့်ပါဘူး။ အဲဒီနေရာက ဒီလိုဝတ်ပြုရာနေရာမျိုးအတွက် မဟုတ်လို့ပါ။ စက်မှုဇုံအတွင်းမှာ ကလေးတွေရောက်လာမယ့်ကိစ္စဆို ကျွန်တော်ခေါင်းထဲကို မထည့်တော့ပါဘူး” ဟု ပြောကြားခဲ့သည်။
သို့သော်လည်း အမေရိကန်အစိုးရ တရားရေးဌာန၏ စွဲဆိုမှုတွင် ၂၀၁၁ ခုနှစ်က ထိုနေရာ၌ပင် ကလေးများအတွက် ရုံတွင်းဘေ့စ်ဘောလေ့ကျင့်ရေးအဆောက်အဦး Play Ball USA ဆောက်လုပ်မှုကို မြို့တော်ကောင်စီက ခွင့်ပြုခဲ့သည်ဟု ထောက်ပြထားသည်။ အဆိုပါ အဆောက်အဦး၏ ပတ်ပတ်လည်တွင် စက်ရုံများတည်ရှိနေသည်ဟုလည်း ဆိုသည်။
“Play Ball USA အဆောက်အဦးကို အသုံးပြုတာက ကလေးတွေ ဒါမှမဟုတ် အခြားသူတွေအတွက် ဘေးအန္တရာယ်ကင်းရှင်းရေးဆိုင်ရာ ပြဿနာရှိလား ဒါမှမဟုတ် ပတ်ဝန်းကျင်မှာရှိနေတဲ့ စီးပွားရေးလုပ်ငန်း လုပ်ကိုင်မှုကို အနှောက်အယှက်ဖြစ်မလား ဆိုတာမျိုး မြို့တော်ကောင်စီက တွေ့အောင် မလုပ်နိုင်ခဲ့ပါဘူး” ဟု အဆိုပါ တရားစွဲဆိုမှုတွင် ဖော်ပြထားသည်။
ဘာသာရေးလွတ်လပ်ခွင့်ကို ထိပါးမှုအတွက် ပြုလုပ်သော အဆိုပါ တရားစွဲဆိုမှုကို ထိုဒေသရှိ အမေရိကန်အစ္စလာမ့်စင်တာက ကြိုဆိုခဲ့သည်။
“ဒီ ဒက်စ်ပလိန်းနက်စ်မြို့ကိစ္စမှာ အစိုးရရဲ့ ကြားဝင်ဆောင်ရွက်ပေးမှုဟာ ဘာသာရေးလွတ်လပ်ခွင့်အားလုံးကို ပြန်လည်တွက်ချက်ပြီး၊ အသေအချာ စဉ်းစားလာကြလိမ့်မယ်လို့ ကျွန်မ ယုံကြည်ပါတယ်” ဟု စင်တာအား ကိုယ်စားပြုသည့် ရှေ့နေ ဂျနီဖာဟေးလ်က ဗုဒ္ဓဟူးနေ့က ထုတ်ပြန်သည့် ကြေငြာချက်တွင် ဖော်ပြထားသည်။
Ref: Onislam
