စက်တင်ဘာ ၃၀၊ ၂၀၁၅
M-Media
– ၉/၁၁ တိုက်ခိုက်မှုတွင် ထိခိုက်သေဆုံးခဲ့သူများ၏ မိသားစုများက ဆော်ဒီအာရေဗျမှာ အလ်-ကိုင်းဒါး၏ ပြန်ပေးသမားများကို ထောက်ပံ့ပေးမှုများ ရှိခဲ့သည်ဆိုသော စွဲချက်ကို အမေရိကန်တရားရုံးက ပယ်ချလိုက်သည်။
ထိုအဖြစ်ပျက်တွင် သေဆုံးသွားသူများမှ ၃၀၀၀ နီးပါး၏ မိသားစုများ၊ ပျက်ဆီးဆုံးရှုံးမှုများအတွက် နစ်နာကြေး ပေးရသူများနှင့် စီးပွားရေးလုပ်ငန်းရှင်များက ဆော်ဒီကို ထိုကဲ့သို့ စွပ်စွဲကာ နစ်နာကြေး ရယူလိုကြောင်း တိုင်ကြားခဲ့ခြင်းဖြစ်ပြီး နယူးယောက်မြို့ မက်ဟက်တန်မှ ခရိုင်တရားသူကြီး ဂျော့ဂ်ျ ဒန်နီယဲလ် စွဲချက်ကို ပယ်ချခဲ့ခြင်းဖြစ်သည်။
“စွဲချက်မှာပါဝင်တဲ့ ဒီစွပ်စွဲချက်တွေဟာ စွပ်စွဲခံရသူတွေအပေါ်မှာ တရားရေးအရ အခိုင်အမာဖြစ်ဖို့ဆိုတဲ့ ဒီတရားရုံးက အခြေခံတွေနဲ့ ကိုက်ညီမှုမရှိပါဘူး” ဟု ဒန်နီယဲလ်က ကြေညာချက်တွင် ရေးသားခဲ့သည်။
ထိခိုက်ခံစားခဲ့ရသူများမှာ ထိုကဲ့သို့ ပယ်ချမှု ဖြစ်လာမည်ကို ရှောင်လွှဲရန်အတွက် တိုက်ခိုက်မှုတွင် ပါဝင်ခဲ့သောကြောင့် အကျဉ်းကျခံနေရသည့် အလ်-ကိုင်းဒါးအဖွဲ့ဝင်ဟောင်း ဇာကာရီယက်စ် မူဆာအီ၏ ဖြောင့်ချက်ပေးမှု အပါအ၀င် စွပ်စွဲချက်အသစ်များဖြင့် တရားစွဲဆိုမှုအား ထပ်ဖြည့်ခဲ့ခြင်းဖြစ်သည်။
ဒန်နီယဲလ်ကမူ တရားလိုများက ထိုကဲ့သို့ စွပ်စွဲချက်အသစ်များ ထပ်မံ ပေါင်းထည့်သော်လည်း အချုပ်အခြာအာဏာပိုင် နိုင်ငံတစ်ခုကို အရပ်ဖက်၊ သို့မဟုတ် ရာဇ၀တ်မှုဆိုင်ရာ တရားစွဲဆို၍ မရဟူသော သတ်မှတ်ချက်ကို မကျော်နိုင်သောကြောင့် အချီးအနှီးသာ ဖြစ်သည်ဟု ဆိုသည်။
ထိုစွဲချက်အတွက် ဆော်ဒီကို တရားရင်ဆိုင်သူအဖြစ်မှ ယခင်ကတည်း ပယ်ဖျက်ခဲ့သော်လည်း ဖက်ဒရယ် အယူခံခုံရုံးက ၂၀၁၃ ခုနှစ်တွင် ထိုအမှုအား ပြန်လည်အသက်ဝင်စေခဲ့ခြင်း ဖြစ်သည်။
တရားလို ရှေ့နေအဖွဲ့ကမူ ၎င်းတို့အနေဖြင့် အယူခံဆက်ဝင်သွားမည်ဖြစ်ပြီး ၎င်းတို့ထဲမှ ရှေ့နေတစ်ဦးဖြစ်သူ စီယန်ကာတာရ်က ယခုကဲ့သို့ တရားရုံးက ပယ်ချမှုမှာ ၎င်းတို့အမှုအတွက် အထောက်အကူဖြစ်စေသော အထောက်အထားများကို လျှို့ဝှက်ထားရန် အမေရိကန်အစိုးရက ဆုံးဖြတ်ထားခြင်း၏ ရလဒ်ကြောင့်ဖြစ်သည်ဟု ပြောကြားခဲ့သည်။
၉/၁၁ အဖြစ်အပျက်မှ ထိခိုက်ခံစားခဲ့ရသူများ၏ ဆွေမျိုးများက ဆော်ဒီအစိုးရမှာ တိုက်ခိုက်မှုပြုလုပ်ခဲ့သည့် လေယာဉ်ပြန်ပေးသမားများကို အမေရိကန်တွင် နေထိုင်ခွင့်အပါအ၀င် အကူအညီများပေးခဲ့သည်ဟု စွပ်စွဲထားသည်။
Ref: Aljazeera
