စက်တင်ဘာ ၂၁၊ ၂၀၁၅
M-Media
မိုးစက်
ရန်ကုန်။ ။ မြန်မာနိုင်ငံမှ အစ္စလာမ်ဘာသာဝင်များ မှာ လူမျိုးရေး ၊ ဘာသာရေး အရ ခွဲခြားခံနေရပြီး ခွဲခြားဆက်ဆံမှုမပြုရဆိုတဲ့ ပုဒ်မတွေကလည်း စာရွက်ထဲမှာပဲရှိတယ်လို့ ခလီဖွာ ဦးသိန်းဝင်းအောင်က ပြောကြားလိုက်ပါတယ်။
ရန်ကုန်မြို့ စက်တင်ဘာလ ၂၀ ရက်နေ့ Park Royal ၌ကျင်းပသော ဒီမိုကရေစီနိုင်ငံတော်တည်ဆောက်ရေးတွင် မြန်မာမွတ်စလင်တို့၏ အခန်းကဏ္ဍဆွေးနွေးပွဲတွင် ယခုကဲ့သို့ ပြောဆိုခဲ့ခြင်း ဖြစ်သည်။
“ကျွန်တော်တို့က ဘာသာရေးအရရော လူမျိုးရေးအရရော ခွဲခြားခံနေရတယ်။ ခွဲခြားဆက်ဆံမှုမပြုရဆိုတဲ့ ပုဒ်မတွေကလည်း စာရွက်ထဲမှာပဲရှိတယ်။ နိုင်ငံတော်ရဲ့ ဝန်ကြီးတွေကအစ ခွဲခြားဆက်ဆံမှုပြုလုပ်နေကြတာပါ။ ဒီမိုကရေစီဆိုတာလည်း နာမည်ခံဒီမိုကရေစီပဲ ရှိသေးပါတယ်” ဟုဆက်လက်ပြောဆိုခဲ့သည်။
မြန်မာနိုင်ငံမှာ မှီတင်းနေထိုင်ကြတဲ့ လူမျိုးတွေအားလုံးဟာ လူမျိုး နာမည်က အဓိကမဟုတ်ဘူး နိုင်ငံကိုချစ်တတ်တဲ့ နှလုံးသားကသာ အဓိကပါလို့ သူက ဆက်ပြီးပြောပါတယ်။
မြန်မာမွတ်စလင်များက ရှေးခတ်ကတည်းက ပြည်သူကို အကျိုးပြုတဲ့ အလုပ်တွေကို ဆောင်ရွက်ခဲ့ကြ တာဖြစ်ပြီး နိုင်ငံ ချစ်စိတ်နဲ့ပဲ ဆောင်ရွက် ခဲ့တာဖြစ်ကြောင်း၊ အဆိုပါဖြစ်ရပ်များကို အစိုးရက ယနေ့ချိန်ခါတွင် သမိုင်းများဖျောက်ဖျက်ရန် အတွက်ပြုလုပ်နေကြကြောင်း၊ ဦးပိန်တံတားကို တည်ဆောက်ထာခဲ့သူ ဦးပိန်၏ အုတ်ဂူကိုလည်း သက်ဆိုင်ရာ တာဝန်ရှိအဖွဲ့များက ၎င်းတို့အနေနှင့် ဦးပိန်တံတားကိုသာ စောင့်ရှောက်ရန် တာဝန်ရှိပြီး အုတ်ဂူကိုစောင့်ရှောက်ရန် တာဝန်မရှိဟုဆိုတာ သမိုင်းပညာရှင် များစွာရှိနေတဲ့ အမရပူရမြို့နယ်မှ လင်းဇင်းကုန်း သုသာန်ကို လွန်ခဲ့သည့်လအနည်းငယ်က ဖျက်ဆီးခဲ့ကြကြောင်း၊ မွတ်စလင်တွေ မြန်မာနိုင်ငံတ်ာပေါ်မှာ ထားခဲ့တဲ့ စိတ်ဓာတ်ကိုတော့ ချီးမွမ်းဖို့လိုပါကြောင်း၊ ဦးပိန်တံတားဆိုတာလည်း စိတ်စေနာနဲ့ အများအကျိုးအတွက် တည်ဆောက် ခဲ့တာဖြစ်ကြောင်း မြန်မာမွတ်စလင်များ၏ ဆောင်ရွက်ချက်များကို ဖော်ထုတ်ပြောဆိုခဲ့သည်။
မြန်မာမွတ်စလင်များ၏ တိုင်းပြည်အပေါ်ဆောင်ရွက်တတ်မှု အခန်းကဏ္ဍနှင့် ပတ်သက်၍ ဒေါက်တာဦးမြင့်သိန်းကလည်း မြန်မာမွတ်စလင်များသည် ပထမမြန်မာနိုင်ငံတော် ပုဂံရဲ့ သူရဲကောင်းကြီး ၇ ဦးထဲမှာ မွတ်စလင်သုံးဦးပါဝင်ကြောင်း၊ တော်လှန်းရေးတပ်တွေထဲမှာ ပါဝင်ခဲ့သည့် မွတ်စလင်သူရဲကောင်းများ၊ တိုင်းပြည်အတွက် အများနည်းတူ ရှေ့တန်းမှ နေရာတိုင်း ဒေသတိုင်းတွင် ပါဝင်ခဲ့သည်မှာ သမိုင်းအထောက်အထား ခိုင်မာစွာဖြင့် အပြည့်အစုံရှိကြောင်း မြန်မာမွတ်စလင်များအကြောင်း ရှင်းလင်းပြောဆိုခဲ့သည်။
“ကျွန်တော်တို့ အစ္စလာမ် ဘာသာဝင်တွေဟာ အနေချောင်အောင် တိုင်းပြည်မှာ လူများနဲ့ရောယိမ်းလိုက်နေနေတာမဟုတ်ပါဘူး။ ဒီမိုကရေစီဆိုတာ အစ္စလာမ်မှာရှိပြီးသားပါ။ အစ္စလာမ့်ဘယ်တရားကမှ မတူကွဲပြားတဲ့လူတွေကို ဒုက္ခရောက်စေမယ့် နိယာမတွေ မရှိပါဘူး။ မတူကွဲပြားပေမယ့်လည်း အစ္စလာမ်က ငြိမ်းချမ်းစွာနေဖို့ပဲ တိုက်တွန်းထားပါတယ်။” ဟု ဓမ္မကထိက အလ်ဟဂ်ျ ဦးအေးလွင် မှ မတူကွဲပြားမှုများနှင့် ရှိနေပေမယ့်လည်း အစ္စလာမ်ဘာသာဝင်များဟာ မတူကွဲပြားမှုများအပေါ်မှာ သာသနာရဲ့သွန်သင်ချက်အတိုင်း လိုက်နာကြပုံကို ပြောဆိုခဲ့ပါသည်။
တရားလွှတ်တော်ရှေ့နေ ဦးကိုနီကလည်း မြန်မာနိုင်ငံရဲ့ ဘုရင်ခေတ်မှာတောင် ခွဲခြားဆက်ဆံမှုဆိုတာ မရှိခဲ့ကြောင်း ရှေးအရင်ခေတ်က အစ္စလာမ်ဘာသာဝင်တွေအတွက် ဝတ်ပြုရန် ဗလီဝတ်ကျောင်းတော်များကို ဘုရင်များကိုယ်တိုင် ပနက်ချတည်ဆောက်ပေး ခဲ့တာဖြစ်ကြောင်း၊ ယနေ့ခေတ်တွင်လည်း လူများစုက လူနည်းစုကို ခွဲခြားဆက်ဆံသော်လည်း လူနည်းစုကလည်း လိုက်ပြီး ခွဲခြားခဲ့လို့သာ နှစ်ဖက်ကွဲပြားခဲ့တာဖြစ်ကြောင်း၊ ယနေ့ချိန်ခါမှာတော့ မြန်မာမွတ်စလင်တွေဟာ ခွဲခြားမှုများစွာကို ခံစားနေရတာဖြစ်ကြောင်း ခွဲခြားဆက်ဆံခံရမှုများနှင့် ပတ်သတ်ပြီး ရှေးခေတ်နှင့် ယနေ့ခေတ်ကို နှိုင်းယှဉ်၍ ပြောပြခဲ့ပါသည်။
အဆိုပါ ဒီမိုကရေစီနိုင်ငံတော်တည်ဆောက်ရေးတွင် မြန်မာမွတ်စလင်တို့၏ အန်းကဏ္ဍဆွေးနွေးပွဲကို Social Alliance (လူမှုမဟာမိတ်အဖွဲ့) မှ ဦးစီး ကျင်းပတာဖြစ်ပြီး ဒီမိုကရေစီနိုင်ငံတော် ထူထောင်တဲ့နေရာမှာ မြန်မာမွတ်စလင် လူ့အဖွဲ့အစည်းအနေနဲ့ မှန်ကန်တဲ့နည်းလမ်းနဲ့ ပါဝင်ကူညီအားဖြည့်နိုင်ရန်၊ နိုင်ငံတော်ရဲ့ လူ့စွမ်းအားအရင်းအမြစ် ဖွံ့ဖြိုးရေးအတွက် အထောက်အပံ့ဖြစ်စေနိုင်ရန် ရည်ရွယ်ပြီး ကျင်းပရခြင်း ဖြစ်ပါသည်။
