Blog

မဲဆွယ်ကာလ ဘာသာရေးကို ခုတုံးလုပ် ပဋိပက္ခများ ဖန်းတီးမည်ကို စိုးရိမ်ဟု သံရုံး ၉ ခု ပူးတွဲ ကြေငြာချက်ထုတ်

စက်တင်ဘာ ၁၆၊ ၂၀၁၄
M-Media
မိုးစက်

ရန်ကုန်။ ။ နိုဝင်ဘာလ ၈ ရက်နေ့တွင် ကျင်းပတော့မည့် ရွေးကောက်ပွဲအတွက် မဲဆွယ်စည်းရုံးရေးကာလတွင် ဘာသာရေးကို နည်းလမ်းတစ်ခု အနေနှင့် အသုံးချကာ သွေးခွဲခြင်းနှင့် ပဋိပက္ခဖြစ်ပေါ်လာနိုင်သည့် အခြေအနေများကို စိုးရိမ်ပူပန်မိပါတယ်လို့ သံရုံးကိုးခုက စက်တင်ဘာလ ၁၅ ရက်နေ့က ထုတ်ပြန်ကြေငြာလိုက်ပါသည်။

သြစထြေးလျ၊ ကနေဒါ၊ ဒိန်းမတ်၊ ပြင်သစ်၊ နော်ဝေး၊ ဂျပန်၊ ဆွီဒင်၊ ဗြိတိသျှနှင့် အမေရိကန်သံရုံးများက ပူးတွဲထုတ်ပြန်လိုက်ကြခြင်းဖြစ်သည်။

မကြာမီကျင်းပတော့မည့် ရွေးကောက်ပွဲ အရည်အသွေးသည် မြန်မာနိုင်ငံ၏ ဒီမိုကရေစီပြုပြင်ပြောင်းလဲမှုအတွက် အလွန်အရေးပါသော မှတ်တိုင်တစ်ခုဖြစ်ပြီး လွတ်လပ်စွာထုတ်ဖော်ခွင့်နှင့် လူ့အခွင့်အရေး လေးစားမှုကို အာမခံချက်ပေးနိုင်သည့် ကောင်းမွန်သောယှဉ်ပြိုင်မှုများဖြင့် အခြေပြုထားသည့် စိတ်ချယုံကြည်ရသော၊ ပွင့်လင်းမြင်သာမှုရှိသော၊ အားလုံးပါဝင်နိုင်သော ရွေးကောက်ပွဲဖြစ်ရေး အတွက် အသိပေးနှိုးဆော်သည့် ကြိုးပမ်းအားထုတ်မှုများကို ကူညီပံ့ပိုးပေးသွားမည်ဖြစ်ကြောင်း အဆိုပါကြေငြာချက်တွင် ပါဝင်သည်။

မြန်မာနိုင်ငံတွင် သွေးကွဲမှုနှင့် အရပ်ဘက်ပဋိပက္ခ ဖြစ်ခဲ့ဖူးသည့် သာဓကများရှိခဲ့ပါသဖြင့် ရွေးကောက်ပွဲများသည် ငြိမ်းချမ်းပြီး အားလုံးပါဝင်မှုရှိစေရန် နှိုးဆော်ပေးရန် အဆိုပါကြေငြာချက်တွင် အစိုးရ၊ ရွေးကောက်ပွဲကော်မရှင်၊ နိုင်ငံရေးပါတီများ၊ အရပ်ဘက်နှင့် ဘာသာရေး ခေါင်းဆောင်များ နှင့် နိုင်ငံသားများ အားလုံးကို တောင်းဆိုထားပါသည်။

၂၀၁၅ ရွေးကောက်ပွဲကာလအတွင်း မြန်မာနိုင်ငံနှင့် ပြည်သူပြည်သားများကို ကူညီရန် နိုင်ငံတကာက ဆုံးဖြတ်ထားပြီး ၂၀၁၆ ခု အစိုးရအသစ်တစ်ရပ် ထူထောင်သည့်ကာလ ဖြစ်စဉ်ကိုလည်း အနီးကပ်စောင့်ကြည့်သွားမည်ဟု ဆိုပါသည်။

မြန်မာနိုင်ငံတွင် လက်ရှိအသက်ဝင်နေသော ၂၀၀၈ ဖွဲ့စည်းပုံ (၃၆၄) တွင်လည်း နိုင်ငံရေးအလို့ဌာ ဘာသာသာသနာကို အလွဲသုံးစားမပြုရ။ ထို့ပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း၊ တစ်ဖက်နှင့်တစ်ဖက် တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း အမျိုးမျိုးပေါ်ပေါက်လာစေရန်ရည်ရွယ်သော သို့မဟုတ် ပေါ်ပေါက်လာစေရန် အကြောင်းရှိသော အပြုအမူသည် ဤဖွဲ့စည်းပုံနှင့်ဆန့်ကျင်သည်။ ပြစ်ဒဏ်ပေးနိုင်ရန် ဥပဒေပြဌာန်းနိုင်သည် ဟုပါရှိပါသည်။

September 16, 2015
အမေရိကန်ပြည်နယ်တစ်ခုတွင် ရေကြီး၍ လူသေဆုံးမှုများရှိ

စက်တင်ဘာ ၁၆၊ ၂၀၁၅
M-Media

– အမေရိကန်ပြည်ထောင်စု ယူတာပြည်နယ်တွင် မိုးသည်းထန်စွာ ရွာသွန်းပြီး ရေကြီးမှုများကြောင့် သေဆုံးသူ ၁၆ ဦး ရှိနေပြီဟု အာဏာပိုင်များက ယမန်နေ့တွင် ကြေညာခဲ့သည်။

ယူတာ-အရီဇိုးနားနယ်ခြားရှိ မြို့ငယ်တစ်ခုဖြစ်သော ဟီလ်ဒါလီမြို့ မြောက်ဘက် ၃၂ ကီလိုမီတာအကွာတွင် ရှိသည့် ဇီယွန်အမျိုးသားပန်းခြံတွင် တနင်္လာနေ့က ရေကြီးမှုကြောင့် သေဆုံးခဲ့သူမှာ ၁၂ ဦး ရှိခဲ့သည်။ ထို့ပြင် ပျောက်ဆုံးနေသူမှာ ၄ ဦး ရှိသည်ဟု ပန်းခြံ တာဝန်ရှိသူများက ပြောကြားခဲ့သည်။

တနင်္လာနေ့က ရေကြီးမှုကြောင့် ကားနှစ်စီးနှင့်အတူ မျောပါသွားသည့် အမျိုးသမီး ၃ ဦးနှင့် ကလေးငယ် ၁၃ ဦးအုပ်စုတွင်၊ ယမန်နေ့က ကလေးငယ် ၃ ဦးကို အသက်ရှင်လျက် ပြန်လည်တွေ့ရှိခဲ့ရကာ တစ်ဦးမှာ ပျောက်ဆုံးနေသည်ဟု အာဏာပိုင်များက ဆိုသည်။ သို့သော်လည်း သေဆုံးသူ အရေအတွက်ကို ထုတ်ဖော်ပြောဆိုခဲ့ခြင်း မရှိချေ။

ယူတာ-အရီဇိုးနား နယ်စပ်ရှိ ဟီဒါလီမြို့နှင့် ကိုလိုရာဒိုမြို့များကို ဆက်သွယ်သည့် လမ်းများမှာ ရွှံ့များဖြင့် ဖုံးလွှမ်းနေပြီး ရှင်းလင်းမှုများကို ပြုလုပ်နေသည်။ ထို့ပြင် ကယ်ဆယ်ရေးလုပ်သားများကလည်း ရဟတ်ယာဉ်ဖြင့် ရှာဖွေမှုများ ပြုလုပ်နေသည်။

ဒေသခံများကမူ အဆိုပါရေကြီးမှုမှာ ၎င်းတို့ သိရှိခဲ့သမျှ သက်တမ်းတစ်လျှောက်တွင် အဆိုးဝါးဆုံးဖြစ်သည်ဟု ပြောကြားခဲ့သည်။ အမျိုးသား မိုးလေ၀သဌာနကလည်း အဆိုပါ ဒေသများတွင် ရေကြီးမည်ဟု ကြိုတင်အသိပေးမှုများ ပြုလုပ်ခဲ့ပြီး ကုန်းမြင့်သည့်နေရာတွင် နေထိုင်ကြရန် တိုက်တွန်းထားသည်။

ယူတာပြည်နယ်အုပ်ချုပ်ရေးမှူး ဂယ်ရီဟားဘတ်က မိမိတို့မှာ ရှာဖွေ၊ ကယ်ဆယ်ရေးလုပ်ငန်းများ လုပ်ကိုင်ရန်အတွက် လိုအပ်သည်များကို ထောက်ပံ့ပေးနေသည်ဟု ပြောကြားခဲ့သည်။

Ref: Aljazeera

September 16, 2015
Facebook ၏ Dislike မကြာမီလာမည်

စက်တင်ဘာ ၁၆၊ ၂၀၁၅
M-Media

– အသုံးပြုသူများအနေဖြင့် ပို့စ်များတွင် ၎င်းတို့၏ စာနာနားလည်မှုကို ဖော်ပြနိုင်မည့် Dislike ကို မကြာမီ ထည့်သွင်းပေးသွားမည်ဟု Facebook ကို တည်ထောင်သူနှင့် အမှုဆောင်အကြီးအကဲဖြစ်သူ မာ့ခ် ဇူကာဘာ့ဂ်က ပြောကြားလိုက်သည်။

ယမန်နေ့က Facebook ရုံးချုပ်တည်ရှိရာ ကယ်လီဖိုးနီးယားရှိ မီလိုပန်းခြံတွင် ပြုလုပ်သော အမေးအဖြေကဏ္ဍ၌ ဇူကာဘာ့ဂ်က ယခုကဲ့သို့ ပြောကြားလိုက်ခြင်းဖြစ်ပြီး၊ အချို့သော ပို့စ်များ- ဥပမာ ၀မ်းနည်းစရာကောင်းသည့် ပို့စ်များအတွက် အသုံးပြုသူများက စာနာကြောင်း ဖော်ပြလိုသည့်အခါတွင် Like မှာ သင့်လျော်မှုမရှိဟု ၀န်ခံပြောကြားခဲ့သည်။

Facebook အသုံးပြုသူများကလည်း Dislike ကို ထည့်သွင်းပေးရန် နှစ်အနည်းငယ်ကတည်းက တောင်းဆိုခဲ့သည်ဟု အွန်လိုင်းမှ ဗီဒီယိုဖြင့် တိုက်ရိုက်ပြုလုပ်သည့် အဆိုပါ အမေးအဖြေတွင် ဇူကာဘာ့ဂ်က ထည့်သွင်းပြောကြားခဲ့သည်။

သို့သော်လည်း အခြားသူ၏ ပို့စ်များအား ဆန့်ကျင်ရာတွင် အသုံးပြုလာနိုင်သည့် အဆိုပါ Dislike ကို ထည့်သွင်းရန် မိမိတို့ကုမ္ပဏီမှာ စိတ်မ၀င်စားခဲ့ဟု ဆိုသည်။

“လူရာပေါင်းများစွာက ဒါနဲ့ပတ်သက်ပြီး တောင်းဆိုခဲ့ပါတယ်။ ပြီးတော့ ဒီနေ့ဟာ အထူးစပါယ်ရှယ်နေ့ပါပဲ။ ဘာ့ကြောင့်လည်းဆိုတော့ ကျွန်တော်တို့ဟာ ဒါကို ဆောင်ရွက်နေပြီဆိုတာ တကယ်ပြောရမှာ မို့လို့ပါပဲ။ ပြီးတော့ ဒါကို စမ်းသပ်အသုံးပြုခွင့်ပေးဖို့ တော်တော်လေး နီးစပ်နေပါပြီ” ဟု ဇူကာဘာ့ဂ်က ပြောကြားခဲ့သည်။

အဆိုပါ Dislike ကို မကြာမီ စမ်းသပ်သွားမည်ဖြစ်ပြီး မည်မျှ အရာရောက်သည့်အပေါ် မူတည်၍ ထည့်သွားမည်ဟု ၎င်းက ထပ်လောင်းပြောကြားခဲ့သည်။ Facebook မှာ လက်ရှိ အသုံးပြုနေသည့် Like ကို ၂၀၀၉ ခုနှစ်က စတင် မိတ်ဆက်ခဲ့ခြင်းဖြစ်သည်။

Ref: Aljazeera

September 16, 2015
မန်စီးတီးမှာ ချန်ပီယံလိဂ်အရှုံးနှင့် မထိုက်တန်ဟု ပယ်လီဂရီနီပြော

စက်တင်ဘာ ၁၆၊ ၂၀၁၅
M-Media

– ချန်ပီယံလိဂ် အုပ်စုအဖွင့်ပွဲစဉ်တွင် ဂျူဗင်တပ်စ်အား မိမိတို့အသင်းက ရှုံးနိမ့်ခဲ့မှုမှာ မထိုက်တန်ဟု မန်စီးတီးနည်းပြ မန်နျူယဲလ် ပယ်လီဂရီနီက ပြောကြားလိုက်သည်။

ယနေ့မနက်က အီတီဟတ်ကွင်းတွင် ကစားခဲ့သည့် အဆိုပါပွဲတွင် ပရီးမီးယားလိဂ်၌ ပေးဂိုးမရှိဘဲ ရာနှုန်းပြည့် အနိုင်ရရှိထားသည့် မန်စီးတီးမှာ ၅၇ မိနစ်တွင် ချီလီနီ၏ ကိုယ့်ဂိုးကိုယ်သွင်းမှုဖြင့် ဦးဆောင်ခဲ့သော်လည်း ပေါ့ဘာ၏ ဖန်တီးပေးမှုမှတစ်ဆင့် မန်ဇူကစ်က မိနစ် ၇၀ တွင် ချေပဂိုး သွင်းယူပေးခဲ့သည်။

ထို့နောက် ၈၁ မိနစ်တွင် မိုရာတာက အနိုင်ဂိုးကို လှလှပပ သွင်းယူပေးခဲ့ကာ ဂျူဗင်တပ်စ်အသင်းအား အနိုင် ၃ မှတ် ရရှိစေခဲ့သည်။

“စိတ်ပျက်စရာပါပဲ။ အရှုံးနဲ့ ထိုက်တန်တယ်လို့တော့ ကျွန်တော် မထင်ပါဘူး။ ကျွန်တော်တို့ ပိုကောင်းတဲ့အခွင့်အရေး ရခဲ့ပြီး၊ ဂျူဗင်တပ်စ်အသင်းထက်လည်း ကစားပုံ ပိုကောင်းခဲ့ပါတယ်။ ဒီပွဲဟာ သာမန် ချန်ပီယံလိဂ် ပွဲတစ်ပွဲပါ။ နှစ်သင်းစလုံးဟာ အခွင့်အရေး အများကြီး မဖန်တီးနိုင်ခဲ့ပါဘူး။ ဒါပေမယ့် ကျွန်တော်တို့က ဘောလုံးပိုင်ဆိုင်မှု ပိုရခဲ့ပါတယ်” ဟု ပယ်လီဂရီနီက ပွဲအပြီးတွင် BT Sport သို့ ပြောကြားခဲ့သည်။

မန်စီးတီးအသင်း၏ အဓိက ကွင်းလယ်လူ ယာယာတိုးယေးကလည်း ဂျူဗင်တပ်စ်အသင်းမှာ ကံကောင်းခဲ့သည်ဟု ဆိုသည်။

“အီတလီအသင်းဟာ တော်တော်ကောင်းတယ်လို့ ကျွန်တော် ထင်ပါတယ်။ သူတို့ ခံစစ်ကောင်းတယ်။ ပြီးတော့ သူတို့ ကံလည်းကောင်းသွားပါတယ်။ ကျွန်တော်တို့ကစားပုံ အဲလောက်မဆိုးပါဘူး။ အခွင့်အရေးတွေကို ကျွန်တော်တို့ လွဲချော်ခဲ့တယ်။ တောင့်တင်းအောင်လုပ်ပြီး နောက်တစ်ပွဲမှာ ပြန်လာရပါမယ်။ ကျွန်တော်တို့ ရဲရင့်ခဲ့ပြီး ဥရောပအတွေ့အကြုံကနေ သင်ယူကာ ပိုကောင်းအောင် ကြိုးစားရပါမယ်” ဟု ယာယာတိုးယေးက ပြောကြားခဲ့သည်။

Ref: Goal

September 16, 2015
မက္ကာရှိ ကရိန်းမတော်တဆမှုတွင် ထိခိုက်သူများအား ဆော်ဒီအစိုးရက ဂရုဏာကြေးနှင့် ခံစားခွင့်များ ပေးအပ်

စက်တင်ဘာ ၁၆၊ ၂၀၁၅
M-Media

– ပြီးခဲ့သည့်တစ်ပတ်က မက္ကာဟ်မြို့ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်တွင် ဖြစ်ပွားခဲ့သည့် ကရိန်းမတော်တဆမှုတွင် သေဆုံးသွားခဲ့သူများ၏ မိသားစုများနှင့် ထိခိုက်ဒဏ်ရာရသူများအတွက် ဂရုဏာကြေးနှင့် ခံစားခွင့်များ ပေးအပ်ရန် ဆော်ဒီဘုရင် ဆလ်မန်က အမိန့်ပေးခဲ့သည်။

မိုးသည်းထန်စွာရွာသွန်းပြီး၊ ပြင်းထန်သော လေတိုက်ခတ်မှုကြောင့် ဖြစ်ပွားခဲ့သည့် အဆိုပါ ဖြစ်ရပ်ဆိုးတွင် နိုင်ငံပေါင်းစုံမှ ၀တ်ပြုသူပေါင်း ၁၁၁ ဦး သေဆုံးခဲ့ရပြီး ဒဏ်ရာရရှိသူများမှာ ၃၃၁ ဦး ရှိခဲ့သည်။

ဘုရင်ဆလ်မန်က ယမန်နေ့တွင် ထုတ်ပြန်သော အမိန့်၌ သေဆုံးသူများ၏ မိသားစု တစ်စုစီနှင့် ဒဏ်ရာကြောင့် မသန်စွမ်းဖြစ်သွားသူများအား ဆော်ဒီရီယဲလ် ၁ သန်း(ကန်ဒေါ်လာ ၂၇၀၀၀၀ ခန့်)၊ အခြား ဒဏ်ရာရရှိသူများကို ရီယဲလ် ၅ သိန်း (ကန်ဒေါ်လာ ၁၃၅၀၀၀ ခန့်) ဂရုဏာကြေးပေးရန် ဖော်ပြထားသည်။

ထိုဂရုဏာကြေးမှာ နစ်နာကြေးမဟုတ်ဘဲ သေဆုံးသူများ၏ မိသားစုနှင့် ဒဏ်ရာရသူများအနေဖြင့် ၎င်းတို့ ထိခိုက်ခံစားရမှုများအတွက် နစ်နာကြေးရရှိရန် တရားရုံးမှတစ်ဆင့် တရားစွဲဆို တောင်းခံနိုင်သည်ဟုလည်း ဘုရင်ဆလ်မန်က ၎င်း၏ အမိန့်တွင် ထည့်သွင်းဖော်ပြထားသည်။

မတော်တဆမှုအတွင်း သေဆုံးသွားသူများ၏ မိသားစုတစ်စုလျှင် ၂ ဦးစီနှင့် ယခုနှစ်တွင် ဒဏ်ရာရရှိခဲ့သောကြောင့် ဟဂ်ျတာဝန်ကို မဖြည့်ဆည်းနိုင်ခဲ့သော သူများမှာ လာမည့်နှစ်တွင် ဘုရင့်ဧည့်သည်တော်အဖြစ် ဟဂ်ျပြုခွင့်ရရှိမည်ဟုလည်း ဘုရင်ကြီးက ကြေညာခဲ့သည်။ ဒဏ်ရာကြောင့် ဆေးကုသမှုခံယူနေရသူများ နိုင်ငံအတွင်း ဆက်လက်ရှိနေနိုင်ရန်အတွက် ဆော်ဒီအစိုးရက အလည်အပတ်ဗီဇာကို ထုတ်ပေးသွာမည်ဖြစ်သည်။

စုံစမ်းစစ်ဆေးမှုများအရ ကရိန်းမှာ အခင်းဖြစ်ပွားသည့်အချိန်တွင် အနေအထား မမှန်ခဲ့သည်ကို တွေ့ရှိခဲ့ရပြီး ထိုလုပ်ငန်းများကို တာဝန်ယူလုပ်ဆောင်နေသည့် ဘင်လာဒင်အုပ်စု ဆောက်လုပ်ရေးလုပ်ငန်းအား စီမံကိန်းအသစ်များ လုပ်ကိုင်ခွင့်ကို ဆော်ဒီအစိုးရက ပိတ်ပင်လိုက်သည်။

ထို့ပြင် ယခုရှိနေသည့် ဆောက်လုပ်ရေးလုပ်ငန်းကိုလည်း စုံစမ်းစစ်ဆေးမှုများ ပြီးစီးသည်အထိ ရပ်တန့်ထားရမည်ဖြစ်ပြီး၊ အမှုမပြီးမပြတ်မချင်း ကုမ္ပဏီအကြီးအကဲအား နိုင်ငံပြင်ပသို့ ထွက်ခွာခြင်းမပြုရန်လည်း အမိန့်ထုတ်ထားသည်။ သို့သော်လည်း ထိုအဖြစ်အပျက်မှာ ရာဇ၀တ်မှုမြောက်သည့် ရည်ရွယ်ချက်မရှိဟု ဆော်ဒီ တော်ဝင်တရားရုံးက ယမန်နေ့တွင် ကြေညာခဲ့သည်။

Ref: Arabnews, Aljazeera

September 16, 2015